[165] Tena kho pana samayena chabbaggiyā bhikkhū uccāvace
vithe dhārenti sovaṇṇamayaṁ rūpiyamayaṁ. Manussā ujjhāyanti
1 Ma. Yu. Rā. passitvāti pāṭho na dissati. 2 Ma. deṭṭhbhakaṁ. 3 Ma. maddavīṇaṁ.
4 Ma. Yu. jīranti. 5 Ma. Yu. sobhaṇaṁ guṇakanti. 6 Ma. Yu. vidhanati.
Khīyanti vipācenti .pe. Seyyathāpi gihī kāmabhoginoti .pe.
Bhagavato etamatthaṁ ārocesuṁ .pe. Na bhikkhave uccāvacā vithā 1
dhāretabbā yo dhāreyya āpatti dukkaṭassa anujānāmi
bhikkhave vithe 2 aṭṭhimayaṁ dantamayaṁ visāṇamayaṁ naḷamayaṁ veḷumayaṁ
.pe. Saṅkhanābhimayaṁ suttamayanti.

[166] Tena kho pana samayena āyasmā ānando lahukā
saṅghāṭiyo pārupitvā gāmaṁ piṇḍāya pāvisi. Tassa 3 vātamaṇḍalikāya
saṅghāṭiyo ukkhipiyiṁsu. Athakho āyasmā ānando ārāmaṁ
gantvā bhikkhūnaṁ etamatthaṁ ārocesi. Bhikkhū bhagavato etamatthaṁ
ārocesuṁ .pe. Anujānāmi bhikkhave gaṇṭhikaṁ pāsakanti.

[167] Tena kho pana samayena chabbaggiyā bhikkhū uccāvacā
gaṇṭhikāyo dhārenti sovaṇṇamayaṁ rūpiyamayaṁ. Manussā ujjhāyanti
khīyanti vipācenti .pe. Seyyathāpi gihī kāmabhoginoti .pe.
Bhagavato etamatthaṁ ārocesuṁ .pe. Na bhikkhave uccāvacā
gaṇṭhikā dhāretabbā yo dhāreyya āpatti dukkaṭassa anujānāmi
bhikkhave gaṇṭhikaṁ 4 aṭṭhimayaṁ dantamayaṁ visāṇamayaṁ naḷamayaṁ veḷumayaṁ
kaṭṭhamayaṁ jatumayaṁ phalamayaṁ lohamayaṁ saṅkhanābhimayaṁ suttamayanti.

[168] Tena kho pana samayena bhikkhū gaṇṭhikampi pāsakampi
1 Ma. Yu. vidhā. 2 Ma. Yu. vitheti saddo natthi. 3 Ma. Yu. tassāti saddo natthi.
4 Ma. Yu. ayaṁ pāṭho natthi.
Cīvare appenti. Cīvaraṁ jīrati. Bhagavato etamatthaṁ ārocesuṁ
.pe. Anujānāmi bhikkhave gaṇṭhikaphalakaṁ pāsakaphalakanti. Gaṇṭhikaphalakampi
pāsakaphalakampi ante appenti. Koṇo 1 vivariyati. Bhagavato
etamatthaṁ ārocesuṁ .pe. Anujānāmi bhikkhave gaṇṭhikaphalakaṁ
ante appetuṁ pāsakaphalakaṁ sattaṅgulaṁ vā aṭṭhaṅgulaṁ vā ogāhetvā
appetunti.

[169] Tena kho pana samayena chabbaggiyā bhikkhū gihinivatthaṁ
nivāsenti hatthisoṇḍikaṁ 2 macchavāḷakaṁ catukkaṇṇakaṁ tālavaṇṭakaṁ
satavallikaṁ. Manussā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ
.pe. Na bhikkhave gihinivatthaṁ nivāsetabbaṁ hatthisoṇḍikaṁ 2 macchavāḷakaṁ
catukkaṇṇakaṁ tālavaṇṭakaṁ satavallikaṁ yo nivāseyya āpatti
dukkaṭassāti.

[170] Tena kho pana samayena chabbaggiyā bhikkhū gihipārutaṁ
pārupanti. Manussā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ
.pe. Na bhikkhave gihipārutaṁ pārupitabbaṁ yo pārupeyya āpatti
dukkaṭassāti.

[171] Tena kho samayena chabbaggiyā bhikkhū saṁvelliyaṁ
nivāsenti. Manussā ujjhāyanti khīyanti vipācenti .pe.
1 Ma. koco 2 Ma. Yu. hatthisoṇḍakaṁ.
Seyyathāpi rañño muṇḍavaṭṭīti .pe. Bhagavato etamatthaṁ
ārocesuṁ .pe. Na bhikkhave saṁvelliyaṁ nivāsetabbaṁ yo nivāseyya
āpatti dukkaṭassāti.

[172] Tena kho pana samayena chabbaggiyā bhikkhū ubhatokājaṁ
haranti. Manussā ujjhāyanti khīyanti vipācenti .pe. Seyyathāpi
rañño muṇḍavaṭṭīti .pe. Bhagavato etamatthaṁ ārocesuṁ .pe.
Na bhikkhave ubhatokājaṁ haritabbaṁ yo hareyya āpatti
dukkaṭassa anujānāmi bhikkhave ekatokājaṁ antarākājaṁ sīsabhāraṁ
khandhabhāraṁ kaṭibhāraṁ olambakanti.

[173] Tena kho pana samayena bhikkhū dantakaṭṭhaṁ na khādanti.
Mukhaṁ duggandhaṁ hoti. Bhagavato etamatthaṁ ārocesuṁ .pe.
Pañcime bhikkhave ādīnavā dantakaṭṭhassa akhādane acakkhussaṁ
mukhaṁ duggandhaṁ hoti rasaharaṇiyo na visujjhanti pittaṁpi semhaṁpi
bhattaṁ pariyonaddhati 1 bhattamassa na chādeti ime kho bhikkhave
pañca ādīnavā dantakaṭṭhassa akhādane. Pañcime bhikkhave
ānisaṁsā dantakaṭṭhassa khādane cakkhussaṁ mukhaṁ na duggandhaṁ hoti
rasaharaṇiyo visujjhanti pittaṁpi semhaṁpi bhattaṁ na pariyonaddhati 1
bhattamassa chādeti ime kho bhikkhave pañca ānisaṁsā dantakaṭṭhassa
khādane. Anujānāmi bhikkhave dantakaṭṭhanti.
1 Ma. Yu. pittaṁ semhaṁ bhattaṁ pariyonandhati.

[174] Tena kho pana samayena chabbaggiyā bhikkhū dīghāni
dantakaṭṭhāni khādanti teheva sāmaṇere 1 ākoṭenti. Bhagavato
etamatthaṁ ārocesuṁ .pe. Na bhikkhave dīghaṁ dantakaṭṭhaṁ khāditabbaṁ
yo khādeyya āpatti dukkaṭassa anujānāmi bhikkhave aṭṭhaṅgulaparamaṁ
dantakaṭṭhaṁ na ca teneva 2 sāmaṇero ākoṭetabbo yo
ākoṭeyya āpatti dukkaṭassāti.