[1757] Paṭhamassa ca jhānassa dutiyassa ca jhānassa antare
atthi jhānantarikāti. Āmantā. Dutiyassa ca jhānassa tatiyassa ca
jhānassa antare atthi jhānantarikāti. Na hevaṁ vattabbe .pe.
Paṭhamassa ca jhānassa dutiyassa ca jhānassa antare atthi jhānantarikāti.
Āmantā. Tatiyassa ca jhānassa catutthassa ca jhānassa
Antare atthi jhānantarikāti. Na hevaṁ vattabbe .pe.

[1758] Dutiyassa ca jhānassa tatiyassa ca jhānassa antare
natthi jhānantarikāti. Āmantā. Paṭhamassa ca jhānassa dutiyassa ca
jhānassa antare natthi jhānantarikāti. Na hevaṁ vattabbe .pe.
Tatiyassa ca jhānassa catutthassa ca jhānassa antare natthi jhānantarikāti.
Āmantā. Paṭhamassa ca jhānassa dutiyassa ca jhānassa
antare natthi jhānantarikāti. Na hevaṁ vattabbe .pe.

[1759] Avitakko vicāramatto samādhi jhānantarikāti. Āmantā.
Savitakko savicāro samādhi jhānantarikāti. Na hevaṁ vattabbe
.pe. Avitakko vicāramatto samādhi jhānantarikāti. Āmantā.
Avitakko avicāro samādhi jhānantarikāti. Na hevaṁ vattabbe .pe.

[1760] Savitakko savicāro samādhi na jhānantarikāti.
Āmantā. Avitakko vicāramatto samādhi na jhānantarikāti. Na hevaṁ
vattabbe .pe. Avitakko avicāro samādhi na jhānantarikāti.
Āmantā. Avitakko vicāramatto samādhi na jhānantarikāti.
Na hevaṁ vattabbe .pe.

[1761] Dvinnaṁ jhānānaṁ paṭuppannānaṁ antare avitakko vicāramatto
samādhīti. Āmantā. Nanu avitakke vicāramatte samādhimhi
vattamāne paṭhamaṁ jhānaṁ niruddhaṁ dutiyaṁ jhānaṁ anuppannanti 1 .
Āmantā. Hañci avitakke vicāramatte samādhimhi vattamāne
1. Ma. paṭuppannaṁ.
Paṭhamaṁ jhānaṁ niruddhaṁ dutiyaṁ jhānaṁ anuppannaṁ 1 no vata re vattabbe
davinnaṁ jhānānaṁ paṭuppannānaṁ antare avitakko vicāramatto samādhi.
Jhānantarikāti.

[1762] Avitakko vicāramatto samādhi na jhānantarikāti.
Āmantā. Avitakko vicāramatto samādhi paṭhamaṁ jhānaṁ .pe. Dutiyaṁ
jhānaṁ .pe. Tatiyaṁ jhānaṁ .pe. Catutthaṁ jhānanti. Na hevaṁ vattabbe
.pe. Tena hi avitakko vicāramatto samādhi jhānantarikāti.

[1763] Avitakko vicāramatto samādhi jhānantarikāti. Āmantā.
Nanu tayo samādhi vuttā bhagavatā savitakko savicāro samādhi
avitakko vicāramatto samādhi avitakko avicāro samādhīti.
Āmantā. Hañci tayo samādhī vuttā bhagavatā savitakko savicāro
samādhi avitakko vicāramatto samādhi avitakko avicāro samādhi
no vata re vattabbe avitakko vicāramatto samādhi jhānantarikāti.
Jhānantarikakathā.
---------
Samāpanno saddaṁ suṇātītikathā

[1764] Samāpanno saddaṁ suṇātīti. Āmantā. Samāpanno
cakkhunā rūpaṁ passati .pe. Sotena .pe. Ghānena .pe. Jivhāya
.pe. Kāyena phoṭṭhabbaṁ phusatīti. Na hevaṁ vattabbe .pe.
1 Ma. paṭuppannaṁ.
Samāpanno saddaṁ suṇātīti. Āmantā. Sotaviññāṇasamaṅgī
samāpannoti. Na hevaṁ vattabbe .pe. Nanu samādhi
manoviññāṇasamaṅgissāti. Āmantā. Hañci samādhi manoviññāṇasamaṅgissa
no vata re vattabbe samāpanno saddaṁ suṇātīti.

[1765] Samādhi manoviññāṇasamaṅgissa sotaviññāṇasamaṅgī
saddaṁ suṇātīti. Āmantā. Hañci samādhi manoviññāṇasamaṅgissa
sotaviññāṇasamaṅgī saddaṁ suṇāti no vata re vattabbe samāpanno
saddaṁ suṇātīti. Samādhi manoviññāṇasamaṅgissa sotaviññāṇasamaṅgī
saddaṁ suṇātīti. Āmantā. Dvinnaṁ phassānaṁ .pe. Dvinnaṁ
cittānaṁ samodhānaṁ hotīti. Na hevaṁ vattabbe .pe.

[1766] Na vattabbaṁ samāpanno saddaṁ suṇātīti. Āmantā.
Nanu paṭhamassa jhānassa saddo kaṇṭako vutto bhagavatāti. Āmantā.
Hañci paṭhamassa jhānassa saddo kaṇṭako vutto bhagavatā tena
vata re vattabbe samāpanno saddaṁ suṇātīti. Paṭhamassa jhānassa
saddo kaṇṭako vutto bhagavatāti. Samāpanno saddaṁ suṇātīti.
Āmantā. Dutiyassa jhānassa vitakko vicāro kaṇṭako vutto
bhagavatā atthi tassa vitakkavicārāti. Na hevaṁ vattabbe .pe.
Paṭhamassa jhānassa saddo kaṇṭako vutto bhagavatāti. Samāpanno
saddaṁ suṇātīti. Āmantā. Tatiyassa jhānassa pīti kaṇṭako
catutthassa jhānassa assāsapassāso kaṇṭako ākāsānañcāyatanaṁ
Samāpannassa rūpasaññā kaṇṭako viññāṇañcāyatanaṁ samāpannassa
ākāsānañcāyatanasaññā kaṇṭako ākiñcaññāyatanaṁ samāpannassa
viññāṇañcāyatanasaññā kaṇṭako nevasaññānāsaññāyatanaṁ
samāpannassa ākiñcaññāyatanasaññā kaṇṭako saññāvedayitanirodhaṁ
samāpannassa saññā ca vedanā ca kaṇṭako vuttā 1 bhagavatā
atthi tassa saññā ca vedanā cāti. Na hevaṁ vattabbe .pe.
Samāpanno saddaṁ suṇātītikathā
-----------
cakkhunā rūpaṁ passatītikathā