[194] Yadā 1 vanavāsiko isi tiṇaṁ lāyāmi satthuno
sabbe padakkhiṇāvattā paṭhabyā nipatiṁsu te.
Tamahaṁ tiṇamādāya santhariṁ dharaṇimuttame
tīṇeva 2 tālapattāni āharitvānahaṁ tadā.
Tidaṇḍe 3 chadanaṁ katvā siddhatthassa adāsahaṁ
sattāhaṁ dhārayuṁ tattha 4 devamānusa satthuno.
Catunavute ito kappe yaṁ tiṇaṁ adadiṁ tadā
duggatiṁ nābhijānāmi tiṇadānassidaṁ phalaṁ.
Pañcasaṭṭhimhito kappe cattārosuṁ mahaddhanā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇasanthāradāyako thero imā gāthāyo
abhāsitthāti.
Tiṇasanthāradāyakattherassa apadānaṁ samattaṁ.
1 Ma. yadā vanavāsiṁ isi tiṇaṁ lāyati satthuno. Yu. yaṁ ....
2 Yu. tīṇe ca. 3 Ma. tiṇesu .... Yu. taṁ tiṇaṁ .... 4 Ma. tassa.
Tatiyaṁ khaṇḍaphulliyattherāpadānaṁ 1 (193)

[195] Phussassa kho bhagavato thūpo āsi mahāvane
kuñjarehi tadā bhinno saṁrūḷho 2 pādapo tahiṁ.
Visamañca samaṁ katvā sudhāpiṇḍaṁ adāsahaṁ
tilokagaruno tassa guṇehi paritosito.
Dvenavute ito kappe yaṁ kammamakariṁ tadā
duggatiṁ nābhijānāmi sudhāpiṇḍassidaṁ phalaṁ.
Sattasattatikappamhi jitasenāsuṁ soḷasa
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā khaṇḍaphulliyo thero imā gāthāyo
abhāsitthāti.
Khaṇḍaphulliyattherassa apadānaṁ samattaṁ.
Catutthaṁ asokapūjakattherāpadānaṁ (194)

[196] Tipurāyaṁ 3 pure ramme rājuyyānaṁ ahu tadā
uyyānapālo tatthāsiṁ rañño paṭṭhacaro ahaṁ.
1 Ma. khaṇuḍapulliyattherāpadānaṁ. 2 Ma. paruṭṭho. 3 Ma. Yu. tivarāyaṁ.
Padumo nāma nāmena sayambhū sappato 1 ahu
nisinnaṁ puṇḍarīkamhi chāyā na jahitaṁ muniṁ.
Asokaṁ pupphitaṁ disvā piṇḍibhāraṁ sudassanaṁ
buddhassa abhiropesiṁ jalajuttamanāmino.
Catunavute ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Sattatimhi ito kappe soḷasa araṇañjahā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā asokapūjako thero imā gāthāyo
abhāsitthāti.
Asokapūjakattherassa apadānaṁ samattaṁ.
Pañcamaṁ aṅkolakattherāpadānaṁ (195)

[197] Aṅkolaṁ pupphitaṁ disvā mālāvarasamogataṁ 2
ocinitvāna taṁ pupphaṁ agamaṁ buddhasantike.
Siddhattho tamhi samaye paṭilīno mahāmuni
muhuttaṁ paṭimānetvā guhāyaṁ pupphamokiriṁ.
1 Po. Ma. Yu. sappabho. 2 Ma. mālāvaraṁ sakosakaṁ.
Catunavute ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ 1 phalaṁ.
Chattiṁsamhi ito kappe āseko devagajjito
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā aṅkolako thero imā gāthāyo
abhāsitthāti.
Aṅkolakattherassa apadānaṁ samattaṁ.
Chaṭṭhaṁ kisalayapūjakattherāpadānaṁ (196)

[198] Nagare dvāravatiyā mālāvaccho mamaṁ ahu
udapāno ca tattheva pādapānaṁ virohano.
Sabalena upatthaddho siddhattho aparājito
mamānukampamāno so gacchate anilañjase.
Aññaṁ kiñci na passāmi pūjāyoggaṁ mahesino
asokapallavaṁ disvā ākāse ukkhipiṁ ahaṁ.
Buddhassa te kisalayā gacchato yanti pacchato
tāhaṁ 2 disvāna saṁvijiṁ aho buddhassuḷāratā.
1 Ma. pupphadānassidaṁ phalaṁ. 2 Yu. sohaṁ ... taṁ iddhiṁ. aho buddhassa pūjakā.
Catunavute ito kappe pallavaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Sattavīse 1 ito kappe eko ekissaro ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kisalayapūjako thero imā gāthāyo
abhāsitthāti.
Kisalayapūjakattherassa apadānaṁ samattaṁ.
Sattamaṁ tindukadāyakattherāpadānaṁ (197)

[199] Giriduggacaro āsiṁ makkaṭo thāmavegiko
phalinaṁ tindukaṁ disvā buddhaseṭṭhaṁ anussariṁ.
Nikkhamitvā katipāhaṁ viciniṁ lokanāyakaṁ
pasannacitto sumano siddhatthaṁ tibhavantaguṁ.
Mama saṅkappamaññāya satthā loke anuttaro
khīṇāsavasahassehi āgañchi mama santike.
Pāmujjaṁ janayitvāna phalahattho upāgamiṁ
paṭiggahesi bhagavā sabbaññū vadataṁ varo.
1 Ma. sattatiṁse.
Catunavute ito kappe yaṁ phalaṁ adadiṁ tadā
duggatiṁ nābhijānāmi phaladānassidaṁ phalaṁ.
Sattapaññāsakappamhi upanandasanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tindukadāyako thero imā gāthāyo
abhāsitthāti.
Tindukadāyakattherassa apadānaṁ samattaṁ.
Aṭṭhamaṁ girinelamuṭṭhipūjakattherāpadānaṁ 1 (198)

[200] Sumedho nāma bhagavā lokajeṭṭho narāsabho
pacchime anukampāya padhānaṁ padahi jino.
Tassa caṅkamamānassa dipadindassa tādino
girinelassa pupphānaṁ muṭṭhiṁ buddhassa ropayiṁ.
Tena cittappasādena sukkamūlena codito
tiṁsakappasahassāni duggatiṁ nūpapajjahaṁ.
Tevīsatikappasate sunelo nāma khattiyo
sattaratanasampanno eko āsiṁ mahabbalo.
1 Ma. Yu. muṭṭhipūjakattherāpadānaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā girinelamuṭṭhipūjako thero imā gāthāyo
abhāsitthāti.
Girinelamuṭṭhipūjakattherassa apadānaṁ samattaṁ.
Navamaṁ tikaṇḍipupphiyattherāpadānaṁ 1 (199)

[201] Sumaṅgaloti nāmena sayambhū aparājito
pavanā nikkhamitvāna nagaraṁ pāvisi jino.
Piṇḍacāraṁ caritvāna nikkhamma nagarā muni
katakiccova sambuddho so vasi vanamantare.
Tikaṇḍipupphaṁ 2 paggayha buddhassa abhiropayiṁ
pasannacitto sumano sayambhussa mahesino.
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Chaḷāsītimhito kappe apaselāsanāmako 3
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. kiṁkaṇikapupphiyat .... 2 Ma. kiṁkaṇipupphaṁ. 3 Ma. apilāsisanāmako.
Yu. apilāpiyanāmako.
Itthaṁ sudaṁ āyasmā tikaṇḍipupphiyo thero imā gāthāyo
abhāsitthāti.
Tikaṇḍipupphiyattherassa apadānaṁ samattaṁ.
Dasamaṁ yūthikapupphiyattherāpadānaṁ (200)

[202] Padumuttaro nāma jino āhutīnaṁ paṭiggaho
pavanā nikkhamitvāna vihāraṁ yāti cakkhumā.
Ubhohatthehi paggayha yūthikaṁ pupphamuttamaṁ
buddhassa abhiropesiṁ mettacittassa tādino.
Tena cittappasādena anubhotvāna sampadā
kappānaṁ satasahassaṁ duggatiṁ nūpapajjahaṁ.
Ito paññāsakappesu eko āsi 1 janādhipo
samitanandano nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā yūthikapupphiyo thero imā gāthāyo
abhāsitthāti.
Yūthikapupphiyattherassa apadānaṁ samattaṁ.
1 Po. Ma. āsiṁ.
Uddānaṁ
tamāli tiṇasanthāro khaṇḍaphulli asokiyo
aṅkolako kisalayo tinduko nelapupphiyo
tikaṇḍiko ca yūthiko gāthā paññāsa aṭṭha ca.
Tamālapupphiyavaggo vīsatimo.
Atha vagguddānaṁ
bhikkhadāyi parivāro sereyyo sobhito tathā
chatto ca bandhujīvi ca supāricariyopica
kumudo kuṭajo ceva tamāli dasamo kato
cha satāni ca gāthānaṁ chasaṭṭhi ca tatuttari.
Bhikkhavaggadasakaṁ dutiyasatakaṁ samattaṁ.
Ekavīsatimo kaṇikārapupphiyavaggo
paṭhamaṁ kaṇikārapupphiyattherāpadānaṁ (201)

[203] Kaṇikāraṁ pupphitaṁ disvā ocinitvānahaṁ tadā
tissassa abhiropesiṁ oghatiṇṇassa tādino.
Dvenavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Pañcatiṁse ito kappe aruṇapāloti 1 vissuto
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kaṇikārapupphiyo thero imā gāthāyo
abhāsitthāti.
Kaṇikārapupphiyattherassa apadānaṁ samattaṁ.
Dutiyaṁ minelapupphiyattherāpadānaṁ 2 (202)