[95] Tena kho pana samayena bhikkhū valliyāpi 1 kāyabandhanenapi
udakaṁ vāhenti 2 .pe. Anujānāmi bhikkhave udapānarajjunti 3 .
Hatthā dukkhā honti .pe. Anujānāmi bhikkhave tulaṁ karakaṭakaṁ
cakkavaṭṭakanti. Bhājanā bahū 4 bhijjanti .pe. Anujānāmi bhikkhave
tayo vārake lohavārakaṁ dāruvārakaṁ cammakhaṇḍanti.

[96] Tena kho pana samayena bhikkhū ajjhokāse udakaṁ vāhentā
sītenapi uṇhenapi kilamanti. Bhagavato etamatthaṁ ārocesuṁ.
Anujānāmi bhikkhave udapānasālanti. Udapānasālāya tiṇacuṇṇaṁ
paripatati .pe. Anujānāmi bhikkhave ogumbetvā ullittāvalittaṁ
kātuṁ setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ
makaradantakaṁ pañcapaṭṭhikaṁ cīvaravaṁsaṁ cīvararajjunti.

[97] Tena kho pana samayena udapāno apāruto hoti.
1 Ma. Yu. vallikāyapi. 2 Yu. vāhanti. 3 Ma. Yu. udakavāhanarajjunti.
4 Yu. bahuṁ.
Tiṇacuṇṇehipi paṁsukehipi okiriyati .pe. Anujānāmi bhikkhave
apidhānanti.

[98] Tena kho pana samayena udakabhājanaṁ na saṁvijjati .pe.
Anujānāmi bhikkhave udakadoṇiṁ udakakaṭāhanti.

[99] Tena kho pana samayena bhikkhū ārāme tahaṁ tahaṁ
nahāyanti. Ārāmo cikkhallo hoti. Bhagavato etamatthaṁ
ārocesuṁ. Anujānāmi bhikkhave udakacandanikanti 1 . Candanikā
pākaṭā hoti. Bhikkhū hiriyanti nahāyituṁ .pe. Anujānāmi
bhikkhave parikkhipituṁ tayo pākāre iṭṭhakāpākāraṁ silāpākāraṁ
dārupākāranti. Candanikā cikkhallā hoti .pe. Anujānāmi
bhikkhave santharituṁ tayo santhāre 2 iṭṭhakāsanthāraṁ silāsanthāraṁ
dārusanthāranti. Udakaṁ santiṭṭhati .pe. Anujānāmi bhikkhave
udakaniddhamananti.

[100] Tena kho pana samayena bhikkhūnaṁ gattāni sītikatāni
honti. Bhagavato etamatthaṁ ārocesuṁ. Anujānāmi bhikkhave
udakapuñchaniṁ coḷakenapi paccuddharitunti.

[101] Tena kho pana samayena aññataro upāsako saṅghassa
atthāya pokkharaṇiṁ kāretukāmo hoti. Bhagavato etamatthaṁ
ārocesuṁ. Anujānāmi bhikkhave pokkharaṇinti. Pokkharaṇiyā
1 Ma. Yu. candanikanti. 2 Ma. santhare.
Kūlaṁ lujjati .pe. Anujānāmi bhikkhave cinituṁ tayo caye iṭṭhakācayaṁ
silācayaṁ dārucayanti. Ārohantā vihaññanti. Anujānāmi
bhikkhave tayo sopāṇe iṭṭhakāsopāṇaṁ silāsopāṇaṁ
dārusopāṇanti. Ārohantā paripatanti .pe. Anujānāmi
bhikkhave ālambanabāhanti. Pokkharaṇiyā udakaṁ purāṇaṁ hoti .pe.
Anujānāmi bhikkhave udakamātikaṁ 1 udakaniddhamananti.

[102] Tena kho pana samayena aññataro upāsako bhikkhusaṅghassa
atthāya nillekhaṁ jantāgharaṁ kattukāmo 2 hoti. Bhagavato etamatthaṁ
ārocesuṁ. Anujānāmi bhikkhave nillekhaṁ jantāgharanti.

[103] Tena kho pana samayena chabbaggiyā bhikkhū cātumāsaṁ
nisīdanena vippavasanti. Bhagavato etamatthaṁ ārocesuṁ. Na
bhikkhave cātumāsaṁ nisīdanena vippavasitabbaṁ yo vippavaseyya
āpatti dukkaṭassāti.

[104] Tena kho pana samayena chabbaggiyā bhikkhū pupphābhikiṇṇesu
sayanesu sayanti. Manussā vihāracārikaṁ āhiṇḍantā passitvā
ujjhāyanti khīyanti vipācenti .pe. Seyyathāpi gihī
kāmabhoginoti. Bhagavato etamatthaṁ ārocesuṁ .pe. Na bhikkhave
pupphābhikiṇṇesu sayanesu sayitabbaṁ yo sayeyya āpatti
1 Yu. udakāyatikaṁ. 2 Ma. Yu. aññataro bhikkhu saṅghassa atthāya nillekhaṁ
jantāgharaṁ kattukāmo.
Dukkaṭassāti.