[115] Athakho āyasmā ānando pubbaṇhasamayaṁ nivāsetvā
pattacīvaramādāya yena vaḍḍhassa licchavissa nivesanaṁ tenupasaṅkami
upasaṅkamitvā vaḍḍhaṁ licchaviṁ etadavoca saṅghena te āvuso
vaḍḍha patto nikkujjito asambhogosi saṅghenāti. Athakho
vaḍḍho licchavi saṅghena kira me patto nikkujjito asambhogomhi
kira saṅghenāti tattheva mucchito papato. Athakho vaḍḍhassa
1 ito paraṁ athakho saṅgho vaḍḍhassa licchavissa pattaṁ nikkujji asambhogaṁ saṅghena
akāsīti pāṭho bhavituṁ arahatiyeva.
Licchavissa mittāmaccā ñātisālohitā vaḍḍhaṁ licchaviṁ
etadavocuṁ alaṁ āvuso vaḍḍha mā soci mā paridevi mayaṁ
bhagavantaṁ pasādessāma bhikkhusaṅghañcāti. Athakho vaḍḍho licchavi
saputtadāro samittāmacco sañātisālohito allavattho allakeso
yena bhagavā tenupasaṅkami upasaṅkamitvā bhagavato pādesu
sirasā nipatitvā bhagavantaṁ etadavoca accayo maṁ bhante accagamā
yathābālaṁ yathāmūḷhaṁ yathāakusalaṁ yohaṁ ayyaṁ dabbaṁ mallaputtaṁ
amūlikāya sīlavipattiyā anuddhaṁsesiṁ tassa me bhante bhagavā
accayaṁ accayato paṭiggaṇhātu āyatiṁ saṁvarāyāti. Iṅgha 1 tvaṁ
āvuso vaḍḍha accayo accagamā yathābālaṁ yathāmūḷhaṁ yathāakusalaṁ
yaṁ tvaṁ dabbaṁ mallaputtaṁ amūlikāya sīlavipattiyā anuddhaṁsesi yato
ca kho tvaṁ āvuso vaḍḍha accayaṁ accayato disvā yathādhammaṁ
paṭikarosi tante mayaṁ paṭiggaṇhāma vuḍḍhi hesā āvuso
vaḍḍha ariyassa vinaye yo accayaṁ accayato disvā yathādhammaṁ
paṭikaroti āyatiṁ saṁvaraṁ āpajjatīti.

[116] Athakho bhagavā bhikkhū āmantesi tenahi 2 bhikkhave
saṅgho vaḍḍhassa licchavissa pattaṁ ukkujjatu sambhogaṁ saṅghena
karotu. Aṭṭhahi bhikkhave aṅgehi samannāgatassa upāsakassa
patto ukkujjitabbo na bhikkhūnaṁ alābhāya parisakkati na
1 Ma. Yu. taggha. 2 Ma. Yu. tena hi.
Bhikkhūnaṁ anatthāya parisakkati na bhikkhūnaṁ anāvāsāya 1 parisakkati
na bhikkhū akkosati paribhāsati na bhikkhū bhikkhūhi bhedeti na
buddhassa avaṇṇaṁ bhāsati na dhammassa avaṇṇaṁ bhāsati na
saṅghassa avaṇṇaṁ bhāsati anujānāmi bhikkhave imehi aṭṭhahaṅgehi
samannāgatassa upāsakassa pattaṁ ukkujjituṁ.

[117] Evañca pana bhikkhave ukkujjitabbo. Tena bhikkhave
vaḍḍhena licchavinā saṅghaṁ upasaṅkamitvā ekaṁsaṁ uttarāsaṅgaṁ karitvā
bhikkhūnaṁ pāde vanditvā ukkuṭikaṁ nisīditvā añjaliṁ paggahetvā
evamassa vacanīyo saṅghena me bhante patto nikkujjito
asambhogomhi saṅghena sohaṁ bhante sammā vattāmi lomaṁ
pātemi netthāraṁ vattāmi saṅghaṁ pattukkujjanaṁ yācāmīti. Dutiyampi
yācitabbā 2 tatiyampi yācitabbā 2 .

[118] Byattena bhikkhunā paṭibalena saṅgho ñāpetabbo
suṇātu me bhante saṅgho saṅghena vaḍḍhassa licchavissa patto
nikkujjito asambhogo saṅghena. So sammā vattati lomaṁ
pāteti netthāraṁ vattati saṅghaṁ pattukkujjanaṁ yācati. Yadi
saṅghassa pattakallaṁ saṅgho vaḍḍhassa licchavissa pattaṁ ukkujjeyya
sambhogaṁ saṅghena kareyya. Esā ñatti. Suṇātu me bhante
saṅgho saṅghena vaḍḍhassa licchavissa patto nikkujjito
asambhogo saṅghena. So sammā vattati lomaṁ pāteti netthāraṁ
1 Ma. Yu. avāsāya. 2 Ma. yācitabbo.
Vattati saṅghaṁ pattukkujjanaṁ yācati. Saṅgho vaḍḍhassa licchavissa
pattaṁ ukkujjati sambhogaṁ saṅghena karoti. Yassāyasmato khamati
vaḍḍhassa licchavissa pattassa ukkujjanā sambhogaṁ saṅghena karaṇaṁ
so tuṇhassa yassa nakkhamati so bhāseyya. Ukkujjito
saṅghena vaḍḍhassa licchavissa patto sambhogo saṅghena khamati
saṅghassa tasmā tuṇhī. Evametaṁ dhārayāmīti.

[119] Athakho bhagavā vesāliyaṁ yathābhirantaṁ viharitvā yena
bhaggā tena cārikaṁ pakkāmi anupubbena cārikaṁ caramāno
yena bhaggā tadavasari. Tatra sudaṁ bhagavā bhaggesu viharati
suṁsumāragire 1 bhesakaḷāvane migadāye.

[120] Tena kho pana samayena bodhissa rājakumārassa kokanudo 2
nāma pāsādo acirakārito hoti anajjhāvuttho samaṇena vā
brāhmaṇena vā kenaci vā manussabhūtena. Athakho bodhi
rājakumāro sañjikāputtaṁ māṇavaṁ āmantesi ehi tvaṁ samma
sañjikāputta yena bhagavā tenupasaṅkami upasaṅkamitvā mama
vacanena bhagavato pāde sirasā vanda appābādhaṁ appātaṅkaṁ
lahuṭṭhānaṁ balaṁ phāsuvihāraṁ puccha bodhi bhante rājakumāro
bhagavato pāde sirasā vandati appābādhaṁ appātaṅkaṁ lahuṭṭhānaṁ
balaṁ phāsuvihāraṁ pucchatīti 3 evañca vadehi 4 adhivāsetu kira
1 Ma. susumāragire. 2 Yu. kokanado. 3 Yu. itisaddo na paññāyati.
4 Yu. evaṁ ca vadeti.
Bhante bhagavā bodhissa rājakumārassa svātanāya bhattaṁ saddhiṁ
bhikkhusaṅghenāti. Evaṁ bhoti kho sañjikāputto māṇavo bodhissa
rājakumārassa paṭissutvā yena bhagavā tenupasaṅkami
upasaṅkamitvā bhagavatā saddhiṁ sammodi sammodanīyaṁ kathaṁ sārāṇīyaṁ 1
vītisāretvā ekamantaṁ nisīdi. Ekamantaṁ nisinno kho sañjikāputto
māṇavo bhagavantaṁ etadavoca bodhi [2]- rājakumāro bhoto
gotamassa pāde sirasā vandati appābādhaṁ appātaṅkaṁ lahuṭṭhānaṁ
balaṁ phāsuvihāraṁ pucchati evañca vadeti adhivāsetu kira bhavaṁ
gotamo bodhissa rājakumārassa svātanāya bhattaṁ saddhiṁ bhikkhusaṅghenāti.
Adhivāsesi bhagavā tuṇhībhāvena. Athakho sañjikāputto
māṇavo bhagavato adhivāsanaṁ viditvā uṭṭhāyāsanā yena bodhi
rājakumāro tenupasaṅkami upasaṅkamitvā bodhiṁ rājakumāraṁ
etadavoca avocumha kho mayaṁ bhoto vacanena taṁ bhavantaṁ gotamaṁ
bodhi [2]- rājakumāro bhoto gotamassa pāde sirasā vandati
appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati evañca
vadeti adhivāsetu kira bhavaṁ gotamo bodhissa rājakumārassa
svātanāya bhattaṁ saddhiṁ bhikkhusaṅghenāti adhivutthañca pana samaṇena
gotamenāti.

[121] Athakho bodhi rājakumāro tassā rattiyā accayena
1 Ma. Yu. sāraṇīyaṁ. 2 Ma. Yu. kho.
Paṇītaṁ khādanīyaṁ bhojanīyaṁ paṭiyādāpetvā kokanudañca pāsādaṁ
odātehi dussehi santharāpetvā yāva pacchimā sopāṇakaḷevarā
sañjikāputtaṁ māṇavaṁ āmantesi ehi tvaṁ samma sañjikāputta
yena bhagavā tenupasaṅkami upasaṅkamitvā bhagavato kālaṁ ārocehi
kālo bhante niṭṭhitaṁ bhattanti. Evaṁ bhoti kho sañjikāputto
māṇavo bodhissa rājakumārassa paṭissutvā yena bhagavā
tenupasaṅkami upasaṅkamitvā bhagavato kālaṁ āroceti kālo 1 kho
bhante niṭṭhitaṁ bhattanti.

[122] Athakho bhagavā pubbaṇhasamayaṁ nivāsetvā pattacīvaramādāya
yena bodhissa rājakumārassa nivesanaṁ tenupasaṅkami.
Tena kho pana samayena bodhi rājakumāro bahidvārakoṭṭhake ṭhito
hoti bhagavantaṁ āgamayamāno. Addasā kho bodhi rājakumāro
bhagavantaṁ dūrato va āgacchantaṁ disvāna tato paccuggantvā
bhagavantaṁ abhivādetvā purakkhitvā 2 yena kokanudo pāsādo
tenupasaṅkami. Athakho bhagavā pacchimaṁ sopāṇakaḷevaraṁ 3 nissāya
aṭṭhāsi. Athakho bodhi rājakumāro bhagavantaṁ etadavoca akkamatu
bhante bhagavā dussāni akkamatu bhante 4 sugato dussāni yaṁ
mama assa dīgharattaṁ hitāya sukhāyāti. Evaṁ vutte bhagavā
tuṇhī ahosi. Dutiyampi kho .pe. Tatiyampi kho bodhi
rājakumāro bhagavantaṁ etadavoca akkamatu bhante bhagavā dussāni
1 Ma. Yu. kālo bho gotama. 2 Ma. purekkhatvā. Yu. purakkhatvā.
3 Ma. pacchimasopāṇakaḷevarā. Yu. sopāṇakaliṅgarā. 4 Ma. Yu. bhanteti natthi.
Akkamatu bhante 1 sugato dussāni yaṁ mama assa dīgharattaṁ hitāya
sukhāyāti. Athakho bhagavā āyasmantaṁ ānandaṁ avalokesi 2 .
Athakho āyasmā ānando bodhiṁ rājakumāraṁ etadavoca saṁharatu
rājakumāra dussāni na bhagavā ceḷapaṭikaṁ 3 akkamissati pacchimaṁ
janataṁ tathāgato anukampatīti. Athakho bodhi rājakumāro dussāni
saṁharāpetvā upari kokanude pāsāde āsanaṁ paññāpesi 4 .
Athakho bhagavā kokanudaṁ pāsādaṁ abhiruyhitvā paññatte āsane
nisīdi saddhiṁ bhikkhusaṅghena. Athakho bodhi rājakumāro buddhappamukhaṁ
bhikkhusaṅghaṁ paṇītena khādanīyena bhojanīyena sahatthā santappetvā
sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
Ekamantaṁ nisinnaṁ kho bodhiṁ rājakumāraṁ bhagavā dhammiyā kathāya
sandassetvā samādapetvā samuttejetvā sampahaṁsetvā
uṭṭhāyāsanā pakkāmi.

[123] Athakho bhagavā etasmiṁ nidāne etasmiṁ pakaraṇe
dhammiṁ kathaṁ katvā bhikkhū āmantesi na bhikkhave ceḷapaṭikā 3
akkamitabbā yo akkameyya āpatti dukkaṭassāti.

[124] Tena kho pana samayena aññatarā itthī apagatagabbhā
bhikkhū nimantetvā dussaṁ paññāpetvā etadavoca akkamatha
1 Ma. Yu. bhanteti natthi. 2 Ma. Yu. rā apalokesi. 3 Yu. ceḷapattikaṁ.
4 Ma. paññapesi.
Bhante dussanti. Bhikkhū kukkuccāyantā na akkamanti. Akkamatha
bhante dussaṁ maṅgalatthāyāti. Bhikkhū kukkuccāyantā na akkamiṁsu.
Athakho sā itthī ujjhāyati khīyati vipāceti kathaṁ hi nāma
ayyā maṅgalatthāya yāciyamānā ceḷapaṭikaṁ na akkamissantīti.
Assosuṁ kho bhikkhū tassā itthiyā ujjhāyantiyā khīyantiyā
vipācentiyā. Athakho te bhikkhū bhagavato etamatthaṁ ārocesuṁ.
Gihī bhikkhave maṅgalikā anujānāmi bhikkhave gihīnaṁ maṅgalatthāya
yāciyamānena ceḷapaṭikaṁ akkamitunti.