[304] Gandhamālaṁ mayā dinnaṁ vipassissa mahesino
adāsiṁ ujubhūtassa koseyyavatthamuttamaṁ.
Ekanavute ito kappe yaṁ gandhamadadiṁ 1 tadā
duggatiṁ nābhijānāmi gandhadānassidaṁ phalaṁ.
Ito paṇṇarase kappe suvelo 2 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sabbagandhiyo thero imā gāthāyo
abhāsitthāti.
Sabbagandhiyattherassa apadānaṁ samattaṁ.
Tatiyaṁ paramannadāyakattherāpadānaṁ (303)

[305] Kaṇikāraṁva jotantaṁ udayantaṁva bhāṇumaṁ
vipassiṁ addasaṁ buddhaṁ lokajeṭṭhaṁ narāsabhaṁ.
Añjaliṁ paggahetvāna abhinesiṁ 1 sakaṁ gharaṁ
abhinetvāna 2 sambuddhaṁ paramannamadāsahaṁ.
Ekanavute ito kappe paramannamadiṁ tadā
duggatiṁ nābhijānāmi paramannassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā paramannadāyako thero imā gāthāyo
abhāsitthāti.
Paramannadāyakattherassa apadānaṁ samattaṁ.
Catutthaṁ dhammasaññakattherāpadānaṁ (304)

[306] Vipassino bhagavato mahābodhimaho ahu
rukkhaṭṭhasseva sambuddho lokajeṭṭho narāsabho.
Bhagavā tamhi samaye bhikkhusaṅghapurakkhato
catusaccaṁ pakāseti vācāsabhimudīrayaṁ.
Saṅkhittena ca desento vitthārena ca desayi 3
vivaṭacchado sambuddho nibbāpesi mahājanaṁ.
Tassāhaṁ dhammaṁ sutvāna lokajeṭṭhassa tādino
vanditvā satthuno pāde pakkāmi 4 uttarāmukho.
1 Po. Yu. atinesiṁ. 2 Po. Yu. atinetvā. 3 Ma. Yu. desayaṁ.
4 Ma. Yu. pakkāmiṁ.
Ekanavute ito kappe yaṁ dhammamasuṇiṁ tadā
duggatiṁ nābhijānāmi dhammassavanassidaṁ 1 phalaṁ.
Tettiṁsamhi ito kappe eko āsi 2 mahīpati
sutavā nāma nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dhammasaññako thero imā gāthāyo
abhāsitthāti.
Dhammasaññakattherassa apadānaṁ samattaṁ.
Pañcamaṁ phaladāyakattherāpadānaṁ (305)

[307] Bhāgīrasīnadītīre ahosi assamo tadā
tamahaṁ assamāgañchiṁ 3 phalahattho asekkhavā 4 .
Vipassiṁ tattha addakkhiṁ pītaraṁsīva bhāṇumaṁ
yaṁ me atthi phalaṁ sabbaṁ adāsiṁ satthuno ahaṁ.
Ekanavute ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Po. Yu. dhammadānassidaṁ ---. 2 Ma. āsiṁ. 3 Ma. Yu. --- assamaṁ gacchiṁ.
4 Ma. Yu. apekkhavā.
Itthaṁ sudaṁ āyasmā phaladāyako thero imā gāthāyo
abhāsitthāti.
Phaladāyakattherassa apadānaṁ samattaṁ.
Chaṭṭhaṁ sampasādikattherāpadānaṁ (306)

[308] Namo te buddhavīratthu vippamuttosi sabbadhi
byasanamhi anuppatto tassa me saraṇaṁ bhava.
Siddhattho tassa byākāsi loke appaṭipuggalo
mahodadhisamo saṅgho appameyyo anuttaro.
Tattha tvaṁ viraje khette anantaphaladāyake
saṅghe cittaṁ pasādehi 1 suvījaṁ vāpi ropaya.
Idaṁ vatvāna sabbaññū lokajeṭṭho narāsabho
mamevaṁ 2 anusāsitvā vehāsatalamuggami 3 .
Aciraṁ gatamattamhi 4 sabbaññumhi narāsabhe
maraṇaṁ samanuppatto tusitaṁ upapajjahaṁ.
Tadāhaṁ viraje khette anantaphaladāyake
saṅghe cittaṁ pasādetvā kappaṁ saggamhi modahaṁ.
Catunavute ito kappe pasādamalabhiṁ tadā
duggatiṁ nābhijānāmi pasādassa idaṁ phalaṁ.
1 Ma. --- pasādetvā subījaṁ vāpa ropaya.
Yu. --- pasādetvā sukhī bījañca ---. 2 Ma. mameva. 3 Ma. Yu. vehāsaṁ nabhamuggami. 4 Yu. gatamaggamhi.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sampasādiko 1 thero imā gāthāyo
abhāsitthāti.
Sampasādikattherassa apadānaṁ samattaṁ.
Sattamaṁ ārāmadāyakattherāpadānaṁ (307)

[309] Siddhatthassa bhagavato ārāmo ropito mama 2
sītacchāyesu 3 rukkhesu upāsantesu 4 pakkhisu.
Addasaṁ virajaṁ buddhaṁ āhutīnaṁ paṭiggahaṁ
ārāmaṁ atināmesiṁ lokajeṭṭhaṁ narāsabhaṁ.
Haṭṭho haṭṭhena cittena phalaṁ pupphañcadāsahaṁ 5
tato jātappasādo ca 6 taṁ dānaṁ 7 pariṇāmayiṁ.
Buddhassa yamidaṁ dāsiṁ vippasannena cetasā
bhave nibbattamānamhi nibbattati phalaṁ mama.
Catunavute ito kappe yaṁ ārāmamadaṁ 8 tadā
duggatiṁ nābhijānāmi ārāmassa idaṁ phalaṁ.
Sattatiṁse ito kappe sattāsuṁ mudusītalā
sattaratanasampannā cakkavattī mahabbalā.
1 Ma. sampasādako. 2 Ma. mayā. 3 Ma. sandacchāyesu ---.
4 Yu. upavattesu. 5 Ma. pupphamadāsahaṁ. 6 Ma. va. 7 Ma. --- vanaṁ. 8 Yu. --- dānamadadiṁ ---.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ārāmadāyako thero imā gāthāyo
abhāsitthāti.
Ārāmadāyakattherassa apadānaṁ samattaṁ.
Aṭṭhamaṁ anulepadāyakattherāpadānaṁ (308)

[310] Atthadassissa munino addasaṁ sāvakaṁ ahaṁ
navakammaṁ karontassa sīmāya upagañchahaṁ.
Niṭṭhite navakamme ca anulepaṁ adāsahaṁ
pasannacitto sumano puññakkhette anuttare.
Aṭṭhārase kappasate yaṁ kammamakariṁ tadā
duggatiṁ nābhijānāmi anulepassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā anulepadāyako thero imā gāthāyo
abhāsitthāti.
Anulepadāyakattherassa apadānaṁ samattaṁ.
Navamaṁ buddhasaññikattherāpadānaṁ (309)

[311] Udentaṁ sataraṁsīva pītaraṁsīva bhāṇumaṁ
vanantaragataṁ santaṁ lokajeṭṭhaṁ narāsabhaṁ.
Addasaṁ supinantena siddhatthaṁ lokanāyakaṁ
tattha cittaṁ pasādetvā sugatiṁ upapajjahaṁ.
Catunavute ito kappe yaṁ saññamalabhiṁ tadā
duggatiṁ nābhijānāmi buddhasaññāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā buddhasaññiko thero imā gāthāyo
abhāsitthāti.
Buddhasaññikattherassa apadānaṁ samattaṁ.
Dasamaṁ pabbhāradāyakattherāpadānaṁ (310)

[312] Piyadassino bhagavato pabbhāro sodhito mayā
ghaṭakañca upaṭṭhāsiṁ paribhogāya tādino.
Taṁ me buddho viyākāsi piyadassī mahāmuni
sahassakaṇḍo satageṇḍu 1 dhajālu haritāmayo.
1 Ma. satabheṇḍu.
Nibbattissati so yūpo ratanañca anappakaṁ
pabbhāradānaṁ datvāna kappaṁ saggamhi modahaṁ.
Ito battiṁsakappamhi subuddho 1 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pabbhāradāyako thero imā gāthāyo
abhāsitthāti.
Pabbhāradāyakattherassa apadānaṁ samattaṁ.
Uddānaṁ
kesaraṁ gandhamannañca dhammasaññāphalena ca
pasādārāmadāyī ca lepako buddhasaññiko
pabbhārado ca gāthāyo ekapaññāsa kittitā.
Padumakesariyavaggo ekattiṁsatimo.
--------------
1 Po. Ma. Yu. susuddho.
Battiṁso ārakkhadāyakavaggo
paṭhamaṁ ārakkhadāyakattherāpadānaṁ (311)

[313] Dhammadassissa munino vati kārāpitā mayā
ārakkho ca mayā dinno dipadindassa tādino.
Aṭṭhārase kappasate yaṁ kammamakariṁ tadā
tena kammāvasesena 1 patto me āsavakkhayo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ārakkhadāyako thero imā gāthāyo
abhāsitthāti.
Ārakkhadāyakattherassa apadānaṁ samattaṁ.
Dutiyaṁ bhojanadāyakattherāpadānaṁ (312)