[135] Tena kho pana samayena aññataro bhikkhu sikkāya pattaṁ
uḍḍitvā 5 daṇḍe ālaggetvā vikāle aññatarena gāmadvārena
atikkamati. Manussā esayyā 6 coro gacchati asissa vijotalatīti
1 Ma. na phāsu hoti. Yu. chattena na phāsu hoti. 2 Ma. chattaṁ dhāretunti.
3 Yu. gilānenapi atilānenapi. 4 Ma. Yu. ayaṁ pāṭho natthi. 5 Yu. uṭṭitvā.
6 Ma. Yu. esayyo.
Anupatitvā gahetvā sañjānitvā muñciṁsu. Athakho so bhikkhu
ārāmaṁ gantvā bhikkhūnaṁ etamatthaṁ ārocesi. Kiṁ pana tvaṁ
āvuso daṇḍasikkaṁ dhāresīti. Evamāvusoti. Ye te bhikkhū
appicchā .pe. Te ujjhāyanti khīyanti vipācenti kathaṁ hi
nāma bhikkhu daṇḍasikkaṁ dhāressatīti. Athakho te bhikkhū bhagavato
etamatthaṁ ārocesuṁ .pe. Vigarahitvā dhammiṁ kathaṁ katvā bhikkhū
āmantesi na bhikkhave daṇḍasikkā dhāretabbā yo dhāreyya
āpatti dukkaṭassāti.

[136] Tena kho pana samayena aññataro bhikkhu gilāno
hoti na sakkoti vinā daṇḍena āhiṇḍituṁ. Bhagavato etamatthaṁ
ārocesuṁ. Anujānāmi bhikkhave gilānassa bhikkhuno daṇḍasammatiṁ 1
dātuṁ.

[137] Evañca pana bhikkhave dātabbā. Tena gilānena
bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ
bhikkhūnaṁ pāde vanditvā ukkuṭikaṁ nisīditvā añjaliṁ paggahetvā
evamassa vacanīyo ahaṁ bhante gilāno na sakkomi vinā daṇḍena
āhiṇḍituṁ sohaṁ bhante saṅghaṁ daṇḍasammatiṁ 1 yācāmīti 2 . Dutiyampi
yācitabbā tatiyampi yācitabbā.

[138] Byattena bhikkhunā paṭibalena saṅgho ñāpetabbo
suṇātu me bhante saṅgho ayaṁ itthannāmo bhikkhu gilāno na
1 Ma. Yu. daṇḍasammutiṁ. 2 Yu. itisaddo natthi.
Sakkoti vinā daṇḍena āhiṇḍituṁ so saṅghaṁ daṇḍasammatiṁ
yācati. Yadi saṅghassa pattakallaṁ saṅgho itthannāmassa bhikkhuno
daṇḍasammatiṁ dadeyya. Esā ñatti. Suṇātu me bhante
saṅgho ayaṁ itthannāmo bhikkhu gilāno na sakkoti vinā
daṇḍena āhiṇḍituṁ so saṅghaṁ daṇḍasammatiṁ yācati. Saṅgho
itthannāmassa bhikkhuno daṇḍasammatiṁ deti. Yassāyasmato khamati
itthannāmassa bhikkhuno daṇḍasammatiyā dānaṁ so tuṇhassa yassa
nakkhamati so bhāseyya. Dinnā saṅghena itthannāmassa bhikkhuno
daṇḍasammati khamati saṅghassa tasmā tuṇhī. Evametaṁ dhārayāmīti.

[139] Tena kho pana samayena aññataro bhikkhu gilāno
hoti na sakkoti vinā sikkāya pattaṁ pariharituṁ. Bhagavato
etamatthaṁ ārocesuṁ. Anujānāmi bhikkhave gilānassa bhikkhuno
sikkāsammatiṁ dātuṁ.

[140] Evañca pana bhikkhave dātabbā. Tena gilānena
bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ
bhikkhūnaṁ pāde vanditvā ukkuṭikaṁ nisīditvā añjaliṁ paggahetvā
evamassa vacanīyo ahaṁ bhante gilāno na sakkomi vinā
sikkāya pattaṁ pariharituṁ sohaṁ bhante saṅghaṁ sikkāsammatiṁ yācāmīti.
Dutiyampi yācitabbā tatiyampi yācitabbā.

[141] Byattena bhikkhunā paṭibalena saṅgho ñāpetabbo
Suṇātu me bhante saṅgho ayaṁ itthannāmo bhikkhu gilāno na
sakkoti vinā sikkāya pattaṁ pariharituṁ so saṅghaṁ sikkāsammatiṁ
yācati. Yadi saṅghassa pattakallaṁ saṅgho itthannāmassa bhikkhuno
sikkāsammatiṁ dadeyya. Esā ñatti. Suṇātu me bhante
saṅgho ayaṁ itthannāmo bhikkhu gilāno na sakkoti vinā sikkāya
pattaṁ pariharituṁ so saṅghaṁ sikkāsammatiṁ yācati. Saṅgho itthannāmassa
bhikkhuno sikkāsammatiṁ deti. Yassāyasmato khamati
itthannāmassa bhikkhuno sikkāsammatiyā dānaṁ so tuṇhassa
yassa nakkhamati so bhāseyya. Dinnā saṅghena itthannāmassa
bhikkhuno sikkāsammati khamati saṅghassa tasmā tuṇhī.
Evametaṁ dhārayāmīti.

[142] Tena kho pana samayena aññataro bhikkhu gilāno
hoti na sakkoti vinā daṇḍena āhiṇḍituṁ na sakkoti vinā
sikkāya pattaṁ pariharituṁ. Bhagavato etamatthaṁ ārocesuṁ. Anujānāmi
bhikkhave gilānassa bhikkhuno daṇḍasikkāsammatiṁ dātuṁ. Evañca
pana bhikkhave dātabbā. Tena gilānena bhikkhunā saṅghaṁ upasaṅkamitvā
ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā
ukkuṭikaṁ nisīditvā añjaliṁ paggahetvā evamassa vacanīyo ahaṁ
bhante gilāno na sakkomi vinā daṇḍena āhiṇḍituṁ na sakkomi
vinā sikkāya pattaṁ pariharituṁ sohaṁ bhante saṅghaṁ daṇḍasikkāsammatiṁ
Yācāmīti. Dutiyampi yācitabbā tatiyampi yācitabbā.

[143] Byattena bhikkhunā paṭibalena saṅgho ñāpetabbo
suṇātu me bhante saṅgho ayaṁ itthannāmo bhikkhu gilāno na
sakkoti vinā daṇḍena āhiṇḍituṁ na sakkoti vinā sikkāya
pattaṁ pariharituṁ so saṅghaṁ daṇḍasikkāsammatiṁ yācati. Yadi
saṅghassa pattakallaṁ saṅgho itthannāmassa bhikkhuno daṇḍasikkāsammatiṁ
dadeyya. Esā ñatti. Suṇātu me bhante saṅgho ayaṁ
itthannāmo bhikkhu gilāno na sakkoti vinā daṇḍena āhiṇḍituṁ
na sakkoti vinā sikkāya pattaṁ pariharituṁ so saṅghaṁ daṇḍasikkāsammatiṁ
yācati. Saṅgho itthannāmassa bhikkhuno daṇḍasikkāsammatiṁ
deti. Yassāyasmato khamati itthannāmassa bhikkhuno daṇḍasikkāsammatiyā
dānaṁ so tuṇhassa yassa nakkhamati so bhāseyya.
Dinnā saṅghena itthannāmassa bhikkhuno daṇḍasikkāsammati khamati
saṅghassa tasmā tuṇhī. Evametaṁ dhārayāmīti.

[144] Tena kho pana samayena aññataro bhikkhu romaṭṭhako
ahosi 1 . So romaṭṭhitvā romaṭṭhitvā 2 ajjhoharati. Bhikkhū
ujjhāyanti khīyanti vipācenti vikālāyaṁ 3 bhikkhu bhojanaṁ bhuñjatīti.
Bhagavato etamatthaṁ ārocesuṁ. Eso bhikkhave bhikkhu aciraṁ
1 Ma. Yu. romandhako hoti. 2 Ma. Yu. romandhitvā romandhitvā. 3 Yu. vikāle yaṁ.
Goyoniyā cuto anujānāmi bhikkhave romaṭṭhakassa romaṭṭhaṁ 1 na
ca bhikkhave bahimukhadvāraṁ nīharitvā ajjhoharitabbaṁ yo ajjhohareyya
yathādhammo kāretabboti.