[41] Dhammadassissa munino bodhiyā pādaputtame
pasannacitto sumano jagatiṁ kārayiṁ ahaṁ.
Darito pabbatāto vā rukkhato patito ahaṁ
cuto patiṭṭhaṁ vindāmi 1 jagatiyā idaṁ phalaṁ.
Na me corā vihesanti 2 nātimaññanti khattiyā
sabbāmittetikkamāmi jagatiyā idaṁ phalaṁ.
Yaṁ yaṁ yonūpapajjāmi devattaṁ atha mānusaṁ
sabbattha pūjito homi jagatiyā idaṁ phalaṁ.
Aṭṭhārase kappasate jagatiṁ kārayiṁ ahaṁ
duggatiṁ nābhijānāmi jagatidānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. labhāmi. 2 Yu. pasahanti.
Itthaṁ sudaṁ āyasmā jagatidāyako thero imā gāthāyo abhāsitthāti.
Jagatidāyakattherassa apadānaṁ samattaṁ.
Dutiyaṁ morahatthiyattherāpadānaṁ (452)

[42] Morahatthaṁ gahetvāna upesi 1 lokanāyakaṁ
pasannacitto sumano morahatthaṁ adāsahaṁ.
Iminā morahatthena cetanāpaṇidhīhi ca
nibbutā 2 me tayo aggī labhāmi vipulaṁ sukhaṁ.
Aho buddhā aho dhammā aho no satthusampadā
datvānahaṁ morahatthaṁ labhāmi vipulaṁ sukhaṁ.
Tidhaggī nibbutā mayhaṁ bhavā sabbe samūhatā
sabbāsavā parikkhīṇā natthi dāni punabbhavo.
Ekatiṁse ito kappe yaṁ dānamadadintadā
duggatiṁ nābhijānāmi morahatthassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti
1 Ma. Yu. upesiṁ. 2 Ma. nibbāyiṁsu tayo aggī. Yu. nibbantime tayo aggī.
Itthaṁ sudaṁ āyasmā morahatthiyo thero imā gāthāyo abhāsitthāti.
Morahatthiyattherassa apadānaṁ samattaṁ.
Tatiyaṁ sīhāsanabījiyattherāpadānaṁ (453)

[43] Tissassāhaṁ bhagavato bodhirukkhaṁ avandihaṁ 1
paggayha vījaniṁ tattha sīhāsanamavijjahaṁ.
Dvenavute ito kappe sīhāsanamavijjahaṁ
duggatiṁ nābhijānāmi vījanāya idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sīhāsanabījiyo thero imā gāthāyo abhāsitthāti.
Sīhāsanabījiyattherassa apadānaṁ samattaṁ.
Catutthaṁ tiṇukkadhāriyattherāpadānaṁ (454)

[44] Pudumuttarassa buddhassa bodhiyā pādaputtame
pasannacitto sumano tayo ukke adhārayiṁ.
1 Ma. avandiyaṁ.
Satasahasse ito kappe yāhaṁ 1 ukkamadhārayiṁ
duggatiṁ nābhijānāmi ukkadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇukkadhāriyo thero imā gāthāyo abhāsitthāti.
Tiṇukkadhāriyattherassa apadānaṁ samattaṁ.
Pañcamaṁ akkamanadāyakattherāpadānaṁ (455)

[45] Kakusandhassa munino brāhmaṇassa vusīmato
divāvihāraṁ vajato akkamanamadāsahaṁ.
Imasmiṁyeva kappasmiṁ yaṁ dānamadadintadā
duggatiṁ nābhijānāmi akkamanassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
1 Ma. sohaṁ. Yu. yohaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā akkamanadāyako thero imā gāthāyo abhāsitthāti.
Akkamanadāyakattherassa apadānaṁ samattaṁ.
Chaṭṭhaṁ vanakoraṇḍiyattherāpadānaṁ (456)

[46] Siddhatthassa bhagavato lokajeṭṭhassa tādino
vanakoraṇḍamādāya buddhassa abhiropayiṁ.
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vanakoraṇḍiyo thero imā gāthāyo abhāsitthāti.
Vanakoraṇḍiyattherassa apadānaṁ samattaṁ.
Vīsatimaṁ bhāṇavāraṁ.
Sattamaṁ ekachattiyattherāpadānaṁ (457)

[47] Aṅgārajātā paṭhavī kukkuḷānugatā mahi
padumuttaro bhagavā abbhokāsamhi caṅkami.
Paṇḍaraṁ chattamādāya addhānaṁ patipajjahaṁ
tattha disvāna sambuddhaṁ cittaṁ 1 me upapajjatha.
Marīcimophunā 2 bhūmi aṅgārāva mahī ayaṁ
upaṭṭhanti 3 mahāvātā sarīrakāyukhepanā 4 .
Sītaṁ uṇhaṁ vihanati 5 vātātapanivāraṇaṁ
paṭiggaṇha imaṁ chattaṁ phassayissāmi nibbutiṁ.
Anukampako kāruṇiko padumuttaro mahāyaso
mama saṅkappamaññāya paṭiggaṇhi tadā jino.
Tiṁsakappāni devindo devarajjamakārayiṁ
satānaṁ pañcakkhattuṁ ca cakkavatti ahosahaṁ.
Padesarajjaṁ vipulaṁ gaṇanāto asaṅkhayaṁ
anubhomi sakaṁ kammaṁ pubbe sukatamattano.
Ayaṁ me pacchimā jāti carimo vattate bhavo
ajjāpi setachattaṁ me sabbakālaṁ dharīyati.
Satasahasse ito kappe yaṁ chattamadadiṁ tadā
duggatiṁ nābhijānāmi chattadānassidaṁ phalaṁ.
1 Ma. Yu. vitti. 2 Ma. marīciyotthaṭā. Yu. marīcivophuṭā. 3 Ma. upahanti.
Yu. upavāyanti. 4 Ma. sarīrassāsukhepanā. Yu. sarīrassānukhepanā. 5 Ma. vihanantaṁ.
Yu. viharanti.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekachattiyo thero imā gāthāyo abhāsitthāti.
Ekachattiyattherassa apadānaṁ samattaṁ.
Aṭṭhamaṁ jātipupphiyattherāpadānaṁ (458)

[48] Parinibbute bhagavati padumuttare mahāyase
pupphacaṅkoṭake 1 gahetvā sarīraṁ abhiropayiṁ.
Tattha cittaṁ pasādetvā nimmānaṁ agamāsahaṁ
devalokaṁ gato santo puññakammaṁ carāmahaṁ.
Ambarā pupphavasso me sabbakālaṁ pavassati
sambhavāmi 2 manusse ve rājā homi mahāyaso.
Tahiṁ kusumavasso me abhivassati sabbadā
kāyesu 3 pupphapūjāya vāhasā sabbadassino.
Ayaṁ pacchimako mayhaṁ carimo vattate bhavo
ajjāpi pupphavasso me abhivassati sabbadā.
1 Ma. pupphavaṭaṁ sake katvā. 2 Ma. Yu. saṁsarāmi manusse ce. 3 Ma. tasseva.
Yu. tāyeva.
Satasahasse ito kappe yaṁ pupphaṁ abhiropayiṁ
duggatiṁ nābhijānāmi dehapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā jātipupphiyo thero imā gāthāyo abhāsitthāti.
Jātipupphiyattherassa apadānaṁ samattaṁ.
Navamaṁ sattipaṇṇiyattherāpadānaṁ 1 (459)

[49] Nīharante sarīramhi vijjamānāsu 2 bherisu
pasannacitto sumano sattipupphaṁ apūjayiṁ.
Satasahasse ito kappe yaṁ pupphaṁ abhipūjayiṁ
duggatiṁ nābhijānāmi dehapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
1 Ma. paṭṭipupphiyattherāpadānaṁ. 2 Ma. Yu. vajjamānāsu.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sattipaṇṇiyo thero imā gāthāyo abhāsitthāti.
Sattipaṇṇiyattherassa apadānaṁ samattaṁ.
Dasamaṁ gandhapūjakattherāpadānaṁ (460)

[50] Citakesu kurumānesu nānāgandhe samāhaṭe
pasannacitto sumano gandhamuṭṭhiṁ apūjayiṁ.
Satasahasse ito kappe citakaṁ yaṁ apūjayiṁ
duggatiṁ nābhijānāmi citapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā gandhapūjako thero imā gāthāyo abhāsitthāti.
Gandhapūjakattherassa apadānaṁ samattaṁ.
Uddānaṁ
jagatī morahattho ca āsani ukkadhārako
akkami vanakoraṇḍi chattado jātipūjako.
Sattipaṇṇiyo thero ca dasamo gandhapūjako
sattasaṭṭhī ca gāthāyo gaṇitāyo vibhāvihi.
Jagatidāyakavaggo chacattāḷīso.
----------------------
Sattacattāḷīso sālapupphivaggo
paṭhamaṁ sālakusumiyattherāpadānaṁ (461)