[294] Vākacīradharo āsiṁ ajinuttaravāsano
abhiññā pañca nibbatto 1 candassa parimajjako.
Vipassiṁ lokapajjotaṁ disvā abhigataṁ mamaṁ
pārichattakapupphāni dhāresiṁ satthuno ahaṁ.
Ekanavute ito kappe yaṁ pupphamabhidhārayiṁ 2
duggatiṁ nābhijānāmi dhāraṇāya idaṁ phalaṁ.
Sattāsītimhito kappe eko āsiṁ mahīpati
samantadharaṇo nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pupphadhārako thero imā gāthāyo
abhāsitthāti.
Pupphadhārakattherassa apadānaṁ samattaṁ.
Tatiyaṁ chattadāyakattherāpadānaṁ (293)

[295] Putto mama pabbajito kāsāyavasano tadā
so ca buddhattasampatto nibbuto lokapūjito.
1 Ma. Yu. nibbattā. 2 -- abhipūjayiṁ.
Vicinanto sakaṁ puttaṁ ārāmaṁ 1 pacchato mamaṁ
nibbutassa mahantassa citakaṁ agamāsahaṁ.
Paggayha añjaliṁ tattha vanditvā citakaṁ ahaṁ
setacchattañca paggayha āropesiṁ ahaṁ tadā.
Catunavute ito kappe yaṁ chattamabhiropayiṁ
duggatiṁ nābhijānāmi chattadānassidaṁ phalaṁ.
Pañcavīse ito kappe satta āsuṁ janādhipā
mahārahasanāmā te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā chattadāyako thero imā gāthāyo
abhāsitthāti.
Chattadāyakattherassa apadānaṁ samattaṁ.
Catutthaṁ saddasaññakattherāpadānaṁ (294)

[296] Anuggatamhi ādicce pasādo 2 vipulo ahu
buddhaseṭṭhassa lokamhi pātubhāvo mahesino.
Saddamassosahaṁ 3 tattha na ca passāmi taṁ jinaṁ
maraṇañca anuppatto buddhasaññamanussariṁ.
1 Ma. Yu. āgamaṁ. 2 Ma. panādo. 3 Ma. ghosamasosahaṁ ---. Po. na ca
assosahaṁ saddaṁ.
Catunavute ito kappe yaṁ saññamalabhiṁ tadā
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saddasaññako thero imā gāthāyo
abhāsitthāti.
Saddasaññakattherassa apadānaṁ samattaṁ.
Pañcamaṁ gosīsanikkhepakattherāpadānaṁ (295)

[297] Ārāmadvārā nikkhamma gosīsaṁ santhataṁ mayā
anubhomi sakaṁ kammaṁ pubbakammassidaṁ phalaṁ.
Ājāniyā vātajavā sindhavā sīghabāhanā
anubhomi sabbametaṁ gosīsassa idaṁ phalaṁ.
Aho kāraṁ paramakāraṁ sukhette sukataṁ mayā
saṅghe katassa kārassa na aññaṁ kalamagghati.
Catunavute ito kappe yaṁ sīsaṁ santhariṁ ahaṁ
duggatiṁ nābhijānāmi santharassa idaṁ phalaṁ.
Pañcasattatikappamhi supatiṭṭhitanāmako
eko āsiṁ mahātejo cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā gosīsanikkhepako thero imā gāthāyo
abhāsitthāti.
Gosīsanikkhepakattherassa apadānaṁ samattaṁ.
Chaṭṭhaṁ padapūjakattherāpadānaṁ (296)

[298] Pabbate himavantamhi ahosiṁ kinnaro tadā
addasaṁ virajaṁ buddhaṁ pitaraṁsīva bhāṇumaṁ.
Upetopi 1 tadā buddhaṁ vipassiṁ lokanāyakaṁ
candanaṁ tagaraṁ vāpi pāde osiñcahaṁ tadā.
Ekanavute ito kappe yaṁ padaṁ 2 abhipūjayiṁ
duggatiṁ nābhijānāmi padapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā padapūjako 3 thero imā gāthāyo
abhāsitthāti.
Padapūjakattherassa apadānaṁ samattaṁ.
1 Ma. upetaṁ tamahaṁ buddhaṁ. Yu. upetaṁ maṁ tadā buddhaṁ. 2 Ma. Yu. --- pādaṁ ---.
3 Ma. Yu. pādapūjako.
Sattamaṁ desakittikattherāpadānaṁ (297)

[299] Upasālhakanāmohaṁ 1 ahosiṁ brāhmaṇo tadā
kānanaṁ vanamogayh2 lokanāthaṁ 3 narāsabhaṁ.
Disvāna vandi 4 pādesu lokāhutipaṭiggahaṁ
pasannacittaṁ maṁ ñatvā buddho antaradhāyatha.
Kānanā abhinikkhamma buddhaseṭṭhaṁ anussariṁ
tandesaṁ kittayitvāna kappaṁ saggamhi modahaṁ.
Dvenavute ito kappe yaṁ desamabhikittayiṁ
duggatiṁ nābhijānāmi kittanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā desakittiko thero imā gāthāyo
abhāsitthāti.
Desakittikattherassa apadānaṁ samattaṁ.
Aṭṭhamaṁ saraṇagamaniyattherāpadānaṁ (298)

[300] Pabbate himavantamhi ahosiṁ luddako tadā
vipassiṁ addasaṁ buddhaṁ lokajeṭṭhaṁ narāsabhaṁ.
1 Ma. Yu. upasālakanāmohaṁ. 2 Ma. Yu. vanamogāḷhaṁ. 3 Ma. Yu. lokajeṭṭhaṁ.
4 Po. Ma. Yu. vandiṁ.
Upāsitvāna sambuddhaṁ veyyāvaccamakāsahaṁ
saraṇañca upāgañchiṁ dipadindassa tādino.
Ekanavute ito kappe yaṁ saraṇaṁ agañchahaṁ
duggatiṁ nābhijānāmi saraṇāya 1 idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saraṇagamaniyo thero imā gāthāyo
abhāsitthāti.
Saraṇagamaniyattherassa apadānaṁ samattaṁ.
Navamaṁ ambapiṇḍiyattherāpadānaṁ (299)

[301] Romaso nāma nāmena dānavo iti vissuto
ambapiṇḍo 2 mayā dinno vipassissa mahesino.
Ekanavute ito kappe yaṁ ambamadadiṁ tadā
duggatiṁ nābhijānāmi ambadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ambapiṇḍiyo thero imā gāthāyo
abhāsitthāti.
Ambapiṇḍiyattherassa apadānaṁ samattaṁ.
1 Ma. Yu. saraṇāgamanapphalaṁ. 2 Ma. Yu. ambapiṇḍī mayā dinnā.
Dasamaṁ anusaṁsāvakattherāpadānaṁ (300)

[302] Piṇḍāya caramānāhaṁ vipassiṁ addasaṁ jinaṁ
uluṅkabhikkhaṁ adāsiṁ 1 dipadindassa tādino.
Pasannacitto sumano abhivādesahaṁ tadā
anusaṁsāvayiṁ buddhaṁ uttamatthassa pattiyā.
Ekanavute ito kappe anusaṁsāvayiṁ ahaṁ
duggatiṁ nābhijānāmi anusaṁsāvanāphalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā anusaṁsāvako thero imā gāthāyo
abhāsitthāti.
Anusaṁsāvakattherassa apadānaṁ samattaṁ.
Uddānaṁ
citakaṁ pārichattañca saddaṁ gosīsasantharaṁ
padaṁ padesaṁ saraṇaṁ ambo saṁsāvakopica
sattatāḷīsagāthāyo 2 gaṇitāyo vibhāvihi.
Citakapūjakavaggo tiṁso.
1 Ma. Yu. pādāsiṁ. 2 Ma. aṭṭhatāḷīsagāthāyo.
Atha vagguddānaṁ
kaṇikāro hatthidado ālambanudakāsanaṁ
tuvaraṁ thomako ceva ukkhepaṁ sīsupadhānaṁ.
Paṇṇado citapūjī ca gāthāyo ceva sabbaso
cattāri ca satānīha ekapaññāsameva ca.
Pañcavīsa satā sabbā dvāsattati taduttari
tiṁsa 1 satānaṁ padānaṁ gaṇitā atthadassibhi.
Tatiyaṁ satakaṁ samattaṁ.
--------------
Ekattiṁsatimo padumakesariyavaggo
paṭhamaṁ padumakesariyattherāpadānaṁ (301)

[303] Isisaṅghe ahaṁ pubbe āsiṁ mātaṅgavāraṇo
mahesīnaṁ pasādena padumakesaramokiriṁ 2 .
Paccekajinaseṭṭhesu dhutarāgesu tādisu
tesu cittaṁ pasādetvā kappaṁ saggamhi modahaṁ.
Ekanavute ito kappe kesaraṁ okiriṁ tadā
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. tisataṁ apadānānaṁ. 2 Ma. paddhakesaramokiriṁ.
Itthaṁ sudaṁ āyasmā padumakesariyo thero imā gāthāyo
abhāsitthāti.
Padumakesariyattherassa apadānaṁ samattaṁ.
Dutiyaṁ sabbagandhiyattherāpadānaṁ (302)