[1407] Sīlaṁ acetasikanti. Āmantā. Rūpaṁ nibbānaṁ
cakkhāyatanaṁ .pe. Kāyāyatanaṁ .pe. Rūpāyatanaṁ .pe. Phoṭṭhabbāyatananti.
Na hevaṁ vattabbe .pe. Sīlaṁ acetasikanti.
Āmantā. Phasso acetasikoti. Na hevaṁ vattabbe .pe. Sīlaṁ
acetasikanti. Āmantā. Vedanā .pe. Saññā .pe.
Cetanā .pe. Saddhā .pe. Viriyaṁ .pe. Sati .pe. Samādhi
.pe. Paññā acetasikāti. Na hevaṁ vattabbe .pe.

[1408] Phasso cetasikoti. Āmantā. Sīlaṁ cetasikanti.
Na hevaṁ vattabbe .pe. Vedanā .pe. Saññā .pe. Cetanā
1 Yu. Ma. chinnasīlo.
.pe. Saddhā .pe. Viriyaṁ .pe. Sati .pe. Samādhi .pe.
Paññā cetasikāti. Āmantā. Sīlaṁ cetasikanti. Na hevaṁ
vattabbe .pe.

[1409] Sīlaṁ acetasikanti. Āmantā. Aniṭṭhaphalanti. Na
hevaṁ vattabbe .pe. Nanu iṭṭhaphalanti. Āmantā. Hañci
iṭṭhaphalaṁ no vata re vattabbe sīlaṁ acetasikanti.

[1410] Saddhā iṭṭhaphalā saddhā cetasikāti. Āmantā. Sīlaṁ
iṭṭhaphalaṁ sīlaṁ cetasikanti. Na hevaṁ vattabbe .pe. Viriyaṁ sati
samādhi .pe. Paññā iṭṭhaphalā paññā cetasikāti. Āmantā.
Sīlaṁ iṭṭhaphalaṁ sīlaṁ cetasikanti. Na hevaṁ vattabbe .pe.

[1411] Sīlaṁ iṭṭhaphalaṁ sīlaṁ acetasikanti. Āmantā.
Saddhā iṭṭhaphalā saddhā acetasikāti. Na hevaṁ vattabbe .pe.
Sīlaṁ iṭṭhaphalaṁ sīlaṁ acetasikanti. Āmantā. Viriyaṁ .pe.
Sati samādhi .pe. Paññā iṭṭhaphalā paññā acetasikāti.
Na hevaṁ vattabbe .pe.

[1412] Sīlaṁ acetasikanti. Āmantā. Aphalaṁ avipākanti. Na
hevaṁ vattabbe .pe. Nanu saphalaṁ savipākanti. Āmantā. Hañci
saphalaṁ savipākaṁ no vata re vattabbe sīlaṁ acetasikanti .pe.

[1413] Cakkhāyatanaṁ acetasikaṁ avipākanti. Āmantā. Sīlaṁ
acetasikaṁ avipākanti. Na hevaṁ vattabbe .pe. Sotāyatanaṁ .pe.
Kāyāyatanaṁ .pe. Rūpāyatanaṁ .pe. Phoṭṭhabbāyatanaṁ acetasikaṁ
avipākanti. Āmantā. Sīlaṁ acetasikaṁ avipākanti. Na hevaṁ
vattabbe .pe.

[1414] Sīlaṁ acetasikaṁ savipākanti. Āmantā. Cakkhāyatanaṁ
acetasikaṁ savipākanti. Na hevaṁ vattabbe .pe. Sīlaṁ acetasikaṁ
savipākanti. Āmantā. Sotāyatanaṁ .pe. Kāyāyatanaṁ .pe.
Rūpāyatanaṁ .pe. Phoṭṭhabbāyatanaṁ acetasikaṁ savipākanti. Na hevaṁ
vattabbe .pe.

[1415] Sammāvācā acetasikāti. Āmantā. Sammādiṭṭhi
acetasikāti. Na hevaṁ vattabbe .pe. Sammāvācā acetasikāti.
Āmantā. Sammāsaṅkappo .pe. Sammāvāyāmo .pe. Sammāsati
.pe. Sammāsamādhi acetasikoti. Na hevaṁ vattabbe .pe.
Sammākammanto .pe. Sammāājīvo acetasikoti. Āmantā.
Sammādiṭṭhi acetasikāti. Na hevaṁ vattabbe .pe. Sammāājīvo
acetasikoti. Āmantā. Sammāsaṅkappo .pe. Sammāvāyāmo
.pe. Sammāsati .pe. Sammāsamādhi acetasikoti. Na hevaṁ
vattabbe .pe.

[1416] Sammādiṭṭhi cetasikāti. Āmantā. Sammāvācā
cetasikāti. Na hevaṁ vattabbe .pe. Sammādiṭṭhi cetasikāti.
Āmantā. Sammākammanto .pe. Sammāājīvo cetasikoti.
Na hevaṁ vattabbe .pe. Sammāsaṅkappo .pe. Sammāvāyāmo
sammāsati .pe. Sammāsamādhi cetasikoti. Āmantā. Sammāvācā
cetasikāti. Na hevaṁ vattabbe .pe. Sammāsamādhi cetasikoti.
Āmantā. Sammākammanto .pe. Sammāājīvo cetasikoti.
Na hevaṁ vattabbe .pe.