[31] Kakusandho mahāvīro sabbadhammāna pāragū
gaṇamhā vūpakaṭṭho so agamāsi vanantaraṁ.
Vījavījaṁ 2 gahetvāna latāya ācariṁ 3 ahaṁ
bhagavā tamhi samaye jhāyate pabbatantare.
Disvānāhaṁ devadevaṁ vippasannena cetasā
dakkhiṇeyyassa dhīrassa vījavījamadāsahaṁ.
Imasmiṁyeva kappasmiṁ yaṁ vījamadadiṁ tadā
duggatiṁ nābhijānāmi vījavījassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vibhedakabījiyo thero imā gāthāyo abhāsitthāti.
Vibhedakabījiyattherassa apadānaṁ samattaṁ.
1 Ma. Yu. vibhītakamiñjiyatthera.... 2 Ma. sabbattha vījamiñjaṁ. 3 Ma. Yu. āvuṇiṁ.
Dutiyaṁ koladāyakattherāpadānaṁ (442)

[32] Ajinena nivatthohaṁ vākacīradharo tadā
bhāriyā 1 pūrayitvāna kolaṁ hāsi 2 mamassamaṁ.
Tamhi kāle sikhī buddho eko adutiyo ahu
mamassamaṁ upāgañchi jotento 3 sabbakālikaṁ.
Sakaṁ cittaṁ pasādetvā vanditvāna ca subbataṁ
ubhohatthehi paggayha kolaṁ buddhassadāsahaṁ.
Ekattiṁse ito kappe yaṁ phalaṁ adadiṁ tadā
duggatiṁ nābhijānāmi koladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā koladāyako thero imā gāthāyo abhāsitthāti.
Koladāyakattherassa apadānaṁ samattaṁ.
1 Ma. khāriyā. Yu. khāribhāraṁ haritvāna. 2 Ma. hāsiṁ. Yu. kolamāharimassamaṁ.
3 Ma. jānanto.
Tatiyaṁ veluvaphaliyattherāpadānaṁ 1 (443)

[33] Candabhāgānadītīre assamo sukato mama
veluvarukkhehi ākiṇṇo nānādumanisevito.
Sugandhaṁ veluvaṁ disvā buddhaseṭṭhaṁ anussariṁ
khāribhāraṁ pūrayitvā tuṭṭho saṁviggamānaso.
Kakusandhaṁ upāgamma billapakkamadāsahaṁ
puññakkhettassa dhīrassa vippasannena cetasā.
Imasmiṁyeva kappasmiṁ yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā veluvaphaliyo thero imā gāthāyo abhāsitthāti.
Veluvaphaliyattherassa apadānaṁ samattaṁ.
1 Ma. billiyatthera.... Yu. billaphaliyatthera....
Catutthaṁ bhallātakadāyakattherāpadānaṁ (444)

[34] Suvaṇṇavaṇṇaṁ sambuddhaṁ dvattiṁsavaralakkhaṇaṁ
pavanaggena gacchantaṁ sālarājaṁva phullitaṁ.
Tiṇasantharaṁ paññāpetvā buddhaseṭṭhaṁ ayācahaṁ
anukampatu maṁ buddho bhikkhaṁ icchāmi dātave.
Anukampako kāruṇiko atthadassī mahāyaso
mama saṅkappamaññāya oruyha 1 mama assame.
Orohitvāna sambuddho nisīdi paṇṇasanthare
bhallātakaṁ gahetvāna buddhaseṭṭhassadāsahaṁ.
Mama nijjhāyamānassa paribhuñji tadā jino
tattha cittaṁ pasādetvā abhivandiṁ tadā jinaṁ.
Aṭṭhārase kappasate yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. Yu. orūhi.
Itthaṁ sudaṁ āyasmā bhallātakadāyako thero imā gāthāyo abhāsitthāti.
Bhallātakadāyakattherassa apadānaṁ samattaṁ.
Pañcamaṁ ummāpupphiyattherāpadānaṁ 1 (445)

[35] Nigrodhe haritobhāse saṁvirūḷhamhi pādape
ummāmālañhi 2 paggayha bodhiyā abhiropayiṁ.
Imasmiṁyeva kappasmiṁ yaṁ bodhimabhipūjayiṁ 3
duggatiṁ nābhijānāmi bodhipūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭipasambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ummāpupphiyo thero imā gāthāyo abhāsitthāti.
Ummāpupphiyattherassa apadānaṁ samattaṁ.
Chaṭṭhaṁ ambāṭakiyattherāpadānaṁ (446)

[36] Supupphitaṁ sālavanaṁ oggayha vessabhū muni
nisīdi giriduggesu abhijātova kesarī.
1 Ma. uttaripupphiyatthera.... Yu. utuḷhipupphiyatthera....
2 Ma. uttarimālaṁ. Yu. utuḷhimālaṁ. 3 Yu. yaṁ pupphamabhiropayiṁ.
Pasannacitto sumano ambāṭakamapūjayiṁ
puññakkhettaṁ mahāvīraṁ 1 pasanno sehi pāṇibhi.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ambāṭakiyo thero imā gāthāyo abhāsitthāti.
Imbāṭakiyattherassa apadānaṁ samattaṁ.
Sattamaṁ sīhāsanikattherāpadānaṁ (447)

[37] Padumuttarassa bhagavato sabbabhūtahitesino
pasannacitto sumano sīhāsanamadāsahaṁ.
Devaloke manusse vā yattha yattha vasāmahaṁ
labhāmi vipulaṁ byamhaṁ sīhāsanassidaṁ phalaṁ.
Suvaṇṇarūpiyamayā lohitaṅkamayā bahū
maṇimayā ca pallaṅkā nibbattanti mamaṁ sadā.
1 Ma. anuttaraṁ.
Bodhiyā āsanaṁ katvā jalajuttamanāmino
ucce kule pajāyāmi aho dhammasudhammatā.
Satasahasse ito kappe sīhāsanamakāsahaṁ
duggatiṁ nābhijānāmi sīhāsanassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sīhāsaniko thero imā gāthāyo abhāsitthāti.
Sīhāsanikattherassa apadānaṁ samattaṁ.
Aṭṭhamaṁ pādapīṭhiyattherāpadānaṁ (448)

[38] Sumedho nāma sambuddho kāruṇiko 1 mahāmuni
tārayitvā bahū satte nibbuto so mahāyaso.
Sīhāsanassa sāmantā sumedhassa mahesino
pasannacitto sumano pādapīṭhamakārayiṁ.
Katvāna kusalaṁ kammaṁ sukhapākaṁ sukhudrayaṁ 2
puññakammena saṁyutto tāvatiṁsaṁ agañchahaṁ.
1 Ma. Yu. aggo kāruṇiko muni. 2 Yu. sukhindriyaṁ.
Tattha me vasamānassa puññakammasamaṅgino
padāni uddharantassa soṇṇapīṭhā bhavanti me.
Lābhā tesaṁ suladdhante ye labhanti upassuti 1
nibbute kāraṁ katvāna labhanti vipulaṁ sukhaṁ.
Mayāpi sukataṁ kammaṁ vāṇijje supayojitaṁ
pādapīṭhaṁ karitvāna soṇṇapīṭhaṁ labhāmahaṁ.
Yaṁ yaṁ disaṁ pakkamāmi kenaci kiccayenahaṁ 2
soṇṇapīṭhe akkamāmi puññakammassidaṁ phalaṁ.
Tiṁsakappasahassamhi yaṁ kammamakariṁ tadā
duggatiṁ nābhijānāmi pādapīṭhassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pādapīṭhiyo thero imā gāthāyo abhāsitthāti.
Pādapīṭhiyattherassa apadānaṁ samattaṁ.
1 Ma. Yu. upassutiṁ. 2 Yu. paccayenahaṁ.
Navamaṁ vediyakārakattherāpadānaṁ 1 (449)

[39] Padumuttarassa buddhassa bodhiyā pādaputtame
vediyaṁ sukataṁ katvā sakaṁ cittaṁ pasādayiṁ.
Aggoḷārāni 2 bhaṇḍāni katāni akatāni ca
antalikkhā pavassanti vedikāya idaṁ phalaṁ.
Ubhato byuḷhasaṅgāme pakkhandanto bhayānake
bhayabheravaṁ na passāmi vedikāya idaṁ phalaṁ.
Mama saṅkappamaññāya byamhaṁ nibbattate subhaṁ
sayanāni mahagghāni vedikāya idaṁ phalaṁ.
Satasahasse ito kappe yaṁ vedikamakārayiṁ
duggatiṁ nābhijānāmi vedikāya idaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vediyakārako thero imā gāthāyo abhāsitthāti.
Vediyakārakattherassa apadānaṁ samattaṁ.
1 Ma. Yu. vedikāratthera .... 2 Ma. atoḷārāni. Yu. athoḷārāni.
Dasamaṁ bodhigharakārakattherāpadānaṁ 1 (450)

[40] Siddhatthassa bhagavato dipadindassa tādino
pasannacitto sumano bodhigharamakārayiṁ.
Tussitaṁ upapannomhi vasāmi ratane ghare
na me sītaṁ va uṇhaṁ vā vāto gatte na samphuse.
Pañcasaṭṭhimhito kappe cakkavatti ahosahaṁ
kāsikaṁ nāma nagaraṁ visukammena māpitaṁ.
Dasayojanāayāmaṁ aṭṭhayojanavitthataṁ
na tamhi nagare atthi kaṭṭhaṁ vallī ca mattikā.
Tiriyaṁ yojanaṁ āsi aḍḍhayojanavitthataṁ
maṅgalo nāma pāsādo visukammena māpito.
Cūḷāsītisahassāni thambhā sovaṇṇiyā ahu
maṇimayā ca niyyūhā chadanaṁ rūpiyaṁ ahu.
Sabbasoṇṇamayaṁ gharaṁ visukammena māpitaṁ
ajjhāvutthaṁ mayā etaṁ gharadānassidaṁ phalaṁ.
Te sabbe anubhotvāna devamānusake bhave
ajja pattomhi nibbānaṁ santipadaṁ anuttaraṁ.
Tiṁsakappasahassamhi bodhigharamakārayiṁ
1 Ma. bodhigharadāyatthera .... Yu. bodhighariyatthera ....
Duggatiṁ nābhijānāmi gharadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bodhigharakārako thero imā gāthāyo abhāsitthāti.
Bodhigharakārakattherassa apadānaṁ samattaṁ.
Uddānaṁ
vibhedaki kolaphali billabhallātakappado
ummā ambāṭaki ceva āsani pādapīṭhako.
Vedikā bodhighariko gāthāyo gaṇitāpica
ekūnāsītikā sabbā asmiṁ vagge pakittitā.
Vibhedakivaggo pañcacattāḷīso.
---------------------
Chacattāḷīso jagativaggo
paṭhamaṁ jagatidāyakattherāpadānaṁ (451)