[175] Tena kho pana samayena aññatarassa bhikkhuno
atimandāhakaṁ 3 dantakaṭṭhaṁ khādantassa kaṇṭhe vilaggaṁ hoti. Bhagavato
etamatthaṁ ārocesuṁ .pe. Na bhikkhave atimandāhakaṁ 3 dantakaṭṭhaṁ
khāditabbaṁ yo khādeyya āpatti dukkaṭassa anujānāmi
bhikkhave caturaṅgulaṁ pacchimaṁ dantakaṭṭhanti.

[176] Tena kho pana samayena chabbaggiyā bhikkhū dāyaṁ
āḷepenti 4 . Manussā ujjhāyanti khīyanti vipācenti .pe.
Seyyathāpi davaḍāhakāti .pe. Bhagavato etamatthaṁ ārocesuṁ .pe.
Na bhikkhave dāyo āḷepetabbo yo āḷepeyya āpatti
dukkaṭassāti.

[177] Tena kho pana samayena vihārā tiṇagahaṇā honti.
Davaḍāhe ḍayhamāne vihārā ḍayhanti. Bhikkhū kukkuccāyanti
1 Ma. Yu. sāmaṇeraṁ. 2 Ma. Yu. tena. 3 Ma. Yu. atimaṭāhakaṁ. 4 Ma. Yu.
ālimpenti.
Paṭaggiṁ dātuṁ parittaṁ kātuṁ. Bhagavato etamatthaṁ ārocesuṁ.
Anujānāmi bhikkhave davaḍāhe ḍayhamāne paṭaggiṁ dātuṁ parittaṁ
kātunti.

[178] Tena kho pana samayena chabbaggiyā bhikkhū rukkhaṁ
abhirūhanti rukkhā rukkhaṁ saṅkamanti. Manussā ujjhāyanti khīyanti
vipācenti .pe. Seyyathāpi makkaṭāti .pe. Bhagavato etamatthaṁ
ārocesuṁ .pe. Na bhikkhave rukkho abhirūhitabbo yo abhirūheyya
āpatti dukkaṭassāti.

[179] Tena kho pana samayena aññatarassa bhikkhuno kosalesu
janapadesu sāvatthiṁ gacchantassa antarāmagge hatthī pariyuṭṭhāsi.
Athakho so bhikkhu rukkhamūlaṁ upadhāvitvā kukkuccāyanto rukkhaṁ
nābhirūhi 1 . So hatthī aññena agamāsi. Athakho so bhikkhu
sāvatthiṁ gantvā bhikkhūnaṁ etamatthaṁ ārocesi. Bhikkhū bhagavato
etamatthaṁ ārocesuṁ. Anujānāmi bhikkhave sati karaṇīye porisiyaṁ 2
rukkhaṁ abhirūhituṁ āpadāsu yāvadatthanti.

[180] Tena kho pana samayena meṭṭhakokuṭṭhā 3 nāma bhikkhū
dve bhātikā honti brāhmaṇajātikā kalyāṇavācā kalyāṇavākkaraṇā.
Te yena bhagavā tenupasaṅkamiṁsu upasaṅkamitvā
bhagavantaṁ abhivādetvā ekamantaṁ nisīdiṁsu. Ekamantaṁ nisinnā
1 Yu. na abhirūhati. 2 Ma. porisaṁ. 3 Ma. yameḷakekuḷā. Yu. yameḷutekulā.
Kho te bhikkhū bhagavantaṁ etadavocuṁ etarahi bhante bhikkhū
nānānāmā nānāgottā nānājaccā nānākulā pabbajitā te
sakāya niruttiyā buddhavacanaṁ dūsenti handa mayaṁ bhante buddhavacanaṁ
chandaso āropemāti. Vigarahi buddho bhagavā kathaṁ hi nāma
tumhe moghapurisā evaṁ vakkhatha handa mayaṁ bhante buddhavacanaṁ
chandaso āropemāti netaṁ moghapurisā appasannānaṁ vā pasādāya
.pe. Vigarahitvā dhammiṁ kathaṁ katvā bhikkhū āmantesi na
bhikkhave buddhavacanaṁ chandaso āropetabbaṁ yo āropeyya
āpatti dukkaṭassa anujānāmi bhikkhave sakāya niruttiyā buddhavacanaṁ
pariyāpuṇitunti.

[181] Tena kho pana samayena chabbaggiyā bhikkhū lokāyataṁ
pariyāpuṇanti. Manussā ujjhāyanti khīyanti vipācenti .pe.
Seyyathāpi gihī kāmabhoginoti. Assosuṁ kho bhikkhū tesaṁ manussānaṁ
ujjhāyantānaṁ khīyantānaṁ vipācentānaṁ .pe. Athakho te bhikkhū
bhagavato etamatthaṁ ārocesuṁ .pe. Api nu kho bhikkhave lokāyate
sāradassāvī imasmiṁ dhammavinaye vuḍḍhiṁ virūḷhiṁ vepullaṁ āpajjeyyāti.
No hetaṁ bhanteti 1 . Imasmiṁ vā pana dhammavinaye sāradassāvī
lokāyataṁ pariyāpuṇeyyāti. No hetaṁ bhanteti 1 . Na bhikkhave lokāyataṁ
pariyāpuṇitabbaṁ yo pariyāpuṇeyya āpatti dukkaṭassāti.
1 Ma. Yu. itisaddo na dissati.

[182] Tena kho pana samayena chabbaggiyā bhikkhū lokāyataṁ
vācenti. Manussā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ
.pe. Na bhikkhave lokāyataṁ vācetabbaṁ yo vāceyya āpatti
dukkaṭassāti.

[183] Tena kho pana samayena chabbaggiyā bhikkhū tiracchānavijjaṁ
pariyāpuṇanti .pe. Bhagavato etamatthaṁ ārocesuṁ .pe. Na
bhikkhave tiracchānavijjā pariyāpuṇitabbā yo pariyāpuṇeyya
āpatti dukkaṭassāti.

[184] Tena kho pana samayena chabbaggiyā bhikkhū tiracchānavijjaṁ
vācenti. Manussā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ
.pe. Na bhikkhave tiracchānavijjā vācetabbā yo vāceyya
āpatti dukkaṭassāti.