[144] Nibbute lokanāthamhi dhammadassīnarāsabhe
āropesiṁ dhajatthambhaṁ buddhaseṭṭhassa cetiye.
Nisseṇiṁ māpayitvāna thūpaseṭṭhaṁ samāruhaṁ
jātipupphaṁ gahetvāna thūpamhi abhiropayiṁ.
1 Yu. chattādhichattaṁ. 2 Ma. atichattiyo.
Aho buddhā aho dhammā aho no satthusampadā
duggatiṁ nābhijānāmi thūpapūjāyidaṁ phalaṁ.
Catunavute ito kappe thūpasikhasanāmakā
soḷasāsiṁsu rājāno cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā thambhāropako thero imā gāthāyo
abhāsitthāti.
Thambhāropakattherassa apadānaṁ samattaṁ.
Tatiyaṁ vedikārakattherāpadānaṁ (143)

[145] Nibbute lokanāthamhi piyadassīnaruttame
pasannacitto sumano buddhavedimakāsahaṁ.
Maṇīhi parivāretvā akāsimahamuttamaṁ
vedikāya mahaṁ katvā tattha kālaṁ kato ahaṁ.
Yaṁ yaṁ yonūpapajjāmi devattaṁ atha mānusaṁ
maṇiṁ 1 dhārenti ākāse puññakammassidaṁ phalaṁ.
Soḷasito kappasate maṇippabhāsanāmakā
battiṁsāsiṁsu 2 rājāno cakkavattī mahabbalā.
1 Ma. Yu. maṇī. 2 Ma. chattiṁsāsiṁsu.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vedikārako thero imā gāthāyo
abhāsitthāti.
Vedikārakattherassa apadānaṁ samattaṁ.
Catutthaṁ saparivāriyattherāpadānaṁ (144)

[146] Padumuttaro nāma jino lokajeṭṭho narāsabho
jalitvā aggikkhandhova sambuddho parinibbuto.
Nibbute ca mahāvīre thūpo vitthāriko ahu
thūpadattaṁ 1 upaṭṭhenti dhātugehe varuttame.
Pasannacitto sumano akaṁ 2 candanavedikaṁ
dīyati dhūpagandho ca thūpānucchavikaṁ 3 tadā.
Bhave nibbattamānamhi devatte atha mānuse
omattaṁ me na passāmi pubbakammassidaṁ phalaṁ.
Pañcadase kappasate ito aṭṭha janā ahuṁ
sabbe samattanāmā te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. dūratova ... Yu. thūpaṁ rattaṁ. 2 Po. rattacandanaveditaṁ. 3 Ma. thūpānucchaviko.
Itthaṁ sudaṁ āyasmā saparivāriyo thero imā gāthāyo
abhāsitthāti.
Saparivāriyattherassa apadānaṁ samattaṁ.
Pañcamaṁ ummāpupphiyattherāpadānaṁ (145)

[147] Nibbute lokamahite āhutīnaṁ paṭiggahe
siddhatthamhi bhagavati mahāthūpamaho ahu.
Mahe pavattamānamhi siddhatthassa mahesino
ummāpupphaṁ gahetvāna thūpamhi abhiropayiṁ.
Catunavute ito kappe yaṁ pupphamabhiropayiṁ
duggatiṁ nābhijānāmi pupphapūjāyidaṁ 1 phalaṁ.
Ito ca navame kappe somadevasanāmakā
pañcāsītisu rājāno cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ummāpupphiyo thero imā gāthāyo
abhāsitthāti.
Ummāpupphiyattherassa apadānaṁ samattaṁ.
1 Ma. Yu. thūpapūjāyidaṁ phalaṁ.
Chaṭṭhaṁ anulomadāyakattherāpadānaṁ (146)

[148] Anomadassissa munino bodhivediṁ akāsahaṁ
sudhāya piṇḍaṁ datvāna pāṇikammaṁ akāsahaṁ.
Disvā taṁ sukataṁ kammaṁ anomadassī naruttamo
bhikkhusaṅghe ṭhito satthā imaṁ gāthaṁ abhāsatha.
Iminā sudhakammena cetanāpaṇidhīhi ca
sampattiṁ anubhotvāna dukkhassantaṁ karissati.
Pasannamukhavaṇṇomhi ekaggo susamāhito
dhāremi antimaṁ dehaṁ sammāsambuddhasāsane.
Ito kappasate āsiṁ paripuṇṇo 1 anūnako
rājā sampassano 2 nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā anulomadāyako thero imā gāthāyo
abhāsitthāti.
Anulomadāyakattherassa apadānaṁ samattaṁ.
1 Ma. Yu. paripuṇṇe anūnake. 2 Ma. Yu. sabbagghano nāma.
Sattamaṁ maggadāyakattherāpadānaṁ (147)

[149] Uttaritvāna nadikaṁ vanaṁ gacchati cakkhumā
tamaddasāsiṁ sambuddhaṁ siddhatthaṁ varalakkhaṇaṁ.
Kuddālapiṭakamādāya samaṁ katvāna taṁ pathaṁ
satthāraṁ abhivādetvā sakaṁ cittaṁ pasādayiṁ.
Catunavute ito kappe yaṁ kammamakariṁ tadā
duggatiṁ nābhijānāmi maggadānassidaṁ phalaṁ.
Sattapaññāsakappamhi eko āsiṁ janādhipo
nāmena suppabuddhoti nāyako so narissaro.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā maggadāyako thero imā gāthāyo
abhāsitthāti.
Maggadāyakattherassa apadānaṁ samattaṁ.
Aṭṭhamaṁ phalakadāyakattherāpadānaṁ (148)

[150] Yānakāro pure āsiṁ dārukamme susikkhito
candanena 1 phalakaṁ katvā adāsiṁ lokabandhuno.
1 Po. candane. Ma. candanaṁ ... Yu. candanaphalakaṁ.
Pabhāsati idaṁ byamhaṁ suvaṇṇassa sunimmitaṁ
hatthiyānaṁ assayānaṁ dibbayānaṁ upaṭṭhitaṁ.
Pāsādā sivikā ceva nibbattanti yadicchakaṁ
akkhumbhaṁ 1 ratanaṁ mayhaṁ phalakassa idaṁ phalaṁ.
Ekanavute ito kappe phalakaṁ yaṁ ahaṁ dadiṁ
duggatiṁ nābhijānāmi phalakassa idaṁ phalaṁ.
Sattapaññāsakappamhi caturo bhavanimmitā 2
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā phalakadāyako thero imā gāthāyo
abhāsitthāti.
Phalakadāyakattherassa apadānaṁ samattaṁ.
Navamaṁ vaṭaṁsakiyattherāpadānaṁ (149)

[151] Sumedho nāma nāmena sayambhū aparājito
vivekamanubrūhanto ajjhogāhi mahāvanaṁ.
Salaḷaṁ pupphitaṁ disvā ganthitvāna vaṭaṁsakaṁ
buddhassa abhiropesiṁ sammukhā lokanāyakaṁ.
1 Ma. akkhubbhaṁ. Yu. akkhobhaṁ. 2 Ma. nimmitāvahyā.
Tiṁsakappasahassamhi yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ūnavīse kappasate soḷasāsiṁsu nimmitā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vaṭaṁsakiyo thero imā gāthāyo
abhāsitthāti.
Vaṭaṁsakiyattherassa apadānaṁ samattaṁ.
Dasamaṁ pallaṅkadāyakattherāpadānaṁ (150)

[152] Sumedhassa bhagavato lokajeṭṭhassa tādino
pallaṅko hi mayā dinno sauttarasapacchado.
Sattaratanasampanno pallaṅko āsi so tadā
mama saṅkappamaññāya nibbattati sadā mama.
Tiṁsakappasahassamhi yaṁ pallaṅkamadadintadā
duggatiṁ nābhijānāmi pallaṅkassa idaṁ phalaṁ.
Vīsakappasahassamhi suvaṇṇābhā tayo janā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pallaṅkadāyako thero imā gāthāyo
abhāsitthāti.
Pallaṅkadāyakattherassa apadānaṁ samattaṁ.
Uddānaṁ
chattathambho ca vedī ca parivārummapupphiyo
anulomo ca maggo ca phalako ca vaṭaṁsako
pallaṅkadāyi gāthāyo chappaññāsa pakittitā.
Chattavaggo paṇṇarasamo.
-----------
Soḷasamo bandhujīvakavaggo
paṭhamaṁ bandhujīvakattherāpadānaṁ (151)

[153] Candaṁva vimalaṁ suddhaṁ vippasannamanāvilaṁ
nandibhavaparikkhīṇaṁ tiṇṇaṁ loke visattikaṁ.
Nibbāpayantaṁ janataṁ tiṇṇaṁ tārayataṁ muniṁ 1
vanasmiṁ 2 jhāyamānantaṁ ekaggaṁ susamāhitaṁ.
Bandhujīvakapupphāni laggitvā 3 suttake ahaṁ
buddhassa abhiropesiṁ sikhino lokabandhuno.
Ekattiṁse ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Ito sattamake kappe manujindo mahāyaso
samantacakkhu nāmāsiṁ cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bandhujīvako thero imā gāthāyo
abhāsitthāti.
Bandhujīvakattherassa apadānaṁ samattaṁ.
1 Ma. varaṁ .... 2 Ma. muniṁ vanamhi jhāyantaṁ. 3 Ma. laggetvā suttakenahaṁ.
Dutiyaṁ tambapupphiyattherāpadānaṁ (152)