[101] Migaluddho pure āsiṁ vivane vicaraṁ ahaṁ
addasaṁ virajaṁ buddhaṁ sabbadhammāna pāraguṁ.
Kurañjiyaphalaṁ gayha buddhaseṭṭhassadāsahaṁ
puññakkhettassa dhīrassa 1 pasanno sehi pāṇibhi.
Ekattiṁse ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kurañjiyaphaladāyako thero imā gāthāyo abhāsitthāti.
Kurañjiyaphaladāyakattherassa apadānaṁ samattaṁ.
1 Ma. tādino. Yu. vīrassa.
Dutiyaṁ kapiṭṭhaphaladāyakattherāpadānaṁ (512)

[102] Suvaṇṇavaṇṇaṁ sambuddhaṁ āhutīnaṁ paṭiggahaṁ
rathiyaṁ paṭipajjantaṁ kapiṭṭhaṁ adadiṁ phalaṁ.
Ekanavute ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kapiṭṭhaphaladāyako thero imā gāthāyo abhāsitthāti.
Kapiṭṭhaphaladāyakattherassa apadānaṁ samattaṁ.
Tatiyaṁ kosumbaphaliyattherāpadānaṁ 1 (513)

[103] Kakudhaṁ vilasantaṁva devadevaṁ narāsabhaṁ
rathiyaṁ paṭipajjantaṁ kosumbamadadintadā.
Ekattiṁse ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
1 Ma. kosamba....
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kosumbaphaliyo thero imā gāthāyo abhāsitthāti.
Kosumbaphaliyattherassa apadānaṁ samattaṁ.
Catutthaṁ ketakapupphiyattherāpadānaṁ (514)

[104] Vinatānadiyā 1 tīre vihāsi purisuttamo
addasaṁ virajaṁ buddhaṁ ekaggaṁ susamāhitaṁ.
Madhugandhassa pupphena ketakassa ahaṁ tadā
pasannacitto sumano buddhaseṭṭhassa pūjayiṁ.
Ekanavute ito kappe yaṁ pupphaṁ abhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
1 Yu. vitthāya nadiyā.
Tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ketakapupphiyo thero imā gāthāyo abhāsitthāti.
Ketakapupphiyattherassa apadānaṁ samattaṁ.
Pañcamaṁ nāgapupphiyattherāpadānaṁ (515)

[105] Suvaṇṇavaṇṇaṁ sambuddhaṁ āhutīnaṁ paṭiggahaṁ
rathiyaṁ paṭipajjantaṁ nāgapupphaṁ apūjayiṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nāgapupphiyo thero imā gāthāyo abhāsitthāti.
Nāgapupphiyattherassa apadānaṁ samattaṁ.
Chaṭṭhaṁ ajjunapupphiyattherāpadānaṁ (516)

[106] Candabhāgānadītīre ahosiṁ kinnaro tadā
addasaṁ virajaṁ buddhaṁ sayambhuṁ aparājitaṁ.
Pasannacitto sumano vedajāto katañjalī
gahetvā ajjunapupphaṁ sayambhuṁ abhipūjayiṁ.
Tena kammena sukatena cetanāpaṇidhīhi ca
jahitvā kinnaraṁ dehaṁ tāvatiṁsaṁ agañchahaṁ.
Chattiṁsakkhattuṁ devindo devarajjamakārayiṁ
dasakkhattuṁ cakkavatti mahārajjamakārayiṁ.
Padesarajjaṁ vipulaṁ gaṇanāto asaṅkhayaṁ
sukhette 1 vappitaṁ vījaṁ sayambhusmiṁ ahosi 2 me.
Kusalaṁ vijjate mayhaṁ pabbajiṁ anagāriyaṁ
pūjāraho ahaṁ ajja sakyaputtassa sāsane.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. sukhetteva phītaṁ bījaṁ. 2 Ma. Yu. aho mamaṁ.
Itthaṁ sudaṁ āyasmā ajjunapupphiyo thero imā gāthāyo abhāsitthāti.
Ajjunapupphiyattherassa apadānaṁ samattaṁ.
Sattamaṁ kuṭajapupphiyattherāpadānaṁ (517)

[107] Himavantassa avidūre accalo 1 nāma pabbato
buddho sudassano nāma vasanto 2 pabbatantare.
Pupphaṁ hemavantaṁ gayha vehāsaṁ agamāsahaṁ
tatthaddasāsiṁ sambuddhaṁ oghatiṇṇamanāsavaṁ.
Pupphaṁ kuṭajamādāya sire katvānahantadā 3
buddhassa abhiropesiṁ sayambhussa mahesino.
Ekattiṁse ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kuṭajapupphiyo thero imā gāthāyo abhāsitthāti.
Kuṭajapupphiyattherassa apadānaṁ samattaṁ.
1 Ma. vasalo. Yu. cāvalo. 2 Ma. Yu. vasate. 3 Ma. ... katvāna añjaliṁ.
Aṭṭhamaṁ ghosasaññakattherāpadānaṁ (518)

[108] Migaluddho pure āsiṁ araññe vivane ahaṁ
addasaṁ virajaṁ buddhaṁ devasaṅghapurakkhataṁ.
Catusaccaṁ pakāsentaṁ desentaṁ amataṁpadaṁ
assosiṁ madhuraṁ dhammaṁ sikhino lokabandhuno.
Ghose cittaṁ pasādesiṁ asamappaṭipuggale 1
tattha cittaṁ pasādetvā uttariṁ duttaraṁ bhavaṁ.
Ekattiṁse ito kappe yaṁ saññamalabhiṁ tadā
duggatiṁ nābhijānāmi ghosasaññāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ghosasaññako thero imā gāthāyo abhāsitthāti.
Ghosasaññakattherassa apadānaṁ samattaṁ.
1 Yu. asamappaṭipuggalaṁ.
Navamaṁ sabbaphaladāyakattherāpadānaṁ (519)

[109] Varuṇo nāma nāmena brāhmaṇo mantapāragū
chaḍḍetvā dasa puttāni vanamajjhogahiṁ tadā.
Assamaṁ sukataṁ katvā suvibhattaṁ manoramaṁ
paṇṇasālaṁ karitvāna vasāmi pavane ahaṁ.
Padumuttaro lokavidū āhutīnaṁ paṭiggaho
mamuddharitukāmo so āgañchi mama assamaṁ.
Yāvatā vanasaṇḍamhi obhāso vipulo ahu
buddhassa ānubhāvena pajjali pavanaṁ tadā.
Disvāna pāṭihiriyaṁ 1 buddhaseṭṭhassa tādino
pattapuṭaṁ gahetvāna phalena pūrayiṁ ahaṁ.
Upagantvāna sambuddhaṁ saha 2 khārimadāsahaṁ
anukampāya me buddho idaṁ vacanamabravi.
Khāribhāraṁ gahetvāna pacchato ehi me tuvaṁ
paribhutteva 3 saṅghamhi puññaṁ 4 tava bhavissati.
Puṭakantaṁ gahetvāna bhikkhusaṅghassadāsahaṁ
tattha cittaṁ pasādetvā tusitaṁ upapajjahaṁ.
Tattha dibbehi naccehi gītehi vāditehi ca
puññakammena saṁyutto 5 anubhomi yasaṁ 6 ahaṁ.
1 Ma. ..ṭaṁ pāṭihīraṁ. Yu. disvānahaṁ pāṭihīraṁ. 2 Yu. sākhārikaṁ adāsahaṁ.
3 Ma. Yu. ... ca. 4 Yu. puññaṁ taṁva. 5 Ma. saṁyuttaṁ. 6 Ma. sadā sukhaṁ.
Yaṁ yaṁ yonūpapajjāmi devattaṁ atha mānusaṁ
bhoge me ūnatā natthi phaladānassidaṁ phalaṁ.
Yāvatā caturo dīpā sasamuddā sapabbatā
phalaṁ buddhassa datvāna issaraṁ kārayiṁ 1 ahaṁ.
Yāvatā ye pakkhigaṇā ākāse upatanti ce 2
tepi maṁ vasamanventi phaladānassidaṁ phalaṁ.
Yāvatā vanasaṇḍamhi yakkhā bhūtā ca rakkhasā
kumbhaṇḍā garuḷā cāpi pācariyaṁ 3 upenti me.
Kummā 4 soṇā madhukarā ḍaṁsā ca makasā ubho
tepi maṁ vasamanventi phaladānassidaṁ phalaṁ.
Supaṇṇā nāma sakuṇā pakkhijātā mahabbalā
tepi maṁ saraṇaṁ yanti phaladānassidaṁ phalaṁ.
Yepi dīghāyukā nāgā iddhimanto mahāyasā
tepi maṁ vasamanventi phaladānassidaṁ phalaṁ.
Sīhā byagghā ca dīpi ca acchakokataracchakā
tepi maṁ vasamanventi phaladānassidaṁ phalaṁ.
Osadhitiṇavāsī ca ye ca ākāsavāsino
sabbe maṁ saraṇaṁ yanti phaladānassidaṁ phalaṁ.
Sududdasaṁ sunipuṇaṁ gambhīraṁ supakāsitaṁ
phussayitvā 5 viharāmi phaladānassidaṁ phalaṁ.
1 Ma. Yu. kārayāmahaṁ. 2 Yu. te. 3 Ma. Yu. pāricariyaṁ. 4 Yu. kumbhasoṇā.
5 Po. Ma. phassayitvā. Yu. passitvāna.
Vimokkhe aṭṭha phussitvā viharāmi anāsavo
ātāpī nipako cāpi 1 phaladānassidaṁ phalaṁ.
Ye phalaṭṭhā buddhaputtā khīṇadosā mahāyasā
ahaṁ aññataro tesaṁ phaladānassidaṁ phalaṁ.
Abhiññāpāramiṁ gantvā sukkamūlena codito
sabbāsave pariññāya viharāmi anāsavo.
Tevijjā iddhipattā ca buddhaputtā mahāyasā
dibbasotasamāpannā tesaṁ aññataro ahaṁ.
Satasahasse ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sabbaphaladāyako thero imā gāthāyo abhāsitthāti.
Sabbaphaladāyakattherassa apadānaṁ samattaṁ.
1 Ma. Yu. cāhaṁ.
Dasamaṁ padumadhāriyattherāpadānaṁ (520)

[110] Himavantassa avidūre romaso nāma pabbato
buddhobhisambhavo nāma abbhokāse vasi 1 tadā.
Bhavanā nikkhamitvāna padumaṁ dhārayiṁ ahaṁ
ekāhaṁ dhārayitvāna bhavanaṁ punarāgamiṁ.
Ekatiṁse ito kappe yaṁ buddhamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā padumadhāriyo thero imā gāthāyo abhāsitthāti.
Padumadhāriyattherassa apadānaṁ samattaṁ.
Uddānaṁ
kurañjiyaṁ kapiṭṭhañca kosumbaṁ atha ketakaṁ
nāgapupphajjunañceva kuṭaji ghosasaññako.
1 Ma. Yu. sabbattha vasī.
Thero ca sabbaphalado tathā padumadhāriyo
asīti cetthe gāthāyo tisso gāthā taduttari.
Phaladāyakavaggo dvepaññāso.
-----------
Tepaññāso tiṇadāyakavaggo
paṭhamaṁ tiṇamuṭṭhidāyakattherāpadānaṁ (521)