[284] Sinerusamasantoso dharaṇīdharasādiso 1
vuṭṭhahitvā samādhimhā bhikkhāya mamupaṭṭhito.
Harītakiṁ 2 āmalakaṁ ambaṁ 3 jambuṁ vibhedakaṁ
kolaṁ bhallātakaṁ bellaṁ 4 phārusakaphalāni ca.
Siddhatthassa mahesissa sabbalokānukampino
tañca sabbaṁ mayā dinnaṁ vippasannena cetasā.
Catunavute ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Sattapaññāsito kappe ekajjho nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā phaladāyako thero imā gāthāyo
abhāsitthāti.
Phaladāyakattherassa apadānaṁ samattaṁ.
Tatiyaṁ paccuggamaniyattherāpadānaṁ (283)

[285] Sīhaṁ yathā vanacaraṁ nisabhājāniyaṁ yathā
kakudhaṁ vilasantaṁva āgacchantaṁ narāsabhaṁ.
1 Ma. dharaṇīsamasādiso. Yu. dharaṇīdhārisādiso. 2 Po. Ma. Yu. harītakaṁ.
3 Ma. Yu. ambajambuvibhītakaṁ. 4 Ma. billaṁ.
Siddhatthaṁ lokapajjotaṁ sabbalokatikicchakaṁ
akāsiṁ paccuggamanaṁ vippasannena cetasā.
Catunavute ito kappe paccuggañchiṁ narāsabhaṁ
duggatiṁ nābhijānāmi paccuggamanidaṁ 1 phalaṁ.
Sattavīse 2 ito kappe eko āsiṁ janādhipo
parivāroti 3 nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā paccuggamaniyo thero imā gāthāyo
abhāsitthāti.
Paccuggamaniyattherassa apadānaṁ samattaṁ.
Catutthaṁ ekapupphiyattherāpadānaṁ (284)

[286] Dakkhiṇamhi duvāramhi pisāco āsahantadā
addasaṁ virajaṁ buddhaṁ pītaraṁsīva bhāṇumaṁ.
Vipassissa naraggassa sabbalokahitesino
ekapupphaṁ mayā dinnaṁ dipadindassa tādino.
Ekanavute ito kappe yaṁ pupphamadadiṁ tadā
duggatiṁ nābhijānāmi buddhapūjāyidaṁ phalaṁ.
1 Ma. paccuggamane idaṁ phalaṁ. 2 sattatiṁse. 3 Ma. Yu. saparivāroti.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekapupphiyo thero imā gāthāyo
abhāsitthāti.
Ekapupphiyattherassa apadānaṁ samattaṁ.
Pañcamaṁ maghavapupphiyattherāpadānaṁ (285)

[287] Nammadānadiyā tīre sayambhū aparājito
samādhiṁ so samāpanno vippasanno anāvilo.
Disvā pasanno sumano sambuddhaṁ aparājitaṁ
tāhaṁ maghavapupphena sayambhuṁ pūjayiṁ tadā.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā maghavapupphiyo thero imā gāthāyo
abhāsitthāti.
Maghavapupphiyattherassa apadānaṁ samattaṁ.
Chaṭṭhaṁ upaṭṭhāyikattherāpadānaṁ (286)

[288] Rathiyaṁ paṭipajjantaṁ āhutīnaṁ paṭiggahaṁ
dipadindaṁ mahānāgaṁ lokajeṭṭhaṁ narāsabhaṁ.
Pakkosāpiyatassāhaṁ sabbalokahitesino
upaṭṭhāko mayā dinno siddhatthassa mahesino.
Paṭiggahetvāna sambuddho niyyātesi 1 mahāmuni
uṭṭhāya āsanā tamhā pakkāmi pācināmukho.
Catunavute ito kappe upaṭṭhākamadaṁ tadā
duggatiṁ nābhijānāmi upaṭṭhānassidaṁ phalaṁ.
Sattapaññāsito kappe balasenasanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā upaṭṭhāyiko thero imā gāthāyo
abhāsitthāti.
Upaṭṭhāyikattherassa apadānaṁ samattaṁ.
Sattamaṁ apadāniyattherāpadānaṁ (287)

[289] Apadānaṁ sugatānaṁ kittayiṁhaṁ 2 mahesinaṁ
pāde ca sirasā vandiṁ pasanno sehi pāṇihi.
1 Ma. niyyādesi. 2 Po. Yu. kittayissaṁ.
Dvenavute ito kappe apadānaṁ pakittayiṁ
duggatiṁ nābhijānāmi kittanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā apadāniyo thero imā gāthāyo
abhāsitthāti.
Apadāniyattherassa apadānaṁ samattaṁ.
Aṭṭhamaṁ sattāhapabbajitattherāpadānaṁ (288)

[290] Vipassissa bhagavato saṅgho sakkatamānito
byasanaṁ me anuppattaṁ ñātibhedo pure ahu.
Pabbajjaṁ upagantvāna byasanupasamāyahaṁ
sattāhābhirato tattha satthusāsanakamyatā.
Ekanavute ito kappe yamahaṁ pabbajiṁ tadā
duggatiṁ nābhijānāmi pabbajjāya idaṁ phalaṁ.
Sattasaṭṭhimhito kappe satta āsuṁ mahīpatī
sunekkhammāti ñāyanti cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sattāhapabbajito thero imā gāthāyo
abhāsitthāti.
Sattāhapabbajitattherassa apadānaṁ samattaṁ.
Navamaṁ buddhupaṭṭhāyikattherāpadānaṁ (289)

[291] Vedhambhinīti 1 me nāmaṁ pitu santaṁ mamaṁ tadā
mama hatthaṁ gahetvāna upānayi mahāmuniṁ.
Ime maṁ uddisiyanti buddhā lokagganāyakā
tehaṁ upaṭṭhi 2 sakkaccaṁ pasanno sehi pāṇihi.
Ekattiṁse ito kappe buddhe paricariṁ 3 tadā
duggatiṁ nābhijānāmi upaṭṭhānassidaṁ phalaṁ.
Tevīsamhi ito kappe caturo āsu khattiyā
samaṇupaṭṭhakā nāma cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā buddhupaṭṭhāyiko thero imā gāthāyo
abhāsitthāti.
Buddhupaṭṭhāyikattherassa apadānaṁ samattaṁ.
1 Ma. veṭambhinīti ---. Yu. veṭambarīti me nāma. 2 Po. Ma. upaṭṭhiṁ.
Yu. upaṭṭhahiṁ. 3 Ma. upaṭṭhahiṁ.
Dasamaṁ pubbaṅgamaniyattherāpadānaṁ (290)

[292] Cullāsītisahassāni pabbajimha akiñcanā
tesaṁ pubbaṅgamo āsiṁ uttamatthassa pattiyā.
Sarāgā samohā 1 cete vippasannamanāvilaṁ 2
upaṭṭhahiṁsu sakkaccaṁ pasannā sehi pāṇihi.
Khīṇāsavā vantadosā katakiccā anāsavā
phariṁsu mettacittena sayambhū aparājitā.
Tesaṁ upaṭṭhahitvāna sambuddhānaṁ paṭissato
maraṇañca anuppattā 3 devattañca agamhase.
Catunavute ito kappe yaṁ sīlamanupālayiṁ
duggatiṁ nābhijānāmi saññamassa idaṁ phalaṁ.
Paṭisambhidā catasso vimokkhāpica aṭṭhime.
Chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pubbaṅgamaniyo thero imā gāthāyo
abhāsitthāti.
Pubbaṅgamaniyattherassa apadānaṁ samattaṁ.
Uddānaṁ
paṇṇaṁ phalaṁ uggamiyo ekapupphī ca māghavo
1 Ma. -- sabhavā ---. Yu. --- sabhavā loke. 2 Ma. vippasannamanāvilā.
3 Ma. Yu. anupatto.
Upaṭṭhākopadānañca pabbajjā ca upaṭṭhitaṁ.
Pubbaṅgamo ca gāthāyo aṭṭhatāḷīsa kittitā.
Paṇṇadāyakavaggo ekūnatiṁso.
------
Tiṁso citakapūjakavaggo
paṭhamaṁ citakapūjakattherāpadānaṁ (291)

[293] Ajito nāma nāmena ahosiṁ brāhmaṇo tadā
āhutiṁ yiṭṭhukāmohaṁ nānāpupphaṁ samānayiṁ.
Jalantaṁ citakaṁ disvā 1 sikhino lokabandhuno
tañca pupphaṁ samānetvā citake okiriṁ ahaṁ.
Ekattiṁse 2 ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Sattavīse ito kappe sattāsuṁ manujādhipā
supajjalitanāmā te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā citakapūjako thero imā gāthāyo
abhāsitthāti.
Citakapūjakattherassa apadānaṁ samattaṁ.
1 Yu. katvā. 2 Po. ekanavute.
Dutiyaṁ pupphadhārakattherāpadānaṁ (292)