[1737] Na vattabbaṁ buddhena bhagavatā dhammo desitoti.
Āmantā. Kena desitoti. Abhinimmitena desitoti. Abhinimmito
jino satthā sammāsambuddho sabbaññū sabbadassāvī dhammasāmī
dhammapaṭisaraṇoti. Na hevaṁ vattabbe .pe. Na vattabbaṁ buddhena
bhagavatā dhammo desitoti. Āmantā. Kena desitoti.
Āyasmatā ānandena desitoti. Āyasmā ānando jino satthā
sammāsambuddho sabbaññū sabbadassāvī dhammasāmī dhammapaṭisaraṇoti.
Na hevaṁ vattabbe .pe.

[1738] Na vattabbaṁ buddhena bhagavatā dhammo desitoti.
Āmantā. Nanu vuttaṁ bhagavatā saṅkhittenapi kho ahaṁ sārīputta
dhammaṁ deseyyaṁ vitthārenapi kho ahaṁ sārīputta dhammaṁ deseyyaṁ
saṅkhittavitthārenapi kho ahaṁ sārīputta dhammaṁ deseyyaṁ aññātārova
dullabhāti 1 attheva suttantoti. Āmantā. Tena hi buddhena
bhagavatā dhammo desitoti.

[1739] Na vattabbaṁ buddhena bhagavatā dhammo desitoti.
Āmantā. Nanu vuttaṁ bhagavatā abhiññāyāhaṁ bhikkhave dhammaṁ
desemi no anabhiññāya sanidānāhaṁ bhikkhave dhammaṁ desemi no
1. aṅu. tika. 171.
Anidānaṁ sappāṭihāriyāhaṁ bhikkhave dhammaṁ desemi no appāṭihāriyaṁ
yañca 1 mayhaṁ bhikkhave abhiññāya dhammaṁ desayato no anabhiññāya
sanidānaṁ dhammaṁ desayato no anidānaṁ sappāṭihāriyaṁ dhammaṁ
desayato no appāṭihāriyaṁ karaṇīyo ovādo karaṇīyā anusāsanī
alañca pana vo bhikkhave tuṭṭhiyā alaṁ attamanatāya alaṁ somanassāya
sammāsambuddho bhagavā svākkhāto 2 dhammo supaṭipanno
saṅghoti imasmiṁ ca pana veyyākaraṇasmiṁ bhaññamāne dasasahassī
lokadhātu akampitthāti 3 attheva suttantoti. Āmantā.
Tena hi buddhena bhagavatā dhammo desitoti.
Dhammadesanākathā.
-------------
Karuṇākathā

[1740] Natthi buddhassa bhagavato karuṇāti. Āmantā.
Natthi buddhassa bhagavato mettāti. Na hevaṁ vattabbe .pe.
Natthi buddhassa bhagavato karuṇāti. Āmantā. Natthi buddhassa
bhagavato muditā .pe. Upekkhāti. Na hevaṁ vattabbe .pe.

[1741] Atthi buddhassa bhagavato mettāti. Āmantā.
Atthi buddhassa bhagavato karuṇāti. Na hevaṁ vattabbe .pe. Atthi
1. Ma. Yu. yañcassa. 2. Ma. Yu. svākhyāto. 3 aṅ. tika. 361.
Buddhassa bhagavato muditā .pe. Upekkhāti. Āmantā. Atthi
buddhassa bhagavato karuṇāti. Na hevaṁ vattabbe .pe.

[1742] Natthi buddhassa bhagavato karuṇāti. Āmantā. Bhagavā
akāruṇikoti. Na hevaṁ vattabbe .pe. Nanu bhagavā kāruṇiko
lokahito lokānukampako lokatthacaroti. Āmantā. Hañci bhagavā
kāruṇiko lokahito lokānukampako lokatthacaro no vata re vattabbe
natthi buddhassa bhagavato karuṇāti.

[1743] Natthi buddhassa bhagavato karuṇāti. Āmantā. Nanu
bhagavā mahākaruṇāsamāpattiṁ samāpajjīti. Āmantā. Hañci bhagavā
mahākaruṇāsamāpattiṁ samāpajji no vata re vattabbe natthi buddhassa
bhagavato karuṇāti.

[1744] Atthi buddhassa bhagavato karuṇāti. Āmantā.
Bhagavā sarāgoti. Na hevaṁ vattabbe .pe. Tena hi natthi buddhassa
bhagavato karuṇāti.
Karuṇākathā.
---------
Gandhajātikathā

[1745] Buddhassa bhagavato uccārapassāvo ativiya aññe
gandhajāte adhiggaṇhātīti. Āmantā. Bhagavā gandhabhojīti.
Na hevaṁ vattabbe .pe. Nanu bhagavā odanakummāsaṁ bhuñjatīti.
Āmantā. Hañci bhagavā odanakummāsaṁ bhuñjati no vata re
vattabbe buddhassa bhagavato uccārapassāvo ativiya aññe gandhajāte
adhiggaṇhātīti.

[1746] Buddhassa bhagavato uccārapassāvo ativiya aññe
gandhajāte adhiggaṇhātīti. Āmantā. Atthi keci buddhassa bhagavato
uccārapassāvaṁ nhāyanti vilipanti ucchādenti peḷāya paṭisāmenti
karaṇḍāya nikkhipanti āpaṇe pasārenti tena ca gandhena
gandhakaraṇīyaṁ karontīti. Na hevaṁ vattabbe .pe.
Gandhajātikathā.
-----------
Ekamaggakathā