[21] Imamhi bhaddake kappe brahmabandhu mahāyaso
kassapo nāma gottena uppajji vadataṁ varo.
Nippapañco nirālambo ākāsasamamānaso
suññatabahulo tādi animittarato vasi.
Āsaṁkacitto 1 nillepo asaṁsaṭṭho kule gaṇe
mahākaruṇiko dhīro vinayopāyakovido.
Uyyutto parakiccesu vinayanto sadevake
nibbānagamanaṁ maggaṁ gatipaṅkavisosanaṁ.
Amataṁ paramassādaṁ jarāmaraṇanivāraṇaṁ
mahāparisamajjhe so nisinno lokatāraṇo.
Karavikarudo nātho brahmaghoso tathāgato
uddharanto mahādukkhā 2 vippanaṭṭhe anāyake.
Desento virajaṁ dhammaṁ diṭṭho me lokanāyako
tassa dhammaṁ suṇitvāna pabbajiṁ anagāriyaṁ.
Pabbajitvā tadāvāhaṁ cintento jinasāsanaṁ
ekakova vane ramme vasiṁ saṁsaggapīḷito.
1 Ma. Yu. asaṅgacitto nikleso. 2 Ma. Yu. mahāduggā.
Sakkāyavūpakasso 1 me hetubhūto mamāgami
manaso vūpakāsassa 2 saṁsaggabhayadassino.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekavihāriyo thero imā gāthāyo abhāsitthāti.
Ekavihāriyattherassa apadānaṁ samattaṁ.
Dutiyaṁ ekasaṅkhiyattherāpadānaṁ (432)

[22] Vipassino bhagavato mahābodhimaho ahu
mahājanā samāgamma pūjenti bodhimuttamaṁ.
Mahāsokarahito 3 pañño buddhaseṭṭho bhavissati
yassāyaṁ īdiso bodhi pūjanīyova satthuno.
Tato saṅkhaṁ gahetvāna bodhirukkhaṁ upaṭṭhahiṁ
dhamanto sabbadivasaṁ avandiṁ bodhimuttamaṁ.
Āsannake kataṁ kammaṁ devalokaṁ apāpayi
kalevaraṁ me patitaṁ devaloke ramāmahaṁ.
1 Ma. sakkāyavūpakāso me. Yu. savakāya vūpakaṭṭho me. 2 Yu. vūpakaṭṭhassa.
3 Ma. Yu. na hi taṁ orakaṁ maññe.
Saṭṭhī turiyasahassāni tuṭṭhahaṭṭhā pamoditā
sadā mayhaṁ upaṭṭhanti buddhapūjāyidaṁ phalaṁ.
Ekasattatime kappe rājā āsi sudassano
cāturanto vijitāvī jambūdīpassa 1 issaro.
Tato aṭṭhasatā 2 turiyā parivārenti maṁ sadā
anubhomi sakaṁ kammaṁ upaṭṭhānassidaṁ phalaṁ.
Yaṁ yaṁ yonūpapajjāmi devattaṁ atha mānusaṁ
mātukucchigatassāpi vajjare bheriyo sadā.
Upaṭṭhitvāna sambuddhaṁ anubhotvāna sampadā
sivaṁ amalaṁ 3 amaraṁ pattomhi acalaṁ padaṁ.
Ekanavute ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekasaṅkhiyo thero imā gāthāyo abhāsitthāti.
Ekasaṅkhiyattherassa apadānaṁ samattaṁ.
1 Ma. jambūmaṇḍassa. Yu. jambūsaṇḍassa. ito paraṁ īdisameva. 2 Ma. Yu. aṅgasatā.
3 Ma. Yu. sukhemaṁ amataṁ.
Tatiyaṁ pāṭihirasaññakattherāpadānaṁ (433)

[23] Padumuttaro nāma jino āhutīnaṁ paṭiggaho
vasīsatasahassehi nagaraṁ pāvisī tadā.
Nagaraṁ pavisantassa upasantassa tādino
rathiyā 1 paccuggamanādīsu nigghoso āsi tāvade.
Buddhassa ānubhāvena avajjitāghaṭṭitā 2
sayaṁ vīṇā pavajjanti buddhassa pavisato puraṁ.
Buddhaseṭṭhaṁ namassāmi padumuttaraṁ mahāmuniṁ
pāṭihirañca passitvā tattha cittaṁ pasādayiṁ.
Aho buddho aho dhammo aho no satthusampadā
acetanāpi turiyā sayameva pavajjare.
Satasahasse ito kappe yaṁ saññamalabhiṁ tadā
duggatiṁ nābhijānāmi buddhasaññāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. ratanāni pajjotiṁsu. Yu. ratanāni panādiṁsu. 2 Ma. bherivajjumaghaṭṭitā.
Yu. bherivajjanaghaṭṭitā.
Itthaṁ sudaṁ āyasmā pāṭihirasaññako thero imā gāthāyo abhāsitthāti.
Pāṭihirasaññakattherassa apadānaṁ samattaṁ.
Catutthaṁ ñāṇatthavikattherāpadānaṁ (434)

[24] Kaṇikāraṁva jalitaṁ dīparukkhaṁva jotitaṁ
kañcanaṁva virocantaṁ addasaṁ dipaduttamaṁ.
Kamaṇḍaluṁ ṭhapetvāna vākacīrañca kuṇḍikaṁ
ekaṁsaṁ ajinaṁ katvā buddhaseṭṭhaṁ thaviṁ ahaṁ.
Tamandhakāraṁ vidhamaṁ mohajālasamākulaṁ
ñāṇālokaṁ dassayitvā tiṇṇo 1 asi tuvaṁ muni.
Samuddharasimaṁ lokaṁ sabbāvantaṁ anuttaraṁ
ñāṇena te upamā natthi yāvatā jagato 2 gati.
Tena ñāṇena sabbaññū sabbaññūti pavuccati
vandāmi taṁ mahāvīraṁ sabbaññutaṁ anāsavaṁ.
Satasahasse ito kappe buddhaseṭṭhaṁ thaviṁ ahaṁ
duggatiṁ nābhijānāmi ñāṇatthumanāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
1 Ma. Yu. nittiṇṇosi mahāmuni. 2 Yu. ca gato gati.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ñāṇatthaviko thero imā gāthāyo abhāsitthāti.
Ñāṇatthavikattherassa apadānaṁ samattaṁ.
Pañcamaṁ ucchukhaṇḍikattherāpadānaṁ (435)

[25] Nagare bandhumatiyā dvārapālo ahosahaṁ
addasaṁ virajaṁ buddhaṁ sabbadhammāna pāraguṁ.
Ucchukkhaṇḍikamādāya buddhaseṭṭhassadāsahaṁ
pasannacitto sumano vipassissa mahesino.
Ekanavute ito kappe yaṁ ucchumadadiṁ tadā
duggatiṁ nābhijānāmi ucchukhaṇḍassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ucchukhaṇḍiko thero imā gāthāyo abhāsitthāti.
Ucchukhaṇḍikattherassa apadānaṁ samattaṁ.
Chaṭṭhaṁ kalambadāyakattherāpadānaṁ (436)

[26] Romaso nāma sambuddho vasati pabbatantare
kalambaṁ tassa pādāsiṁ pasanno sehi pāṇibhi.
Catunavute ito kappe yaṁ dānamadadiṁ tadā
duggatiṁ nābhijānāmi kalambassa idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kalambadāyako thero imā gāthāyo abhāsitthāti.
Kalambadāyakattherassa apadānaṁ samattaṁ.
Sattamaṁ ambāṭakadāyakattherāpadānaṁ (437)

[27] Pavane buddhaṁ disvāna sayambhuṁ aparājitaṁ
ambāṭakaṁ gahetvāna sayambhussa adāsahaṁ.
Ekattiṁse ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ambāṭakadāyako thero imā gāthāyo abhāsitthāti.
Ambāṭakadāyakattherassa apadānaṁ samattaṁ.
Aṭṭhamaṁ harītakidāyakattherāpadānaṁ (438)

[28] Harītakiṁ āmalakaṁ ambajambuvibhedakaṁ
kolaṁ bhallātakaṁ bellaṁ sayamevāharāmahaṁ.
Disvāna pabbhāragataṁ jhāyiṁ jhānarataṁ muniṁ
ābādhena āpīḷitaṁ addhaniyaṁ 1 mahāmuniṁ.
Harītakiṁ gahetvāna sayambhussa adāsahaṁ
katamattamhi bhesajjaṁ byādhi passambhi tāvade.
Pahīnadaratho buddho anumodaniyaṁ 2 akā
bhesajjadāneniminā byādhivūpasamena ca.
Devabhūto manusso vā jāto vā aññajātiyā
sabbattha sukhito hohi 3 mā ca te byādhimāgamā.
1 Ma. Yu. adutiyaṁ. 2 Ma. anumodamakāsi me. 3 Ma. hotu.
Idaṁ vatvāna sambuddho sayambhū aparājito
nabhaṁ abbhuggami dhīro haṁsarājāva ambare.
Yato harītakimadaṁ 1 sayambhussa mahesino
imaṁ jātiṁ upādāya byādhi me nūpapajjatha.
Ayaṁ pacchimako mayhaṁ carimo vattate bhavo
tisso vijjā anuppattā 2 kataṁ buddhassa sāsanaṁ.
Catunavute ito kappe bhesajjamadadiṁ tadā
duggatiṁ nābhijānāmi bhesajjassa idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā harītakidāyako thero imā gāthāyo abhāsitthāti.
Harītakidāyakattherassa apadānaṁ samattaṁ.
Navamaṁ ambapiṇḍiyattherāpadānaṁ (439)

[29] Hatthīrājā tadā āsiṁ īsādanto uruḷhavo
vicaranto brahāraññe addasaṁ lokanāyakaṁ.
1 Ma. harītakaṁ dinnaṁ. 2 Ma. Yu. sacchikatā.
Ambapiṇḍiṁ 1 gahetvāna adāsiṁ satthuno ahaṁ
paṭiggaṇhi mahāvīro siddhattho lokanāyako.
Mama nijjhāyamānassa paribhuñji tadā jino
tattha cittaṁ pasādetvā tusitaṁ upapajjahaṁ.
Tato ahaṁ cavitvāna cakkavatti ahosahaṁ
eteneva upāyena anubhotvāna sampadā.
Padhānaṁ pahitattohaṁ upasanto nirūpadhi
sabbāsave pariññāya viharāmi anāsavo.
Catunavute ito kappe yaṁ dānamadadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ambapiṇḍiyo thero imā gāthāyo abhāsitthāti.
Ambapiṇḍiyattherassa apadānaṁ samattaṁ.
1 Ma. ambapiṇḍaṁ.
Dasamaṁ jambūphaliyattherāpadānaṁ 1 (440)

[30] Padumuttarabuddhassa lokajeṭṭhassa tādino
piṇḍāya vicarantassa dhārato uttamaṁ yasaṁ.
Aggaphalaṁ gahetvāna vippasannena cetasā
dakkhiṇeyyassa dhīrassa adāsiṁ satthuno ahaṁ.
Tena kammena dipadinda lokajeṭṭha narāsabha
pattomhi acalaṁ ṭhānaṁ hitvā jayaparājayaṁ.
Satasahasse ito kappe yaṁ dānamadadiṁ tadā
duggatiṁ nābhijānāmi aggadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā jambūphaliyo thero imā gāthāyo abhāsitthāti.
Jambūphaliyattherassa apadānaṁ samattaṁ.
1 Ma. ambaphaliyatthera....
Uddānaṁ
thero ekavihārī ca saṅkhiko pāṭihīrako
thaviko ucchukhaṇḍī ca kalambambāṭakappadā.
Harītakambapiṇḍī ca jambūdo dasamo yati
chaḷāsīti ca gāthāyo gaṇitāyo vibhāvihi.
Ekavihārivaggo catucattāḷīso.
--------------------
Pañcacattāḷīso vibhedakivaggo
paṭhamaṁ vibhedakabījiyattherāpadānaṁ 1 (441)