[570] Katamantaṁ rūpaṁ saddadhātu .pe. Gandhadhātu .pe.
Rasadhātu .pe. Phoṭṭhabbadhātu phoṭṭhabbāyatanaṁ idantaṁ rūpaṁ
phoṭṭhabbadhātu. Katamantaṁ rūpaṁ naphoṭṭhabbadhātu cakkhāyatanaṁ .pe.
Kabaḷiṁkāro āhāro idantaṁ rūpaṁ naphoṭṭhabbadhātu.

[571] Katamantaṁ rūpaṁ cakkhundriyaṁ yaṁ cakkhuṁ catunnaṁ mahābhūtānaṁ
upādāya pasādo .pe. Suñño gāmopeso idantaṁ rūpaṁ
cakkhundriyaṁ. Katamantaṁ rūpaṁ nacakkhundriyaṁ sotāyatanaṁ .pe.
Kabaḷiṁkāro āhāro idantaṁ rūpaṁ nacakkhundriyaṁ.

[572] Katamantaṁ rūpaṁ sotindriyaṁ .pe. Ghānindriyaṁ .pe.
Jivhindriyaṁ .pe. Kāyindriyaṁ yo kāyo catunnaṁ mahābhūtānaṁ
upādāya pasādo .pe. Suñño gāmopeso idantaṁ rūpaṁ
kāyindriyaṁ. Katamantaṁ rūpaṁ nakāyindriyaṁ cakkhāyatanaṁ .pe.
Kabaḷiṁkāro āhāro idantaṁ rūpaṁ nakāyindriyaṁ.

[573] Katamantaṁ rūpaṁ itthindriyaṁ yaṁ itthiyā itthīliṅgaṁ
itthīnimittaṁ itthīkuttaṁ itthākappo itthittaṁ itthībhāvo idantaṁ
rūpaṁ itthindriyaṁ. Katamantaṁ rūpaṁ naitthindriyaṁ cakkhāyatanaṁ .pe.
Kabaḷiṁkāro āhāro idantaṁ rūpaṁ naitthindriyaṁ.

[574] Katamantaṁ rūpaṁ purisindriyaṁ yaṁ purisassa purisaliṅgaṁ
purisanimittaṁ purisakuttaṁ purisākappo purisattaṁ purisabhāvo idantaṁ
rūpaṁ purisindriyaṁ. Katamantaṁ rūpaṁ napurisindriyaṁ cakkhāyatanaṁ .pe.
Kabaḷiṁkāro āhāro idantaṁ rūpaṁ napurisindriyaṁ.

[575] Katamantaṁ rūpaṁ jīvitindriyaṁ yo tesaṁ rūpīnaṁ dhammānaṁ
āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ
idantaṁ rūpaṁ jīvitindriyaṁ. Katamantaṁ rūpaṁ najīvitindriyaṁ cakkhāyatanaṁ
.pe. Kabaḷiṁkāro āhāro idantaṁ rūpaṁ najīvitindriyaṁ.

[576] Katamantaṁ rūpaṁ kāyaviññatti yā kusalacittassa vā
akusalacittassa vā abyākatacittassa vā abhikkamantassa vā
paṭikkamantassa vā ālokentassa vā vilokentassa vā sammiñjentassa
Vā pasārentassa vā kāyassa thambhanā santhambhanā
santhambhitattaṁ viññatti viññāpanā viññāpitattaṁ idantaṁ rūpaṁ
kāyaviññatti. Katamantaṁ rūpaṁ nakāyaviññatti cakkhāyatanaṁ .pe.
Kabaḷiṁkāro āhāro idantaṁ rūpaṁ nakāyaviññatti.

[577] Katamantaṁ rūpaṁ vacīviññatti yā kusalacittassa vā
akusalacittassa vā abyākatacittassa vā vācā girā byappatho
udīraṇaṁ ghoso ghosakammaṁ vācā vacībhedo ayaṁ vuccati vācā
yā tāya vācāya viññatti viññāpanā viññāpitattaṁ idantaṁ
rūpaṁ vacīviññatti. Katamantaṁ rūpaṁ navacīviññatti cakkhāyatanaṁ
.pe. Kabaḷiṁkāro āhāro idantaṁ rūpaṁ navacīviññatti.

[578] Katamantaṁ rūpaṁ ākāsadhātu yo ākāso ākāsagataṁ
aghaṁ aghagataṁ vivaro vivaragataṁ asamphuṭṭhaṁ catūhi mahābhūtehi idantaṁ
rūpaṁ ākāsadhātu. Katamantaṁ rūpaṁ nāakāsadhātu cakkhāyatanaṁ
.pe. Kabaḷiṁkāro āhāro idantaṁ rūpaṁ nāakāsadhātu.

[579] Katamantaṁ rūpaṁ āpodhātu yaṁ āpo āpogataṁ sineho
sinehagataṁ bandhanattaṁ rūpassa idantaṁ rūpaṁ āpodhātu. Katamantaṁ
rūpaṁ nāapodhātu cakkhāyatanaṁ .pe. Kabaḷiṁkāro āhāro idantaṁ
rūpaṁ nāapodhātu.