[1667] Na vattabbaṁ rūpaṁ sahetukanti. Āmantā. Nanu rūpaṁ
Sappaccayanti. Āmantā. Hañci rūpaṁ sappaccayaṁ tena vata re
vattabbe rūpaṁ sahetukanti.
Rūpaṁsahetukantikathā.
---------------
Rūpaṁkusalākusalantikathā

[1668] Rūpaṁ kusalanti. Āmantā. Sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe. Nanu anārammaṇaṁ
natthi tassa āvajjanā .pe. Paṇidhīti. Āmantā.
Hañci anārammaṇaṁ natthi tassa āvajjanā .pe. Paṇidhi no
vata re vattabbe rūpaṁ kusalanti.

[1669] Alobho kusalo sārammaṇo atthi tassa āvajjanā
.pe. Paṇidhīti. Āmantā. Rūpaṁ kusalaṁ sārammaṇaṁ atthi
tassa āvajjanā .pe. Paṇidhīti. Na hevaṁ vattabbe .pe.
Adoso kusalo .pe. Amoho kusalo .pe. Saddhā viriyaṁ sati
samādhi .pe. Paññā kusalā sārammaṇā atthi tāya āvajjanā
.pe. Paṇidhīti. Āmantā. Rūpaṁ kusalaṁ sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe.

[1670] Rūpaṁ kusalaṁ anārammaṇaṁ natthi tassa āvajjanā .pe.
Paṇidhīti. Āmantā. Alobho kusalo anārammaṇo natthi tassa
Āvajjanā .pe. Paṇidhīti. Na hevaṁ vattabbe .pe. Rūpaṁ kusalaṁ
anārammaṇaṁ natthi tassa āvajjanā .pe. Paṇidhīti. Āmantā.
Adoso kusalo .pe. Paññā kusalā anārammaṇā natthi tāya
āvajjanā .pe. Paṇidhīti. Na hevaṁ vattabbe .pe.

[1671] Rūpaṁ akusalanti. Āmantā. Sārammaṇaṁ atthi
tassa āvajjanā .pe. Paṇidhīti. Na hevaṁ vattabbe .pe. Nanu
anārammaṇaṁ natthi tassa āvajjanā .pe. Paṇidhīti. Āmantā.
Hañci anārammaṇaṁ natthi tassa āvajjanā .pe. Paṇidhi no
vata re vattabbe rūpaṁ akusalanti .pe.

[1672] Lobho akusalo sārammaṇo atthi tassa āvajjanā
.pe. Paṇidhīti. Āmantā. Rūpaṁ akusalaṁ sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe. Doso
moho māno .pe. Anottappaṁ akusalaṁ sārammaṇaṁ atthi tassa
āvajjanā .pe. Paṇidhīti. Āmantā. Rūpaṁ akusalaṁ sārammaṇaṁ
atthi tassa āvajjanā .pe. Paṇidhīti. Na hevaṁ vattabbe .pe.

[1673] Rūpaṁ akusalaṁ anārammaṇaṁ natthi tassa āvajjanā
.pe. Paṇidhīti āmantā. Lobho akusalo anārammaṇo natthi
tassa āvajjanā .pe. Paṇidhīti. Na hevaṁ vattabbe .pe. Rūpaṁ
akusalaṁ anārammaṇaṁ natthi tassa āvajjanā .pe. Paṇidhīti.
Āmantā. Doso moho māno .pe. Anottappaṁ akusalaṁ anārammaṇaṁ
Natthi tassa āvajjanā .pe. Paṇidhīti. Na hevaṁ
vattabbe .pe.

[1674] Na vattabbaṁ rūpaṁ kusalampi akusalampīti. Āmantā.
Nanu kāyakammaṁ vacīkammaṁ kusalampi akusalampīti. Āmantā. Hañci
kāyakammaṁ vacīkammaṁ kusalampi akusalampi tena vata re vattabbe
rūpaṁ kusalampi akusalampīti.
Rūpaṁkusalākusalantikathā.
----------------
Rūpaṁvipākotikathā

[1675] Rūpaṁ vipākoti. Āmantā. Rūpaṁ sukhavedaniyaṁ dukkhavedaniyaṁ
adukkhamasukhavedaniyaṁ sukhāya vedanāya sampayuttaṁ dukkhāya vedanāya
sampayuttaṁ adukkhamasukhāya vedanāya sampayuttaṁ phassena sampayuttaṁ
.pe. Cittena sampayuttaṁ sārammaṇaṁ atthi tassa āvajjanā .pe.
Paṇidhīti. Na hevaṁ vattabbe .pe. Nanu na sukhavedaniyaṁ na dukkhavedaniyaṁ
.pe. Anārammaṇaṁ natthi tassa āvajjanā .pe. Paṇidhīti.
Āmantā. Hañci na sukhavedaniyaṁ na dukkhavedaniyaṁ .pe. Anārammaṇaṁ
natthi tassa āvajjanā .pe. Paṇidhi no vata re vattabbe rūpaṁ
vipākoti.

[1676] Phasso vipāko phasso sukhavedaniyo dukkhavedaniyo
.pe. Sārammaṇo atthi tassa āvajjanā .pe. Paṇidhīti.
Āmantā. Rūpaṁ vipāko rūpaṁ sukhavedaniyaṁ dukkhavedaniyaṁ .pe.
Sārammaṇaṁ atthi tassa āvajjanā .pe. Paṇidhīti. Na hevaṁ
vattabbe .pe.