[1] Sumedho nāma sambuddho aggo kāruṇiko muni
vivekakāmo lokaggo himavantaṁ upāgami.
Ajjhogahetvā himavantaṁ 1 sumedho lokanāyako
pallaṅkaṁ ābhujitvāna nisīdi purisāsabho 2 .
Samādhiṁ so samāpanno sumedho lokanāyako
sattarattindivaṁ buddho nisīdi purisuttamo.
Khārikājaṁ 3 gahetvāna vanamajjhogahiṁ ahaṁ
tatthaddasāsiṁ sambuddhaṁ oghatiṇṇamanāsavaṁ.
Sammajjaniṁ gahetvāna sammajjitvāna assamaṁ
catudaṇḍe ṭhapetvāna akāsiṁ maṇḍapaṁ tadā.
Sālapupphaṁ gahetvāna maṇḍapaṁ chādayiṁ ahaṁ
pasannacitto sumano avandiṁ lokanāyakaṁ 4 .
1 Ma. Yu. himavaṁ. 2 Ma. Yu. purisuttamo. 3 Ma. khāribhāraṁ. ito paraṁ
īdisameva. 4 Ma. Yu. abhivandiṁ tathāgataṁ.
Yaṁ vadanti sumedhoti bhūripaññaṁ sumedhasaṁ
bhikkhusaṅghe nisīditvā imā gāthā abhāsatha.
Buddhassa giramaññāya sabbe devā samāgamuṁ
asaṁsayaṁ buddhaseṭṭho dhammaṁ deseti cakkhumā.
Sumedho nāma sambuddho āhutīnaṁ paṭiggaho
devasaṅghe nisīditvā imā gāthā abhāsatha.
Yo me sattāhaṁ maṇḍapaṁ dhārayi sālachādanaṁ 1
tamahaṁ kittayissāmi suṇātha mama bhāsato.
Devabhūto manusso vā hemavaṇṇo bhavissati
pahūtabhogo hutvāna kāmabhogī bhavissati.
Saṭṭhī nāgasahassāni sabbālaṅkārabhūsitā
suvaṇṇakacchā mātaṅgā hemakappanivāsasā 2 .
Āruḷhā gāmaṇīyebhi tomaraṅkusapāṇibhi
sāyaṁ pāto upaṭṭhānaṁ āgacchissantimaṁ naraṁ.
Tehi nāgehi parivuto ramissati ayaṁ naro
saṭṭhī assasahassāni sabbālaṅkārabhūsitā.
Ājānīyā ca 3 jātiyā sindhavā sīghabāhanā
āruḷhā gāmaṇīyebhi indiyācāpadhāribhi.
Parivāressantimaṁ niccaṁ buddhapūjāyidaṁ phalaṁ
saṭṭhī rathasahassāni sabbālaṅkārabhūsitā.
1 Ma. Yu. sālachāditaṁ. 2 Ma. hemakappanavāsasā. ito paraṁ īdisameva.
3 Ma. Yu. va.
Dīpā athopi veyyagghā sannaddhā ussitaddhajā
āruḷhā gāmaṇīyebhi cāpahatthehi cammibhi 1 .
Parivāressantimaṁ niccaṁ buddhapūjāyidaṁ phalaṁ
saṭṭhī gāmasahassāni paripuṇṇāni sabbaso.
Pahūtadhanadhaññāni susamiddhāni sabbaso
sadā pātubhavissanti buddhapūjāyidaṁ phalaṁ.
Hatthī assā rathā pattī senā ca caturaṅginī
parivāressantimaṁ niccaṁ buddhapūjāyidaṁ phalaṁ.
Aṭṭhārase kappasate devaloke ramissati
sahassakkhattuṁ rājā ca cakkavatti bhavissati.
Satānaṁ tīṇikkhattuṁ ca devarajjaṁ karissati
padesarajjaṁ vipulaṁ gaṇanāto asaṅkhayaṁ 2 .
Tiṁsakappasahassamhi okkākakulasambhavo
gotamo nāma nāmena satthā loke bhavissati.
Tassa dhammesu dāyādo oraso dhammanimmito
sabbāsave pariññāya viharāmi anāsavo.
Tiṁsakappasahassamhi addasaṁ lokanāyakaṁ
etthantaraṁ upādāya gavesiṁ amataṁpadaṁ.
Lābhā mayhaṁ suladdhaṁ me yamahaṁ ñāmi 3 sāsanaṁ
tisso vijjā anuppattā kataṁ buddhassa sāsanaṁ.
1 Ma. Yu. vammibhi. ito paraṁ īdisameva. 2 Ma. Yu. asaṅkhiyaṁ. ito paraṁ īdisameva.
3 Ma. Yu. ñāsi.
Namo te purisājañña namo te purisuttama
ñāṇaṁ paṭikittetvāna 1 pattomhi amataṁpadaṁ.
Yaṁ yaṁ yonūpapajjāmi devattaṁ atha mānusaṁ
sabbattha sukhito homi phalamme ñāṇakittane.
Idaṁ pacchimakaṁ mayhaṁ carimo vattatī bhavo
nāgova bandhanaṁ chetvā viharāmi anāsavo.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bhaddāli thero imā gāthāyo abhāsitthāti.
Bhaddālittherassa apadānaṁ samattaṁ.
Dutiyaṁ ekachattiyattherāpadānaṁ (412)

[2] Candabhāgānadītīre assamo sukato mama
susuddhapuḷinākiṇṇo paṇṇasālā sumāpitā.
Uttānakūlā nadikā supatitthā manoramā
macchakacchapasampannā suṁsumāranisevitā.
1 Ma. Yu. tava ṇāṇaṁ pakittetvā.
Acchā mayuradīpī ca karavikā ca sālikā
kujjanti sabbadā ete sobhayantā mamassamaṁ.
Kokilā mañjubhāṇī ca haṁsā ca madhurassarā
abhikujjanti te tattha sobhayantā mamassamaṁ.
Sīhā byagghā varāhā ca bakā kokataracchayo 1
giriduggamhi 2 nādenti sobhayantā mamassamaṁ.
Eṇimigā ca sarabhā bheraṇḍā sūkarā bahū
giriduggamhi nādenti sobhayantā mamassamaṁ.
Uddālakā ca campakā pāṭalī sinduvārikā
adhimuttā 3 asokā ca sobhayantā mamassamaṁ.
Aṅkolā yūthikā ceva sattapaṇṇā 4 bimbijālikā
kaṇikā kaṇikārā ca pupphanti mama assame 5 .
Nāgā sālā ca salaḷā puṇḍarīkettha pupphitā
dibbā gandhā sampavantā sobhanti mama assame.
Asaṭṭhā 6 asanā cettha mahānāmā ca pupphitā
sālā ca kaṅgupupphā ca sobhanti mama assame.
Ambā jambū ca tilakā nipā 7 ca sālakalyāṇī
dibbā gandhā sampavantā sobhayanti mamassamaṁ.
Asokā ca kapiṭṭhā ca bhaginimālā 8 ca pupphitā
dibbā gandhā sampavantā sobhayanti mamassamaṁ.
1 Ma. acchakokataracchakā. 2 Yu. giriduggaṁpi. 3 Ma. Yu. atimuttā. ito paraṁ
īdisameva. 4 Ma. Yu. sattasī. 5 Ma. sobhayantā mamassamaṁ. 6 Ma. Yu. ajjunā.
7 Ma. nimbā. 8 Ma. girimālettha pupphitā. Yu. bhaginimālettha.
Kadambā kadalī ceva isimuggā ca ropitā
dhuvaṁ phalāni dhārenti sobhayanti mamassamaṁ.
Harītakā āmalakā ambā jambū vibhedakā 1
kolā bhallātakā bellā 2 phalino mama assame.
Avidūre pokkharaṇī supatitthā manoramā
mandālakehi sañchannā padumuppalakehi ca.
Gabbhaṁ gaṇhanti padumā aññe pupphanti kesari
opattakaṇṇikā ceva pupphanti mama assame.
Pāṭhīnā pāvusā macchā valajā 3 muñjarohitā
acchodakamhi vicaraṁ sobhayanti mamassamaṁ.
Nayitā ambagandhi ca anukule ca ketakā
dibbā gandhā sampavantā sobhayanti mamassamaṁ.
Madhubhiṁsehi savanti 4 khīrasappimuḷālibhi
dibbā gandhā sampavantā sobhayanti mamassamaṁ.
Puḷinā sobhanā tattha ākiṇṇā jalasevitā
opupphā 5 pupphitā setā sobhayanti mamassamaṁ.
Jaṭābhārabharitā ca ajinuttaravāsino
vākacīradharā sabbe sobhayanti mamassamaṁ.
Yugamattamapekkhantā nipakā santavuttino
kāmagedhe 6 anapekkhā vasanti mama assame.
1 Ma. Yu. vibhītakā. sabbattha īdisameva. 2 Ma. billā. sabbattha īdisameva.
3 Ma. balajā. yu jalajā. sabbattha īdisameva. 4 Ma. Yu. madhubhisamhā savati.
5 Ma. opupphā--santi. Yu. ovaṭṭā--santi. 6 Ma. kāmabhoge.
Parūḷhakacchanakhalomā paṅkadantā rajassirā
rajojalladharā sabbe vasanti mama assame.
Abhiññāpāramippattā antalikkhe carāva te
uggacchantā nabhaṁ ete sobhayanti mamassamaṁ.
Tehi sissehi parivuto vasāmi pavane 1 tadā
rattindivaṁ na jānāmi jhānaratisamappito 2 .
Bhagavā tamhi samaye atthadassī mahāmuni
tamandhakāraṁ nāsento uppajji lokanāyako.
Atha aññataro sisso āgañchi mama santike
mante ajjhetukāmo so chaḷaṅgaṁ nāma lakkhaṇaṁ.
Buddho loke samuppanno atthadassī mahāmuni
catusaccaṁ pakāsento desesi amataṁpadaṁ.
Tuṭṭhahaṭṭho pamudito dhammantaragaṇāsayo 3
assamā abhinikkhamma idaṁ vacanamabraviṁ.
Buddho loke samuppanno dvattiṁsavaralakkhaṇo
etha sabbe gamissāma sammāsambuddhasantike.
Ovādapaṭikārā te saddhamme pāramiṁ gatā
sādhūti sampaṭicchiṁsu uttamatthaṁ gavesakā.
Jaṭābhārabharitā te ajinuttaravāsino
uttamatthaṁ gavesantā nikkhamiṁsu vanā tadā.
1 Ma. vipine. sabbattha īdisameva. 2 Ma. Yu. sadā jhānasamappito.
3 Ma. Yu. dhammantaragatāsayo.
Bhagavā tamhi samaye atthadassī mahāyaso
catusaccaṁ pakāsento desesi amataṁpadaṁ.
Setacchattaṁ gahetvāna buddhaseṭṭhassa dhārayiṁ
ekāhaṁ dhārayitvāna buddhaseṭṭhaṁ avandihaṁ.
Atthadassī tu bhagavā lokajeṭṭho narāsabho
bhikkhusaṅghe nisīditvā imā gāthā abhāsatha.
Yo me chattamadhāresi pasanno sehi pāṇibhi
tamahaṁ kittayissāmi suṇātha mama bhāsato.
Imassa jāyamānassa devatte atha mānuse
dhārissanti sadā chattaṁ chattadānassidaṁ phalaṁ.
Sattasattatikappāni devaloke ramissati
sahassakkhattuṁ rājā ca cakkavatti bhavissati.
Sattasattatikkhattuñca devarajjaṁ karissati
padesarajjaṁ vipulaṁ gaṇanāto asaṅkhayaṁ
aṭṭhārase kappasate gotamo sakyapuṅgavo
tamandhakāraṁ nāsento upajjissati cakkhumā.
Tassa dhammesu dāyādo oraso dhammanimmito
sabbāsave pariññāya nibbāyissatināsavo.
Yato ahaṁ kammamakaṁ 1 chattaṁ buddhassa dhārayiṁ
etthantare na jānāmi setacchattaṁ adhāritaṁ.
1 Yu. kammakaṁ taṁ.
Idaṁ pacchimakaṁ mayhaṁ carimo vattate bhavo
chattadhāraṇamajjāsi matthake 1 niccakālikaṁ.
Aho me sukataṁ kammaṁ atthadassissa tādino
sabbāsavaparikkhīṇo natthi dāni punabbhavo.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ 2 vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekachattiyo thero imā gāthāyo abhāsitthāti.
Ekachattiyattherassa apadānaṁ samattaṁ.
Tatiyaṁ tiṇasūlakachādaniyattherāpadānaṁ (413)

[3] Jātijarañca maraṇaṁ paccavekkhiṁ ahaṁ tadā
ekako abhinikkhamma pabbajiṁ anagāriyaṁ.
Caramāno anupubbena gaṅgātīraṁ upāgamiṁ
tatthaddasāsiṁ paṭhaviṁ gaṅgātīre sapuṇṇakaṁ 3 .
Assamaṁ tattha māpetvā vasāmi mama assame 4
sukkato caṅkamo mayhaṁ nānādijagaṇāyuto.
1 Ma. Yu. chattadhāraṇamajjāpi vattate. 2 Yu. sāgataṁ. sabbattha īdisameva.
3 Ma. Yu. supuṇṇataṁ. 4 Ma. Yu. vasāmi assame ahaṁ.
Mamaṁ upenti ca sattā 1 kujjanti ca manoharaṁ
rammamāno saha tehi vasāmi assame ahaṁ.
Mama assamasāmantā migarājā catukkamo
āsayā abhinikkhamma gajji so asanī 2 viya.
Nadite migarāje ca hāso me upapajjatha
migarājaṁ gavesanto addasaṁ lokanāyakaṁ.
Disvānāhaṁ devadevaṁ tissaṁ lokagganāyakaṁ
haṭṭho haṭṭhena cittena pūjayiṁ nāgakesaraṁ.
Uggacchantaṁva suriyaṁ sālarājaṁva pupphitaṁ
osadhīva virocantaṁ santhaviṁ lokanāyakaṁ.
Tava ñāṇena sabbaññu jotesi maṁ sadevakaṁ
tuvaṁ [3]- ārādhayitvāna jātiyā parimuccare.
Adassanena sabbaññū buddhānaṁ sabbadassinaṁ
patantivīcinirayaṁ rāgadosehi otthaṭā 4 .
Tava dassanamāgamma sabbaññulokanāyakaṁ
pamuccanti bhavā sabbe phusanti amataṁpadaṁ.
Yadā buddhā cakkhumanto uppajjanti pabhaṅkarā
kilese jhāpayitvāna ālokaṁ dassayanti te.
Kittayitvāna sambuddhaṁ tissaṁ lokagganāyakaṁ
haṭṭho haṭṭhena cittena tiṇasūlaṁ apūjayiṁ.
1 Ma. Yu. mamupenti ca vissatthā. 2 Yu. medanī. 3 Yu. hi. 4 Ma. Yu. ophuṭā.
Mama saṅkappamaññāya tisso lokagganāyako
sakāsane nisīditvā imā gāthā abhāsatha.
Yo maṁ pupphehi chādesi pasanno sehi pāṇibhi
tamahaṁ kittayissāmi suṇātha mama bhāsato.
Pañcavīsatikkhattuñca 1 devarajjaṁ karissati
pañcasattatikkhattuñca cakkavatti bhavissati.
Padesarajjaṁ vipulaṁ gaṇanāto asaṅkhayaṁ
tassa 2 kammassa nissando pupphānaṁ pūjanāya so 3 .
Sāyaṁ 4 pāto ca yaṁ poso pupphehi 5 maṁ achādayi
puññakammena saṁyutto 6 purato pātubhavissati.
Yaṁ yaṁ icchati kāmehi taṁ taṁ pātubhavissati
saṅkappaṁ paripūretvā nibbāyissatināsavo.
Kilese jhāpayitvāna sampajāno paṭissato
ekāsane nisīditvā arahattaṁ apāpuṇi 7 .
Caṅkamanto nipajjanto nisinno athavā ṭhito
buddhaseṭṭhaṁ saritvāna viharāmi ahaṁ tadā.
Cīvare piṇḍapāte ca paccaye sayanāsane
tattha me ūnatā natthi buddhapūjāyidaṁ phalaṁ.
So dāni patto amataṁ santaṁ padamanuttaraṁ
sabbāsave pariññāya viharāmi anāsavo.
1 Ma. Yu. pañcavīsatikkhattuṁ so. 2 Ma. tassa kammanissandena. 3 Ma. ... ca.
4 Ma. Yu. sīsaṁ nhāto ca yaṁ poso. 5 Ma. pupphamākaṅkhate yadi. Yu. ... cayaṁ.
6 Ma. -- saṁyuttaṁ. 7 Ma. Yu. apāpuṇiṁ.
Dvenavute ito kappe yaṁ buddhamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇasūlakachādaniyo thero imā gāthāyo abhāsitthāti.
Tiṇasūlakachādaniyattherassa apadānaṁ samattaṁ.
Catutthaṁ madhumaṁsadāyakattherāpadānaṁ (414)

[4] Nagare bandhumatiyā sūkariko ahosahaṁ
ukkoṭakaṁ randhayitvā madhumaṁsamhi 1 okiriṁ.
Sannipātaṁ ahaṁ gantvā ekapattaṁ ahaṁ 2 gahiṁ
pūrayitvāna taṁ pattaṁ bhikkhusaṅghassadāsahaṁ.
Yo 3 vuḍḍhatherataro bhikkhu niyyādemi ahaṁ tadā
iminā pattapūrena labhissaṁ 4 vipulaṁ sukhaṁ.
Duve sampattiyo bhutvā sukkamūlena codito
pacchime vattamānamhi kilese jhāpayissati.
1 Yu. madhusappimhi ākiriṁ. 2 Ma. Yu. gahe sahaṁ. 3 Ma. Yu. yottha -- niyyādesi
mamaṁ tadā. 4 Ma. Yu. labhassu.
Tattha cittaṁ pasādetvā tāvatiṁsaṁ agañchihaṁ
tattha bhutvā pivitvā ca labhāmi vipulaṁ sukhaṁ.
Maṇḍape rukkhamūle vā pubbakammaṁ anussariṁ
annapānābhivasso me ativassati tāvade.
Idaṁ pacchimakaṁ mayhaṁ carimo vattate bhavo
idhāpi annapānaṁ me vassate sabbakālikaṁ.
Teneva madhudānena 1 sandhāvitvā bhave ahaṁ
sabbāsave pariññāya viharāmi anāsavo.
Ekanavute ito kappe yaṁ dānamadadiṁ tadā
duggatiṁ nābhijānāmi madhudānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā madhumaṁsadāyako thero imā gāthāyo abhāsitthāti.
Madhumaṁsadāyakattherassa apadānaṁ samattaṁ.
1 Yu. maṁsadānena.
Pañcamaṁ nāgapallavakattherāpadānaṁ (415)

[5] Nagare bandhumatiyā rājuyyāne vasāmahaṁ
mama assamasāmantā nisīdi lokanāyako.
Nāgapallavamādāya buddhassa abhiropayiṁ
pasannacitto sumano sugataṁ abhivādayiṁ.
Ekanavute ito kappe yaṁ pallavamabhipūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nāgapallavako thero imā gāthāyo abhāsitthāti.
Nāgapallavakattherassa apadānaṁ samattaṁ.
Chaṭṭhaṁ ekadīpiyattherāpadānaṁ (416)

[6] Parinibbutamhi sugate siddhatthe lokanāyake
sadevamānusā sabbe pūjenti dipaduttamaṁ.
Āropite ca citake siddhatthe lokanāyake
yathāsakena thāmena citaṁ pūjenti satthuno.
Avidūre citakassa dīpaṁ ujjālayiṁ ahaṁ
yāva udeti suriyo dīpaṁ me tāva pajjali.
Tena kammena sukatena cetanāpaṇidhīhi ca
jahitvā mānusaṁ dehaṁ tāvatiṁsaṁ agañchahaṁ.
Tattha me sukataṁ byamhaṁ ekadīpanti ñāyati
dīpasatasahassāni byamhe pajjalare mama.
Udayantova suriyo deho me jalate 1 sadā
sappabhāhi sarīrassa āloko hoti me sadā.
Tirokuḍḍaṁ tiroselaṁ samatiggayha pabbataṁ
samantā yojanasataṁ passāmi cakkhunā ahaṁ.
Sattasattatikkhattuṁ ca devaloke ramiṁ ahaṁ
ekatiṁsatikkhattuṁ ca devarajjaṁ akārayiṁ.
Aṭṭhavīsatikkhattuṁ ca cakkavatti ahosahaṁ
padesarajjaṁ vipulaṁ gaṇanāto asaṅkhayaṁ.
Devalokā cavitvāna nibbatti mātukucchiyaṁ
mātukucchigatassāpi akkhi me na 2 vinassati.
Jātiyā catuvassohaṁ pabbajiṁ anagāriyaṁ
aḍḍhamāse asampatte arahattaṁ apāpuṇiṁ.
1 Ma. jotate. Yu. rājate. 2 Ma. Yu. na nimīlati.
Dibbacakkhuṁ visodhesiṁ bhavā sabbe samūhatā
sabbe kilesā sañchinnā ekadīpassidaṁ phalaṁ.
Tirokuḍḍaṁ tiroselaṁ pabbatañcāpi kevalaṁ
samatikkamma passāmi ekadīpassidaṁ phalaṁ.
Visamā me samā honti andhakāro na vijjati
nāhaṁ passāmi timiraṁ ekadīpassidaṁ phalaṁ.
Catunavute ito kappe yaṁ dīpamadadiṁ tadā
duggatiṁ nābhijānāmi ekadīpassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekadīpiyo thero imā gāthāyo abhāsitthāti.
Ekadīpiyattherassa apadānaṁ samattaṁ.
Sattamaṁ ucchaṅgapupphiyattherāpadānaṁ (417)

[7] Nagare bandhumatiyā ahosiṁ māliko tadā
ucchaṅgaṁ pūrayitvāna agamaṁ antarāpaṇaṁ.
Bhagavā tamhi samaye bhikkhusaṅghapurakkhato
mahatā ānubhāvena niyyāti lokanāyako.
Disvāna lokapajjotaṁ vipassiṁ lokatāraṇaṁ
pupphaṁ paggayha ucchaṅgā buddhaseṭṭhaṁ apūjayiṁ.
Ekanavute ito kappe buddhaseṭṭhaṁ 1 apūjayiṁ
duggatiṁ nābhijānāmi buddhapūjāyidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ucchaṅgapupphiyo thero imā gāthāyo abhāsitthāti.
Ucchaṅgapupphiyattherassa apadānaṁ samattaṁ.
Aṭṭhamaṁ yāgudāyakattherāpadānaṁ (418)

[8] Atithiṁ me gahetvāna āgañchiṁ gāmakaṁ tadā
sampuṇṇanadikaṁ disvā saṅghārāmaṁ upāgamiṁ.
Āraññakā dhutadharā 2 jhāyino lūkhacīvarā
vivekābhiratā dhīrā saṅghārāme vasanti te.
1 Ma. Yu. yaṁ pupphamabhipūjayiṁ. 2 Yu. dhūtavādā.
Gati tesaṁ upacchinnā suvimuttāna tādinaṁ
piṇḍāya te na gacchanti oruddhanadikāyatiṁ 1 .
Pasannacitto sumano vedajāto katañjalī
taṇḍulaṁ 2 paggahetvāna yāgudānaṁ adāsahaṁ.
Pacanaṁ 3 yāguṁ datvāna pasanno sehi pāṇibhi
sakakammābhiraddhohaṁ tāvatiṁsaṁ agañchahaṁ.
Maṇimayañca me byamhaṁ nibbattaṁ 4 tidase gaṇe
nārīgaṇehi saṁhito 5 modāmi byamhamuttame.
Tettiṁsakkhattuṁ devindo devarajjamakārayiṁ
tiṁsakkhattuṁ cakkavatti mahārajjamakārayiṁ.
Padesarajjaṁ vipulaṁ gaṇanāto asaṅkhayaṁ
devaloke manusse vā anubhotvā yasaṁ 6 ahaṁ.
Pacchime bhavasampatte pabbajiṁ anagāriyaṁ
saha oropite kese sabbasampattivijjahaṁ.
Khayato vayato cāpi sammasanto kalevaraṁ
pure sikkhāpadānena 7 arahattaṁ apāpuṇiṁ.
Sudinnaṁ me dānavaraṁ pāṇijaṁ 8 suppayojitaṁ
teneva yāgudānena pattomhi acalaṁ padaṁ.
Sokaṁ pariddavaṁ byādhiṁ darathaṁ cittatāpanaṁ
nābhijānāmi uppannaṁ yāgudānassidaṁ phalaṁ.
1 Ma. oruddhanadikāya hi. Yu. oruddhanadikā yadi. 2 Ma. Yu. me gahetvāna.
3 Ma. Yu. pañcannaṁ. 4 Ma. nibbatti. 5 Ma. Yu. sahito. 6 Ma. sayaṁ.
7 Ma. sikkhāpadādānā. Yu. --- padādāne. 8 Ma. Yu. vāṇijaṁ.
Yāguṁ saṅghassa datvāna puññakkhette anuttare
pañcānisaṁse anubhomi aho yāgusuyiṭṭhatā.
Abyādhitā rūpavatā khippaṁ dhammaṁ 1 nibujjhitā
lābhitā annapānassa āyu pañcamakaṁ mama.
Yo koci vedaṁ janayaṁ saṅghe yāguṁ dadeyya so
imāni pañca ṭhānāni paṭiggaṇheyya paṇḍito.
Karaṇīyaṁ kataṁ sabbaṁ bhavā ugghāṭitā mayā
sabbāsavā parikkhīṇā natthi dāni punabbhavo.
So ahaṁ vicarissāmi gāmā gāmaṁ purā puraṁ
namassamāno sambuddhaṁ dhammassa ca sudhammataṁ.
Tiṁsakappasahassamhi yaṁ dānamadadiṁ tadā
duggatiṁ nābhijānāmi yāgudānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā yāgudāyako thero imā gāthāyo abhāsitthāti.
Yāgudāyakattherassa apadānaṁ samattaṁ.
1 Ma. Yu. dhammanisantitā.
Navamaṁ patthodanadāyakattherāpadānaṁ (419)

[9] Vanacārī pure āsiṁ satataṁ vanakammiko
patthodanaṁ gahetvāna kammantaṁ agamāsahaṁ.
Tatthaddasāsiṁ sambuddhaṁ sayambhuṁ aparājitaṁ
vanā piṇḍāya nikkhantaṁ disvā cittaṁ pasādayiṁ.
Parakammāyane yutto puññañca me na vijjati
ayaṁ patthodano atthi bhojayissāmimaṁ muniṁ.
Patthodanaṁ gahetvāna sayambhussa adāsahaṁ
mama nijjhāyamānassa paribhuñji mahāmuni.
Tena kammena sukatena cetanāpaṇidhīhi ca
jahitvā mānusaṁ dehaṁ tāvatiṁsaṁ agañchahaṁ.
Dvattiṁsakkhattuṁ 1 devindo devarajjamakārayiṁ
tettiṁsakkhattuṁ rājā ca cakkavatti bhavissati 2 .
Padesarajjaṁ vipulaṁ gaṇanāto asaṅkhayaṁ
sukhito yasavā homi patthodanassidaṁ phalaṁ.
Bhavābhave saṁsaranto labhāmi amitaṁ dhanaṁ
bhoge me ūnatā natthi patthodanassidaṁ phalaṁ.
Nadīsotapaṭibhāgā bhogā nibbattare mama
parimetuṁ na sakkomi patthodanassidaṁ phalaṁ.
1 Ma. Yu. chattiṁsakkhattuṁ. 2 Ma. Yu. ahosahaṁ.
Imaṁ khāda imaṁ bhuñja imamhi sayane saya
tenāhaṁ sukhito homi patthodanassidaṁ phalaṁ.
Ekanavute 1 ito kappe yaṁ dānamadadiṁ tadā
duggatiṁ nābhijānāmi patthodanassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā patthodanadāyako thero imā gāthāyo abhāsitthāti.
Patthodanadāyakattherassa apadānaṁ samattaṁ.
Dasamaṁ mañcadāyakattherāpadānaṁ (420)

[10] Parinibbute kāruṇike siddhatthe lokanāyake
vitthārike pāvacane devamanussasakkate.
Caṇḍālo āsahaṁ tattha āsandipīṭhakārako
tena kammena jīvāmi tena posemi dārake.
Āsandiṁ sukataṁ katvā pasanno sehi pāṇibhi
sayameva upagantvā bhikkhusaṅghassadāsahaṁ.
1 Ma. Yu. catunnavutito kappe.
Tena kammena sukatena cetanāpaṇidhīhi ca
jahitvā mānusaṁ dehaṁ tāvatiṁsaṁ agañchahaṁ.
Devalokaṁ gato santo modāmi tidase gaṇe
sayanāni mahagghāni nibbattanti yathicchakaṁ.
Paññāsakkhattuṁ devindo devarajjamakārayiṁ
asītikkhattuṁ rājā ca cakkavatti ahosahaṁ.
Padesarajjaṁ vipulaṁ gaṇanāto asaṅkhayaṁ
sukhito yasavā homi mañcadānassidaṁ phalaṁ.
Devalokā cavitvāna emi ce mānusaṁ bhavaṁ
mahārahā susayanā sayameva bhavanti me.
Ayaṁ pacchimako mayhaṁ carimo vattate bhavo
ajjāpi sayanakāle sayanaṁ upatiṭṭhahi.
Catunavute ito kappe yaṁ dānaṁ adadiṁ tadā
duggatiṁ nābhijānāmi mañcadānassidaṁ phalaṁ.
Kilesā jhāpitā mayhaṁ bhavā sabbe samūhatā
nāgova bandhanaṁ chetvā viharāmi anāsavo.
Svāgataṁ vata me āsi mama buddhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mañcadāyako thero imā gāthāyo abhāsitthāti.
Mañcadāyakattherassa apadānaṁ samattaṁ.
Uddānaṁ
bhaddālī ekachatto ca tiṇasūlo ca maṁsado
nāgapallavako dīpaṁ ucchaṅgi yāgudāyako.
Patthodani mañcadado gāthāyo gaṇitā visā
dve satāni ca gāthānaṁ gāthā cekā taduttari.
Bhaddālivaggo dvācattāḷīsamo.
---------------------
Tecattāḷīso sakiṁsammajjakavaggo
paṭhamaṁ sakiṁsammajjakattherāpadānaṁ (421)