[590] Katamantaṁ rūpaṁ ajjhattikaṁ upādinnupādāniyaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ upādinnupādāniyaṁ.
Katamantaṁ rūpaṁ bāhiraṁ upādinnupādāniyaṁ itthindriyaṁ purisindriyaṁ
jīvitindriyaṁ yaṁ vā panaññampi atthi rūpaṁ kammassa katattā
rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu
āpodhātu rūpassa upacayo rūpassa santati kabaḷiṁkāro āhāro
idantaṁ rūpaṁ bāhiraṁ upādinnupādāniyaṁ. Katamantaṁ rūpaṁ bāhiraṁ
Anupādinnupādāniyaṁ saddāyatanaṁ kāyaviññatti vacīviññatti rūpassa
lahutā rūpassa mudutā rūpassa kammaññatā rūpassa jaratā rūpassa
aniccatā yaṁ vā panaññampi atthi rūpaṁ na kammassa katattā
rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu
rūpassa upacayo rūpassa santati kabaḷiṁkāro āhāro
idantaṁ rūpaṁ bāhiraṁ anupādinnupādāniyaṁ.

[591] Katamantaṁ rūpaṁ ajjhattikaṁ anidassanaṁ cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ anidassanaṁ. Katamantaṁ rūpaṁ
bāhiraṁ sanidassanaṁ rūpāyatanaṁ idantaṁ rūpaṁ bāhiraṁ sanidassanaṁ.
Katamantaṁ rūpaṁ bāhiraṁ anidassanaṁ saddāyatanaṁ .pe. Kabaḷiṁkāro
āhāro idantaṁ rūpaṁ bāhiraṁ anidassanaṁ.

[592] Katamantaṁ rūpaṁ ajjhattikaṁ sappaṭighaṁ cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ sappaṭighaṁ. Katamantaṁ rūpaṁ
bāhiraṁ sappaṭighaṁ rūpāyatanaṁ .pe. Phoṭṭhabbāyatanaṁ idantaṁ rūpaṁ
bāhiraṁ sappaṭighaṁ. Katamantaṁ rūpaṁ bāhiraṁ appaṭighaṁ itthindriyaṁ
.pe. Kabaḷiṁkāro āhāro idantaṁ rūpaṁ bāhiraṁ appaṭighaṁ.

[593] Katamantaṁ rūpaṁ ajjhattikaṁ indriyaṁ cakkhundriyaṁ .pe.
Kāyindriyaṁ idantaṁ rūpaṁ ajjhattikaṁ indriyaṁ. Katamantaṁ rūpaṁ
bāhiraṁ indriyaṁ itthindriyaṁ purisindriyaṁ jīvitindriyaṁ idantaṁ rūpaṁ
bāhiraṁ indriyaṁ. Katamantaṁ rūpaṁ bāhiraṁ naindriyaṁ rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ naindriyaṁ.

[594] Katamantaṁ rūpaṁ ajjhattikaṁ namahābhūtaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ namahābhūtaṁ. Katamantaṁ
rūpaṁ bāhiraṁ mahābhūtaṁ phoṭṭhabbāyatanaṁ āpodhātu idantaṁ rūpaṁ
bāhiraṁ mahābhūtaṁ. Katamantaṁ rūpaṁ bāhiraṁ namahābhūtaṁ rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ namahābhūtaṁ.

[595] Katamantaṁ rūpaṁ ajjhattikaṁ naviññatti cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ naviññatti. Katamantaṁ
rūpaṁ bāhiraṁ viññatti kāyaviññatti vacīviññatti idantaṁ rūpaṁ
bāhiraṁ viññatti. Katamantaṁ rūpaṁ bāhiraṁ naviññatti rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ naviññatti.

[596] Katamantaṁ rūpaṁ ajjhattikaṁ nacittasamuṭṭhānaṁ cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ nacittasamuṭṭhānaṁ.
Katamantaṁ rūpaṁ bāhiraṁ cittasamuṭṭhānaṁ kāyaviññatti vacīviññatti
yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ
rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu
āpodhātu rūpassa lahutā rūpassa mudutā rūpassa kammaññatā
rūpassa upacayo rūpassa santati kabaḷiṁkāro āhāro idantaṁ
rūpaṁ bāhiraṁ cittasamuṭṭhānaṁ. Katamantaṁ rūpaṁ bāhiraṁ nacittasamuṭṭhānaṁ
itthindriyaṁ purisindriyaṁ jīvitindriyaṁ rūpassa jaratā rūpassa aniccatā
Yaṁ vā panaññampi atthi rūpaṁ na cittajaṁ na cittahetukaṁ na cittasamuṭṭhānaṁ
rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ
ākāsadhātu āpodhātu rūpassa lahutā rūpassa mudutā rūpassa
kammaññatā rūpassa upacayo rūpassa santati kabaḷiṁkāro āhāro
idantaṁ rūpaṁ bāhiraṁ nacittasamuṭṭhānaṁ.

[597] Katamantaṁ rūpaṁ ajjhattikaṁ nacittasahabhu cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ nacittasahabhu. Katamantaṁ rūpaṁ
bāhiraṁ cittasahabhu kāyaviññatti vacīviññatti idantaṁ rūpaṁ bāhiraṁ
cittasahabhu. Katamantaṁ rūpaṁ bāhiraṁ nacittasahabhu rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ nacittasahabhu.

[598] Katamantaṁ rūpaṁ ajjhattikaṁ nacittānuparivatti cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ nacittānuparivatti.
Katamantaṁ rūpaṁ bāhiraṁ cittānuparivatti kāyaviññatti vacīviññatti
idantaṁ rūpaṁ bāhiraṁ cittānuparivatti. Katamantaṁ rūpaṁ bāhiraṁ nacittānuparivatti
rūpāyatanaṁ .pe. Kabaḷiṁkāro āhāro idantaṁ rūpaṁ
bāhiraṁ nacittānuparivatti.

[599] Katamantaṁ rūpaṁ ajjhattikaṁ oḷārikaṁ cakkhāyatanaṁ .pe.
Kāyāyatanaṁ idantaṁ rūpaṁ ajjhattikaṁ oḷārikaṁ. Katamantaṁ rūpaṁ
bāhiraṁ oḷārikaṁ rūpāyatanaṁ .pe. Phoṭṭhabbāyatanaṁ idantaṁ
rūpaṁ bāhiraṁ oḷārikaṁ. Katamantaṁ rūpaṁ bāhiraṁ sukhumaṁ itthindriyaṁ
.pe. Kabaḷiṁkāro āhāro idantaṁ rūpaṁ bāhiraṁ sukhumaṁ.