[550] Katamantaṁ rūpaṁ cittasahabhu kāyaviññatti vacīviññatti
idantaṁ rūpaṁ cittasahabhu. Katamantaṁ rūpaṁ nacittasahabhu cakkhāyatanaṁ
.pe. Kabaḷiṁkāro āhāro idantaṁ rūpaṁ nacittasahabhu.

[551] Katamantaṁ rūpaṁ cittānuparivatti kāyaviññatti vacīviññatti
idantaṁ rūpaṁ cittānuparivatti. Katamantaṁ rūpaṁ nacittānuparivatti cakkhāyatanaṁ
.pe. Kabaḷiṁkāro āhāro idantaṁ rūpaṁ nacittānuparivatti.

[552] Katamantaṁ rūpaṁ ajjhattikaṁ cakkhāyatanaṁ .pe. Kāyāyatanaṁ
idantaṁ rūpaṁ ajjhattikaṁ. Katamantaṁ rūpaṁ bāhiraṁ rūpāyatanaṁ .pe.
Kabaḷiṁkāro āhāro idantaṁ rūpaṁ bāhiraṁ.

[553] Katamantaṁ rūpaṁ oḷārikaṁ cakkhāyatanaṁ .pe. Phoṭṭhabbāyatanaṁ
idantaṁ rūpaṁ oḷārikaṁ. Katamantaṁ rūpaṁ sukhumaṁ itthindriyaṁ
.pe. Kabaḷiṁkāro āhāro idantaṁ rūpaṁ sukhumaṁ.

[554] Katamantaṁ rūpaṁ dūre itthindriyaṁ .pe. Kabaḷiṁkāro
āhāro idantaṁ rūpaṁ dūre. Katamantaṁ rūpaṁ santike cakkhāyatanaṁ
.pe. Phoṭṭhabbāyatanaṁ idantaṁ rūpaṁ santike.

[555] Katamantaṁ rūpaṁ cakkhusamphassassa vatthu cakkhāyatanaṁ
idantaṁ rūpaṁ cakkhusamphassassa vatthu. Katamantaṁ rūpaṁ cakkhusamphassassa
navatthu sotāyatanaṁ .pe. Kabaḷiṁkāro āhāro idantaṁ rūpaṁ
cakkhusamphassassa navatthu.

[556] Katamantaṁ rūpaṁ cakkhusamphassajāya vedanāya .pe. Saññāya
.pe. Cetanāya .pe. Cakkhuviññāṇassa vatthu cakkhāyatanaṁ
idantaṁ rūpaṁ cakkhuviññāṇassa vatthu. Katamantaṁ rūpaṁ cakkhuviññāṇassa
navatthu sotāyatanaṁ .pe. Kabaḷiṁkāro āhāro idantaṁ rūpaṁ
cakkhuviññāṇassa navatthu.

[557] Katamantaṁ rūpaṁ sotasamphassassa .pe. Ghānasamphassassa
.pe. Jivhāsamphassassa .pe. Kāyasamphassassa vatthu kāyāyatanaṁ
idantaṁ rūpaṁ kāyasamphassassa vatthu. Katamantaṁ rūpaṁ kāyasamphassassa
navatthu cakkhāyatanaṁ .pe. Kabaḷiṁkāro āhāro idantaṁ rūpaṁ
kāyasamphassassa navatthu.

[558] Katamantaṁ rūpaṁ kāyasamphassajāya vedanāya .pe. Saññāya
.pe. Cetanāya .pe. Kāyaviññāṇassa vatthu kāyāyatanaṁ idantaṁ
rūpaṁ kāyaviññāṇassa vatthu. Katamantaṁ rūpaṁ kāyaviññāṇassa
navatthu cakkhāyatanaṁ .pe. Kabaḷiṁkāro āhāro idantaṁ rūpaṁ
kāyaviññāṇassa navatthu.

[559] Katamantaṁ rūpaṁ cakkhusamphassassa ārammaṇaṁ rūpāyatanaṁ
idantaṁ rūpaṁ cakkhusamphassassa ārammaṇaṁ. Katamantaṁ rūpaṁ cakkhusamphassassa
nāarammaṇaṁ cakkhāyatanaṁ .pe. Kabaḷiṁkāro āhāro
idantaṁ rūpaṁ cakkhusamphassassa nāarammaṇaṁ.