[600] Katamantaṁ rūpaṁ ajjhattikaṁ santike cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ santike. Katamantaṁ rūpaṁ
bāhiraṁ dūre itthindriyaṁ .pe. Kabaḷiṁkāro āhāro idantaṁ
rūpaṁ bāhiraṁ dūre. Katamantaṁ rūpaṁ bāhiraṁ santike rūpāyatanaṁ
.pe. Phoṭṭhabbāyatanaṁ idantaṁ rūpaṁ bāhiraṁ santike.

[601] Katamantaṁ rūpaṁ bāhiraṁ cakkhusamphassassa navatthu rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ cakkhusamphassassa navatthu.
Katamantaṁ rūpaṁ ajjhattikaṁ cakkhusamphassassa vatthu cakkhāyatanaṁ
idantaṁ rūpaṁ ajjhattikaṁ cakkhusamphassassa vatthu. Katamantaṁ rūpaṁ
ajjhattikaṁ cakkhusamphassassa navatthu sotāyatanaṁ .pe. Kāyāyatanaṁ
idantaṁ rūpaṁ ajjhattikaṁ cakkhusamphassassa navatthu.

[602] Katamantaṁ rūpaṁ bāhiraṁ cakkhusamphassajāya vedanāya .pe.
Saññāya .pe. Cetanāya .pe. Cakkhuviññāṇassa navatthu
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ cakkhuviññāṇassa
navatthu. Katamantaṁ rūpaṁ ajjhattikaṁ cakkhuviññāṇassa
vatthu cakkhāyatanaṁ idantaṁ rūpaṁ ajjhattikaṁ cakkhuviññāṇassa vatthu.
Katamantaṁ rūpaṁ ajjhattikaṁ cakkhuviññāṇassa navatthu sotāyatanaṁ
.pe. Kāyāyatanaṁ idantaṁ rūpaṁ ajjhattikaṁ cakkhuviññāṇassa
navatthu.

[603] Katamantaṁ rūpaṁ bāhiraṁ sotasamphassassa .pe. Ghānasamphassassa
.pe. Jivhāsamphassassa .pe. Kāyasamphassassa navatthu
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ
kāyasamphassassa navatthu. Katamantaṁ rūpaṁ ajjhattikaṁ kāyasamphassassa
vatthu kāyāyatanaṁ idantaṁ rūpaṁ ajjhattikaṁ kāyasamphassassa vatthu.
Katamantaṁ rūpaṁ ajjhattikaṁ kāyasamphassassa navatthu cakkhāyatanaṁ .pe.
Jivhāyatanaṁ idantaṁ rūpaṁ ajjhattikaṁ kāyasamphassassa navatthu.

[604] Katamantaṁ rūpaṁ bāhiraṁ kāyasamphassajāya vedanāya .pe.
Saññāya .pe. Cetanāya .pe. Kāyaviññāṇassa navatthu
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ kāyaviññāṇassa
navatthu. Katamantaṁ rūpaṁ ajjhattikaṁ kāyaviññāṇassa
vatthu kāyāyatanaṁ idantaṁ rūpaṁ ajjhattikaṁ kāyaviññāṇassa vatthu.
Katamantaṁ rūpaṁ ajjhattikaṁ kāyaviññāṇassa navatthu cakkhāyatanaṁ
.pe. Jivhāyatanaṁ idantaṁ rūpaṁ ajjhattikaṁ kāyaviññāṇassa
navatthu.

[605] Katamantaṁ rūpaṁ ajjhattikaṁ cakkhusamphassassa nāarammaṇaṁ
cakkhāyatanaṁ .pe. Kāyāyatanaṁ idantaṁ rūpaṁ ajjhattikaṁ cakkhusamphassassa
nāarammaṇaṁ. Katamantaṁ rūpaṁ bāhiraṁ cakkhusamphassassa
ārammaṇaṁ rūpāyatanaṁ idantaṁ rūpaṁ bāhiraṁ cakkhusamphassassa
ārammaṇaṁ. Katamantaṁ rūpaṁ bāhiraṁ cakkhusamphassassa nāarammaṇaṁ
Saddāyatanaṁ .pe. Kabaḷiṁkāro āhāro idantaṁ rūpaṁ bāhiraṁ
cakkhusamphassassa nāarammaṇaṁ.

[606] Katamantaṁ rūpaṁ ajjhattikaṁ cakkhusamphassajāya vedanāya
.pe. Saññāya .pe. Cetanāya .pe. Cakkhuviññāṇassa nāarammaṇaṁ
cakkhāyatanaṁ .pe. Kāyāyatanaṁ idantaṁ rūpaṁ ajjhattikaṁ
cakkhuviññāṇassa nāarammaṇaṁ. Katamantaṁ rūpaṁ bāhiraṁ cakkhuviññāṇassa
ārammaṇaṁ rūpāyatanaṁ idantaṁ rūpaṁ bāhiraṁ cakkhuviññāṇassa
ārammaṇaṁ. Katamantaṁ rūpaṁ bāhiraṁ cakkhuviññāṇassa
nāarammaṇaṁ saddāyatanaṁ .pe. Kabaḷiṁkāro āhāro idantaṁ rūpaṁ
bāhiraṁ cakkhuviññāṇassa nāarammaṇaṁ.

[607] Katamantaṁ rūpaṁ ajjhattikaṁ sotasamphassassa .pe. Ghānasamphassassa
.pe. Jivhāsamphassassa .pe. Kāyasamphassassa nāarammaṇaṁ
cakkhāyatanaṁ .pe. Kāyāyatanaṁ idantaṁ rūpaṁ ajjhattikaṁ
kāyasamphassassa nāarammaṇaṁ. Katamantaṁ rūpaṁ bāhiraṁ kāyasamphassassa
ārammaṇaṁ phoṭṭhabbāyatanaṁ idantaṁ rūpaṁ bāhiraṁ kāyasamphassassa
ārammaṇaṁ. Katamantaṁ rūpaṁ bāhiraṁ kāyasamphassassa nāarammaṇaṁ
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ
kāyasamphassassa nāarammaṇaṁ.

[608] Katamantaṁ rūpaṁ ajjhattikaṁ kāyasamphassajāya vedanāya .pe.
Saññāya .pe. Cetanāya .pe. Kāyaviññāṇassa nāarammaṇaṁ
Cakkhāyatanaṁ .pe. Kāyāyatanaṁ idantaṁ rūpaṁ ajjhattikaṁ kāyaviññāṇassa
nāarammaṇaṁ. Katamantaṁ rūpaṁ bāhiraṁ kāyaviññāṇassa
ārammaṇaṁ phoṭṭhabbāyatanaṁ idantaṁ rūpaṁ bāhiraṁ kāyaviññāṇassa
ārammaṇaṁ. Katamantaṁ rūpaṁ bāhiraṁ kāyaviññāṇassa nāarammaṇaṁ
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ kāyaviññāṇassa
nāarammaṇaṁ.

[609] Katamantaṁ rūpaṁ bāhiraṁ nacakkhāyatanaṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nacakkhāyatanaṁ. Katamantaṁ
rūpaṁ ajjhattikaṁ cakkhāyatanaṁ yaṁ cakkhuṁ catunnaṁ mahābhūtānaṁ upādāya
pasādo .pe. Suñño gāmopeso idantaṁ rūpaṁ ajjhattikaṁ
cakkhāyatanaṁ. Katamantaṁ rūpaṁ ajjhattikaṁ nacakkhāyatanaṁ sotāyatanaṁ
.pe. Kāyāyatanaṁ idantaṁ rūpaṁ ajjhattikaṁ nacakkhāyatanaṁ.