[224] Ekattiṁse ito kappe gaṇasanthārako ahaṁ
addasaṁ virajaṁ buddhaṁ āhutīnaṁ paṭiggahaṁ.
1 Po. sāgarambuddhaṁ. Yu. sāgarambaraṁ. 2 Ma. Yu. ekāpassitanāmā.
Cammakhaṇḍaṁ mayā dinnaṁ sikhino lokabandhuno
tena kammena dipadinda lokajeṭṭha narāsabha.
Sampattiṁ anubhotvāna kilese jhāpayiṁ ahaṁ
dhāremi antimaṁ dehaṁ sammāsambuddhasāsane.
Ekattiṁse ito kappe ajinaṁ yaṁ adāsahaṁ
duggatiṁ nābhijānāmi ajinassa idaṁ phalaṁ.
Ito paññāsake 1 kappe rājā āsiṁ sudāyako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ajinadāyako thero imā gāthāyo
abhāsitthāti.
Ajinadāyakattherassa apadānaṁ samattaṁ.
Tatiyaṁ dverataniyattherāpadānaṁ (223)

[225] Migaluddho 2 pure āsiṁ araññe kānane ahaṁ
addasaṁ virajaṁ buddhaṁ āhutīnaṁ paṭiggahaṁ.
Maṁsapesi mayā dinnā vipassissa mahesino
sadevakasmi lokasmiṁ issaraṁ kārayāmahaṁ.
1 Ma. Yu. pañcamake. 2 Ma. Yu. migaluddo. ito paraṁ īdisameva.
Iminā maṁsadānena ratanaṁ nibbattate mama
duve me ratanā loke diṭṭhadhammassa pattiyā.
Tehaṁ sabbe atibhomi maṁsadānassa pattiyā
gattañca mudukaṁ mayhaṁ paññā nipuṇavedinī.
Ekanavute ito kappe yaṁ maṁsamadadiṁ tadā
duggatiṁ nābhijānāmi maṁsadānassidaṁ phalaṁ.
Ito catutthake kappe eko āsiṁ janādhipo
mahārohitanāmo so cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dverataniyo thero imā gāthāyo
abhāsitthāti.
Dverataniyattherassa apadānaṁ samattaṁ.
Dasamaṁ bhāṇavāraṁ.
Catutthaṁ ārakkhadāyakattherāpadānaṁ (224)

[226] Siddhatthassa bhagavato vedikā kāritā mayā 1
ārakkho ca mayā dinno sugatassa mahesino.
Tena kammavisesena na passe bhayabheravaṁ
kuhiñci upapannassa tāso mayhaṁ na vijjati.
1 Ma. Yu. vedi kārāpitā mayā.
Catunavute ito kappe yaṁ vediṁ kārayiṁ pure
duggatiṁ nābhijānāmi vedikāya idaṁ phalaṁ.
Ito chaṭṭhamhi kappamhi apassenasanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ārakkhadāyako thero imā gāthāyo
abhāsitthāti.
Ārakkhadāyakattherassa apadānaṁ samattaṁ.
Pañcamaṁ abyādhikattherāpadānaṁ (225)

[227] Vipassissa bhagavato aggisālaṁ adāsahaṁ
byādhikānañca āvāsaṁ uṇhodakapaṭiggahaṁ.
Tena kammenayaṁ mayhaṁ attabhāvo sunimmito
byādhāhaṁ nābhijānāmi puññakammassidaṁ phalaṁ.
Ekanavute ito kappe yaṁ sālamadadiṁ tadā
duggatiṁ nābhijānāmi aggisālāyidaṁ phalaṁ.
Ito ca sattame kappe eko āsiṁ narādhipo 1
sattaratanasampanno cakkavatti mahabbalo.
1 Ma. Yu. ekosiṁ aparājito.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā abyādhiko thero imā gāthāyo
abhāsitthāti.
Abyādhikattherassa apadānaṁ samattaṁ.
Chaṭṭhaṁ vakulapupphiyattherāpadānaṁ (226)

[228] Nārado iti me nāmaṁ kassapo iti maṁ vidū
addasaṁ samaṇānaggaṁ vipassiṁ devasakkataṁ.
Anubyañjanadharaṁ buddhaṁ āhutīnaṁ paṭiggahaṁ
vakulapupphaṁ 1 paggayha buddhassa abhiropayiṁ.
Ekanavute ito kappe yaṁ pupphamabhiropayiṁ 2
duggatiṁ nābhijānāmi buddhapūjāyidaṁ phalaṁ.
Catusattatito kappe romaso nāma khattiyo
āmuttamālābharaṇo sayoggabalavāhano.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vakulapupphiyo thero imā gāthāyo
abhāsitthāti.
Vakulapupphiyattherassa apadānaṁ samattaṁ.
1 Ma. aṅkolapupphaṁ. Yu. caṅkolapupphaṁ. 2 Ma. Yu. pupphamabhipūjayiṁ.
ito paraṁ evaṁ ñātabbaṁ.
Sattamaṁ sovaṇṇavaṭaṁsakiyattherāpadānaṁ (227)

[229] Uyyānabhūmiṁ niyyanto addasaṁ lokanāyakaṁ
vaṭaṁsakaṁ gahetvāna sovaṇṇaṁ sādhunimmitaṁ.
Sīghaṁ gato 1 samāruyha hatthikkhandhagato ahaṁ
buddhassa abhiropesiṁ sikhino lokabandhuno.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Sattavīse ito kappe eko āsiṁ janādhipo
mahāpatāpo nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sovaṇṇavaṭaṁsakiyo thero imā gāthāyo
abhāsitthāti.
Sovaṇṇavaṭaṁsakiyattherassa apadānaṁ samattaṁ.
Aṭṭhamaṁ miñjavaṭaṁsakiyattherāpadānaṁ (228)

[230] Nibbute lokanāthamhi sikhimhi vadataṁ vare
vaṭaṁsakehi ākiṇṇaṁ bodhipūjaṁ akāsahaṁ.
1 Ma. tato. yu ... samārūḷho.
Ekattiṁse ito kappe yaṁ pūjamakariṁ tadā
duggatiṁ nābhijānāmi bodhipūjāyidaṁ phalaṁ.
Ito chabbīsatikappe ahu meghabbhanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā miñjavaṭaṁsakiyo thero imā gāthāyo
abhāsitthāti.
Miñjavaṭaṁsakiyattherassa apadānaṁ samattaṁ.
Navamaṁ sukatāveḷiyattherāpadānaṁ (229)

[231] Asito nāma nāmena mālākāro ahaṁ tadā
āveḷaṁ paggahetvāna rañño dātuṁ vajāmahaṁ.
Asampattomhi rājānaṁ addasaṁ sikhināyakaṁ
haṭṭho haṭṭhena cittena buddhassa abhiropayiṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Pañcavīse ito kappe rājā homi mahabbalo
vebhāro nāma nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sukatāveḷiyo thero imā gāthāyo
abhāsitthāti.
Sukatāveḷiyattherassa apadānaṁ samattaṁ.
Dasamaṁ ekavandaniyattherāpadānaṁ (230)

[232] Usabhaṁ pavaraṁ vīraṁ vessabhuṁ vijitāvinaṁ
pasannacitto sumano buddhaseṭṭhaṁ avandahaṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi vandanāya idaṁ phalaṁ.
Catuvīsamhi kappamhi vigatānandanāmako 1
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekavandaniyo thero imā gāthāyo
abhāsitthāti.
Ekavandaniyattherassa apadānaṁ samattaṁ.
1 Ma. vikatānandanāmako.
Uddānaṁ
ālambanañca ajinaṁ maṁsadārakkhadāyako
abyādhivakulasoṇṇaṁ miñjaṁ āveḷa vandanaṁ
pañcapaññāsa gāthāyo gaṇitā atthadassihīti.
Ālambanadāyakavaggo tevīsatimo.
----------
Catubbīso udakāsanadāyivaggo
paṭhamaṁ udakāsanadāyakattherāpadānaṁ (231)

[233] Ārāmadvārā nikkhamma phalakaṁ santhariṁ ahaṁ
udakañca upaṭṭhāsiṁ uttamatthassa pattiyā.
Ekattiṁse ito kappe yaṁ kammamakariṁ tadā
duggatiṁ nābhijānāmi āsane codake phalaṁ.
Ito paṇṇarase kappe abhisāmasamavhayo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā udakāsanadāyabho thero imā gāthāyo
abhāsitthāti.
Udakāsanadāyakattherassa apadānaṁ samattaṁ.
Dutiyaṁ bhājanadāyakattherāpadānaṁ (232)