[264] Siddhatthamhi bhagavati nibbutamhi narāsabhe
bodhiyā vedikāyāhaṁ telaṁ makkhesi tāvade.
Catunavute ito kappe yaṁ telaṁ makkhayiṁ tadā
duggatiṁ nābhijānāmi makkhanāya idaṁ phalaṁ.
Catuvīse 1 ito kappe succhavi nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā telamakkhiyo thero imā gāthāyo
abhāsitthāti.
Telamakkhiyattherassa apadānaṁ samattaṁ.
Tatiyaṁ aḍḍhacandiyattherāpadānaṁ (263)

[265] Tissassa kho bhagavato bodhiyā pādaputtame 2
aḍḍhacandaṁ mayā dinnaṁ dharaṇīruhapādape.
Dvenavute ito kappe yaṁ candamabhiropayiṁ
duggatiṁ nābhijānāmi bodhipūjāyidaṁ phalaṁ.
1 Po. catunavute. 2 Yu. sabbattha pādamuttame.
Pañcavīse ito kappe devalo nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā aḍḍhacandiyo thero imā gāthāyo
abhāsitthāti.
Aḍḍhacandiyattherassa apadānaṁ samattaṁ.
Catutthaṁ dīpadāyakattherāpadānaṁ (264)

[266] Devabhūto ahaṁ santo oruyha paṭhaviṁ tadā
padīpe pañca pādāsiṁ pasanno sehi pāṇihi.
Catunavute ito kappe yaṁ dīpamadadiṁ tadā
duggatiṁ nābhijānāmi dīpadānassidaṁ phalaṁ.
Pañcapaññāsake kappe eko āsiṁ mahīpati
samantacakkhu nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dīpadāyako 1 thero imā gāthāyo
abhāsitthāti.
Dīpadāyakattherassa apadānaṁ samattaṁ.
1 Ma. padīpadāyako. Yu. araṇadīpiyo.
Pañcamaṁ viḷālidāyakattherāpadānaṁ (265)

[267] Himavantassa avidūre romaso nāma pabbato
tamhi pabbatapādamhi samaṇo bhāvitindriyo.
Viḷāliyo gahetvāna samaṇassa adāsahaṁ
anumodi mahāvīro sayambhū aparājito.
Viḷāli te mama 1 dinnā vippasannena cetasā
bhave nibbattamānamhi phalaṁ nibbattataṁ tava.
Catunavute ito kappe yaṁ viḷālimadāsahaṁ
duggatiṁ nābhijānāmi viḷāliyā idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā viḷālidāyako thero imā gāthāyo
abhāsitthāti.
Viḷālidāyakattherassa apadānaṁ samattaṁ.
Chaṭṭhaṁ macchadāyakattherāpadānaṁ (266)

[268] Candabhāgānadītīre ahosiṁ 2 ukkuso tadā
mahantaṁ macchaṁ paggayha siddhatthassa munino adaṁ.
1 Po. mayhaṁ dinnaṁ. Yu. mamaṁ dinnā. 2 Ma. Yu. ukkuso āsahaṁ tadā.
Catunavute ito kappe yaṁ macchamadadiṁ tadā
duggatiṁ nābhijānāmi macchadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā macchadāyako thero imā gāthāyo
abhāsitthāti.
Macchadāyakattherassa apadānaṁ samattaṁ.
Sattamaṁ javahaṁsakattherāpadānaṁ (267)

[269] Candabhāgānadītīre āsiṁ vanacaro tadā
siddhatthaṁ addasaṁ buddhaṁ gacchantaṁ anilañjase.
Añjaliṁ paggahetvāna olokento 1 mahāmuniṁ
sakaṁ cittaṁ pasādetvā abhivandiṁ 2 lokanāyakaṁ.
Catunavute ito kappe yaṁ avandiṁ narāsabhaṁ
duggatiṁ nābhijānāmi vandanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā javahaṁsako thero imā gāthāyo
abhāsitthāti.
Javahaṁsakattherassa apadānaṁ samattaṁ.
1 Ma. Yu. ullokento. 2 Ma. Yu. avandiṁ nāyakaṁ ahaṁ.
Aṭṭhamaṁ salaḷapupphiyattherāpadānaṁ (268)

[270] Candabhāgānadītīre ahosiṁ kinnaro tadā
vipassiṁ addasaṁ buddhaṁ raṁsijālasamākulaṁ.
Pasannacitto sumano paramāya ca pītiyā
paggayha salaḷaṁ pupphaṁ vipassissa 1 okiriṁ ahaṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā salaḷapupphiyo thero imā gāthāyo
abhāsitthāti.
Salaḷapupphiyattherassa apadānaṁ samattaṁ.
Navamaṁ upāgatahāsaniyattherāpadānaṁ (269)

[271] Himavantassa vemajjhe saro āsi sunimmito
tatthāhaṁ rakkhaso āsiṁ heṭṭhasīso 2 bhayānako.
Anukampako kāruṇiko vipassī lokanāyako
mamuddharitukāmo so āgañchi mama santike.
1 Ma. Yu. vipassiṁ. 2 Yu. poṭṭhasīso.
Upāgataṁ mahāvīraṁ devadevaṁ narāsabhaṁ
āsayā abhinikkhamma avandiṁ satthuno ahaṁ.
Ekanavute ito kappe yaṁ vandiṁ purisuttamaṁ
duggatiṁ nābhijānāmi vandanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā upāgatahāsaniyo 1 thero imā gāthāyo
abhāsitthāti.
Upāgatahāsaniyattherassa apadānaṁ samattaṁ.
Dasamaṁ taraṇiyattherāpadānaṁ (270)

[272] Suvaṇṇavaṇṇo sambuddho vipassī 2 nāma nāyako
nadītīre ṭhito satthā bhikkhusaṅghapurakkhato.
Nāvā na vijjate tattha santāraṇī mahaṇṇave
nadiyā abhinikkhamma tāresiṁ lokanāyakaṁ.
Ekanavute ito kappe yaṁ tāresiṁ naruttamaṁ
duggatiṁ nābhijānāmi tāraṇāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. upāgatāsayo. Yu. upāgatabhāsaniyo. 2 Ma. Yu. vipassī dakkhiṇāraho.
Itthaṁ sudaṁ āyasmā taraṇiyo thero imā gāthāyo
abhāsitthāti.
Taraṇiyattherassa apadānaṁ samattaṁ.
Uddānaṁ
ukkhepī telacandī ca dīpado ca viḷālido
maccho javo salaḷado rakkhaso taraṇo dasa
gāthāyo cettha saṅkhātā tāḷīsamekameva ca.
Padumukkhepavaggo sattavīso.
---------
Aṭṭhavīsatimo suvaṇṇabibbohanavaggo
paṭhamaṁ suvaṇṇabibbohaniyattherāpadānaṁ (271)

[273] Ekāsanaṁ ahamadaṁ pasanno sehi pāṇihi
bibbohanañca pādāsiṁ uttamatthassa pattiyā.
Ekanavute ito kappe bibbohanamadāsahaṁ
duggatiṁ nābhijānāmi bibbohanassidaṁ phalaṁ.
Ito tesaṭṭhime kappe asamo nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā suvaṇṇabibbohaniyo thero imā gāthāyo
abhāsitthāti.
Suvaṇṇabibbohaniyattherassa apadānaṁ samattaṁ.
Dutiyaṁ tilamuṭṭhiyattherāpadānaṁ (272)