[630] Katamantaṁ rūpaṁ ajjhattikaṁ rūpassa nasantati cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ rūpassa nasantati.
Katamantaṁ rūpaṁ bāhiraṁ rūpassa santati yo rūpassa upacayo sā
rūpassa santati idantaṁ rūpaṁ bāhiraṁ rūpassa santati. Katamantaṁ
rūpaṁ bāhiraṁ rūpassa nasantati rūpāyatanaṁ .pe. Kabaḷiṁkāro
āhāro idantaṁ rūpaṁ bāhiraṁ rūpassa nasantati.

[631] Katamantaṁ rūpaṁ ajjhattikaṁ rūpassa najaratā cakkhāyatanaṁ
.pe. Kāyāyatanaṁ idantaṁ rūpaṁ rūpassa najaratā. Katamantaṁ
rūpaṁ bāhiraṁ rūpassa jaratā yā rūpassa jarā jīraṇatā khaṇḍiccaṁ
pāliccaṁ valittacatā āyuno saṁhāni indriyānaṁ paripāko idantaṁ
rūpaṁ bāhiraṁ rūpassa jaratā. Katamantaṁ rūpaṁ bāhiraṁ rūpassa najaratā
rūpāyatanaṁ .pe. Kabaḷiṁkāro āhāro idantaṁ rūpaṁ bāhiraṁ rūpassa
najaratā.

[632] Katamantaṁ rūpaṁ ajjhattikaṁ rūpassa nāniccatā cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ rūpassa nāniccatā.
Katamantaṁ rūpaṁ bāhiraṁ rūpassa aniccatā yo rūpassa khayo vayo
bhedo paribhedo aniccatā antaradhānaṁ idantaṁ rūpaṁ bāhiraṁ rūpassa
aniccatā. Katamantaṁ rūpaṁ bāhiraṁ rūpassa nāniccatā rūpāyatanaṁ
.pe. Kabaḷiṁkāro āhāro idantaṁ rūpaṁ bāhiraṁ rūpassa
nāniccatā.

[633] Katamantaṁ rūpaṁ ajjhattikaṁ na kabaḷiṁkāro āhāro cakkhāyatanaṁ
.pe. Kāyāyatanaṁ idantaṁ rūpaṁ ajjhattikaṁ na kabaḷiṁkāro āhāro.
Katamantaṁ rūpaṁ bāhiraṁ kabaḷiṁkāro āhāro odano
kummāso sattu maccho maṁsaṁ khīraṁ dadhi sappi navanītaṁ telaṁ madhu
phāṇitaṁ yaṁ vā panaññampi atthi rūpaṁ yamhi yamhi janapade tesaṁ tesaṁ
sattānaṁ mukhāsiyaṁ dantavikhādanaṁ galajjhoharaṇīyaṁ kucchivitthambhanaṁ yāya
ojāya sattā yāpenti idantaṁ rūpaṁ bāhiraṁ kabaḷiṁkāro āhāro.
Katamantaṁ rūpaṁ bāhiraṁ na kabaḷiṁkāro āhāro rūpāyatanaṁ .pe. Rūpassa
aniccatā idantaṁ rūpaṁ bāhiraṁ na kabaḷiṁkāro āhāro.
Evaṁ tividhena rūpasaṅgaho.
Tikaniddeso.

[634] Katamantaṁ rūpaṁ upādā upādinnaṁ cakkhāyatanaṁ .pe.
Kāyāyatanaṁ itthindriyaṁ purisindriyaṁ jīvitindriyaṁ yaṁ vā panaññampi
atthi rūpaṁ kammassa katattā rūpāyatanaṁ gandhāyatanaṁ rasāyatanaṁ
ākāsadhātu rūpassa upacayo rūpassa santati kabaḷiṁkāro āhāro
idantaṁ rūpaṁ upādā upādinnaṁ. Katamantaṁ rūpaṁ upādā anupādinnaṁ
saddāyatanaṁ kāyaviññatti vacīviññatti rūpassa lahutā rūpassa
mudutā rūpassa kammaññatā rūpassa jaratā rūpassa aniccatā yaṁ
vā panaññampi atthi rūpaṁ na kammassa katattā rūpāyatanaṁ gandhāyatanaṁ
rasāyatanaṁ ākāsadhātu rūpassa upacayo rūpassa santati kabaḷiṁkāro
āhāro idantaṁ rūpaṁ upādā anupādinnaṁ. Katamantaṁ rūpaṁ noupādā
upādinnaṁ kammassa katattā phoṭṭhabbāyatanaṁ āpodhātu
Idantaṁ rūpaṁ noupādā upādinnaṁ. Katamantaṁ rūpaṁ noupādā
anupādinnaṁ na kammassa katattā phoṭṭhabbāyatanaṁ āpodhātu
idantaṁ rūpaṁ noupādā anupādinnaṁ.

[635] Katamantaṁ rūpaṁ upādā upādinnupādāniyaṁ cakkhāyatanaṁ
.pe. Kāyāyatanaṁ itthindriyaṁ purisindriyaṁ jīvitindriyaṁ yaṁ vā
panaññampi atthi rūpaṁ kammassa katattā rūpāyatanaṁ gandhāyatanaṁ
rasāyatanaṁ ākāsadhātu rūpassa upacayo rūpassa santati kabaḷiṁkāro
āhāro idantaṁ rūpaṁ upādā upādinnupādāniyaṁ. Katamantaṁ rūpaṁ
upādā anupādinnupādāniyaṁ saddāyatanaṁ kāyaviññatti vacīviññatti
rūpassa lahutā rūpassa mudutā rūpassa kammaññatā rūpassa jaratā
rūpassa aniccatā yaṁ vā panaññampi atthi rūpaṁ na kammassa
katattā rūpāyatanaṁ gandhāyatanaṁ rasāyatanaṁ ākāsadhātu rūpassa
upacayo rūpassa santati kabaḷiṁkāro āhāro idantaṁ rūpaṁ upādā
anupādinnupādāniyaṁ. Katamantaṁ rūpaṁ noupādā upādinnupādāniyaṁ
kammassa katattā phoṭṭhabbāyatanaṁ āpodhātu idantaṁ rūpaṁ noupādā
upādinnupādāniyaṁ. Katamantaṁ rūpaṁ noupādā anupādinnupādāniyaṁ
na kammassa katattā phoṭṭhabbāyatanaṁ āpodhātu idantaṁ rūpaṁ
noupādā anupādinnupādāniyaṁ.

[636] Katamantaṁ rūpaṁ upādā sappaṭighaṁ cakkhāyatanaṁ .pe.
Rasāyatanaṁ idantaṁ rūpaṁ upādā sappaṭighaṁ. Katamantaṁ rūpaṁ
Upādā appaṭighaṁ itthindriyaṁ .pe. Kabaḷiṁkāro āhāro idantaṁ
rūpaṁ upādā appaṭighaṁ. Katamantaṁ rūpaṁ noupādā sappaṭighaṁ phoṭṭhabbāyatanaṁ
idantaṁ rūpaṁ noupādā sappaṭighaṁ. Katamantaṁ rūpaṁ
noupādā appaṭighaṁ āpodhātu idantaṁ rūpaṁ noupādā appaṭighaṁ.

[637] Katamantaṁ rūpaṁ upādā oḷārikaṁ cakkhāyatanaṁ .pe.
Rasāyatanaṁ idantaṁ rūpaṁ upādā oḷārikaṁ. Katamantaṁ rūpaṁ upādā
sukhumaṁ itthindriyaṁ .pe. Kabaḷiṁkāro āhāro idantaṁ rūpaṁ upādā
sukhumaṁ. Katamantaṁ rūpaṁ noupādā oḷārikaṁ phoṭṭhabbāyatanaṁ idantaṁ
rūpaṁ noupādā oḷārikaṁ. Katamantaṁ rūpaṁ noupādā sukhumaṁ āpodhātu
idantaṁ rūpaṁ noupādā sukhumaṁ.

[638] Katamantaṁ rūpaṁ upādā dūre itthindriyaṁ .pe.
Kabaḷiṁkāro āhāro idantaṁ rūpaṁ upādā dūre. Katamantaṁ rūpaṁ
upādā santike cakkhāyatanaṁ .pe. Rasāyatanaṁ idantaṁ rūpaṁ
upādā santike. Katamantaṁ rūpaṁ noupādā dūre āpodhātu
idantaṁ rūpaṁ noupādā dūre. Katamantaṁ rūpaṁ noupādā santike
phoṭṭhabbāyatanaṁ idantaṁ rūpaṁ noupādā santike.

[639] Katamantaṁ rūpaṁ upādinnaṁ sanidassanaṁ kammassa katattā
rūpāyatanaṁ idantaṁ rūpaṁ upādinnaṁ sanidassanaṁ. Katamantaṁ rūpaṁ
upādinnaṁ anidassanaṁ cakkhāyatanaṁ .pe. Kāyāyatanaṁ itthindriyaṁ
purisindriyaṁ jīvitindriyaṁ yaṁ vā panaññampi atthi rūpaṁ kammassa
Katattā gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu
rūpassa upacayo rūpassa santati kabaḷiṁkāro āhāro
idantaṁ rūpaṁ upādinnaṁ anidassanaṁ. Katamantaṁ rūpaṁ anupādinnaṁ
sanidassanaṁ na kammassa katattā rūpāyatanaṁ idantaṁ rūpaṁ anupādinnaṁ
sanidassanaṁ. Katamantaṁ rūpaṁ anupādinnaṁ anidassanaṁ saddāyatanaṁ
kāyaviññatti vacīviññatti rūpassa lahutā rūpassa mudutā rūpassa
kammaññatā rūpassa jaratā rūpassa aniccatā yaṁ vā panaññampi
atthi rūpaṁ na kammassa katattā gandhāyatanaṁ rasāyatanaṁ phoṭṭhabbāyatanaṁ
ākāsadhātu āpodhātu rūpassa upacayo rūpassa santati kabaḷiṁkāro
āhāro idantaṁ rūpaṁ anupādinnaṁ anidassanaṁ.