[244] Dhanuṁ avejjhaṁ 3 katvāna vanamajjhogahiṁ ahaṁ
kesaraṁ osaraṁ 4 disvā pabbamaggaṁ 5 samuṭṭhitaṁ.
Ubhohatthehi paggayha sire katvāna añjaliṁ
buddhassa abhiropesiṁ tissassa lokabandhuno.
Dvenavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
1 Ma. Yu. ahaṁ. 2 Ma. pharitvā tūvaramādāya. Yu. haritvā .... 3 Ma. advejjhaṁ.
Yu. adejjhaṁ. 4 Ma. ogataṁ. 5 Ma. patapattaṁ. Yu. sabbamattaṁ supupphitaṁ.
Sattasattatime kappe samokkharaṇanāmako 1
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nāgakesariyo thero imā gāthāyo
abhāsitthāti.
Nāgakesariyattherassa apadānaṁ samattaṁ.
Tatiyaṁ naḷinakesariyattherāpadānaṁ (243)

[245] Jātassarassa vemajjhe vasāmi jalakukkuṭo
athaddasaṁ devadevaṁ gacchantaṁ anilañjase.
Tuṇḍena kesaraṁ 2 gayha vippasannena cetasā
buddhassa abhiropesiṁ tissassa lokabandhuno.
Dvenavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Tesattatimhi kappamhi sattapattasanāmako 3
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. tesattatimhi kappamhi sattakesaranāmakā. Yu. pamokkharaṇanāmako.
2 Ma. Yu. kesariṁ. 3 Ma. sattakesaranāmakā ... mahabbalā.
Itthaṁ sudaṁ āyasmā naḷinakesariyo thero imā gāthāyo
abhāsitthāti.
Naḷinakesariyattherassa apadānaṁ samattaṁ.
Catutthaṁ viravipupphiyattherāpadānaṁ (244)

[246] Khīṇāsavasahassehi niyyāti lokanāyako
viravipupphaṁ paggayha 1 buddhassa abhiropayiṁ.
Ekanavute ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā viravipupphiyo thero imā gāthāyo
abhāsitthāti.
Viravipupphiyattherassa apadānaṁ samattaṁ.
Pañcamaṁ kuṭidhūpakattherāpadānaṁ (245)

[247] Siddhatthassa bhagavato ahosiṁ kuṭigopako
kālena kālaṁ dhūpesiṁ pasanno sehi pāṇibhi.
Catunavute ito kappe yaṁ kammamakariṁ tadā
duggatiṁ nābhijānāmi dhūpadānassidaṁ 2 phalaṁ.
1 Ma. viravapupphamādāya. Po. Yu. viravapupphaṁ paggayha. 2 Yu. buddhapūjāyidaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kuṭidhūpako thero imā gāthāyo
abhāsitthāti.
Kuṭidhūpakattherassa apadānaṁ samattaṁ.
Chaṭṭhaṁ pattadāyakattherāpadānaṁ (246)

[248] Paramena damathena siddhatthassa mahesino
pattadānaṁ mayā dinnaṁ ujubhūtassa tādino.
Catunavute ito kappe yaṁ dānamadadiṁ tadā
duggatiṁ nābhijānāmi pattadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pattadāyako thero imā gāthāyo
abhāsitthāti.
Pattadāyakattherassa apadānaṁ samattaṁ.
Sattamaṁ dhātupūjakattherāpadānaṁ (247)

[249] Nibbute lokanāthamhi siddhatthamhi naruttame
ekadhātu mayā laddhā dipadindassa tādino.
Tāhaṁ dhātuṁ gahetvāna buddhassādiccabandhuno
pañcavasse paricariṁ tiṭṭhantaṁva naruttamaṁ.
Catunavute ito kappe yaṁ dhātumabhipūjayiṁ
duggatiṁ nābhijānāmi dhātupaṭṭhahane phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dhātupūjako thero imā gāthāyo
abhāsitthāti.
Dhātupūjakattherassa apadānaṁ samattaṁ.
Aṭṭhamaṁ sattasattalipupphapūjakattherāpadānaṁ (248)

[250] Satta sattalipupphāni 1 sīse katvānahantadā
buddhassa abhiropesiṁ vessabhumhi naruttame.
Ekattiṁse ito kappe yaṁ pupphamabhipūjayiṁ
duggatiṁ nābhijānāmi pupphapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sattasattalipupphapūjako thero imā gāthāyo
abhāsitthāti.
Sattasattalipupphapūjakattherassa apadānaṁ samattaṁ.
1 Yu. pāṭalipupphāni.
Navamaṁ bimbijālapupphiyattherāpadānaṁ (249)

[251] Padumuttaro nāma jino sayambhū aggapuggalo
catusaccaṁ pakāseti deseti amataṁ padaṁ.
Bimbijālakapupphāni 1 puthu katvānahaṁ tadā
buddhassa abhiropesiṁ dipadindassa tādino.
Aṭṭhasaṭṭhimhito kappe caturo kiñjakesarā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bimbijālapupphiyo thero imā gāthāyo
abhāsitthāti.
Bimbijālapupphiyattherassa apadānaṁ samattaṁ.
Dasamaṁ uddāladāyakattherāpadānaṁ (250)

[252] Kukkudho 2 nāma nāmena sayambhū aparājito
pavanā nikkhamitvāna anuppatto mahānadiṁ.
Uddālakaṁ gahetvāna sayambhussa adāsahaṁ
saṁyatassujubhūtassa pasannamanaso tadā.
1 Po. bimbajālakapupphāni. Yu. bimbijālikapupphāni. 2 Ma. kakudho. Yu. kakuddho.
Ekattiṁse ito kappe yaṁ pupphamabhiropayiṁ
duggatiṁ nābhijānāmi pupphadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā uddāladāyako thero imā gāthāyo
abhāsitthāti.
Uddāladāyakattherassa apadānaṁ samattaṁ.
Uddānaṁ
tuvaraṭṭhināgapuḷinā viravikuṭidhūpako
patto dhātusattaliyo bimbi uddālakena ca
sattatiṁsati gāthāyo gaṇitāyo vibhāvihīti.
Tuvaradāyivaggo pañcavīso.
Chabbīsatimo thomakavaggo
paṭhamaṁ thomakattherāpadānaṁ (251)

[253] Devaloke ṭhito santo vipassissa mahesino
dhammaṁ sutvāna mudito imaṁ vācaṁ abhāsahaṁ.
Namo te purisājañña namo te purisuttama
bahujjanaṁ tārayasi desento amataṁ padaṁ.
Ekanavute ito kappe yaṁ vācaṁ abhaṇiṁ tadā
duggatiṁ nābhijānāmi thomanāya idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā thomako thero imā gāthāyo
abhāsitthāti.
Thomakattherassa apadānaṁ samattaṁ.
Dutiyaṁ ekāsanadāyakattherāpadānaṁ (252)