[314] Sujāto sālalaṭṭhīva sobhañjanaṁ ivuggato
indalaṭṭhīrivākāse virocati sadā jino.
Tassa devātidevassa vessabhussa mahesino
adāsiṁ bhojanamahaṁ vippasannena cetasā.
Taṁ me buddho anumodi sayambhū aparājito
bhave nibbattamānamhi phalaṁ nibbattatu tava.
1 ma ... kammavisesena.
Ekattiṁse ito kappe yaṁ dānamadadiṁ tadā
duggatiṁ nābhijānāmi bhojanassa idaṁ phalaṁ.
Pañcavīse ito kappe eko āsiṁ amittako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bhojanadāyako thero imā gāthāyo
abhāsitthāti.
Bhojanadāyakattherassa apadānaṁ samattaṁ.
Tatiyaṁ gatasaññakattherāpadānaṁ (313)

[315] Ākāseva padaṁ natthi ambare anilañjase
siddhatthaṁ jinamaddakkhiṁ gacchantaṁ tidivaṅgaṇaṁ 1 .
Anileneritaṁ disvā sammāsambuddhacīvaraṁ
vitti me 2 pāhunā tāva disvāna gamanaṁ mune 3 .
Catunavute ito kappe yaṁ saññamalabhiṁ tadā
duggatiṁ nābhijānāmi buddhasaññāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. tidivaṅgaṇe. 2 Ma. vitti mamāhu tāvade. Yu. vitti me tāvade jātā.
3 Ma. muniṁ.
Itthaṁ sudaṁ āyasmā gatasaññako thero imā gāthāyo
abhāsitthāti.
Gatasaññakattherassa apadānaṁ samattaṁ.
Catutthaṁ sattapadumiyattherāpadānaṁ (314)

[316] Nadīkūle vasāmahaṁ nesādo nāma brāhmaṇo
sattapattehi pupphehi sammajjitvāna assamaṁ.
Suvaṇṇavaṇṇaṁ sambuddhaṁ siddhatthaṁ lokanāyakaṁ
disvā vanena 1 gacchantaṁ hāso me upapajjatha.
Paccuggantvāna sambuddhaṁ lokajeṭṭhaṁ narāsabhaṁ
assamaṁ atināmetvā jalajaggehi okiriṁ.
Catunavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Ito te sattame kappe caturo pādapāvarā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sattapadumiyo thero imā gāthāyo
abhāsitthāti.
Sattapadumiyattherassa apadānaṁ samattaṁ.
1 Ma. nabhena.
Pañcamaṁ pupphāsanadāyakattherāpadānaṁ (315)

[317] Suvaṇṇavaṇṇaṁ sambuddhaṁ sataraṁsīva 1 bhāṇumaṁ
avidūrena gacchantaṁ siddhatthaṁ aparājitaṁ.
Tassa paccuggamitvāna pavesetvāna assamaṁ
pupphāsanaṁ mayā dinnaṁ vippasannena cetasā.
Añjaliṁ paggahetvāna vedajāto tadā ahaṁ
buddhe cittaṁ pasādetvā kammantaṁ pariṇāmayiṁ.
Yaṁ me atthi kataṁ puññaṁ sayambhuṁ 2 aparājitaṁ
sabbena tena kusalena vimalo homi sāsane.
Catunavute ito kappe pupphāsanamadaṁ tadā
duggatiṁ nābhijānāmi pupphāsanassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pupphāsanadāyako thero imā gāthāyo
abhāsitthāti.
Pupphāsanadāyakattherassa apadānaṁ samattaṁ.
Chaṭṭhaṁ āsanatthavikattherāpadānaṁ (316)

[318] Cetiyaṁ uttamaṁ nāma sikhino lokabandhuno
araññe iriṇe vivane 3 anvāhiṇḍāmahaṁ 4 tadā.
1 Ma. pitaraṁsīva. 2 Ma. Yu. sayambhumhaparājite. 3 Ma. vane.
4 Ma. Yu. andhāhiṇḍāmahaṁ.
Pavanā nikkhamantena diṭṭhaṁ sīhāsanaṁ mayā
ekaṁsaṁ añjaliṁ katvā santhaviṁ 1 lokanāyakaṁ.
Divasabhāgaṁ thavitvāna buddhaṁ lokagganāyakaṁ
haṭṭho haṭṭhena cittena imaṁ vācamudīrayiṁ.
Namo te purisājañña namo te purisuttama
sabbaññūsi mahāvīra lokajeṭṭha narāsabha.
Abhitthavitvā sikhinaṁ nimittakaraṇenahaṁ
āsanaṁ abhivādetvā pakkāmiṁ uttarāmukho.
Ekattiṁse ito kappe yaṁ thaviṁ vadataṁ varaṁ
duggatiṁ nābhijānāmi thomanāya idaṁ phalaṁ.
Sattavīse ito kappe atulyā 2 satta āsu 3 te
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā āsanatthaviko 4 thero imā gāthāyo
abhāsitthāti.
Āsanatthavikattherassa apadānaṁ samattaṁ.
Sattamaṁ saddasaññakattherāpadānaṁ (317)

[319] Sudassano mahāvīro deseti amataṁ padaṁ
parivuto sāvakehi vasati gharamuttame.
1 Po. Yu. thavissaṁ. 2 Ma. atulā. 3 Po. Yu. assu. 4 Ma. āsanasanthaviko.
Tāya vācāya madhurāya saṅgaṇhāti mahājanaṁ
ghoso ca vipulo āsi āsi 1 so devamānuse.
Nigghosasaddaṁ sutvāna siddhatthassa mahesino
sadde cittaṁ pasādetvā avandiṁ lokanāyakaṁ.
Catunavute ito kappe yaṁ saññamalabhiṁ tadā
duggatiṁ nābhijānāmi buddhasaññāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saddasaññako thero imā gāthāyo
abhāsitthāti.
Saddasaññakattherassa apadānaṁ samattaṁ.
Aṭṭhamaṁ tiraṁsiyattherāpadānaṁ (318)

[320] Kesariṁ abhijātaṁva aggikkhandhaṁva pabbate
obhāsentaṁ disāsinnaṁ 2 siddhatthaṁ pabbatantare.
Suriyassa ca ālokaṁ candālokaṁ tatheva ca
buddhālokañca disvāna pīti 3 me upapajjatha.
Tayo āloke disvāna disvāna 4 sāvakuttamaṁ
ekaṁsaṁ ajinaṁ katvā santhaviṁ lokanāyakaṁ.
1 Yu. sadevamānusena so. 2 Ma. Yu. disā sabbā. 3 Ma. Yu. vitti.
4 Ma. sambuddhaṁ sāvakuttamaṁ.
Tayo hi ālokakarā loke lokatamonudā
cando ca suriyo cāpi buddho ca lokanāyako.
Upamaṁ upadassetvā kittito me mahāmuni
buddhassa vaṇṇaṁ kittetvā kappaṁ saggamhi modahaṁ.
Catunavute ito kappe yaṁ buddhamabhikittayiṁ
duggatiṁ nābhijānāmi kittanāya idaṁ phalaṁ.
Ekasaṭṭhimhito kappe eko ñāṇavaro 1 ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiraṁsiyo thero imā gāthāyo
abhāsitthāti.
Tiraṁsiyattherassa apadānaṁ samattaṁ.
Navamaṁ nālipupphiyattherāpadānaṁ (319)

[321] Sindhuyā nadiyā tīre ahosiṁ kassako tadā
parakammāyane yutto parabhattaṁ apassito.
Sindhuṁ anucarantohaṁ siddhatthaṁ jinamaddasaṁ
samādhinā nisinnaṁ ca 2 sattapattaṁva pupphitaṁ.
1 Ma. Yu. ñāṇadharo. 2 Ma. Yu. va.
Sattakaṁ nālipupphāni vaṇṭe chetvānahantadā
matthake abhiropesiṁ buddhassādiccabandhuno.
Suvaṇṇavaṇṇaṁ sambuddhaṁ anukūle samāhitaṁ
tidhāppabhinnaṁ mātaṅgaṁ kuñjaraṁva durāsadaṁ.
Tamahaṁ upagantvāna nipakaṁ bhāvitindriyaṁ
añjaliṁ paggahetvāna avandiṁ satthuno ahaṁ.
Catunavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nālipupphiyo thero imā gāthāyo
abhāsitthāti.
Nālipupphiyattherassa apadānaṁ samattaṁ.
Dasamaṁ kumudamāliyattherāpadānaṁ (320)

[322] Usabhaṁ pavaraṁ vīraṁ mahesiṁ vijitāvinaṁ
vipassinaṁ mahāvīraṁ abhijātaṁva kesariṁ.
Rathiyaṁ paṭipajjantaṁ āhutīnaṁ paṭiggahaṁ
gahetvā kumudaṁ mālaṁ buddhaseṭṭhaṁ samokiriṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kumudamāliyo thero imā gāthāyo
abhāsitthāti.
Kumudamāliyattherassa apadānaṁ samattaṁ.
Uddānaṁ
ārakkhado bhojanado gatasaññī padumiko
pupphāsani santhaviko saddasaññī tiraṁsiyo
nāliko kumudī ceva sattapaññāsa gāthakā.
Ārakkhadāyakavaggo battiṁso.
-----------
Tettiṁso ummāpupphiyavaggo
paṭhamaṁ ummāpupphiyattherāpadānaṁ (321)

[323] Samāhitaṁ samāpannaṁ siddhatthamaparājitaṁ
samādhinā upaviṭṭhaṁ addasāsiṁ 1 naruttamaṁ.
Ummāpupphaṁ gahetvāna buddhassa abhipūjayiṁ 2
sabbe pupphā ekasīsā uddhaṁvaṇṭā adhomukhā.
Sucittā viya tiṭṭhante ākāse pupphasantharā
tena cittappasādena tusitaṁ upapajjahaṁ.
Catunavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Pañcapaññāsito kappe eko āsi mahīpati
samantachadano nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ummāpupphiyo thero imā gāthāyo
abhāsitthāti.
Ummāpupphiyattherassa apadānaṁ samattaṁ.
1 Ma. addasāhaṁ. 2 Ma. Yu. abhiropayiṁ.
Dutiyaṁ puḷinapūjakattherāpadānaṁ (322)