[145] Tena kho pana samayena aññatarassa pūgassa saṅghabhattaṁ
hoti. Bhattagge bahū sitthāni parikiriṁsu 2 . Manussā ujjhāyanti
khīyanti vipācenti kathaṁ hi nāma samaṇā sakyaputtiyā odane
diyyamāne na sakkaccaṁ paṭiggahessanti ekamekaṁ sitthaṁ kammasatena
niṭṭhāyatīti. Assosuṁ kho bhikkhū tesaṁ manussānaṁ ujjhāyantānaṁ
khīyantānaṁ vipācentānaṁ. Athakho te bhikkhū bhagavato etamatthaṁ
ārocesuṁ .pe. Anujānāmi bhikkhave yaṁ diyyamānaṁ patati taṁ
sāmaṁ gahetvā paribhuñjituṁ taṁ kissa hetu 3 pariccattaṁ taṁ
bhikkhave dāyakehīti.

[146] Tena kho pana samayena aññataro bhikkhu dīghehi
nakhehi piṇḍāya carati. Aññatarā itthī passitvā taṁ bhikkhuṁ
etadavoca ehi bhante methunaṁ dhammaṁ paṭisevāti. Alaṁ bhagini
netaṁ kappatīti. Sace kho tvaṁ bhante na paṭisevissasi idānāhaṁ
attano nakhehi gattāni vilikhitvā kuppaṁ karissāmi ayaṁ maṁ
bhikkhu vippakarotīti. Pajānāhi 4 tvaṁ bhaginīti. Athakho sā
1 Ma. Yu. romandha .... 2 Ma. Yu. bahu sitthāni pakiriyiṁsu. 3 Ma. Yu. Rā. idaṁ
pāṭhattayaṁ na dissati. 4 Ma. Yu. Rā. pajānāsi.
Itthī attano nakhehi gattāni vilikhitvā kuppaṁ akāsi ayaṁ maṁ
bhikkhu vippakarotīti. Manussā upadhāvitvā taṁ bhikkhuṁ aggahesuṁ.
Addasaṁsu kho te manussā tassā itthiyā nakhe chavimpi lohitampi
disvā imissāyeva itthiyā idaṁ kammaṁ akārako bhikkhūti
taṁ bhikkhuṁ muñciṁsu. Athakho so bhikkhu ārāmaṁ gantvā bhikkhūnaṁ
etamatthaṁ ārocesi. Kiṁ pana tvaṁ āvuso dīghe nakhe dhāresīti.
Evamāvusoti. Ye te bhikkhū appicchā .pe. Te ujjhāyanti
khīyanti vipācenti kathaṁ hi nāma bhikkhu dīghe nakhe dhāressatīti.
Athakho te bhikkhū bhagavato etamatthaṁ ārocesuṁ .pe. Na bhikkhave
dīghā nakhā dhāretabbā yo dhāreyya āpatti dukkaṭassāti.

[147] Tena kho pana samayena bhikkhū nakhenapi nakhaṁ chindanti.
Mukhenapi nakhaṁ chindanti. Kuḍḍepi nakhaṁ ghaṁsenti. Aṅguliyo
dukkhā honti. Bhagavato etamatthaṁ ārocesuṁ .pe. Anujānāmi
bhikkhave nakhacchedananti. Salohitaṁ nakhaṁ chindanti. Aṅguliyo
dukkhā honti .pe. Anujānāmi bhikkhave maṁsappamāṇena nakhaṁ
chinditunti.

[148] Tena kho pana samayena chabbaggiyā bhikkhū vīsatimaṭṭhaṁ 1
kārāpenti. Manussā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ
1 Ma. Yu. vīsatimaṭṭaṁ.
.pe. Na bhikkhave vīsatimaṭṭhaṁ kārāpetabbaṁ yo kārāpeyya
āpatti dukkaṭassa anujānāmi bhikkhave malamattaṁ apakaḍḍhitunti.

[149] Tena kho pana samayena bhikkhūnaṁ kesā dīghā honti.
Bhagavato etamatthaṁ ārocesuṁ. Ussahanti pana bhikkhave bhikkhū
aññamaññaṁ kese oropetunti. Ussahanti bhagavāti. Athakho
bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā
.pe. Bhikkhū āmantesi anujānāmi bhikkhave khuraṁ khurasilaṁ khurasipāṭikaṁ
namatakaṁ sabbaṁ khurabhaṇḍanti.

[150] Tena kho pana samayena chabbaggiyā bhikkhū massuṁ
kappāpenti. Massuṁ vaḍḍhāpenti golomikaṁ kārāpenti.
Caturassakaṁ kārāpenti. Parimukhaṁ kārāpenti. Aḍḍharukaṁ 1 kārāpenti.
Dāṭhikaṁ ṭhapenti. Sambādhe lomaṁ saṁharāpenti. Manussā ujjhāyanti
khīyanti vipācenti .pe. Seyyathāpi gihī kāmabhoginoti .pe.
Bhagavato etamatthaṁ ārocesuṁ .pe. Na bhikkhave massu 2 kappāpetabbaṁ
na massu 2 vaḍḍhāpetabbaṁ na golomikaṁ kārāpetabbaṁ na caturassakaṁ
kārāpetabbaṁ na parimukhaṁ kārāpetabbaṁ na aḍḍharukaṁ 1 kārāpetabbaṁ
na dāṭhikā ṭhapetabbā na sambādhe lomaṁ saṁharāpetabbaṁ yo
saṁharāpeyya āpatti dukkaṭassāti.

[151] Tena kho pana samayena aññatarassa bhikkhuno sambādhe
vaṇo hoti. Bhesajjaṁ na santiṭṭhati .pe. Bhagavato etamatthaṁ
1 Ma. Yu. aḍḍhadukaṁ. 2 massuṁ.
Ārocesuṁ. Anujānāmi bhikkhave ābādhappaccayā sambādhe lomaṁ
saṁharāpetunti.

[152] Tena kho pana samayena chabbaggiyā bhikkhū kattarikāya
kese chedāpenti. Manussā ujjhāyanti khīyanti vipācenti
.pe. Seyyathāpi gihī kāmabhoginoti .pe. Bhagavato etamatthaṁ
ārocesuṁ .pe. Na bhikkhave kattarikāya kesā chedāpetabbā
yo chedāpeyya āpatti dukkaṭassāti.

[153] Tena kho pana samayena aññatarassa bhikkhuno sīse
vaṇo hoti. Na sakkoti khurena kese oropetuṁ. Bhagavato
etamatthaṁ ārocesuṁ. Anujānāmi bhikkhave ābādhappaccayā
kattarikāya kese chedāpetunti.

[154] Tena kho pana samayena bhikkhū dīghāni nāsikālomāni
dhārenti. Manussā ujjhāyanti khīyanti vipācenti .pe.
Seyyathāpi pisācillikāti .pe. Bhagavato etamatthaṁ ārocesuṁ.
Na bhikkhave dīghaṁ nāsikālomaṁ dhāretabbaṁ yo dhāreyya āpatti
dukkaṭassāti.