[1497] Sattakkhattuṁparamo puggalo sattakkhattuṁparamatāniyatoti.
Āmantā. Sakadāgāminiyamenāti. Na hevaṁ vattabbe .pe.
Anāgāminiyamenāti. Na hevaṁ vattabbe .pe. Arahattaniyamenāti.
Na hevaṁ vattabbe .pe. Katamena niyamenāti. Sotāpattiniyamenāti.

[1498] Sattakkhattuṁparamo puggalo sattakkhattuṁparamatāniyatoti.
Āmantā. Ye keci sotāpattiniyāmaṁ okkamanti sabbe te
sattakkhattuṁparamatāniyatāti. Na hevaṁ vattabbe .pe.

[1499] Na vattabbaṁ sattakkhattuṁparamo puggalo sattakkhattuṁ-
paramatāniyatoti. Āmantā. Nanu so sattakkhattuṁparamoti.
Āmantā. Hañci so sattakkhattuṁparamo tena vata re vattabbe
sattakkhattuṁparamo puggalo sattakkhattuṁparamatāniyatoti.
Sattakkhattuṁparamakathā.
Kolaṁkolaekavījīkathā

[1500] Na vattabbaṁ kolaṁkolo puggalo kolaṁkolatāniyatoti.
Āmantā. Nanu so kolaṁkoloti. Āmantā. Hañci so kolaṁkolo
tena vata re vattabbe kolaṁkolo puggalo kolaṁkolatāniyatoti.

[1501] Na vattabbaṁ ekavījī puggalo ekavījitāniyatoti.
Āmantā. Nanu so ekavījīti. Āmantā. Hañci so ekavījī
tena vata re vattabbe ekavījī puggalo ekavījitāniyatoti.
Kolaṁkolaekavījīkathā.
------------
Jīvitā voropanakathā

[1502] Diṭṭhisampanno puggalo sañcicca pāṇaṁ jīvitā
voropeyyāti. Āmantā. Diṭṭhisampanno puggalo sañcicca
mātaraṁ jīvitā voropeyya .pe. Pitaraṁ jīvitā voropeyya .pe.
Arahantaṁ jīvitā voropeyya .pe. Duṭṭhena cittena tathāgatassa lohitaṁ
uppādeyya .pe. Saṅghaṁ bhindeyyāti. Na hevaṁ vattabbe .pe.

[1503] Diṭṭhisampanno puggalo sañcicca pāṇaṁ jīvitā
voropeyyāti. Āmantā. Diṭṭhisampanno puggalo satthari
agāravoti. Na hevaṁ vattabbe .pe. Dhamme .pe. Saṅghe
.pe. Sikkhāya agāravoti. Na hevaṁ vattabbe .pe.

[1504] Nanu diṭṭhisampanno puggalo satthari sagāravoti.
Āmantā. Hañci diṭṭhisampanno puggalo satthari sagāravo no
vata re vattabbe diṭṭhisampanno puggalo sañcicca pāṇaṁ jīvitā
voropeyyāti. Nanu diṭṭhisampanno puggalo dhamme .pe. Saṅghe
.pe. Sikkhāya sagāravoti. Āmantā. Hañci diṭṭhisampanno
puggalo sikkhāya sagāravo no vata re vattabbe diṭṭhisampanno
puggalo sañcicca pāṇaṁ jīvitā voropeyyāti.

[1505] Diṭṭhisampanno puggalo satthari agāravoti. Āmantā.
Diṭṭhisampanno puggalo buddhathūpe ohaneyya omutteyya niṭṭhubheyya
buddhathūpe apabyāmato 1 kareyyāti. Na hevaṁ vattabbe .pe.

[1506] Diṭṭhisampanno puggalo sañcicca pāṇaṁ jīvitā
voropeyyāti. Āmantā. Nanu vuttaṁ bhagavatā seyyathāpi
bhikkhave mahāsamuddo ṭhitadhammo velannātivattati evameva kho bhikkhave
yaṁ mayā sāvakānaṁ sikkhāpadaṁ paññattaṁ taṁ mama sāvakā jīvitahetupi
nātikkamantīti 2 attheva suttantoti. Āmantā. Tena hi na vattabbaṁ
diṭṭhisampanno puggalo sañcicca pāṇaṁ jīvitā voropeyyāti.
Jīvitāvoropanakathā.
1. Ma. abyāsakato. 2 khu. u. 127.
Duggatikathā