[174] Koṇḍaññassa bhagavato lokanāthassa 1 tādino
ārohatthāya pāsādaṁ nisseṇī kāritā mayā.
Tena cittappasādena anubhotvāna sampadā
dhāremi antimaṁ dehaṁ sammāsambuddhasāsane.
Ekatiṁsamhi kappānaṁ sahassamhi tayo mahā 2
sambahulā nāma rājāno cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nisseṇīdāyako thero imā gāthāyo
abhāsitthāti.
Nisseṇīdāyakattherassa apadānaṁ samattaṁ.
Tatiyaṁ rattiyapupphiyattherāpadānaṁ (173)

[175] Migaluddo pure āsiṁ araññe kānane ahaṁ
vipassiṁ addasaṁ buddhaṁ devadevaṁ narāsabhaṁ.
1 Ma. Yu. lokajeṭṭhassa. 2 Ma. ahuṁ. Yu. tadā.
Rattikaṁ pupphitaṁ disvā kuṭajaṁ dharaṇīruhaṁ
samūlaṁ paggahetvāna upanesiṁ mahesino.
Ekanavute ito kappe yaṁ pupphamabhiropayiṁ
duggatiṁ nābhijānāmi pupphadānassidaṁ phalaṁ.
Ito ca aṭṭhame kappe suppasannasanāmako
sattaratanasampanno cakkavatti 1 mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā rattiyapupphiyo 2 thero imā gāthāyo
abhāsitthāti.
Rattiyapupphiyattherassa apadānaṁ samattaṁ.
Catutthaṁ udapānadāyakattherāpadānaṁ (174)

[176] Vipassino bhagavato udapāno kato mayā
piṇḍapātaṁ 3 gahetvāna niyyādesiṁ ahaṁ tadā.
Ekanavute ito kappe yaṁ kammamakariṁ tadā
duggatiṁ nābhijānāmi udapānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. rājāhosiṁ mahabbalo. Yu. rājāhosi .... 2 Ma. Yu. rattipupphiyo.
3 Ma. piṇḍapātañca datvāna. Yu. piṇḍapātañca daditvāna.
Itthaṁ sudaṁ āyasmā udadānadāyako thero imā gāthāyo
abhāsitthāti.
Udapānadāyakattherassa apadānaṁ samattaṁ.
Pañcamaṁ sīhāsanadāyakattherāpadānaṁ (175)

[177] Nibbute lokanāthamhi padumuttaranāyake
pasannacitto sumano sīhāsanamadāsahaṁ.
Bahūhi gandhamālehi 1 paralokasukhāvaho 2
tattha pūjaṁ karitvāna nibbāyati bahujjano.
Pasannacitto sumano vanditvā bodhimuttamaṁ
kappānaṁ satasahassaṁ duggatiṁ nūpapajjahaṁ.
Paṇṇarasasahassamhi kappānaṁ aṭṭha āsu te
siluccayasanāmā ca 3 rājāno cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sīhāsanadāyako thero imā gāthāyo
abhāsitthāti.
Sīhāsanadāyakattherassa apadānaṁ samattaṁ.
1 Yu. pahūtagandhamālehi. 2 Ma. diṭṭhadhammasukhāvahe. 3 Yu. va.
Chaṭṭhaṁ maggadattikattherāpadānaṁ (176)

[178] Anomadassi bhagavā dipadindo narāsabho
diṭṭhadhammasukhatthāya abbhokāsamhi caṅkami.
Uddhate pāde pupphāni sobhaṁ 1 muddhani tiṭṭhare
pasannacitto sumano vanditvā pupphamokiriṁ.
Vīsakappasahassamhi ito pañca janā ahuṁ
pupphacchadaniyā nāma cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā maggadattiko thero imā gāthāyo
abhāsitthāti.
Maggadattikattherassa apadānaṁ samattaṁ.
Sattamaṁ ekadīpiyattherāpadānaṁ (177)

[179] Padumuttarassa munino salaḷe bodhimuttame
pasannacitto sumano ekadīpaṁ adāsahaṁ.
Bhave nibbattamānamhi nibbatte puññasañcaye
duggatiṁ nābhijānāmi dīpadānassidaṁ phalaṁ.
1 Yu. rāsaṁ.
Soḷase kappasahasse ito 1 te caturo janā
candābhā nāma nāmena cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekadīpiyo thero imā gāthāyo
abhāsitthāti.
Ekadīpiyattherassa apadānaṁ samattaṁ.
Navamaṁ bhāṇavāraṁ.
Aṭṭhamaṁ maṇipūjakattherāpadānaṁ (178)

[180] Orena himavantassa nadikā sampavattatha
tassā cānūpakhettamhi sayambhū vasate tadā.
Maṇiṁ paggayha pallaṅkaṁ sādhucittaṁ manoramaṁ
pasannacitto sumano buddhassa abhiropayiṁ.
Catunavute ito kappe yaṁ maṇiṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Ito ca dvādase kappe sataraṁsīsanāmakā
aṭṭha 2 te rājāno āsuṁ cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. kappasahasseto me .... 2 Yu. aṭṭhete.
Itthaṁ sudaṁ āyasmā maṇipūjako thero imā gāthāyo
abhāsitthāti.
Maṇipūjakattherassa apadānaṁ samattaṁ.
Navamaṁ tikicchakattherāpadānaṁ (179)

[181] Nagare bandhumatiyā vejjo āsiṁ susikkhito
āturānaṁ sudukkhīnaṁ 1 mahājanasukhāvaho.
Byādhitaṁ samaṇaṁ disvā sīlavantaṁ mahājutiṁ
pasannacitto sumano bhesajjamadadiṁ tadā.
Arogo āsi teneva samaṇo saṁvutindriyo
asoko nāma nāmena upaṭṭhāko vipassino.
Ekanavute ito kappe yaṁ osathamadāsahaṁ
duggatiṁ nābhijānāmi bhesajjassa idaṁ phalaṁ.
Ito ca aṭṭhame kappe sabbosathasanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tikicchako thero imā gāthāyo
abhāsitthāti.
Tikicchakattherassa apadānaṁ samattaṁ.
1 Ma. sadukkhānaṁ.
Dasamaṁ saṅghupaṭṭhākattherāpadānaṁ (180)

[182] Vessabhumhi bhagavati āsiṁ 1 ārāmiko ahaṁ
pasannacitto sumano upaṭṭhiṁ saṅghamuttamaṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi upaṭṭhānassidaṁ phalaṁ.
Ito te sattame kappe sattevāsuṁ samotthakā 2
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saṅghupaṭṭhāko thero imā gāthāyo
abhāsitthāti.
Saṅghupaṭṭhākattherassa apadānaṁ samattaṁ.
Uddānaṁ
kumudo atha nisseṇī rattiko udapānado
sīhāsanī maggappado 3 ekadīpī maṇippado
tikicchako upaṭṭhāko ekūnapaññāsagāthakāti.
Kumudavaggo aṭṭhārasamo.
---------
1 Ma. Yu. ahosārāmiko ahaṁ. 2 Ma. samodakā. Yu. samotthatā.
3 Po. māḷappado. Ma. maggadado. Yu. maggavado. 4 Ma. ekapaññāsagāthakāti.
Ekūnavīsatimo kuṭajapupphiyavaggo
paṭhamaṁ kuṭajapupphiyattherāpadānaṁ (181)

[183] Suvaṇṇavaṇṇaṁ sambuddhaṁ sataraṁsīva uttamaṁ 1
disaṁ anuvilokentaṁ gacchantaṁ anilañjase.
Kuṭajaṁ pupphitaṁ disvā saṁvitthakasamotthakaṁ 2
rukkhato ocinitvāna phussassa abhiropayiṁ.
Dvenavute ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Ito sattarase kappe tayo āsiṁsu 3 pupphitā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kuṭajapupphiyo thero imā gāthāyo
abhāsitthāti.
Kuṭajapupphiyattherassa apadānaṁ samattaṁ.
Dutiyaṁ bandhujīvakattherāpadānaṁ (182)