[141] Bhagavati konāgamane saṅghārāmamhi nivesamhi 1
sakhiyo tisso janiyo vihāradānaṁ adamhase 2 .
Dasakkhattuṁ satakkhattuṁ [3]- satānaṁ ca satakkhattuṁ
devesu upapajjimha ko vādo mānuse bhave.
Devesu mahiddhikā hutvā 4 mānusakamhi ko vādo
sattaratanassa mahesī itthīratanaṁ ahaṁ bhaviṁ.
Tattha 5 sañcitaṁ kusalaṁ susamiddhakulappajā
dhanañjānī ca khemā ca ahaṁpica tayo janā.
Ārāmaṁ sukataṁ katvā sabbāvayavamaṇḍitaṁ
buddhappamukhasaṅghassa niyyādetvā pamoditā.
Yattha yatthūpapajjāmi tassa kammassa vāhasā
devesu aggataṁ pattā manussesu tatheva ca.
Imasmiṁyeva kappasmiṁ brahmabandhu mahāyaso
kassapo nāma nāmena uppajji vadataṁ varo.
1 Ma. Yu. navanivesamhi. 2 Ma. Yu. adāsimha. 3 Ma. dasasatakkhattuṁ.
4 Ma. Yu. ahumhā. 5 Ma. idha sañcitakusalā. Yu. idha sañcitā kusalaṁ.
Upaṭṭhāko mahesissa tadā āsi narissaro
kāsirājā kikī nāma bārāṇasīpuruttame.
Tassāsuṁ satta dhītaro rājakaññā sukhe ṭhitā
buddhupaṭṭhānaniratā brahmacariyaṁ cariṁsu tā.
Tāsaṁ sahāyikā hutvā sīlesu susamāhitā
datvā dānāni sakkaccaṁ agāreva vattaṁ cariṁ.
Tena kammena sukatena cetanāpaṇidhīhi ca
jahitvā mānusaṁ dehaṁ tāvatiṁsūpagā ahaṁ.
Tato cutā yāmāsaggaṁ 1 tatohaṁ tusitaṁ gatā
tato ca nimmānaratiṁ vasavattipuraṁ gatā 2 .
Yattha yatthūpapajjāmi puññakammasamāhitā
tattha tattheva rājūnaṁ mahesittamakārayiṁ.
Tato cutā manussatte rājūnaṁ cakkavattinaṁ
maṇḍalīnañca rājūnaṁ mahesittamakārayiṁ.
Sampattiṁ anubhotvāna devesu mānusesu ca
sabbattha sukhitā hutvā nekajātīsu saṁsariṁ.
So hetu ca so pabhavo taṁ 3 mūlaṁ sāsane khamaṁ
taṁ paṭhamaṁ samodhānaṁ taṁ dhammaratāya nibbutaṁ 4 .
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
1 Ma. Yu. yāmamagaṁ. 2 Ma. Yu. tato. 3 Yu. taṁ mūlaṁ sā ca sāsane khanti.
4 Ma. Yu. nibbānaṁ.
Svāgataṁ vata me āsi buddhaseṭṭhassa 1 santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ sumedhā bhikkhunī imā gāthāyo abhāsitthāti.
Sumedhātheriyā apadānaṁ samattaṁ.
Dutiyaṁ mekhaladāyikātheriyāpadānaṁ (2)

[142] Siddhatthassa bhagavato thūpakāramakāsahaṁ 2
mekhalikā mayā dinnā navakammassa satthuno.
Niṭṭhite ca mahāthūpe mekhalaṁ punadāsahaṁ
lokanāthassa munino pasannā sehi pāṇibhi.
Catunavute ito kappe mekhalaṁ adadiṁ tadā 3
duggatiṁ nābhijānāmi thūpakārassidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. Yu. mama buddhassa.... 2 Ma. thūpakārāpikā ahuṁ. Yu. thūpaṁ kārāpitā ahaṁ.
3 Ma. Yu. yaṁ mekhalamadaṁ tadā.
Itthaṁ sudaṁ mekhaladāyikā bhikkhunī imā gāthāyo abhāsitthāti.
Mekhaladāyikātheriyā apadānaṁ samattaṁ.
Tatiyaṁ maṇḍapadāyikātheriyāpadānaṁ (3)

[143] Konāgamanabuddhassa maṇḍapo kārito mayā
thūpañca 1 pavaramadaṁ buddhassa lokabandhuno.
Yaṁ yaṁ janapadaṁ yāmi nigame rājadhāniyo
sabbattha pūjitā homi puññakammassidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ maṇḍapadāyikā bhikkhunī imā gāthāyo abhāsitthāti.
Maṇḍapadāyikātheriyā apadānaṁ samattaṁ.
Catutthaṁ saṅkamanadātheriyāpadānaṁ 2 (4)

[144] Koṇḍaññassa 3 bhagavato lokajeṭṭhassa tādino
rathiyaṁ paṭipannassa tārayantassa pāṇino.
1 Ma. dhuvaṁ ticīvaraṁ dāsiṁ. Yu. dhuvañca cīvaramadaṁ. 2 Ma. saṅkamanatātheriyāpadānaṁ.
3 Ma. vipassissa.
Gharato nikkhamitvāna avakujja 1 nipajjahaṁ
anukampako lokajeṭṭho 2 sirasi akkami tadā 3 .
Akkamitvāna sirasi agamā lokanāyako
tena cittappasādena tusitaṁ agamāsahaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ saṅkamanadā bhikkhunī imā gāthāyo abhāsitthāti.
Saṅkamanadātheriyā apadānaṁ samattaṁ.
Pañcamaṁ naḷamālikātheriyāpadānaṁ (5)

[145] Candabhāgānadītīre ahosiṁ kinnarī tadā
addasaṁ virajaṁ buddhaṁ sayambhuṁ aparājitaṁ.
Pasannacittā sumanā vedajātā katañjalī
naḷamālaṁ gahetvāna sayambhuṁ abhipūjayiṁ.
Tena kammena sukatena cetanāpaṇidhīhi ca
jahitvā kinnarīdehaṁ agacchiṁ tidasaṁ gaṇaṁ 4 .
1 Ma. Yu. avakujjā. 2 Ma. lokanātho. 3 Ma. mama. 4 Ma. gatiṁ.
Chattiṁsadevarājūnaṁ mahesittamakārayiṁ
dasannaṁ cakkavattīnaṁ mahesittamakārayiṁ.
Vedayitvāna kusalaṁ 1 pabbajiṁ anagāriyaṁ
kilesā jhāpitā mayhaṁ bhavā 2 sabbe samūhatā
sabbāsavā parikkhīṇā natthi dāni punabbhavo.
Catunavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ naḷamālikā bhikkhunī imā gāthāyo abhāsitthāti.
Naḷamālikātheriyā apadānaṁ samattaṁ.
Chaṭṭhaṁ ekapiṇḍapātadāyikātheriyāpadānaṁ (6)

[146] Nagare bandhumatiyā bandhumā nāma khattiyo
tassa rañño ahaṁ 4 bhariyā ekaccaṁ vādayāmahaṁ 5 .
1 Ma. saṁvejetvāna me cittaṁ. Yu. saṁvedayitvā kusalaṁ. 2 Yu. bhavā saṅghāṭitā mamaṁ.
3 Yu. tīṇinaḷamālikā. 4 Ma. sabbattha ahuṁ. 5 Ma. Yu. cārayāmahaṁ.
Rahogatā nisīditvā evaṁ cintesahaṁ tadā
ādāya gamanīyaṁ hi kusalaṁ natthi me kataṁ.
Mahābhitāpaṁ kaṭukaṁ 1 ghorarūpaṁ sudāruṇaṁ
nirayaṁ nūna gacchāmi ettha me natthi saṁsayo.
Rājānaṁ upagantvāna 2 idaṁ vacanamabraviṁ
ekaṁ me samaṇaṁ dehi bhojayissāmi khattiya.
Adāsi me mahārājā samaṇaṁ bhāvitindriyaṁ
tassa pattaṁ gahetvāna paramannena tappayiṁ.
Pūjayitvā paramannaṁ gandhālepaṁ akāsahaṁ
jālena pidahitvāna pītacolena 3 chādayiṁ.
Ārammaṇaṁ mama etaṁ sarāmi yāvajīvitaṁ
tattha cittaṁ pasādetvā tāvatiṁsaṁ agañchahaṁ.
Tiṁsānaṁ devarājūnaṁ mahesittamakārayiṁ
manasā patthitaṁ mayhaṁ nibbattati yathicchakaṁ 4 .
Vīsānaṁ cakkavattīnaṁ mahesittamakārayiṁ
upacitattā 5 hutvāna saṁsarāmi bhavābhave 6 .
Sabbabandhanamuttāhaṁ apetā me upādikā
sabbāsavaparikkhīṇā natthi dāni punabbhavo.
Ekanavute ito kappe yaṁ dānamadadiṁ tadā
1 Yu. dukkhaṁ. 2 Ma. Yu. upasaṅkamma. 3 Ma. vatthayugena. Yu. mahānelena.
4 Yu. yadicchakaṁ. 5 Ma. ocitattāva. Yu. ocitattā ca. 6 Ma. Yu. bhavesvahaṁ.
Duggatiṁ nābhijānāmi piṇḍapātassidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ ekapiṇḍapātadāyikā bhikkhunī imā gāthāyo abhāsitthāti.
Ekapiṇḍapātadāyikātheriyā apadānaṁ samattaṁ.
Sattamaṁ kaṭacchubhikkhadāyikātheriyāpadānaṁ (7)

[147] Piṇḍacāraṁ carantassa tissanāmassa satthuno
kaṭacchubhikkhaṁ paggayha buddhaseṭṭhassadāsahaṁ.
Paṭiggahetvā sambuddho tisso lokagganāyako
vīthiyā saṇṭhito satthā akā me anumodanaṁ.
Kaṭacchubhikkhaṁ datvāna tāvatiṁsaṁ gamissasi
chattiṁsadevarājūnaṁ mahesittaṁ karissasi.
Paññāsacakkavattīnaṁ mahesittaṁ karissasi
manasā patthitaṁ sabbaṁ paṭilacchasi sabbadā.
Sampattiṁ anubhotvāna pabbajissasikiñcanā
sabbāsave pariññāya nibbāyissasināsavā.
Idaṁ vatvāna sambuddho tisso lokagganāyako
nabhaṁ abbhuggami dhīro haṁsarājāva ambare.
Sudinnameva 1 me dānaṁ suyiṭṭhā yāgasampadā
kaṭacchubhikkhaṁ datvāna pattāhaṁ acalaṁ padaṁ.
Dvenavute ito kappe yaṁ dānamadadintadā
duggatiṁ nābhijānāmi bhikkhadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ kaṭacchubhikkhadāyikā bhikkhunī imā gāthāyo abhāsitthāti.
Kaṭacchubhikkhadāyikātheriyā apadānaṁ samattaṁ.
Aṭṭhamaṁ sattauppalamālikātheriyāpadānaṁ (8)

[148] Nagare aruṇavatiyā aruṇo 2 nāma khattiyo
tassa rañño ahaṁ bhariyā nagulaṁ pādayāmahaṁ.
1 Ma. Yu. sudinnaṁ me dānavaraṁ. 2 Yu. aruṇavā.
Satta mālā gahetvāna uppalā 1 devagandhikā
nisajja pāsādavare evaṁ cintesi tāvade.
Kiṁ me imāhi mālāhi sirasā ropitāhi me
varaṁ me buddhaseṭṭhassa ñāṇamhi abhiropitaṁ.
Sambuddhaṁ paṭimānentī dvārāsanne nisīdahaṁ
yadā ehiti 2 sambuddho pūjayissaṁ mahāmuniṁ.
Kakudho vilasantova migarājāva kesarī
bhikkhusaṅghena sahito āgacchi vīthiyā jino.
Buddhassa raṁsiṁ disvāna haṭṭhā saṁviggamānasā
dvāraṁ apāpuṇitvāna buddhaseṭṭhaṁ apūjayiṁ.
Satta uppalapupphāni suvitthiṇṇāni 3 ambare
chādiṁ 4 karontā buddhassa matthake dhārayanti te.
Udaggacittā sumanā vedajātā katañjalī
tattha cittaṁ pasādetvā tāvatiṁsaṁ agañchahaṁ.
Mahānelassa chādanaṁ dhārenti mama muddhani
dibbagandhaṁ pavāyati 5 sattuppalānidaṁ phalaṁ.
Kadāci nīyamānāya ñātisaṅghena me tadā
yāvatā parisā mayhaṁ mahānelaṁ dharīyati.
Sattatidevarājūnaṁ mahesittaṁ akārayiṁ
sabbattha issarā hutvā saṁsarāmi bhavābhave.
1 Yu. uppalī. 2 Yu. etiha. 3 Ma. parikiṇṇāni. Yu. paritthiṇṇāni.
4 Ma. chadiṁ. 5 Ma. Yu. pavāyāmi.
Tesaṭṭhicakkavattīnaṁ mahesittaṁ akārayiṁ
sabbe maṁ anuvattanti ādeyyavacanā ahaṁ.
Uppalasseva me vaṇṇo gandho ceva pavāyati
duggatiṁ nābhijānāmi buddhapūjāyidaṁ phalaṁ.
Iddhipādesu kusalā bojjhaṅgabhāvanāratā
abhiññāpāramippattā buddhapūjāyidaṁ phalaṁ.
Satipaṭṭhānakusalā samādhijhānagocarā
sammappadhānamanuyuttā buddhapūjāyidaṁ phalaṁ.
Viriyaṁ me dhuradhorayhaṁ yogakkhemādhivāhanaṁ
sabbāsavaparikkhīṇā natthi dāni punabbhavo.
Ekattiṁse ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ sattauppalamālikā bhikkhunī imā gāthāyo abhāsitthāti.
Sattauppalamālikātheriyā apadānaṁ samattaṁ.
Navamaṁ pañcadīpikātheriyāpadānaṁ (9)

[149] Nagare haṁsavatiyā cārinī 1 āsahaṁ tadā
ārāmeneva ārāmaṁ carāmi kusalatthikā.
Kālapakkhamhi divase addasaṁ bodhimuttamaṁ
tattha cittaṁ pasādetvā bodhimūle nisīdahaṁ.
Garucittaṁ upaṭṭhetvā sire katvāna añjaliṁ
somanassaṁ pavedetvā evaṁ cintesi tāvade.
Yadi buddho amitaguṇo asamappaṭipuggalo
dassetu pāṭihīraṁ me bodhi obhāsatu ayaṁ.
Saha āvajjite mayhaṁ bodhi pajjali tāvade
sabbasovaṇṇamayā āsi disā sabbā virocati.
Sattarattindivaṁ tattha bodhimūle nisīdahaṁ
sattame divase patte dīpapūjaṁ akāsahaṁ.
Āsanaṁ parivāretvā pañcadīpāni pajjaluṁ
yāva udeti suriyo dīpā me pajjaluṁ tadā.
Tena kammena sukatena cetanāpaṇidhīhi ca
jahitvā mānusaṁ dehaṁ tāvatiṁsaṁ agañchahaṁ.
Tattha me sukataṁ byamhaṁ pañcadīpāti 2 vuccati
satayojanamubbedhaṁ 3 saṭṭhiyojanavitthataṁ.
1 Ma. Yu. cārikī. 2 Yu. pañcadīpīti. 3 ma saṭṭhiyojanamubbedhaṁ tiṁsayojanavitthataṁ
Yu. satayojanamubbiddhaṁ.
Asaṅkheyyāni dīpāni parivāre jalanti me
yāvatā devabhavanaṁ dīpālokena jotati.
Puritthābhimukhā santi 1 yadi icchāmi passituṁ
uddhaṁ adho ca tiriyaṁ sabbaṁ passāmi cakkhunā.
Yāvatā abhikaṅkhāmi daṭṭhuṁ sukatadukkaṭaṁ 2
tattha āvaraṇaṁ natthi rukkhesu pabbatesu vā.
Asītidevarājūnaṁ mahesittamakārayiṁ
satānaṁ cakkavattīnaṁ mahesittamakārayiṁ.
Yaṁ yaṁ yonūpapajjāmi devattaṁ atha mānusaṁ
dīpasatasahassāni parivāre jalanti me.
Devalokā cavitvāna uppajjiṁ 3 mātukucchiyaṁ
mātu kucchagataṁ santaṁ 4 akkhi me na nimīlati.
Dīpasatasahassāni puññakammasamaṅgino 5
sūtighareva jalanti pañcadīpānidaṁ phalaṁ.
Pacchime bhavasampatte mānasaṁ vinivattayiṁ
ajarāmaraṁ 6 sītibhāvaṁ nibbānaṁ passayiṁ 7 ahaṁ.
Jātiyā sattavassāhaṁ arahattaṁ apāpuṇiṁ
upasampādayi buddho guṇamaññāya gotamo.
Maṇḍape rukkhamūle vā pāsādesu guhāsu vā
1 Ma. parammukhā nisīditvā. 2 Ma. sukatadukkaṭe. Yu. dassuṁ sukatadukkaṭe. 3 Ma.
Yu. upajja. 4 Ma. Yu. kucchagatā santī. 5 Ma. samaṅagitā. Yu. samaṅginā. 6 Ma.
ajarāmataṁ. Yu. ajarāmaraṇaṁ. 7 Ma. Yu. phassayiṁ.
Suññāgāre pajjhāyantā 1 pañcadīpā jalanti me.
Dibbacakkhu visuddhaṁ me samādhikusalā ahaṁ
abhiññāpāramippattā pañcadīpānidaṁ phalaṁ.
Sabbavositavosānā katakiccā anāsavā
pañcadīpā mahāvīra pāde vandāmi cakkhumā.
Satasahasse ito kappe yaṁ dīpamadadiṁ tadā
duggatiṁ nābhijānāmi pañcadīpānidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ pañcadīpikā bhikkhunī imā gāthāyo abhāsitthāti.
Pañcadīpikātheriyā apadānaṁ samattaṁ.
Dasamaṁ udakadāyikātheriyāpadānaṁ (10)

[150] Nagare bandhumatiyā āsiṁ 2 udakahārikā
udahārena jīvāmi tena posemi dārake.
Deyyadhammo ca me natthi puññakkhette anuttare
koṭṭhakaṁ upasaṅkamma udakaṁ paṭṭhapesahaṁ.
1 Ma. vasantiyā. Yu. ca jhāyantā. 2 Ma. ahosiṁ udahārikā.
Tena kammena sukatena tāvatiṁsaṁ agañchahaṁ
tattha me sukataṁ byamhaṁ udahārena nimmitaṁ.
Accharānaṁ sahassassa ahaṁ hi pavarā tadā
dasaṭṭhānehi tā sabbā abhibhomi tadā ahaṁ.
Paññāsaṁ devarājūnaṁ mahesittamakārayiṁ
vīsaticakkavattīnaṁ mahesittamakārayiṁ.
Duve bhave saṁsarāmi devatte atha mānuse
duggatiṁ nābhijānāmi udakadānassidaṁ phalaṁ.
Pabbatagge dumagge vā antalikkhe ca bhūmiyaṁ
yadā udakamicchāmi khippaṁ paṭilabhāmahaṁ.
Avuṭṭhikā disā atthi 1 santattā khuppitā 2 hi me
mama saṅkappamaññāya mahāmegho pavassati.
Kadāci nīyamānāya ñātisaṅghena me tadā
yadā icchāmahaṁ vassaṁ mahāmegho ajāyatha.
Uṇhaṁ vā pariḷāho vā sarīre 3 me na vijjati
kāye ca me rajo natthi udakadānassidaṁ phalaṁ.
Visuddhamanasā ajja apetamanapāpikā
sabbāsavaparikkhīṇā natthi dāni punabbhavo.
Ekanavute ito kappe yaṁ kammamakariṁ tadā 4
1 Ma. Yu. natthi. 2 Ma. kutitāpi ca. Yu. santattakaṭhitāna ca. 3 Yu. athameva.
4 Ma. yaṁ dakaṁ adadiṁ tadā.
Duggatiṁ nābhijānāmi udakadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgīva bandhanaṁ chetvā viharāmi anāsavā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ udakadāyikā bhikkhunī imā gāthāyo abhāsitthāti.
Udakadāyikātheriyā apadānaṁ samattaṁ.
Uddānaṁ
sumedhā mekhaladadā maṇḍapasaṅkamantathā
naḷamālinī piṇḍadadā kaṭacchūppalappadā.
Dīpaudakadāyī ca gāthāyo gaṇitāviha
ekagāthā satañceva sattarasaṁ taduttari.
Sumedhāvaggo paṭhamo.
----------------
Dutiyo ekuposathavaggo
paṭhamaṁ ekuposathikātheriyāpadānaṁ (11)