[134] Vitthatāya 1 nadiyā tīre milakkhuphalino 2 ahu
tāhaṁ rukkhaṁ gavesanto addasaṁ lokanāyakaṁ.
Ketakaṁ pupphitaṁ disvā vaṇṭe chetvānahaṁ tadā
buddhassa abhiropesiṁ sikhino lokabandhuno.
Yena ñāṇena pattosi accutaṁ amataṁ padaṁ
taṁ ñāṇaṁ abhipūjesiṁ 3 buddhaseṭṭha mahāmuni.
Ñāṇamhi pūjaṁ 4 katvāna milakkhuṁ addasaṁ ahaṁ
paṭiladdhomhi taṁ saññaṁ 5 ñāṇapūjāyidaṁ phalaṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi ñāṇapūjāyidaṁ phalaṁ.
1 Ma. vinatā. 2 Ma. pilakkhuphalito ahu. Yu. pilakkhaphalino. 3 Ma. Yu. abhipūjemi.
4 Po. pūjayitvāna. 5 Ma. paññaṁ.
Ito terasakappamhi dvādasāsuṁ baluggatā 1
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sudassano thero imā gāthāyo
abhāsitthāti.
Sudassanattherassa apadānaṁ samattaṁ.
Tatiyaṁ candanapūjakattherāpadānaṁ (133)

[135] Candabhāgānadītīre ahosiṁ kinnaro tadā
pupphabhakkho cahaṁ āsiṁ pupphānaṁ vasano ahaṁ 2 .
Atthadassī tu bhagavā lokajeṭṭho narāsabho
pavanaggena 3 niyyāsi 4 haṁsarājāva ambare.
Namo te purisājañña cittaṁ te suvisodhitaṁ
pasannamukhavaṇṇosi vippasannamukhindriyo.
Orohitvāna ākāsā bhūripañño sumedhaso
saṅghāṭiṁ pattharitvāna pallaṅkena upāvisi.
Vilinaṁ candanādāya agamāsiṁ jinantike
pasannacitto sumano buddhassa abhiropayiṁ.
1 Ma. phaluggatā. Yu. khaluggatā. 2 Ma. pupphāni vasano tathā. Yu. ... cahaṁ.
3 Ma. vipinaggena. 4 Yu. niyyāti.
Abhivādetvāna sambuddhaṁ lokajeṭṭhaṁ narāsabhaṁ
pāmojjaṁ janayitvāna pakkāmiṁ uttarāmukho.
Aṭṭhārase kappasate candanaṁ yaṁ apūjayiṁ
duggatiṁ nābhijānāmi buddhapūjāyidaṁ phalaṁ.
Catuddase kappasate ito āsiṁsu te tayo
rohiṇī nāma nāmena cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā candanapūjako thero imā gāthāyo
abhāsitthāti.
Candanapūjakattherassa apadānaṁ samattaṁ.
Aṭṭhamaṁ bhāṇavāraṁ.
Catutthaṁ pupphachadaniyattherāpadānaṁ (134)

[136] Sunando nāma nāmena brāhmaṇo mantapāragū
ajjhāyako yācayogo vājapeyyaṁ ayājayi.
Padumuttaro lokavidū aggo kāruṇiko isi
janataṁ anukampanto ambare caṅkami tadā.
Caṅkamitvāna sambuddho sabbaññū lokanāyako
mettāya aphari satte appamāṇaṁ nirūpadhiṁ.
Vaṇṭe chitvāna pupphāni brāhmaṇo mantapāragū
sabbe sisse samānetvā ākāse ukkhipāpayi.
Yāvatā nagaraṁ āsi pupphānaṁ chadanaṁ tadā
buddhassa ānubhāvena sattāhaṁ na vigacchatha.
Teneva sukkamūlena anubhotvāna sampadā
sabbāsave pariññāya tiṇṇo loke visattikaṁ.
Ekārase kappasate pañcattiṁsāsu khattiyā
ambaraṁsasanāmā te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pupphachadaniyo thero imā gāthāyo
abhāsitthāti.
Pupphachadaniyattherassa apadānaṁ samattaṁ.
Pañcamaṁ rahosaññikattherāpadānaṁ (135)

[137] Himavantassavidūre vasabho nāma pabbato
tasmiṁ pabbatapādamhi assamo āsi māpito.
Tīṇi sissasahassāni vācesiṁ brāhmaṇo tadā
saṁsāvitvāna 1 te sisse ekamantaṁ upāvisiṁ.
1 Ma. saṁharitvāna. Yu. saṁsāvetvāna.
Ekamantaṁ nisīditvā brāhmaṇo mantapāragū
buddhavesaṁ gavesanto ñāṇe cittaṁ pasādayi.
Tattha cittaṁ pasādetvā nisīdi paṇṇasanthare
pallaṅkaṁ ābhujitvāna tattha kālaṁ kato ahaṁ.
Ekattiṁse ito kappe yaṁ saññamalabhiṁ tadā
duggatiṁ nābhijānāmi ñāṇasaññāyidaṁ phalaṁ.
Sattavīsamhi kappamhi rājā sirīdharo ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā rahosaññiko thero imā gāthāyo
abhāsitthāti.
Rahosaññikattherassa apadānaṁ samattaṁ.
Chaṭṭhaṁ campakapupphiyattherāpadānaṁ (136)

[138] Kaṇikāraṁva jotantaṁ nisinnaṁ pabbatantare
obhāsentaṁ disā sabbā osadhiṁ viya tārakaṁ.
Tayo māṇavakā āsuṁ sake sippe susikkhitā
khāribhāraṁ gahetvāna anventi mama pacchato.
Puṭake satta pupphāni nikkhittāni tapassinā
gahetvā tāni ñāṇamhi vessabhussābhiropayiṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi ñāṇapūjāyidaṁ phalaṁ.
Ekūnatiṁsakappamhi vihatābhāsanāmako 1
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā campakapupphiyo thero imā gāthāyo
abhāsitthāti.
Campakapupphiyattherassa apadānaṁ samattaṁ.
Sattamaṁ atthasandassakattherāpadānaṁ (137)

[139] Visālamāḷe āsinno addasaṁ lokanāyakaṁ
khīṇāsavaṁ balappattaṁ bhikkhusaṅghapurakkhataṁ.
Satasahassā tevijjā chaḷabhiññā mahiddhikā
parivārenti sambuddhaṁ ko disvā nappasīdati.
Ñāṇe upanidhā yassa na vijjati sadevake
anantañāṇaṁ sambuddhaṁ ko disvā nappasīdati.
1 Ma. vipulabhasanāmako.
Dhammakāyañca dīpenti 1 kevalaṁ ratanākaraṁ
vikopetuṁ na sakkonti ko disvā nappasīdati.
Imāhi tīhi gāthāhi nārado puragacchi 2 so
padumuttaraṁ thavitvāna sambuddhaṁ aparājitaṁ.
Tena cittappasādena buddhasanthavanena ca
kappānaṁ satasahassaṁ duggatiṁ nūpapajjahaṁ 3 .
Ito tiṁse kappasate sumitto 4 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā atthasandassako thero imā gāthāyo
abhāsitthāti.
Atthasandassakattherassa apadānaṁ samattaṁ.
Aṭṭhamaṁ ekaraṁsaniyattherāpadānaṁ 5 (138)

[140] Nārado iti nāmena 6 kesavo iti maṁ vidū
kusalākusalaṁ esaṁ agamaṁ buddhasantikaṁ.
Mettacitto kāruṇiko atthadassī mahāmuni
assāsayanto satte so dhammaṁ deseti cakkhumā.
1 Ma. dīpentaṁ. 2 Yu. saragacchi yo. Ma. vhayavacchalo. 3 Yu. nūpapajjatha.
4 Yu. sukhitto. 5 Yu. ekadaṁsaniya .... 6 Ma. Yu. me nāmaṁ.
Sakaṁ cittaṁ pasādetvā sire katvāna añjaliṁ
satthāraṁ abhivādetvā pakkāmi 1 pācināmukho.
Sattarase kappasate rājā āsi mahīpati
amittatapano 2 nāma cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekaraṁsaniyo 3 thero imā gāthāyo
abhāsitthāti.
Ekaraṁsaniyattherassa apadānaṁ samattaṁ.
Navamaṁ sāladāyakattherāpadānaṁ 4 (139)

[141] Migarājā tadā āsiṁ abhijātosu 5 kesarī
giriduggaṁ gavesanto addasaṁ lokanāyakaṁ.
Ayaṁ nu kho mahāvīro nibbāpeti mahājanaṁ
yannūnimaṁ 6 upāseyyaṁ devadevaṁ narāsabhaṁ.
Sākhaṁ sālassa bhañjitvā sakoṭaṁ pupphamāhariṁ
upagantvāna sambuddhaṁ adāsiṁ pupphamuttamaṁ.
Ekanavute ito kappe yaṁ pupphamabhiropayiṁ
duggatiṁ nābhijānāmi pupphadānassidaṁ phalaṁ.
1 Ma. Yu. pakkāmiṁ. 2 Ma. amittatāpano nāma. Yu. amittavāsano nāma.
3 Ma. ekapasādaniyo. 4 Ma. Yu. sālapupphadāyakattherāpadānaṁ. 5 Yu. abhijātova.
6 Ma. Yu. yannūnāhaṁ.
Ito ca navame kappe virocanasanāmakā
tayo āsiṁsu rājāno cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sāladāyako thero imā gāthāyo
abhāsitthāti.
Sāladāyakattherassa apadānaṁ samattaṁ.
Dasamaṁ phaladāyakattherāpadānaṁ (104)

[142] Parodhako 1 tadā āsiṁ paramānuparodhako
pabbhāre seyyaṁ kappemi avidūre sikhisatthuno.
Sāyaṁ pātañca passāmi buddhaṁ lokagganāyakaṁ
deyyadhammo ca me natthi dipadindassa tādino.
Piyālaphalamādāya agamaṁ buddhasantikaṁ
paṭiggahesi bhagavā lokajeṭṭho narāsabho.
Tato paraṁ upādāya pavāri 2 taṁ vināyakaṁ
tena cittappasādena tattha kālaṁ kato ahaṁ.
Ekattiṁse ito kappe yaṁ phalaṁ adadiṁ ahaṁ
duggatiṁ nābhijānāmi phaladānassidaṁ phalaṁ.
1 Ma. pārāvato. 2 Ma. paricāriṁ. Yu. parivāriṁ.
Ito paṇṇarase kappe tayo 1 āsiṁsu mālabhi
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā phaladāyako thero imā gāthāyo
abhāsitthāti.
Phaladāyakattherassa apadānaṁ samattaṁ.
Uddānaṁ
sobhi sudassano ceva candano pupphachadano
raho campakapupphī ca atthasandassakena ca.
Ekaraṁsī 2 sāladado dasamo phaladāyako
gāthāyo sattati dve ca gaṇitāyo vibhāvihīti.
Sobhitavaggo cuddasamo
---------------
1 Ma. tayo āsuṁ piyālino. 2 Ma. ekapasādī. Yu. ekadussi.
Paṇṇarasamo chattavaggo
paṭhamaṁ adhichattiyattherāpadānaṁ (141)

[143] Parinibbute bhagavati atthadassīnaruttame
chattātichattaṁ 1 kāretvā thūpamhi abhiropayiṁ.
Kālena kālaṁ āgantvā namassiṁ lokanāyakaṁ
pupphacchadanaṁ katvāna chattamhi abhiropayiṁ.
Sattarase kappasate devarajjamakārayiṁ
manussattaṁ na gacchāmi thūpapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā adhichattiyo 2 thero imā gāthāyo
abhāsitthāti.
Adhichattiyattherassa apadānaṁ samattaṁ.
Dutiyaṁ thambhāropakattherāpadānaṁ (142)