[85] Tena kho pana samayena bhikkhū khuddake jantāghare majjhe
aggiṭṭhānaṁ karonti. Upacāro na hoti .pe. Anujānāmi
bhikkhave khuddake jantāghare ekamantaṁ aggiṭṭhānaṁ kātuṁ mahallake
majjheti. Jantāghare aggi mukhaṁ ḍahati .pe. Anujānāmi bhikkhave
mukhamattikanti. Hatthena mattikaṁ tementi .pe. Anujānāmi
bhikkhave mattikādoṇikanti. Mattikā duggandhā honti .pe.
Anujānāmi bhikkhave vāsetunti.

[86] Tena kho pana samayena jantāghare aggi kāyaṁ ḍahati
.pe. Anujānāmi bhikkhave udakaṁ atiharitunti. Pāṭiyāpi pattenapi
udakaṁ atiharanti .pe. Anujānāmi bhikkhave udakanidhānaṁ 2 udakasarāvakanti.
Jantāgharaṁ tiṇacchadanaṁ na sedeti .pe. Anujānāmi bhikkhave
ogumbetvā 3 ullittāvalittaṁ kātunti. Jantāgharaṁ cikkhallaṁ hoti
.pe. Anujānāmi bhikkhave santharituṁ tayo santhāre 4 iṭṭhakāsanthāraṁ
1 Ma. aggaḷavaṭṭikaṁ. 2 Yu. udakaṭṭhānaṁ. 3 Ma. Yu. ogumphetvā.
4 Ma. santhare.
Silāsanthāraṁ dārusanthāranti. Cikkhallaṁyeva hoti .pe. Anujānāmi
bhikkhave dhovitunti. Udakaṁ santiṭṭhati .pe. Anujānāmi bhikkhave
udakaniddhamananti.

[87] Tena kho pana samayena bhikkhū jantāghare chamāyaṁ nisīdanti
gattāni kaṇḍavanti 1 .pe. Anujānāmi bhikkhave jantāgharapīṭhanti.

[88] Tena kho pana samayena jantāgharaṁ aparikkhittaṁ hoti .pe.
Anujānāmi bhikkhave parikkhipituṁ tayo pākāre iṭṭhakāpākāraṁ
silāpākāraṁ dārupākāranti. Koṭṭhako na hoti .pe. Anujānāmi
bhikkhave koṭṭhakanti. Koṭṭhako nīcavatthuko hoti. Udakena
otthariyati .pe. Anujānāmi bhikkhave uccavatthukaṁ kātunti.
Cayo paripatati .pe. Anujānāmi bhikkhave cinituṁ tayo caye
iṭṭhakācayaṁ silācayaṁ dārucayanti. Ārohantā vihaññanti .pe.
Anujānāmi bhikkhave tayo sopāṇe iṭṭhakāsopāṇaṁ silāsopāṇaṁ
dārusopāṇanti. Ārohantā paripatanti .pe. Anujānāmi
bhikkhave ālambanabāhanti. Koṭṭhakassa kavāṭaṁ na hoti .pe.
Anujānāmi bhikkhave kavāṭaṁ piṭṭhasaṅghāṭaṁ udukkhalikaṁ uttarapāsakaṁ
aggaḷavaṭṭiṁ 2 kapisīsakaṁ sūcikaṁ ghaṭikaṁ tālacchiddaṁ āviñchanacchiddaṁ
āviñchanarajjunti.

[89] Tena kho pana samayena koṭṭhake tiṇacuṇṇaṁ paripatati .pe.
Anujānāmi bhikkhave ogumbetvā 3 ullittāvalittaṁ kātuṁ
1 Ma. kaṇḍūvanti. Yu. kaṇḍuvanti. 2 Ma. aggaḷavaṭṭikaṁ. 3 Ma. Yu. ogumphetvā.
Setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ
makaradantakaṁ pañcapaṭṭhikanti. Pariveṇaṁ cikkhallaṁ hoti .pe. Anujānāmi
bhikkhave marumbaṁ upakiritunti. Na pariyāpuṇanti .pe. Anujānāmi
bhikkhave padarasilaṁ 1 nikkhipitunti. Udakaṁ santiṭṭhati .pe. Anujānāmi
bhikkhave udakaniddhamananti.

[90] Tena kho pana samayena bhikkhū naggā naggaṁ abhivādenti.
Naggā anaggaṁ abhivādenti. Naggā naggaṁ abhivādāpenti. Naggā
anaggaṁ abhivādāpenti 2 . Naggā naggassa parikammaṁ karonti.
Naggā naggassa parikammaṁ kārāpenti. Naggā naggassa denti.
Naggā paṭiggaṇhanti. Naggā khādanti. Naggā bhuñjanti.
Naggā sāyanti. Naggā pivanti. Bhagavato etamatthaṁ ārocesuṁ .pe.
Na bhikkhave naggena 3 naggo abhivādetabbo na naggena
abhivādetabbaṁ na naggena 4 naggo abhivādāpetabbo na naggena
abhivādāpetabbaṁ na naggena naggassa parikammaṁ kātabbaṁ na
naggena [5]- parikammaṁ kārāpetabbaṁ na naggena naggassa dātabbaṁ na
naggena paṭiggahetabbaṁ na naggena khāditabbaṁ na naggena bhuñjitabbaṁ
1 Yu. padasilaṁ. 2 Ma. Yu. naggā naggaṁ abhivādenti. naggā naggaṁ
abhivādāpentīti. 3-4 Ma. Yu. naggenāti padaṁ na paññāyati. 5 Ma. Yu. naggassa.
Na naggena sāyitabbaṁ na naggena pātabbaṁ yo piveyya
āpatti dukkaṭassāti.

[91] Tena kho pana samayena bhikkhū jantāghare chamāyaṁ cīvaraṁ
nikkhipanti. Cīvaraṁ paṁsukitaṁ hoti. Bhagavato etamatthaṁ ārocesuṁ .pe.
Anujānāmi bhikkhave jantāghare 1 cīvaravaṁsaṁ cīvararajjunti. Deve
vassante cīvaraṁ ovassati .pe. Anujānāma bhikkhave jantāgharasālanti.
Jantāgharasālā nīcavatthukā hoti. Udakena otthariyati .pe.
Anujānāmi bhikkhave uccavatthukaṁ kātunti. Cayo paripatati .pe.
Anujānāmi bhikkhave cinituṁ .pe. Ārohantā vihaññanti .pe.
Ārohantā paripatanti .pe. Anujānāmi bhikkhave ālambanabāhanti.

[92] Tena kho pana samayena jantāgharasālāyaṁ tiṇacuṇṇaṁ
paripatati .pe. Anujānāmi bhikkhave ogumbetvā ullittāvalittaṁ
kātuṁ .pe. Cīvaravaṁsaṁ cīvararajjunti.

[93] Tena kho pana samayena bhikkhū jantāgharepi udakepi
piṭṭhiparikammaṁ 2 kātuṁ kukkuccāyanti. Bhagavato etamatthaṁ
ārocesuṁ. Anujānāmi bhikkhave tisso paṭicchādiyo jantāgharapaṭicchādiṁ
udakapaṭicchādiṁ vatthapaṭicchādinti.

[94] Tena kho pana samayena jantāghare udakaṁ na hoti.
1 Ma. Yu. ayaṁ pāṭho natthi. 2 Ma. Yu. parikammaṁ.
Bhagavato etamatthaṁ ārocesuṁ. Anujānāmi bhikkhave udapānanti.
Udapānassa kūlaṁ lujjati .pe. Anujānāmi bhikkhave cinituṁ tayo
caye iṭṭhakācayaṁ silācayaṁ dārucayanti. Udapāno nīcavatthuko
hoti. Udakena otthariyati. Bhagavato etamatthaṁ ārocesuṁ.
Anujānāmi bhikkhave uccavatthukaṁ kātunti. Cayo paripatati .pe.
Ārohantā vihaññanti .pe. Ārohantā paripatanti .pe.
Anujānāmi bhikkhave ālambanabāhanti.