[364] Yāmā devā idhāgantvā gotamaṁ sirivacchayaṁ 2
kakkārupupphaṁ 3 paggayha buddhassa abhiropayiṁ.
Dvenavute ito kappe yaṁ pupphaṁ 4 abhipūjayiṁ
duggatiṁ nābhijānāmi buddhapūjāyidaṁ phalaṁ.
1 Ma. ... pupphamabhipūjayiṁ. 2 Ma. Yu. sirivacchasaṁ. 3 Ma. kakkārumālaṁ.
Yu. kekkhārupupphaṁ. 4 Ma. Yu. buddhaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kakkārupupphiyo thero imā gāthāyo
abhāsitthāti.
Kakkārupupphiyattherassa apadānaṁ samattaṁ.
Tatiyaṁ bhisamuḷāladāyakattherāpadānaṁ (363)

[365] Phusso nāmāsi sambuddho sabbadhammāna pāragū
vivekakāmo sappañño 1 āgacchi mama santike.
Tasmiṁ cittaṁ pasādetvā mahākāruṇike jine
bhisamuḷālaṁ paggayha buddhaseṭṭhassadāsahaṁ.
Dvenavute ito kappe yaṁ bhisaṁ adadiṁ tadā
duggatiṁ nābhijānāmi bhisadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bhisamuḷāladāyako thero imā gāthāyo
abhāsitthāti.
Bhisamuḷāladāyakattherassa apadānaṁ samattaṁ.
1 Ma. sabbaññū. Yu. supañño.
Catutthaṁ kesarapupphiyattherāpadānaṁ (364)

[366] Vijjādharo tadā āsiṁ himavantamhi pabbate
addasaṁ virajaṁ buddhaṁ caṅkamantaṁ mahāyasaṁ.
Tīṇi kesarapupphāni sīse katvānahaṁ tadā
upasaṅkamma sambuddhaṁ vessabhuṁ abhipūjayiṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kesarapupphiyo thero imā gāthāyo
abhāsitthāti.
Kesarapupphiyattherassa apadānaṁ samattaṁ.
Pañcamaṁ aṅkolapupphiyattherāpadānaṁ (365)

[367] Padumo nāma sambuddho cittakūṭe vasī tadā
disvāna tamahaṁ buddhaṁ sayambhuṁ upagañchahaṁ 1 .
Aṅkolaṁ pupphitaṁ disvā ocinitvānahaṁ tadā
upagantvāna sambuddhaṁ pūjesiṁ padumaṁ jinaṁ.
Ekattiṁse ito kappe yaṁ kammamakariṁ 2 tadā
duggatiṁ nābhijānāmi buddhapūjāyidaṁ phalaṁ.
1 Ma. aparājitaṁ. 2 Ma. Yu. ... pupphamabhipūjayiṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā aṅkolapupphiyo thero imā gāthāyo
abhāsitthāti.
Aṅkolapupphiyattherassa apadānaṁ samattaṁ.
Chaṭṭhaṁ kadambapupphiyattherāpadānaṁ (366)

[368] Suvaṇṇavaṇṇaṁ sambuddhaṁ gacchantaṁ antarāpaṇe
kañcanagghiyasaṅkāsaṁ dvattiṁsavaralakkhaṇaṁ.
Nisajja pāsādavare addasaṁ lokanāyakaṁ
kadambapupphaṁ paggayha vipassiṁ abhipūjayiṁ.
Ekanavute ito kappe yaṁ pupphamabhipūjayiṁ 1
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kadambapupphiyo thero imā gāthāyo
abhāsitthāti.
Kadambapupphiyattherassa apadānaṁ samattaṁ.
1 Ma. ... buddhamabhipūjayiṁ.
Sattamaṁ uddālakapupphiyattherāpadānaṁ (367)

[369] Sujāto 1 nāma sambuddho gaṅgākūle vasī tadā
uddālakaṁ gahetvāna pūjayiṁ aparājitaṁ.
Ekattiṁse ito kappe yaṁ pupphaṁ abhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā uddālakapupphiyo thero imā gāthāyo
abhāsitthāti.
Uddālakapupphiyattherassa apadānaṁ samattaṁ.
Aṭṭhamaṁ ekacampakapupphiyattherāpadānaṁ (368)

[370] Upasanto ca 2 sambuddho vasati pabbatantare
ekacampakamādāya upagañchiṁ naruttamaṁ.
Pasannacitto sumano paccekamunimuttamaṁ
ubhohatthehi paggayha pūjayiṁ aparājitaṁ.
Ekattiṁse 3 ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
1 Ma. anomo nāma. Yu. anātho. 2 Yu. va. 3 Ma. pañcasaṭṭhimhito kappe.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekacampakapupphiyo thero imā gāthāyo
abhāsitthāti.
Ekacampakapupphiyattherassa apadānaṁ samattaṁ.
Navamaṁ timirapupphiyattherāpadānaṁ (369)

[371] Candabhāgānadītīre anusotaṁ vajāmahaṁ
addasaṁ virajaṁ buddhaṁ sālarājaṁva pupphitaṁ 1 .
Pasannacitto sumano paccekamunimuttamaṁ
gahetvā timiraṁ pupphaṁ matthake okiriṁ ahaṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā timirapupphiyo thero imā gāthāyo
abhāsitthāti.
Timirapupphiyattherassa apadānaṁ samattaṁ.
1 Ma. Yu. phullitaṁ.
Dasamaṁ salaḷapupphiyattherāpadānaṁ (370)

[372] Candabhāgānadītīre ahosiṁ kinnaro tadā
athaddasaṁ 1 devadevaṁ caṅkamantaṁ narāsabhaṁ.
Ocinitvāna salaḷaṁ buddhaseṭṭhassadāsahaṁ 2
upasiṅghi mahāvīro salaḷaṁ devagandhikaṁ.
Paṭiggahetvā sambuddho vipassī lokanāyako
upasiṅghi mahāvīro pekkhamānassa me tadā 3 .
Pasannacitto sumano vanditvā dipaduttamaṁ
añjaliṁ paggahetvāna puna pabbatamāruhiṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā salaḷapupphiyo thero imā gāthāyo
abhāsitthāti.
Salaḷapupphiyattherassa apadānaṁ samattaṁ.
Uddānaṁ
mandāravañca kakkāru bhisakesarapupphiyo
1 Ma. tatthaddasaṁ. 2 Ma. Yu. pupphaṁ buddhassadāsahaṁ. 3 Ma. sato.
Aṅkolako kadambī ca uddālaṁ ekacampako
timiraṁ salaḷañceva gāthā tāḷīsameva ca.
Mandāravapupphiyavaggo sattattiṁso.
-----------
Aṭṭhattiṁso bodhivandanavaggo
paṭhamaṁ bodhivandakattherāpadānaṁ (371)

[373] Pāṭaliṁ jalitaṁ 1 disvā pādapaṁ dharaṇīruhaṁ
ekaṁsaṁ añjaliṁ katvā avandiṁ pāṭaliṁ ahaṁ.
Añjaliṁ paggahetvāna garuṁ katvāna mānasaṁ
antosuddhaṁ bahisuddhaṁ suvimuttaṁ anāsavaṁ.
Vipassiṁ lokamahitaṁ karuṇāñāṇasāgaraṁ
sammukhā viya sambuddhaṁ avandiṁ pāṭaliṁ ahaṁ.
Ekanavute ito kappe yaṁ bodhimabhivandihaṁ
duggatiṁ nābhijānāmi vandanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bodhivandako thero imā gāthāyo
abhāsitthāti.
Bodhivandakattherassa apadānaṁ samattaṁ.
1 Ma. Yu. haritaṁ.
Dutiyaṁ pāṭalipupphiyattherāpadānaṁ (372)