[540] Katamantaṁ rūpaṁ phoṭṭhabbāyatanaṁ paṭhavīdhātu tejodhātu
vāyodhātu kakkhaḷaṁ mudukaṁ saṇhaṁ pharusaṁ sukhasamphassaṁ dukkhasamphassaṁ
garukaṁ lahukaṁ yaṁ phoṭṭhabbaṁ anidassanaṁ sappaṭighaṁ kāyena anidassanena
sappaṭighena phusi vā phusati vā phusissati vā phuse vā phoṭṭhabbopeso
phoṭṭhabbāyatanaṁpetaṁ phoṭṭhabbadhātupesā idantaṁ rūpaṁ phoṭṭhabbāyatanaṁ.
Katamantaṁ rūpaṁ phoṭṭhabbāyatanaṁ paṭhavīdhātu tejodhātu vāyodhātu kakkhaḷaṁ
mudukaṁ saṇhaṁ pharusaṁ sukhasamphassaṁ dukkhasamphassaṁ garukaṁ lahukaṁ yamhi
phoṭṭhabbamhi anidassanamhi sappaṭighamhi kāyo anidassano sappaṭigho
paṭihaññi vā paṭihaññati vā paṭihaññissati vā paṭihaññe vā
phoṭṭhabbopeso phoṭṭhabbāyatanaṁpetaṁ phoṭṭhabbadhātupesā idantaṁ rūpaṁ
phoṭṭhabbāyatanaṁ. Katamantaṁ rūpaṁ phoṭṭhabbāyatanaṁ paṭhavīdhātu tejodhātu
vāyodhātu kakkhaḷaṁ mudukaṁ saṇhaṁ pharusaṁ sukhasamphassaṁ dukkhasamphassaṁ
garukaṁ lahukaṁ yo phoṭṭhabbo anidassano sappaṭigho kāyamhi
1 purimabhāṇavārato sambandhagaṇanāya sattamaṁ bhavitabbaṁ.
Anidassanamhi sappaṭighamhi paṭihaññi vā paṭihaññati vā paṭihaññissati
vā paṭihaññe vā phoṭṭhabbopeso phoṭṭhabbāyatanaṁpetaṁ
phoṭṭhabbadhātupesā idantaṁ rūpaṁ phoṭṭhabbāyatanaṁ. Katamantaṁ
rūpaṁ phoṭṭhabbāyatanaṁ paṭhavīdhātu tejodhātu vāyodhātu kakkhaḷaṁ mudukaṁ
saṇhaṁ pharusaṁ sukhasamphassaṁ dukkhasamphassaṁ garukaṁ lahukaṁ yaṁ phoṭṭhabbaṁ
ārabbha kāyaṁ nissāya kāyasamphasso uppajji vā uppajjati vā
uppajjissati vā uppajje vā .pe. Yaṁ phoṭṭhabbaṁ ārabbha
kāyaṁ nissāya kāyasamphassajā vedanā .pe. Saññā .pe.
Cetanā .pe. Kāyaviññāṇaṁ uppajji vā uppajjati vā uppajjissati
vā uppajje vā .pe. Yaṁphoṭṭhabbārammaṇo kāyaṁ
nissāya kāyasamphasso uppajji vā uppajjati vā uppajjissati
vā uppajje vā .pe. Yaṁphoṭṭhabbārammaṇā kāyaṁ nissāya
kāyasamphassajā vedanā .pe. Saññā .pe. Cetanā .pe.
Kāyaviññāṇaṁ uppajji vā uppajjati vā uppajjissati vā uppajje
vā phoṭṭhabbopeso phoṭṭhabbāyatanaṁpetaṁ phoṭṭhabbadhātupesā
idantaṁ rūpaṁ phoṭṭhabbāyatanaṁ.

[541] Katamantaṁ rūpaṁ āpodhātu yaṁ āpo āpogataṁ sineho
sinehagataṁ bandhanattaṁ rūpassa idantaṁ rūpaṁ āpodhātu.
Idantaṁ rūpaṁ noupādā.

[542] Katamantaṁ rūpaṁ upādinnaṁ cakkhāyatanaṁ sotāyatanaṁ ghānāyatanaṁ
jivhāyatanaṁ kāyāyatanaṁ itthindriyaṁ purisindriyaṁ jīvitindriyaṁ yaṁ vā
panaññampi atthi rūpaṁ kammassa katattā rūpāyatanaṁ gandhāyatanaṁ rasāyatanaṁ
phoṭṭhabbāyatanaṁ ākāsadhātu āpodhātu rūpassa upacayo rūpassa
santati kabaḷiṁkāro āhāro idantaṁ rūpaṁ upādinnaṁ. Katamantaṁ
rūpaṁ anupādinnaṁ saddāyatanaṁ kāyaviññatti vacīviññatti rūpassa
lahutā rūpassa mudutā rūpassa kammaññatā rūpassa jaratā rūpassa
aniccatā yaṁ vā panaññampi atthi rūpaṁ na kammassa katattā
rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu
rūpassa upacayo rūpassa santati kabaḷiṁkāro āhāro
idantaṁ rūpaṁ anupādinnaṁ.

[543] Katamantaṁ rūpaṁ upādinnupādāniyaṁ cakkhāyatanaṁ .pe.
Kāyāyatanaṁ itthindriyaṁ purisindriyaṁ jīvitindriyaṁ yaṁ vā panaññampi
atthi rūpaṁ kammassa katattā rūpāyatanaṁ gandhāyatanaṁ rasāyatanaṁ
phoṭṭhabbāyatanaṁ ākāsadhātu āpodhātu rūpassa upacayo rūpassa
santati kabaḷiṁkāro āhāro idantaṁ rūpaṁ upādinnupādāniyaṁ.
Katamantaṁ rūpaṁ anupādinnupādāniyaṁ saddāyatanaṁ kāyaviññatti vacīviññatti
rūpassa lahutā rūpassa mudutā rūpassa kammaññatā
rūpassa jaratā rūpassa aniccatā yaṁ vā panaññampi atthi rūpaṁ
na kammassa katattā rūpāyatanaṁ saddāyatanaṁ gandhāyatanaṁ rasāyatanaṁ
Phoṭṭhabbāyatanaṁ ākāsadhātu āpodhātu rūpassa upacayo rūpassa
santati kabaḷiṁkāro āhāro idantaṁ rūpaṁ anupādinnupādāniyaṁ.

[544] Katamantaṁ rūpaṁ sanidassanaṁ rūpāyatanaṁ idantaṁ rūpaṁ
sanidassanaṁ. Katamantaṁ rūpaṁ anidassanaṁ cakkhāyatanaṁ .pe.
Kabaḷiṁkāro āhāro idantaṁ rūpaṁ anidassanaṁ.

[545] Katamantaṁ rūpaṁ sappaṭighaṁ cakkhāyatanaṁ sotāyatanaṁ ghānāyatanaṁ
jivhāyatanaṁ kāyāyatanaṁ rūpāyatanaṁ saddāyatanaṁ gandhāyatanaṁ rasāyatanaṁ
phoṭṭhabbāyatanaṁ idantaṁ rūpaṁ sappaṭighaṁ. Katamantaṁ rūpaṁ appaṭighaṁ
itthindriyaṁ .pe. Kabaḷiṁkāro āhāro idantaṁ rūpaṁ appaṭighaṁ.

[546] Katamantaṁ rūpaṁ indriyaṁ cakkhundriyaṁ sotindriyaṁ ghānindriyaṁ
jivhindriyaṁ kāyindriyaṁ itthindriyaṁ purisindriyaṁ jīvitindriyaṁ
idantaṁ rūpaṁ indriyaṁ. Katamantaṁ rūpaṁ naindriyaṁ rūpāyatanaṁ .pe.
Kabaḷiṁkāro āhāro idantaṁ rūpaṁ naindriyaṁ.

[547] Katamantaṁ rūpaṁ mahābhūtaṁ phoṭṭhabbāyatanaṁ āpodhātu
idantaṁ rūpaṁ mahābhūtaṁ. Katamantaṁ rūpaṁ namahābhūtaṁ cakkhāyatanaṁ
.pe. Kabaḷiṁkāro āhāro idantaṁ rūpaṁ namahābhūtaṁ.

[548] Katamantaṁ rūpaṁ viññatti kāyaviññatti vacīviññatti
idantaṁ rūpaṁ viññatti. Katamantaṁ rūpaṁ naviññatti cakkhāyatanaṁ
.pe. Kabaḷiṁkāro āhāro idantaṁ rūpaṁ naviññatti.

[549] Katamantaṁ rūpaṁ cittasamuṭṭhānaṁ kāyaviññatti vacīviññatti
Yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ
rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu
āpodhātu rūpassa lahutā rūpassa mudutā rūpassa kammaññatā
rūpassa upacayo rūpassa santati kabaḷiṁkāro āhāro idantaṁ
rūpaṁ cittasamuṭṭhānaṁ. Katamantaṁ rūpaṁ nacittasamuṭṭhānaṁ cakkhāyatanaṁ
.pe. Kāyāyatanaṁ itthindriyaṁ purisindriyaṁ jīvitindriyaṁ rūpassa
jaratā rūpassa aniccatā yaṁ vā panaññampi atthi rūpaṁ na cittajaṁ
na cittahetukaṁ na cittasamuṭṭhānaṁ rūpāyatanaṁ saddāyatanaṁ gandhāyatanaṁ
rasāyatanaṁ phoṭṭhabbāyatanaṁ ākāsadhātu āpodhātu rūpassa lahutā
rūpassa mudutā rūpassa kammaññatā rūpassa upacayo rūpassa
santati kabaḷiṁkāro āhāro idantaṁ rūpaṁ nacittasamuṭṭhānaṁ.