[1657] Adhiggayha manasi karotīti. Āmantā. Tena
cittena taṁ cittaṁ pajānātīti. Na hevaṁ vattabbe .pe. Tena
cittena taṁ cittaṁ pajānātīti. Āmantā. Tena cittena taṁ cittaṁ
cittanti pajānātīti. Na hevaṁ vattabbe .pe. Tena cittena taṁ cittaṁ
cittanti pajānātīti. Āmantā. Taṁ cittaṁ tassa cittassa
ārammaṇanti. Na hevaṁ vattabbe .pe. Taṁ cittaṁ tassa cittassa
ārammaṇanti. Āmantā. Tena phassena taṁ phassaṁ phusati tāya
vedanāya .pe. Tāya saññāya .pe. Tāya cetanāya .pe.
Tena cittena .pe. Tena vitakkena .pe. Tena vicārena .pe.
Tāya pītiyā .pe. Tāya satiyā .pe. Tāya paññāya taṁ
paññaṁ pajānātīti. Na hevaṁ vattabbe .pe. Atītaṁ atītanti manasikaronto
anāgataṁ anāgatanti manasi karotīti. Na hevaṁ vattabbe
.pe. Atītaṁ atītanti manasikaronto anāgataṁ anāgatanti manasi
karotīti. Āmantā. Dvinnaṁ phassānaṁ .pe. Dvinnaṁ cittānaṁ
samodhānaṁ hotīti. Na hevaṁ vattabbe .pe. Atītaṁ atītanti
manasikaronto paccuppannaṁ paccuppannanti manasi karotīti. Na
hevaṁ vattabbe .pe. Atītaṁ atītanti manasikaronto paccuppannaṁ
paccuppannanti manasi karotīti. Āmantā. Dvinnaṁ phassānaṁ
.pe. Dvinnaṁ cittānaṁ samodhānaṁ hotīti. Na hevaṁ vattabbe
.pe. Atītaṁ atītanti manasikaronto anāgataṁ anāgatanti manasi
karoti paccuppannaṁ paccuppannanti manasi karotīti. Na hevaṁ
vattabbe .pe. Atītaṁ atītanti manasikaronto anāgataṁ anāgatanti
manasi karoti paccuppannaṁ paccuppannanti manasi karotīti.
Āmantā. Tiṇṇaṁ phassānaṁ .pe. Tiṇṇaṁ cittānaṁ samodhānaṁ
hotīti. Na hevaṁ vattabbe .pe. Anāgataṁ anāgatanti manasikaronto
atītaṁ atītanti manasi karotīti. Na hevaṁ vattabbe
.pe. Anāgataṁ anāgatanti manasikaronto atītaṁ atītanti manasi
karotīti. Āmantā. Dvinnaṁ phassānaṁ .pe. Dvinnaṁ cittānaṁ
samodhānaṁ hotīti. Na hevaṁ vattabbe .pe. Anāgataṁ anāgatanti
manasikaronto paccuppannaṁ paccuppannanti manasi karotīti.
Na hevaṁ vattabbe .pe. Anāgataṁ anāgatanti manasikaronto
paccuppannaṁ paccuppannanti manasi karotīti. Āmantā. Dvinnaṁ
phassānaṁ .pe. Dvinnaṁ cittānaṁ samodhānaṁ hotīti. Na hevaṁ
vattabbe .pe. Anāgataṁ anāgatanti manasikaronto atītaṁ atītanti
manasi karoti paccuppannaṁ paccuppannanti manasi karotīti. Na
hevaṁ vattabbe .pe. Anāgataṁ anāgatanti manasikaronto atītaṁ
atītanti manasi karoti paccuppannaṁ paccuppannanti manasi karotīti.
Āmantā. Tiṇṇaṁ phassānaṁ .pe. Tiṇṇaṁ cittānaṁ samodhānaṁ
hotīti. Na hevaṁ vattabbe .pe. Paccuppannaṁ paccuppannanti
Manasikaronto atītaṁ atītanti manasi karotīti. Na hevaṁ vattabbe
.pe. Paccuppannaṁ paccuppannanti manasikaronto atītaṁ atītanti
manasi karotīti. Āmantā. Dvinnaṁ phassānaṁ .pe. Dvinnaṁ
cittānaṁ samodhānaṁ hotīti. Na hevaṁ vattabbe .pe. Paccuppannaṁ
paccuppannanti manasikaronto anāgataṁ anāgatanti manasi karotīti.
Na hevaṁ vattabbe .pe. Paccuppannaṁ paccuppannanti. Manasikaronto
anāgataṁ anāgatanti manasi karotīti. Āmantā.
Dvinnaṁ phassānaṁ .pe. Dvinnaṁ cittānaṁ samodhānaṁ hotīti. Na
hevaṁ vattabbe .pe. Paccuppannaṁ paccuppannanti manasikaronto
atītaṁ atītanti manasi karoti anāgataṁ anāgatanti manasi karotīti. Na
hevaṁ vattabbe .pe. Paccuppannaṁ paccuppannanti manasikaronto
atītaṁ atītanti manasi karoti anāgataṁ anāgatanti manasi karotīti.
Āmantā. Tiṇṇaṁ phassānaṁ .pe. Tiṇṇaṁ cittānaṁ samodhānaṁ
hotīti. Na hevaṁ vattabbe .pe.

[1658] Na vattabbaṁ adhiggayha manasi karotīti. Āmantā.
Nanu vuttaṁ bhagavatā
sabbe saṅkhārā aniccāti 1 yadā paññāya passati
atha nibbindati dukkhe esa maggo visuddhiyā
sabbe saṅkhārā dukkhāti yadā paññāya passati
atha nibbindati dukkhe esa maggo visuddhiyā
1 Ma. poṭaṭhake itisaddo natthi.
Sabbe dhammā anattāti yadā paññāya passati
atha nibbindati dukkhe esa maggo visuddhiyāti 1
attheva suttantoti. Āmantā. Tena hi adhiggayha manasi karotīti.
Adhiggayhamanasikārakathā.
-------------
Rūpaṁhetūtikathā

[1659] Rūpaṁ hetūti. Āmantā. Alobho hetūti. Na hevaṁ
vattabbe .pe. Adoso hetu .pe. Amoho hetu lobho hetu
doso hetu moho hetūti. Na hevaṁ vattabbe .pe. Rūpaṁ hetūti.
Āmantā. Sārammaṇaṁ atthi tassa āvajjanā .pe. Paṇidhīti.
Na hevaṁ vattabbe .pe. Nanu anārammaṇaṁ natthi tassa āvajjanā
.pe. Paṇidhīti. Āmantā. Hañci anārammaṇaṁ natthi tassa
āvajjanā .pe. Paṇidhi no vata re vattabbe rūpaṁ hetūti.

[1660] Alobho hetu sārammaṇo atthi tassa āvajjanā
.pe. Paṇidhīti. Āmantā. Rūpaṁ hetu sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe. Adoso
hetu amoho hetu lobho hetu doso hetu moho hetu
sārammaṇo atthi tassa āvajjanā .pe. Paṇidhīti. Āmantā.
1 khu. dha. 43.
Rūpaṁ hetu sārammaṇaṁ atthi tassa āvajjanā .pe. Paṇidhīti.
Na hevaṁ vattabbe .pe.

[1661] Rūpaṁ hetu anārammaṇaṁ natthi tassa āvajjanā .pe.
Paṇidhīti. Āmantā. Alobho hetu anārammaṇo natthi tassa
āvajjanā .pe. Paṇidhīti. Na hevaṁ vattabbe .pe. Rūpaṁ hetu
anārammaṇaṁ natthi tassa āvajjanā .pe. Paṇidhīti. Āmantā.
Adoso hetu amoho hetu lobho hetu doso hetu moho
hetu anārammaṇo natthi tassa āvajjanā .pe. Paṇidhīti.
Na hevaṁ vattabbe .pe.

[1662] Na vattabbaṁ rūpaṁ hetūti. Āmantā. Nanu mahābhūtā
upādāyarūpānaṁ upādāyahetūti. Āmantā. Hañci mahābhūtā
upādāyarūpānaṁ upādāyahetu tena vata re vattabbe rūpaṁ hetūti.
Rūpaṁhetūtikathā.
------------
Rūpaṁsahetukantikathā

[1663] Rūpaṁ sahetukanti. Āmantā. Alobhahetunāti.
Na hevaṁ vattabbe .pe. Adosahetunāti .pe. Amohahetunāti
.pe. Lobhahetunāti .pe. Dosahetunāti .pe. Mohahetunāti.
Na hevaṁ vattabbe .pe.

[1664] Rūpaṁ sahetukanti. Āmantā. Sārammaṇaṁ atthi
tassa āvajjanā .pe. Paṇidhīti. Na hevaṁ vattabbe .pe.
Nanu anārammaṇaṁ natthi tassa āvajjanā .pe. Paṇidhīti.
Āmantā. Hañci anārammaṇaṁ natthi tassa āvajjanā .pe.
Paṇidhi no vata re vattabbe rūpaṁ sahetukanti.

[1665] Alobho sahetuko sārammaṇo atthi tassa āvajjanā
.pe. Paṇidhīti. Āmantā. Rūpaṁ sahetukaṁ sārammaṇaṁ atthi
tassa āvajjanā .pe. Paṇidhīti. Na hevaṁ vattabbe .pe.
Adoso sahetuko .pe. Amoho saddhā viriyaṁ sati samādhi paññā
lobho doso moho māno diṭṭhi vicikicchā thīnaṁ uddhaccaṁ ahirikaṁ
anottappaṁ sahetukaṁ sārammaṇaṁ atthi tassa āvajjanā .pe.
Paṇidhīti. Āmantā. Rūpaṁ sahetukaṁ sārammaṇaṁ atthi tassa
āvajjanā .pe. Paṇidhīti. Na hevaṁ vattabbe .pe.

[1666] Rūpaṁ sahetukaṁ anārammaṇaṁ natthi tassa āvajjanā
.pe. Paṇidhīti. Āmantā. Alobho sahetuko anārammaṇo natthi
tassa āvajjanā .pe. Paṇidhīti. Na hevaṁ vattabbe .pe. Rūpaṁ
sahetukaṁ anārammaṇaṁ natthi tassa āvajjanā .pe. Paṇidhīti.
Āmantā. Adoso sahetuko .pe. Anottappaṁ sahetukaṁ anārammaṇaṁ
natthi tassa āvajjanā .pe. Paṇidhīti. Na hevaṁ vattabbe .pe.