[274] Mama saṅkappamaññāya satthā lokagganāyako
manomayena kāyena iddhiyā upasaṅkami.
Satthāraṁ upasaṅkantaṁ vanditvā purisuttamaṁ
pasannacitto sumano tilamuṭṭhimadāsahaṁ.
Ekanavute ito kappe yaṁ dānamadadiṁ tadā
duggatiṁ nābhijānāmi tilamuṭṭhiyidaṁ 1 phalaṁ.
Ito soḷasakappamhi gandhiyo 2 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tilamuṭṭhiyo 3 thero imā gāthāyo
abhāsitthāti.
Tilamuṭṭhiyattherassa apadānaṁ samattaṁ.
Tatiyaṁ caṅkoṭakiyattherāpadānaṁ (273)

[275] Mahāsamuddaṁ nissāya vasati pabbatantare
paccuggantvāna kāmahaṁ 4 caṅkoṭakamadāsahaṁ.
Siddhatthassa mahesino sayambhussānukampino 5
pupphacaṅkoṭakaṁ datvā kappaṁ saggamhi modahaṁ.
Catunavute ito kappe caṅkoṭakamadaṁ tadā
duggatiṁ nābhijānāmi caṅkoṭakassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. tilamuṭṭhe idaṁ phalaṁ. 2 Ma. tantiso. Yu. nandiyo. 3 Ma. Yu.
tilamuṭṭhidāyako. 4 Ma. katvāna. 5 Ma. sabbasattānukampino. Yu.
sabbabhūtānukampino.
Itthaṁ sudaṁ āyasmā caṅkoṭakiyo thero imā gāthāyo
abhāsitthāti.
Caṅkoṭakiyattherassa apadānaṁ samattaṁ.
Catutthaṁ abbhañjanadāyakattherāpadānaṁ (274)

[276] Koṇḍaññassa bhagavato vītarāgassa tādino
akakkasassa 1 cittassa nipapañcassa jhāyino.
Sabbamohātivattassa sabbalokahitesino
abbhañjanaṁ mayā dinnaṁ dipadindassa tādino.
Aparimeyye ito kappe abbhañjanamadāsahaṁ 2
duggatiṁ nābhijānāmi abbhañjanassidaṁ phalaṁ.
Ito paṇṇarase kappe virappo 3 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā abbhañjanadāyako thero imā gāthāyo
abhāsitthāti.
Abbhañjanadāyakattherassa apadānaṁ samattaṁ.
1 Ma. Yu. ākāsasamacittassa. 2 Ma. Yu. abbhuñjanamadaṁ tadā. 3 Ma. Yu. cirappo.
Pañcamaṁ ekañjaliyattherāpadānaṁ (275)

[277] Udumbare vasantassa niyate paṇṇasanthare
vutthokāso mayā dinno samaṇassa mahesino.
Tissassa dipadindassa lokanāthassa tādino
añjaliṁ paggahetvāna santhariṁ pupphasantharaṁ.
Dvenavute ito kappe yaṁ kariṁ pupphasantharaṁ
duggatiṁ nābhijānāmi santharassa idaṁ phalaṁ.
Ito cuddasakappamhi ahosiṁ manujādhipo
ekāñjaliko nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekañjaliyo 1 thero imā gāthāyo
abhāsitthāti.
Ekañjaliyattherassa apadānaṁ samattaṁ.
Chaṭṭhaṁ potthadāyakattherāpadānaṁ (276)

[278] Satthāraṁ dhammamārabbha saṅghañcāpi mahesino 2
potthadānaṁ mayā dinnaṁ dakkhiṇeyye anuttare.
1 Ma. ekañjaliko. 2 Ma. mahesinaṁ.
Ekanavute ito kappe yaṁ kammamakariṁ tadā
duggatiṁ nābhijānāmi potthadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā potthadāyako thero imā gāthāyo
abhāsitthāti.
Potthadāyakattherassa apadānaṁ samattaṁ.
Sattamaṁ citakapūjakattherāpadānaṁ (277)

[279] Candabhāgānadītīre anusotaṁ vajāmahaṁ
satta māluvapupphāni citakāropayiṁ 1 ahaṁ.
Catunavute ito kappe citakaṁ yaṁ apūjayiṁ
duggatiṁ nābhijānāmi citapūjāyidaṁ phalaṁ.
Sattasaṭṭhimhito kappe paṭijaggasanāmako 2
sattaratanasampanno 3 cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā citakapūjako thero imā gāthāyo
abhāsitthāti.
Citakapūjakattherassa apadānaṁ samattaṁ.
1 Ma. citamāropayiṁ ahaṁ. 2 Ma. Yu. paṭijaggasanāmakā. 3 Ma. Yu.
sattaratasampannā sattāsuṁ cakkavattino.
Aṭṭhamaṁ āluvadāyakattherāpadānaṁ (278)

[280] Pabbate himavantamhi mahāsindhu sudassano 1
tatthaddasaṁ vītarāgaṁ sampabhāsaṁ sudassanaṁ.
Paramopasame yuttaṁ disvā vimhitamānaso 2
āluvaṁ tassa pādāsiṁ pasanno sehi pāṇihi.
Ekattiṁse ito kappe yaṁ āluvamadāsahaṁ 3
duggatiṁ nābhijānāmi āluvassa idaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā āluvadāyako thero imā gāthāyo
abhāsitthāti.
Āluvadāyakattherassa apadānaṁ samattaṁ.
Navamaṁ puṇḍarīkattherāpadānaṁ (279)

[281] Romaso nāma nāmena sayambhū sappabho 4 tadā
puṇḍarīkaṁ mayā dinnaṁ vippasannena cetasā.
Catunavute ito kappe puṇḍarīkamadadiṁ tadā
duggatiṁ nābhijānāmi puṇḍarīkassidaṁ phalaṁ.
1 Ma. sudassanā. 2 Yu. ... taṁ vimhitāsayo. 3 Ma. yaṁ phalamadadiṁ tadā.
Yu. ... āluvamadaṁ tadā. 4 Ma. subbato.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā puṇḍarīko 1 thero imā gāthāyo
abhāsitthāti.
Puṇḍarīkattherassa apadānaṁ samattaṁ.
Dasamaṁ taraṇiyattherāpadānaṁ (280)

[282] Mahāpathamhi visame setu kārāpitaṁ 2 mayā
taraṇatthāya lokassa pasanno sehi pāṇibhi.
Ekanavute ito kappe yaṁ setu 3 kāritaṁ mayā
duggatiṁ nābhijānāmi setudānassidaṁ phalaṁ.
Pañcapaññāsito kappe eko āsiṁ samogato 4
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā taraṇiyo thero imā gāthāyo
abhāsitthāti.
Taraṇiyattherassa apadānaṁ samattaṁ.
1 Ma. Yu. ekapuṇḍarīko. 2 Ma. Yu. kārāpito. 3 Ma. yo setu kārito mayā.
4 Ma. Yu. samogadho.
Uddānaṁ
sovaṇṇaṁ tilamuṭṭhi ca caṅkoṭakabbhañjamañjali
potthako citamāluvo ekapuṇḍari setunā
dvecattāḷīsa gāthāyo gaṇitāyo vibhāvihi.
Suvaṇṇabibbohanavaggo aṭṭhavīsatimo.
Ekādasamaṁ bhāṇavāraṁ
-------
ekūnatiṁso paṇṇadāyakavaggo
paṭhamaṁ paṇṇadāyakattherāpadānaṁ (281)

[283] Paṇṇasāle nisinnomhi paṇṇabhojanabhojano
upaviṭṭhañca maṁ santaṁ upagañchi mahāisi.
Siddhattho lokapajjoto sabbalokatikicchako
tassa paṇṇaṁ mayā dinnaṁ nisinnassa 1 paṇṇasanthare.
Catunavute ito kappe yaṁ paṇṇamadadiṁ tadā
duggatiṁ nābhijānāmi paṇṇadānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā paṇṇadāyako thero imā gāthāyo
abhāsitthāti.
Paṇṇadāyakattherassa apadānaṁ samattaṁ.
1 Ma. nisinnaṁ.
Dutiyaṁ phaladāyakattherāpadānaṁ (282)