[254] Vijahitvā devavaṇṇaṁ sabhariyo idhāgamiṁ
adhikāraṁ kattukāmo buddhaseṭṭhassa sāsane.
Devalo nāma nāmena padumuttarasāvako
tassa bhikkhā mayā dinnā vippasannena cetasā.
Satasahasse ito kappe yaṁ kammamakariṁ tadā
duggatiṁ nābhijānāmi piṇḍapātassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekāsanadāyako thero imā gāthāyo
abhāsitthāti.
Ekāsanadāyakattherassa apadānaṁ samattaṁ.
Tatiyaṁ citakapūjakattherāpadānaṁ (253)

[255] Ānando nāma sambuddho sayambhū aparājito
araññe parinibbāyi amanussamhi kānane.
Devalokā idhāgantvā citaṁ katvānahaṁ tadā
sarīraṁ tattha jhāpesiṁ sakkārañca akāsahaṁ.
Ekanavute ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā citakapūjako thero imā gāthāyo
abhāsitthāti.
Citakapūjakattherassa apadānaṁ samattaṁ.
Catutthaṁ campakapupphiyattherāpadānaṁ (254)

[256] Himavantāvidūre vikano 1 nāma pabbato
tassa vemajjhe vasati samaṇo bhāvitindriyo.
Disvāna tassopasamaṁ vippasannena cetasā
tīṇi campakapupphāni gahetvāna samokiriṁ.
Ekanavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā campakapupphiyo 2 thero imā gāthāyo
abhāsitthāti.
Campakapupphiyattherassa apadānaṁ samattaṁ.
Pañcamaṁ sattapāṭaliyattherāpadānaṁ (255)

[257] Kaṇikāraṁva jotantaṁ nisinnaṁ pabbatantare
satta pāṭalipupphāni buddhassa abhiropayiṁ.
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
1 Ma. Yu. vikato. 2 Ma. Yu. ticampakapupphiyo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sattapāṭaliyo thero imā gāthāyo
abhāsitthāti.
Sattapāṭaliyattherassa apadānaṁ samattaṁ.
Chaṭṭhaṁ upāhanadāyakattherāpadānaṁ (256)

[258] Ahosiṁ candano nāma sambuddhassatrajo tadā
ekopāhano mayā dinno bodhi 1 sampajja me tuvaṁ.
Ekanavute ito kappe yaṁ pāduṁ 2 adadiṁ tadā
duggatiṁ nābhijānāmi upāhanassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā upāhanadāyako thero imā gāthāyo
abhāsitthāti.
Upāhanadāyakattherassa apadānaṁ samattaṁ.
Sattamaṁ mañjaripūjakattherāpadānaṁ (257)

[259] Mañjarikaṁ karitvāna rathiyaṁ paṭipajjahaṁ
addasaṁ samaṇānaggaṁ bhikkhusaṅghapurakkhataṁ.
1 Ma. bodhiṁ. 2 Ma. pānadhiṁ. Yu. pāhanaṁ.
Pasannacitto sumano paramāya ca pītiyā
ubhohatthehi paggayha buddhassa abhiropayiṁ.
Dvenavute ito kappe yaṁ pupphamabhipūjayiṁ
duggatiṁ nābhijānāmi pupphapūjāyidaṁ phalaṁ.
Ito tesattatikappe eko āsiṁ mahīpati
jotiyo nāma nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mañjaripūjako thero imā gāthāyo
abhāsitthāti.
Mañjaripūjakattherassa apadānaṁ samattaṁ.
Aṭṭhamaṁ paṇṇadāyakattherāpadānaṁ (258)

[260] Pabbate himavantamhi vākacīradharo ahaṁ
aloṇapaṇṇabhakkhomhi niyamesu ca saṁvuto.
Pātarāse anuppatte siddhattho upagañchi maṁ
tāhaṁ buddhassa pādāsiṁ pasanno sehi pāṇihi.
Catunavute ito kappe yaṁ paṇṇamadadiṁ tadā
duggatiṁ nābhijānāmi paṇṇadānassidaṁ phalaṁ.
Sattavīsamhi kappamhi rājā āsiṁ yadatthiyo 1
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā paṇṇadāyako thero imā gāthāyo
abhāsitthāti.
Paṇṇadāyakattherassa apadānaṁ samattaṁ.
Navamaṁ kuṭidāyakattherāpadānaṁ (259)

[261] Vipinaṁ cāri sambuddho rukkhamūle vasi tadā
paṇṇasālaṁ karitvāna adāsiṁ aparājite.
Ekanavute ito kappe yaṁ paṇṇakuṭikaṁ dadā
duggatiṁ nābhijānāmi kuṭidānassidaṁ phalaṁ.
Aṭṭhatiṁse 2 ito kappe soḷasāsiṁsu rājino
sabbattha abhivassīti vuccare cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kuṭidāyako thero imā gāthāyo
abhāsitthāti.
Kuṭidāyakattherassa apadānaṁ samattaṁ.
1 Ma. sadatthiyo. 2 Ma. aṭṭhavīse.
Dasamaṁ aggapupphiyattherāpadānaṁ (260)

[262] Suvaṇṇavaṇṇaṁ sambuddhaṁ nisinnaṁ pabbatantare
obhāsayantaṁ raṁsiyā 1 sikhinaṁ sikhinaṁ yathā.
Aggajaṁ pupphamādāya upagañchiṁ naruttamaṁ
pasannacitto sumano buddhassa abhiropayiṁ.
Ekattiṁse ito kappe yaṁ pupphamabhipūjayiṁ
duggatiṁ nābhijānāmi buddhapūjāyidaṁ phalaṁ.
Pañcavīsatikappamhi ahosiṁ mittaghātako 2
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā aggapupphiyo thero imā gāthāyo
abhāsitthāti.
Aggapupphiyattherassa apadānaṁ samattaṁ.
Uddānaṁ
thomako bhikkhacitakaṁ campako sattapāṭali
1 Ma. Yu. raṁsena. 2 Ma. ahosi amito gato. Yu. ahosiṁ amitavhayo.
Pādumañjari paṇṇañca kuṭido aggapupphiyo
gāthāyo gaṇitā cettha ekatāḷīsameva ca.
Thomakavaggo chabbīsatimo.
---------
Sattavīso padumukkhepavaggo
paṭhamaṁ ākāsukkhipiyattherāpadānaṁ (261)

[263] Suvaṇṇavaṇṇaṁ siddhatthaṁ gacchantaṁ antarāpaṇe
jalajagge duve gayha upagañchiṁ narāsabhaṁ.
Ekañca pupphaṁ pādesu buddhaseṭṭhassa nikkhipiṁ
ekañca pupphaṁ paggayha ākāse ukkhipiṁ ahaṁ.
Catunavute ito kappe yaṁ pupphamabhipūjayiṁ
duggatiṁ nābhijānāmi pupphadānassidaṁ phalaṁ.
Ito battiṁsakappamhi 1 eko āsiṁ mahippati
antalikkhakaro nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ākāsukkhipiyo thero imā gāthāyo
abhāsitthāti.
Ākāsukkhipiyattherassa apadānaṁ samattaṁ.
1 Ma. chattiṁsakappamhi.
Dutiyaṁ telamakkhiyattherāpadānaṁ (262)