[354] Nagare aruṇavatiyā āsiṁ yavasiko tadā
panthe disvāna sambuddhaṁ yavakalāpaṁ apatthariṁ 1 .
1 Ma. asanthariṁ.
Anukampako kāruṇiko sikhī lokagganāyako
mama saṅkappamaññāya nisīdi yavasanthare.
Disvā nisinnaṁ vimalaṁ mahājhāyiṁ vināyakaṁ
pāmojjaṁ janayitvāna tattha kālaṁ kato ahaṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi yavatthare idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā yavakalāpiyo thero imā gāthāyo
abhāsitthāti.
Yavakalāpiyattherassa apadānaṁ samattaṁ.
Tatiyaṁ kiṁsukapūjakattherāpadānaṁ (353)

[355] Kiṁsukaṁ pupphitaṁ disvā paggahetvāna añjaliṁ
buddhaṁ saritvā siddhatthaṁ ākāse abhipūjayiṁ.
Catunavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kiṁsukapūjako thero imā gāthāyo
abhāsitthāti.
Kiṁsukapūjakattherassa apadānaṁ samattaṁ.
Catutthaṁ sakoṭakakoraṇḍadāyakattherāpadānaṁ (354)

[356] Akkantañca padaṁ disvā sikhino lokabandhuno
ekaṁsaṁ ajinaṁ katvā padaṁ 1 seṭṭhaṁ avandahaṁ.
Koraṇḍaṁ pupphitaṁ disvā pādapaṁ dharaṇīruhaṁ
sakoṭakaṁ 2 gahetvāna pade cakkaṁ apūjayiṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ
paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sakoṭakakoraṇḍadāyako thero imā
gāthāyo abhāsitthāti.
Sakoṭakakoraṇḍadāyakattherassa apadānaṁ samattaṁ.
Pañcamaṁ daṇḍadāyakattherāpadānaṁ (355)

[357] Kānanaṁ vanamoggayha veḷuṁ chetvānahantadā
ālambanaṁ gahetvāna saṅghassa adadaṁ ahaṁ.
1 Yu. padaseyyaṁ. 2 Ma. sakosakaṁ.
Tena cittappasādena subbate 1 abhivādiya
ālambanampi datvāna pakkāmi uttarāmukho.
Catunavute ito kappe yaṁ daṇḍamadadintadā
duggatiṁ nābhijānāmi daṇḍadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā daṇḍadāyako thero imā gāthāyo
abhāsitthāti.
Daṇḍadāyakattherassa apadānaṁ samattaṁ.
Chaṭṭhaṁ ambayāgudāyakattherāpadānaṁ (356)

[358] Sataraṁsī nāma sambuddho sayambhū aparājito
vuṭṭhahitvā samādhimhā bhikkhāya mamupāgami.
Paccekabuddhaṁ disvāna ambayāguṁ adāpayiṁ 2
vippasannamanantassa vippasannena cetasā.
Catunavute ito kappe yaṁ kammamakariṁ tadā
duggatiṁ nābhijānāmi ambayāguyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. sukhante. 2 Ma. adāsahaṁ.
Itthaṁ sudaṁ āyasmā ambayāgudāyako thero imā gāthāyo
abhāsitthāti.
Ambayāgudāyakattherassa apadānaṁ samattaṁ.
Sattamaṁ puṭakapūjakattherāpadānaṁ (357)

[359] Divāvihārā nikkhanto vipassī lokanāyako
bhikkhāya vicaranto so mama santikamupāgami.
Tato pītito 1 sumano buddhaseṭṭhassa tādino
loṇasupuṭakaṁ datvā kappaṁ saggamhi modahaṁ.
Ekanavute ito kappe yaṁ puṭakamadāsahaṁ 2
duggatiṁ nābhijānāmi puṭakassa 3 idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā puṭakapūjako 4 thero imā gāthāyo
abhāsitthāti.
Puṭakapūjakattherassa apadānaṁ samattaṁ.
Aṭṭhamaṁ vacchadāyakattherāpadānaṁ (358)

[360] Vipassino bhagavato lokajeṭṭhassa tādino
ekavaccho 5 mayā dinno pasannena sapāṇinā.
1 Ma. Yu. patito. 2 Po. puthukatamadāsahaṁ. Yu. supuṭakamadāsahaṁ.
3 Po. puthukatassa. Yu. supuṭakassa. 4 Ma. Yu. supuṭakapūjako. 5 Ma. ekaṁ mañcaṁ
mayā dinnaṁ. Yu. ... sajjhaṁ ....
Hatthiyānaṁ assayānaṁ dibbayānaṁ samajjhagaṁ
tena vacchakadānena 1 pattomhi āsavakkhayaṁ.
Ekanavute ito kappe yaṁ vacchamadadiṁ 2 tadā
duggatiṁ nābhijānāmi vacchadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vacchadāyako 3 thero imā gāthāyo
abhāsitthāti.
Vacchadāyakattherassa apadānaṁ samattaṁ.
Navamaṁ saraṇāgamaniyattherāpadānaṁ (359)

[361] Āruhimhā tadā nāvaṁ bhikkhu cājīvako cahaṁ
nāvāya bhijjamānāya bhikkhu me saraṇaṁ adā.
Ekattiṁse ito kappe yañca me saraṇaṁ adā
duggatiṁ nābhijānāmi saraṇāgamane phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saraṇāgamaniyo thero imā gāthāyo
abhāsitthāti.
Saraṇāgamaniyattherassa apadānaṁ samattaṁ.
1 Ma. mañcakadānena. Yu. sajjhakadānena. 2 Ma. mañcamadadiṁ. Yu. sajjhamadadiṁ.
3 Ma. mañcadāyako. Yu. sajjhadāyako.
Dasamaṁ piṇḍapātikattherāpadānaṁ (360)

[362] Tisso nāmāsi sambuddho vihāsi pavane 1 tadā
tusitāhi idhāgantvā piṇḍapātaṁ adāsahaṁ.
Sambuddhaṁ abhivādetvā tissaṁ nāma mahāyasaṁ
sakaṁ cittaṁ pasādetvā tusitaṁ agamāsahaṁ.
Dvenavute ito kappe yaṁ dānamadadiṁ tadā
duggatiṁ nābhijānāmi piṇḍapātassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā piṇḍapātiko thero imā gāthāyo
abhāsitthāti.
Piṇḍapātikattherassa apadānaṁ samattaṁ.
Uddānaṁ
saddasaññī yavasiko kiṁsukoraṇḍapupphiyo
ālambanambayāgū ca puṭakavacchadāyako
saraṇaṁ piṇḍapāto ca gāthā tāḷīsameva ca.
Saddasaññikavaggo chattiṁso.
---------
1 Ma. vipine.
Sattattiṁso mandāravapupphiyavaggo
paṭhamaṁ mandāraviyattherāpadānaṁ (361)

[363] Tāvatiṁsā idhāgantvā maṅgalo nāma māṇavo
mandāravaṁ gahetvāna vipassissa mahesino.
Samādhinā nisinnassa matthake dhārayiṁ ahaṁ
sattāhaṁ dhārayitvāna devalokaṁ punāgamiṁ.
Ekanavute ito kappe yaṁ buddhaṁ 1 abhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mandāraviyo thero imā gāthāyo
abhāsitthāti.
Mandāraviyattherassa apadānaṁ samattaṁ.
Dutiyaṁ kakkārupupphiyattherāpadānaṁ (362)