[164] Siddhattho nāma bhagavā lokajeṭṭho narāsabho
purakkhato sāvakehi nagaraṁ paṭipajjatha.
Rañño antepure āsiṁ gopako abhisammato
pāsāde upaviṭṭhohaṁ addasaṁ lokanāyakaṁ.
Kaṇaveraṁ gahetvāna bhikkhusaṅghe samokiriṁ
buddhassa visuṁ katvāna tato bhiyyo samokiriṁ.
Catunavute ito kappe yaṁ pupphamabhiropayiṁ 1
duggatiṁ nābhijānāmi buddhapūjāyidaṁ phalaṁ.
Sattāsītimhito kappe caturāsuṁ mahiddhikā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kaṇaverapupphiyo thero imā gāthāyo
abhāsitthāti.
Kaṇaverapupphiyattherassa apadānaṁ samattaṁ.
Tatiyaṁ khajjadāyakattherāpadānaṁ (163)

[165] Tissassa 2 kho bhagavato pubbe phalamadāsahaṁ
nāḷikerañca pādāsiṁ khajjakaṁ abhisammataṁ.
1 Ma. pupphamabhipūjayiṁ. 2 Po. Yu. tissassāhaṁ bhagavato.
Buddhassa tamahaṁ datvā tissassa tu mahesino
modāmahaṁ kāmakāmī upapajjiṁ yamicchakaṁ.
Dvenavute ito kappe yaṁ dānamadadiṁ tadā
duggatiṁ nābhijānāmi phaladānassidaṁ phalaṁ.
Ito terasakappamhi rājā indasamo ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā khajjadāyako thero imā gāthāyo
abhāsitthāti.
Khajjadāyakattherassa apadānaṁ samattaṁ.
Catutthaṁ desapūjakattherāpadānaṁ (164)

[166] Atthadassī tu bhagavā lokajeṭṭho narāsabho
abbhuggantvāna vehāsaṁ gacchanto 1 anilañjase.
Yamhi dese ṭhito satthā abbhuggacchi mahāmuni
tāhaṁ desaṁ apūjesiṁ pasanno sehi pāṇihi.
Aṭṭhārase kappasate addasaṁ yaṁ mahāmuniṁ
duggatiṁ nābhijānāmi desapūjāyidaṁ phalaṁ.
1 Ma. Yu. gacchate.
Ekādase kappasate gosujātasanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā desapūjako thero imā gāthāyo
abhāsitthāti.
Desapūjakattherassa apadānaṁ samattaṁ.
Pañcamaṁ kaṇikārachadaniyattherāpadānaṁ (165)

[167] Vessabhū nāma sambuddho lokajeṭṭho narāsabho
divāvihārāya muni ogāhayi 1 mahāvanaṁ.
Kaṇikāraṁ ocinitvā chattaṁ katvānahantadā
pupphacchadanaṁ katvāna buddhassa abhiropayiṁ.
Ekattiṁse ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Ito vīsatikappamhi soṇṇābhā aṭṭha khattiyā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Po. orohitvā. Yu. ogāhitvā.
Itthaṁ sudaṁ āyasmā kaṇikārachadaniyo thero imā gāthāyo
abhāsitthāti.
Kaṇikārachadaniyattherassa apadānaṁ samattaṁ.
Chaṭṭhaṁ sappidāyakattherāpadānaṁ (166)

[168] Phusso nāmāsi bhagavā āhutīnaṁ paṭiggaho
gacchate vīthiyā vīro nibbāpento mahājanaṁ.
Anupubbena bhagavā āgañchi mama santikaṁ
tatohaṁ patta paggayha sappitelaṁ adāsahaṁ.
Dvenavute ito kappe yaṁ sappimadadiṁ tadā
duggatiṁ nābhijānāmi sappidānassidaṁ phalaṁ.
Chappaññāse ito kappe eko āsiṁ samodako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sappidāyako thero imā gāthāyo
abhāsitthāti.
Sappidāyattherassa apadānaṁ samattaṁ.
Sattamaṁ yudhikapupphiyattherāpadānaṁ (167)

[169] Candabhāgānadītīre anusotaṁ vajāmahaṁ
sayambhuṁ addasaṁ tattha sālarājaṁva phullitaṁ 1 .
Pupphaṁ yudhikamādāya upagacchiṁ mahāmuniṁ
pasannacitto sumano buddhassa abhiropayiṁ.
Catunavute ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Sattasaṭṭhimhito kappe eko sāmuddharo ahu 2
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā yudhikapupphiyo thero imā gāthāyo
abhāsitthāti.
Yudhikapupphiyattherassa apadānaṁ samattaṁ.
Aṭṭhamaṁ dussadāyakattherāpadānaṁ (168)

[170] Tivarāyaṁ pure ramme rājaputto ahaṁ 3 tadā
paṇṇākāraṁ labhitvāna upasantassadāsahaṁ.
1 Yu. pupphitaṁ. 2 Ma. ahuṁ. 3 Ma. sahaṁ.
Adhivāsesi bhagavā vatthaṁ hatthena āmasi
siddhattho adhivāsetvā vehāsaṁ nabhamuggami.
Buddhassa gacchamānassa dussā dhāvanti pacchato
tattha cittaṁ pasādesiṁ buddho no aggapuggalo.
Catunavute ito kappe yaṁ dussamadadiṁ tadā
duggatiṁ nābhijānāmi dussadānassidaṁ phalaṁ.
Sattasaṭṭhimhito kappe cakkavatti tadā ahu
parisuddhoti nāmena manujindo mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dussadāyako thero imā gāthāyo
abhāsitthāti.
Dussadāyakattherassa apadānaṁ samattaṁ.
Navamaṁ samādapakattherāpadānaṁ (169)

[171] Bandhumatiyā nagare mahāpūgagaṇo ahu
tesāhaṁ pavaro āsiṁ mama paṭṭhacarā 1 va te.
Te sabbe sannipātetvā puññakamme samādayiṁ
māḷaṁ karissāma saṅghassa puññakkhettamanuttaraṁ.
1 Ma. Yu. mama baddhacarā ca te.
Sādhūti te paṭissutvā mama chandavasānugā
niṭṭhāpetvāva 1 taṁ māḷaṁ vipassissa adamhase.
Ekanavute ito kappe yaṁ māḷamadadiṁ tadā
duggatiṁ nābhijānāmi māḷadānassidaṁ phalaṁ.
Ekūnasaṭṭhikappamhi eko āsi janādhipo
āvelo 2 nāma nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā samādapako thero imā gāthāyo
abhāsitthāti.
Samādapakattherassa apadānaṁ samattaṁ.
Dasamaṁ pañcaṅguliyattherāpadānaṁ (170)

[172] Tisso nāmāsi bhagavā lokanātho 3 narāsabho
pavisantaṁ 4 gandhakuṭiṁ vihārakusalaṁ 5 muniṁ.
Sugandhamālyamādāya agamāsiṁ jinantikaṁ
appasaddho 6 ca sambuddhe pañcaṅgulimadāsahaṁ.
Dvenavute ito kappe yaṁ gandhamabhiropayiṁ
duggatiṁ nābhijānāmi pañcaṅgulissidaṁ phalaṁ.
1 Ma. Yu. ... ca. 2 Ma. ādeyyo. Yu. āveyyo. 3 Ma. Yu. lokajeṭṭho.
4 Ma. pavisati. 5 Ma. vihārakusalo muni. 6 Yu. appasādova sambuddhe.
Dvesattatimhito kappe rājā āsiṁ sayampako 1
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pañcaṅguliyo thero imā gāthāyo
abhāsitthāti.
Pañcaṅguliyattherassa apadānaṁ samattaṁ.
Uddānaṁ
supācarikaṇaverī khajjako desapūjako
kaṇikāro sappidado yudhiko dussadāyako
māḷo ca pañcaṅguliko catupaññāsagāthakāti.
Supāricariyavaggo sattarasamo.
---------
1 Yu. sayampabho.
Aṭṭhārasamo kumudavaggo
paṭhamaṁ kumudamāliyattherāpadānaṁ (171)

[173] Pabbate himavantamhi mahājātassaro ahu
tatthajo rakkhaso āsiṁ ghorarūpo mahabbalo.
Kumudaṁ pupphitaṁ 1 tattha cakkamattāni jāyare
ocināmi cahaṁ 2 pupphaṁ phalino samitaṁ 3 tadā.
Atthadassī tu bhagavā dipadindo narāsabho
pupphaṁ saṅkocitaṁ disvā āgacchi mama santike 4 .
Upāgatañca sambuddhaṁ devadevaṁ narāsabhaṁ
sabbañca pupphaṁ paggayha buddhassa abhiropayiṁ.
Yāvatā himavantasmiṁ 5 yāva 6 mālā tadā ahu
tāvacchadanasampanno 7 agamāsi tathāgato.
Aṭṭhārase kappasate yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ito paṇṇarase kappe sattāhesuṁ janādhipā
sahassarathanāmā te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Po. Ma. Yu. pupphate. 2 Ma. cataṁ. 3 Po. Ma. Yu. samitiṁ.
4 Ma. Yu. sabbattha santikaṁ. 5 Ma. himavantantā. Yu. himavantato.
6 Ma. parisā sā tadā ahu. Yu. yāva sammantato ahu. 7 Yu. aggacchadanasampanno.
Itthaṁ sudaṁ āyasmā kumudamāliyo thero imā gāthāyo
abhāsitthāti.
Kumudamāliyattherassa apadānaṁ samattaṁ.
Dutiyaṁ nisseṇīdāyakattherāpadānaṁ (172)