[111] Himavantassa avidūre lambako nāma pabbato
tattheva 1 tisso sambuddho abbokāsamhi caṅkami.
Migaluddho pure 2 āsiṁ araññe kānane ahaṁ
disvānāhaṁ devadevaṁ tiṇamuṭṭhimadāsahaṁ.
Nisīdanatthaṁ buddhassa datvā cittaṁ pasādayiṁ
sambuddhaṁ abhivāditvā pakkāmiṁ uttarāmukho.
Aciraṁ gatamattaṁ 3 maṁ migarājā aheṭhayi 4
sīhena ghāṭito 5 santo tattha kālaṁ kato ahaṁ.
Āsanne me kataṁ kammaṁ buddhaseṭṭhe anāsave
sumutto saravegova 6 devalokaṁ agañchahaṁ.
Yūpo tattha subho āsi puññakammābhinimmito
sahassakaṇḍo sattageṇḍu dhajālu haritāmayo.
1 Yu. tatthopatisso. 2 Yu. tadā. 3 Ma. Yu. gatamattassa. 4 Ma. apoṭhayi.
5 Ma. poṭhito. Yu. patito. 6 Po. Yu. ... ca.
Pabhā niddhāvate tassa sataraṁsīva uggato
ākiṇṇo devakaññāhi āmodiṁ kāmakāmihaṁ.
Devalokā cavitvāna sukkamūlena codito
āgantvāna manussattaṁ pattomhi āsavakkhayaṁ.
Catunavute ito kappe nisīdanamakāsahaṁ
duggatiṁ nābhijānāmi tiṇamuṭṭhe idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇamuṭṭhidāyako thero imā gāthāyo abhāsitthāti.
Tiṇamuṭṭhidāyakattherassa apadānaṁ samattaṁ.
Dutiyaṁ veccakadāyakattherāpadānaṁ (522)

[112] Vipassino bhagavato lokajeṭṭhassa tādino
ekaṁ 1 veccaṁ mayā dinnaṁ pasannena sapāṇinā.
Hatthiyānaṁ assayānaṁ dibbayānaṁ samajjhagaṁ
tena veccakadānena 2 pattomhi āsavakkhayaṁ.
1 Ma. ekamañcaṁ. Yu. ekapecchaṁ. 2 Ma. mañcakadānena. Yu. pecchakadānena.
Ekanavute ito kappe yaṁ veccamadadiṁ tadā
duggatiṁ nābhijānāmi veccadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā veccakadāyako thero imā gāthāyo abhāsitthāti.
Veccakadāyakattherassa apadānaṁ samattaṁ.
Tatiyaṁ saraṇagamaniyattherāpadānaṁ (523)

[113] Āruyhamhi 1 tadā nāvaṁ bhikkhu cājīviko 2 ahaṁ
nāvāya bhijjamānāya bhikkhu me saraṇaṁ adā.
Ekattiṁse ito kappe yaṁ so me saraṇaṁ adā
duggatiṁ nābhijānāmi saraṇagamane phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
1 Ma. Yu. āruhimha .... 2 Yu. ca jīvako cahaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saraṇagamaniyo thero imā gāthāyo abhāsitthāti.
Saraṇagamaniyattherassa apadānaṁ samattaṁ.
Catutthaṁ abbhañjanadāyakattherāpadānaṁ (524)

[114] Nagare bandhumatiyā rājuyyāne vasāmahaṁ
cammavāsī 1 tathā āsiṁ kamaṇḍaludharo ahaṁ.
Addasaṁ virajaṁ 2 buddhaṁ sayambhuṁ aparājitaṁ
ātāpinaṁ 3 pahitattaṁ jhāyiṁ jhānarataṁ isiṁ 4 .
Sabbakāmasamiddhiñca oghatiṇṇamanāsavaṁ
disvā pasanno sumano abbhañjanamadāsahaṁ.
Ekanavute ito kappe yaṁ dānamadadiṁ tadā
duggatiṁ nābhijānāmi abbhañjanassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. dhammavādī. 2 Ma. vimalaṁ. 3 Ma. Yu. padhānaṁ pahitattaṁ taṁ. 4 Ma. Yu. vasiṁ.
Itthaṁ sudaṁ āyasmā abbhañjanadāyako thero imā gāthāyo abhāsitthāti.
Abbhañjanadāyakattherassa apadānaṁ samattaṁ.
Pañcamaṁ supaṭadāyakattherāpadānaṁ 1 (525)

[115] Divāvihārā nikkhanto vipassī lokanāyako
lahuṁ supaṭikaṁ 2 datvā kappaṁ saggamhi modahaṁ.
Ekanavute ito kappe yaṁ supaṭikamadāsahaṁ
duggatiṁ nābhijānāmi supaṭassa idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi buddhaseṭṭhassa santike
tisso vijjā anuppattā kataṁ baddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā supaṭadāyako thero imā gāthāyo abhāsitthāti.
Supaṭadāyakattherassa apadānaṁ samattaṁ.
Chaṭṭhaṁ daṇḍadāyakattherāpadānaṁ (526)

[116] Kānanaṁ vanamoggayha veḷuṁ chetvānahaṁ tadā
ālambanaṁ karitvāna saṅghassa adadiṁ ahaṁ 3 .
1 Ma. Yu. pūpapavadāyakatthera.... 2 Ma. supaṭakaṁ. 3 Ma. bahuṁ.
Tena cittappasādena subbate abhivādayiṁ 1
ālambadaṇḍaṁ datvāna pakkāmiṁ uttarāmukho.
Catunavute ito kappe yaṁ daṇḍamadadiṁ tadā
duggatiṁ nābhijānāmi daṇḍadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā daṇḍadāyako thero imā gāthāyo abhāsitthāti.
Daṇḍadāyakattherassa apadānaṁ samattaṁ.
Tevīsatimaṁ bhāṇavāraṁ.
Sattamaṁ girinelapūjakattherāpadānaṁ (527)

[117] Migaluddho pure āsiṁ vivane vicaraṁ ahaṁ
addasaṁ virajaṁ buddhaṁ sabbadhammāna pāraguṁ.
Tasmiṁ mahākāruṇike sabbasattahite rate
pasannacitto sumano nelapupphaṁ apūjayiṁ.
1 Ma. Yu. abhivādiya.
Ekattiṁse ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā girinelapūjako thero imā gāthāyo abhāsitthāti.
Girinelapūjakattherassa apadānaṁ samattaṁ.
Aṭṭhamaṁ bodhisammajjakattherāpadānaṁ (528)

[118] Ahaṁ pure bodhipattaṁ ujjhitaṁ cetiyaṅgaṇe
taṁ gahetvāna chaḍḍesiṁ alabhiṁ vīsatiṁ guṇe.
Tassa kammassa tejena saṁsaranto bhavābhave
duve bhave saṁsarāmi devatte cāpi mānuse.
Devalokā cavitvāna āgantvā mānusaṁ bhavaṁ
duve kule pajāyāmi khattiye cāpi brāhmaṇe.
Aṅgapaccaṅgasampanno ārohapariṇāhavā
abhirūpo suci homi sampuṇṇako 1 anūnako.
1 Ma. Yu. sampuṇṇaṅgo.
Devaloke manusse vā jāto vā yattha katthaci
bhave suvaṇṇavaṇṇo ca uttattakanakūpamo.
Mudu 1 maddavā siniddhā sukhumā sukumārikā
chavi me sabbadā hoti bodhipatte suchaḍḍite.
Yato kutoci gatīsu sarīre samudāgate
na limpati rajojallaṁ vipāko pattachaḍḍite.
Uṇhe vātātape tassa aggitāpena vā pana 2
gatte sedā na muñcanti vipāko pattachaḍḍite.
Kuṭṭhaṁ gaṇḍo kilāso ca tilakā piḷakā tathā
na honti kāye daddu ca vipāko pattachaḍḍite.
Aparampi guṇantassa nibbattati bhavābhave
rogā na honti kāyasmiṁ vipāko pattachaḍḍite.
Aparampi guṇantassa nibbattati bhavābhave
na honti cittajā pīḷā vipāko pattachaḍḍite.
Aparampi guṇantassa nibbattati bhavābhave
amittā na bhavantassa vipāko pattachaḍḍite.
Aparampi guṇantassa nibbattati bhavābhave
anūnabhogo bhavati vipāko pattachaḍḍite.
Aparampi guṇantassa nibbattati bhavābhave
aggirājūhi corehi na hoti udakā 3 bhayaṁ.
1 Ma. Yu. mudukā .... 2 Yu. puna. 3 Ma. Yu. udake.
Aparampi guṇantassa nibbattati bhavābhave
dāsī dāsā anucarā honti cittānuvattakā.
Yamhi āyuppamāṇamhi jāyate mānuse bhave
tato na hāyate āyu tiṭṭhate yāvatāyukaṁ.
Abbhantarā ca 1 bāhirā negamā ca saraṭṭhakā
anuyuttā honti sabbepi vuddhikāmā sukhicchakā.
Bhogavā yasavā homi sirimā ñātipakkhavā
avero 2 gatasantāso bhavehi 3 sabbadā bhave.
Devā manussā asurā gandhabbā yakkharakkhasā
sabbe te parirakkhanti bhave saṁsarato sadā.
Devaloke manusse vā 4 anubhotvā ubho yase
avasāne ca nibbānaṁ sivaṁ patto anuttaraṁ.
Sambuddhamuddisitvāna bodhiṁ vā tassa satthuno
yo puññaṁ pasave poso tassa kiṁ nāma dullabhaṁ.
Magge phale ca āgame jhānābhiññāguṇesu ca
aññesaṁ adhiko hutvā nibbāyati 5 anāsavo.
Purehaṁ bodhiyā pattaṁ chaḍḍetvā haṭṭhamānaso
imehi vīsataṅgehi samaṅgī homi sabbadā.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
1 Yu. bahicarā. 2 Ma. Yu. apetabhayasantāso. 3 Yu. bhavesaṁ sabbato.
4 Ma. ca. 5 Ma. Yu. nibbāyāmi.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bodhisammajjako thero imā gāthāyo abhāsitthāti.
Bodhisammajjakattherassa apadānaṁ samattaṁ.
Navamaṁ āmaṇḍaphaladāyakattherāpadānaṁ (529)

[119] Padumuttaro nāma jino sabbadhammāna pāragū
vuṭṭhahitvā samādhimhā caṅkami lokanāyako.
Khāribhāraṁ gahetvāna āharanto phalaṁ tadā
addasaṁ virajaṁ buddhaṁ caṅkamantaṁ mahāmuniṁ.
Pasannacitto sumano sire katvāna añjaliṁ
sambuddhaṁ abhivādetvā āmaṇḍamadadiṁ phalaṁ.
Satasahasse ito kappe yaṁ phalaṁ adadiṁ tadā
duggatiṁ nābhijānāmi āmaṇḍassa idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā vīharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā āmaṇḍaphaladāyako thero imā gāthāyo abhāsitthāti.
Āmaṇḍaphaladāyakattherassa apadānaṁ samattaṁ.
Dasamaṁ sugandhattherāpadānaṁ (530)

[120] Imamhi bhaddake kappe brahmabandhu mahāyaso
kassapo nāma nāmena 1 uppajji vadataṁ varo.
Anubyañjanasampanno dvattiṁsavaralakkhaṇo
byāmappabhāparivuto raṁsijālasamutthato.
Assāsetā yathā cando suriyo viya pabhaṅkaro
nibbāpetā yathā megho sāgarova guṇākaro.
Dharaṇīriva sīlena himavāva samādhinā
ākāso viya paññāya asaṅgo anilo yathā.
Anūno 2 yathāvihāro parisāsu visārado
saccāni sampakāseti uddharanto mahājanaṁ.
Tadāhaṁ 3 bārāṇasiyaṁ seṭṭhiputto mahāyaso
āsabhaṁ 4 dhanadhaññassa pahutassa bahū mamaṁ 5 .
Jaṅghavihāraṁ vicaraṁ migadāyaṁ upeccahaṁ
addasaṁ nāthasatthāraṁ 6 desentaṁ amataṁ padaṁ.
1 Ma. gottena. 2 Ma. Yu. sakadāci mahāvīro. 3 Ma. Yu. tadā hi. 4 Ma. Yu.
āsahaṁ .... 5 Ma. Yu. tadā. 6 Ma. ... virajaṁ buddhaṁ. Yu. ... tādisaṁ buddhaṁ.
Visaṭṭhakantavacanaṁ karavikasamassaraṁ
haṁsadundubhinigghosaṁ 1 viññāpentaṁ mahājanaṁ.
Disvā devātidevantaṁ sutvā ca madhuraṁ saraṁ 2
pahāyānappake bhoge pabbajiṁ anagāriyaṁ.
Evaṁ pabbajitovāhaṁ na cirena bahussuto
ahosiṁ dhammakathiko vicittapaṭibhāṇavā.
Mahāparisamajjhehaṁ satthunova 3 punappunaṁ
vaṇṇayiṁ hemavaṇṇassa vaṇṇaṁ vaṇṇavisārado.
Esa khīṇāsavo buddho anīgho chinnasaṁsayo
sabbakammakkhayaṁ patto vimutto 4 upadhikkhaye
esa so bhagavā buddho esa sīho anuttaro.
Sadevakassa lokassa brahmacakkaṁ pavattako
danto dametā santo ca sametā nibbuto isi
nibbāpetā ca assattho assāsetā mahājanaṁ.
Vīro sūro ca vikkanto 5 pañño kāruṇiko vasī
vijitāvī vijito 6 ca appagabbho anālayo.
Aneñjo acalo dhīro amoho asamo muni
dhorayho usabho nāgo sīho sakko garūsupi.
Virāgo vimalo brahmā vādīsūro raṇañjaho
akhilo ca visallo ca asamo vusabho suci.
1 Ma. haṁsarutehi nigghosaṁ. 2 Ma. Yu. giraṁ. 3 Ma. Yu. haṭṭhacitto. 4 Ma.
vimuttopadhisaṅkhaye. 5 Po. Yu. ... dhīro ca. 6 Ma. Yu. ... ca sa jino.
Brāhmaṇo samaṇo nātho bhisakko sallasandhuto 1
yodho buddho sutāsuto acalo mudito sito.
Katadantā 2 vahattā ca kattā netā pakāsitā
sampahaṁsitā settā 3 ca chettā sotā pasaṁsitā.
Avilo 4 ca visallo ca anīgho akathaṁkathī
anejo virajo khattā gandhā vattā 5 pakāsitā.
Tāretā atthakāretā 6 kāretā sampadāritā
pāpetā sahitā hantā 7 tāpitā 8 ca visositā.
Saccaṭṭhitosamasamo 9 asahāyo dayālayo
accheramanto 10 akuho katāvī isi sattamo.
Nitiṇṇakaṅkho nimmāno appameyyo anūpamo
sabbavākyapathātīto sabbaneyyantito 11 jino.
Sataraṁsīvare 12 tasmiṁ pasādo amatāvaho
tasmā buddhe ca dhamme ca saṅghe saddhā mahatthikā.
Guṇehi evamādīhi tilokasaraṇuttamaṁ
vaṇṇento parisamajjhe kathiṁ dhammakathaṁ ahaṁ.
Tato cutohaṁ tusite anubhotvā mahāsukhaṁ
tato cuto manussesu jāto homi sugandhiko.
Nissāso mukhagandho ca dehagandho tatheva me
so 13 ca gandhova satataṁ sabbagandhova hoti me.
1 Ma. Yu. sallakattako. 2 Ma. dhātā dhatā ca santi ca. Yu. tātā tantā ca hantā ca.
3 Ma. bhettā. Yu. bhottā. 4 Ma. Yu. akhilo. 5 Yu. mettā.
6 Po. Yu. ... atha tāretā. 7 Ma. kantā. 8 Ma. Yu. hantā ātāpī tāpaso.
9 Ma. Yu. samacitto. 10 Ma. accherasatto. Yu. accherasanto.
11 Ma. saccaneyyantagū. Yu. saccaneyyantago. 12 Ma. Yu. sattasāravare.
13 Ma. Yu. sedagandho.
Mukhagandho sadā mayhaṁ padumuppalacampako
atikanto 1 sadā vāti sarīro ca tatheva me.
Guṇatthavassa sabbantaṁ phalantaṁ paramabbhutaṁ
ekaggamanasā sabbe bhāsitassa 2 suṇātha me.
Guṇaṁ buddhassa vatvāna hitāyanaṁ 3 sukhāvahaṁ
sucitto 4 homi sabbattha saṅgho vīrasamāsuto 5 .
Yasassī sukhito kanto jutimā piyadassano
vattā aparibhūto ca niddoso paññavā tathā.
Khīṇe pāsusi 6 nibbānaṁ sulabhaṁ buddhabhattinaṁ 7
tesaṁ hetuṁ pavakkhāmi taṁ suṇātha yathātathaṁ.
Santaṁ yasaṁ bhagavato vicinā 8 abhivādayaṁ
yattha 9 yatthupapannopi yasassī tena homahaṁ.
Dukkhassantakaraṁ buddhaṁ dhammaṁ santaṁ asaṅkhataṁ
vaṇṇayaṁ sukhado āsiṁ sattānaṁ sukhito tato.
Guṇaṁ vadanto buddhassa buddhapītisamāyuto
sakanti 10 parakanti ca āsiṁ tena ca kantimā.
Jino yo 11 titthikātiṇṇo abhibhuyya kutitthiye
guṇaṁ vadanto thomesiṁ 12 nāyakaṁ jutimā tato.
Piyaṅkāriṁ janassāpi sambuddhassa guṇaṁ vadaṁ
saradiva sasaṅkohaṁ tenāsiṁ piyadassano.
1 Ma. parisanto .... Yu. atisanto. 2 Ma. Yu. vaṇṇayissaṁ. 3 Ma. hitāya ca na
sadisaṁ. Yu. ... janasandhisu. 4 Ma. Yu. sukhito. 5 Ma. vīrasamāyuto. Yu. rasaddho
visamāyuto. 6 Ma. āyusi. Yu. khīṇevāyupi. 7 Ma. Yu. buddhabhattino. 8 Ma. Yu.
vidhinā. 9 Ma. tattha tatthūpapannopi. 10 Ma. Yu. sakantiṁ parakantiñca janayiṁ ....
11 Ma. ... te titthikākiṇṇe. Yu. janoghe titthikākiṇṇe. 12 Ma. Yu. jotesiṁ.
Yathāsattivasenāhaṁ sabbavācāhi santhaviṁ
sugataṁ tena vaṅgīso vicittapaṭibhāṇavā.
Ye bālā vimatiṁ pattā paribhonti mahāmuniṁ
niggahiṁ te sadhammena paribhūtena tenahaṁ.
Buddhavaṇṇehi sattānaṁ kilese apanesahaṁ
nikkilesamano homi tassa kammassa vāhasā.
Sotūnaṁ buddhimajaniṁ buddhānussatidesako
tenāpicāsiṁ 1 sappañño nipuṇatthavipassako.
Sabbāsavaparikkhīṇo tiṇṇasaṁsārasāgaro
vasī 2 ca anupādāno pāpuṇissāmi nibbutiṁ.
Imasmiṁyeva kappasmiṁ yamahaṁ santhaviṁ jinaṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sugandho thero imā gāthāyo abhāsitthāti.
Sugandhattherassa apadānaṁ samattaṁ.
1 Ma. Yu. tenāhamāsiṁ. 2 Ma. Yu. sikhīva.
Uddānaṁ
tiṇado veccado ceva saraṇabbhañjanampado
supaṭo daṇḍadāyī ca nelapūjī tatheva ca.
Bodhisammajjakomaṇḍo sugandho dasamo dijo
gāthāsataṁ satevīsaṁ gaṇitaṁ cettha sabbaso.
Tiṇadāyakavaggo tepaññāso.
---------------------
Catupaññāsamo kaccāyanavaggo
paṭhamaṁ mahākaccāyanattherāpadānaṁ (531)