[610] Katamantaṁ rūpaṁ bāhiraṁ nasotāyatanaṁ .pe. Naghānāyatanaṁ
.pe. Najivhāyatanaṁ .pe. Nakāyāyatanaṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nakāyāyatanaṁ. Katamantaṁ
rūpaṁ ajjhattikaṁ kāyāyatanaṁ yo kāyo catunnaṁ mahābhūtānaṁ upādāya
pasādo .pe. Suñño gāmopeso idantaṁ rūpaṁ ajjhattikaṁ
kāyāyatanaṁ. Katamantaṁ rūpaṁ ajjhattikaṁ nakāyāyatanaṁ cakkhāyatanaṁ
.pe. Jivhāyatanaṁ idantaṁ rūpaṁ ajjhattikaṁ nakāyāyatanaṁ.

[611] Katamantaṁ rūpaṁ ajjhattikaṁ narūpāyatanaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ narūpāyatanaṁ. Katamantaṁ
rūpaṁ bāhiraṁ rūpāyatanaṁ yaṁ rūpaṁ catunnaṁ mahābhūtānaṁ upādāya
vaṇṇanibhā .pe. Rūpadhātupesā idantaṁ rūpaṁ bāhiraṁ rūpāyatanaṁ.
Katamantaṁ rūpaṁ bāhiraṁ narūpāyatanaṁ saddāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ narūpāyatanaṁ.

[612] Katamantaṁ rūpaṁ ajjhattikaṁ nasaddāyatanaṁ .pe. Nagandhāyatanaṁ
.pe. Narasāyatanaṁ .pe. Naphoṭṭhabbāyatanaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ naphoṭṭhabbāyatanaṁ.
Katamantaṁ rūpaṁ bāhiraṁ phoṭṭhabbāyatanaṁ paṭhavīdhātu .pe. Phoṭṭhabbadhātupesā
idantaṁ rūpaṁ bāhiraṁ phoṭṭhabbāyatanaṁ. Katamantaṁ rūpaṁ
bāhiraṁ naphoṭṭhabbāyatanaṁ rūpāyatanaṁ .pe. Kabaḷiṁkāro āhāro
idantaṁ rūpaṁ bāhiraṁ naphoṭṭhabbāyatanaṁ.

[613] Katamantaṁ rūpaṁ bāhiraṁ nacakkhudhātu rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nacakkhudhātu. Katamantaṁ
rūpaṁ ajjhattikaṁ cakkhudhātu cakkhāyatanaṁ idantaṁ rūpaṁ ajjhattikaṁ
cakkhudhātu. Katamantaṁ rūpaṁ ajjhattikaṁ nacakkhudhātu sotāyatanaṁ
.pe. Kāyāyatanaṁ idantaṁ rūpaṁ ajjhattikaṁ nacakkhudhātu.

[614] Katamantaṁ rūpaṁ bāhiraṁ nasotadhātu .pe. Naghānadhātu
.pe. Najivhādhātu .pe. Nakāyadhātu rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nakāyadhātu. Katamantaṁ
Rūpaṁ ajjhattikaṁ kāyadhātu kāyāyatanaṁ idantaṁ rūpaṁ ajjhattikaṁ
kāyadhātu. Katamantaṁ rūpaṁ ajjhattikaṁ nakāyadhātu cakkhāyatanaṁ
.pe. Jivhāyatanaṁ idantaṁ rūpaṁ ajjhattikaṁ nakāyadhātu.

[615] Katamantaṁ rūpaṁ ajjhattikaṁ narūpadhātu cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ narūpadhātu. Katamantaṁ rūpaṁ bāhiraṁ
rūpadhātu rūpāyatanaṁ idantaṁ rūpaṁ bāhiraṁ rūpadhātu. Katamantaṁ rūpaṁ
bāhiraṁ narūpadhātu saddāyatanaṁ .pe. Kabaḷiṁkāro āhāro
idantaṁ rūpaṁ bāhiraṁ narūpadhātu.

[616] Katamantaṁ rūpaṁ ajjhattikaṁ nasaddadhātu .pe. Nagandhadhātu
.pe. Narasadhātu .pe. Naphoṭṭhabbadhātu cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ naphoṭṭhabbadhātu. Katamantaṁ
rūpaṁ bāhiraṁ phoṭṭhabbadhātu phoṭṭhabbāyatanaṁ idantaṁ rūpaṁ bāhiraṁ
phoṭṭhabbadhātu. Katamantaṁ rūpaṁ bāhiraṁ naphoṭṭhabbadhātu rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ naphoṭṭhabbadhātu.

[617] Katamantaṁ rūpaṁ bāhiraṁ nacakkhundriyaṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nacakkhundriyaṁ. Katamantaṁ
rūpaṁ ajjhattikaṁ cakkhundriyaṁ yaṁ cakkhuṁ catunnaṁ mahābhūtānaṁ upādāya
pasādo .pe. Suñño gāmopeso idantaṁ rūpaṁ ajjhattikaṁ
cakkhundriyaṁ. Katamantaṁ rūpaṁ ajjhattikaṁ nacakkhundriyaṁ sotāyatanaṁ
.pe. Kāyāyatanaṁ idantaṁ rūpaṁ ajjhattikaṁ nacakkhundriyaṁ.

[618] Katamantaṁ rūpaṁ bāhiraṁ nasotindriyaṁ .pe. Naghānindriyaṁ
.pe. Najivhindriyaṁ .pe. Nakāyindriyaṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nakāyindriyaṁ. Katamantaṁ
rūpaṁ ajjhattikaṁ kāyindriyaṁ yo kāyo catunnaṁ mahābhūtānaṁ upādāya
pasādo .pe. Suñño gāmopeso idantaṁ rūpaṁ ajjhattikaṁ
kāyindriyaṁ. Katamantaṁ rūpaṁ ajjhattikaṁ nakāyindriyaṁ cakkhāyatanaṁ
.pe. Jivhāyatanaṁ idantaṁ rūpaṁ ajjhattikaṁ nakāyindriyaṁ.

[619] Katamantaṁ rūpaṁ ajjhattikaṁ naitthindriyaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ naitthindriyaṁ.
Katamantaṁ rūpaṁ bāhiraṁ itthindriyaṁ yaṁ itthiyā itthīliṅgaṁ itthīnimittaṁ
itthīkuttaṁ itthākappo itthittaṁ itthībhāvo idantaṁ rūpaṁ bāhiraṁ
itthindriyaṁ. Katamantaṁ rūpaṁ bāhiraṁ naitthindriyaṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ naitthindriyaṁ.