[154] Parakammāyane yutto aparādhaṁ akāsahaṁ
vanantaṁ atidhāvissaṁ 1 bhayaverasamappito.
Pupphitaṁ pādapaṁ disvā piṇḍibandhaṁ 2 sunimmitaṁ
tambapupphaṁ gahetvāna bodhiyaṁ okiriṁ ahaṁ.
Sammajjitvāna taṁ bodhiṁ pāṭaliṁ pādaputtamaṁ
pallaṅkaṁ ābhujitvāna bodhimūlaṁ 3 upāvisiṁ.
Gatamaggaṁ gavesantā āgañchuṁ mama santikaṁ
te ca disvānahaṁ tattha āvajjiṁ bodhimuttamaṁ.
Vanditvā ca ahaṁ bodhiṁ vippasannena cetasā
anekatāle papatiṁ giridugge bhayānake.
Ekanavute ito kappe yaṁ pupphamabhiropayiṁ
duggatiṁ nābhijānāmi bodhipūjāyidaṁ phalaṁ.
Ito ca tatiye kappe rājā sammasito 4 ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tambapupphiyo thero imā gāthāyo
abhāsitthāti.
Tambapupphiyattherassa apadānaṁ samattaṁ.
1 Ma. abhidhāvissaṁ. 2 Yu. piṇḍibaddhaṁ. 3 Ma. Yu. bodhimūle.
4 Ma. rājā sasaññato ahaṁ. Yu. rājā samphusito ahu.
Tatiyaṁ vīthisammajjakattherāpadānaṁ (153)

[155] Udentaṁ sataraṁsīva pītaraṁsīva bhāṇumaṁ
paṇṇarase 1 yathā candaṁ niyyantaṁ lokanāyakaṁ.
Aṭṭhasaṭṭhisahassāni sabbe khīṇāsavā ahuṁ
parivāriṁsu sambuddhaṁ dipadindaṁ narāsabhaṁ.
Sammijjitvāna taṁ vīthiṁ niyyante lokanāyake
ussāpesiṁ dhajaṁ tattha vippasannena cetasā.
Ekanavute ito kappe yaṁ dhajaṁ abhiropayiṁ
duggatiṁ nābhijānāmi dhajadānassidaṁ phalaṁ.
Ito catutthake kappe rājāhosiṁ mahabbalo
sabbākārena sampanno sudhajo iti vissuto.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vīthisammajjako thero imā gāthāyo
abhāsitthāti.
Vīthisammajjakattherassa apadānaṁ samattaṁ.
Catutthaṁ kakkārupūjakattherāpadānaṁ (154)

[156] Devaputto ahaṁ santo pūjayiṁ sikhināyakaṁ
kakkārupupphaṁ paggayha buddhassa abhiropayiṁ.
1 Yu. pannarase va tadāhu.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ito ca navame kappe rājā sattuttamo ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kakkārupūjako thero imā gāthāyo
abhāsitthāti.
Kakkārupūjakattherassa apadānaṁ samattaṁ.
Pañcamaṁ mandāravapupphapūjakattherāpadānaṁ (155)

[157] Devaputto ahaṁ santo pūjayiṁ sikhināyakaṁ
mandāravena pupphena buddhassa abhiropayiṁ.
Sattāhaṁ chadanaṁ āsi dibbamālyaṁ 1 tathāgate
sabbe janā samāgantvā namassiṁsu tathāgataṁ.
Ekattiṁse ito kappe yaṁ pupphamabhiropayiṁ 2
duggatiṁ nābhijānāmi buddhapūjāyidaṁ phalaṁ.
Ito ca dasame kappe rājāhosiṁ jutindharo
sattaratanasampanno cakkavatti mahabbalo.
1 Ma. dibbaṁ mālaṁ. 2 Ma. pupphamabhipūjayiṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mandāravapupphapūjako thero imā gāthāyo
abhāsitthāti.
Mandāravapupphapūjakattherassa apadānaṁ samattaṁ.
Chaṭṭhaṁ kadambapupphiyattherāpadānaṁ (156)

[158] Himavantassavidūre kukkuṭo nāma pabbato
tamhi pabbatapādamhi satta buddhā vasanti te.
Kadambaṁ pupphitaṁ disvā dīparājaṁva uggataṁ
ubhohatthehi paggayha satta buddhe samokiriṁ.
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Dvenavute ito kappe sattāsuṁ 1 pupphanāmakā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kadambapupphiyo thero imā gāthāyo
abhāsitthāti.
Kadambapupphiyattherassa apadānaṁ samattaṁ.
1 Yu. sattāhuṁ phullanāyakā.
Sattamaṁ tiṇasūlakattherāpadānaṁ (157)

[159] Himavantassavidūre bhūtagaṇo nāma pabbato
vasateko jino tattha sayambhū lokanissaṭo.
Tiṇasūle gahetvāna buddhassa abhiropayiṁ
ekūnasatasahassakappaṁ na vinipātako.
Ito ekādase kappe ekosiṁ 1 dharaṇīruho
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇasūlako thero imā gāthāyo
abhāsitthāti.
Tiṇasūlakattherassa apadānaṁ samattaṁ.
Aṭṭhamaṁ nāgapupphiyattherāpadānaṁ (158)

[160] Suvaccho nāma nāmena brāhmaṇo mantapāragū
purakkhato sasissehi vasati 2 pabbatantare.
Padumuttaro nāma jino āhutīnaṁ paṭiggaho
mamuddharitukāmo so āgañchi mama santikaṁ 3 .
1 Yu. ekosi. 2 Ma. vasate. 3 Po. Yu. santike.
Vehāyase caṅkamati dīpo 1 pajjalite tathā
hāsaṁ 2 mamaṁ viditvāna pakkāmi pācināmukho.
Tañca acchariyaṁ disvā abbhūtaṁ lomahaṁsanaṁ
nāgapupphaṁ gahetvāna gatamaggamhi okiriṁ.
Satasahasse ito kappe yaṁ pupphaṁ okiriṁ 3 ahaṁ
tena cittappasādena duggatiṁ nūpapajjahaṁ.
Ekattiṁse 4 ito kappe rājā āsiṁ mahāratho
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nāgapupphiyo thero imā gāthāyo
abhāsitthāti.
Nāgapupphiyattherassa apadānaṁ samattaṁ.
Navamaṁ punnāgapupphiyattherāpadānaṁ (159)

[161] Kānanaṁ vanamoggayha vasāmi luddako ahaṁ
punnāgaṁ pupphitaṁ disvā buddhaseṭṭhaṁ anussariṁ.
Taṁ pupphaṁ ocinitvāna sugandhaṁ gandhagandhikaṁ 5
thūpaṁ karitvāna puḷine buddhassa abhiropayiṁ.
1 Ma. dhūpāyati .... Yu. dhūpoti jalate tathā. 2 Yu. vehāsaṁ mama ditvāna.
3 Yu. abhiropayiṁ. 4 Ma. ekatiṁse kappasate rājā āsi mahāraho. yu ... āsiṁ maharatho.
5 Ma. gandhitaṁ subhaṁ.
Dvenavute ito kappe yaṁ pupphaṁ abhipūjayiṁ
duggatiṁ nābhijānāmi buddhapūjāyidaṁ phalaṁ.
Ekamhi navute kappe eko āsiṁ tamonudo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā punnāgapupphiyo thero imā gāthāyo
abhāsitthāti.
Punnāgapupphiyattherassa apadānaṁ samattaṁ.
Dasamaṁ kumudadāyakattherāpadānaṁ (160)

[162] Himavantassavidūre mahājātassaro ahu
padumuppalasañchanno puṇḍarīkasamohito 1 .
Kukkuṭo nāma nāmena tatthāsiṁ sakuṇo tadā
sīlavā vattasampanno puññāpuññesu kovido.
Padumuttaro lokavidū āhutīnaṁ paṭiggaho
jātassarassavidūre sañcarittha mahāmuni.
Jalajaṁ kumudaṁ bhitvā 2 upanesiṁ mahesino
mama saṅkappamaññāya paṭiggahi mahāmuni.
1 Ma. puṇḍarīkasamotthaṭo. 2 Ma. chetvā. Yu. gahetvā.
Tañca dānaṁ daditvāhaṁ 1 sukkamūlena codito
kappānaṁ satasahassaṁ duggatiṁ nūpapajjahaṁ.
Soḷaseto kappasate āsuṁ varuṇanāmakā
aṭṭha ete janā tattha cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kumudadāyako thero imā gāthāyo
abhāsitthāti.
Kumudadāyakattherassa apadānaṁ samattaṁ.
Uddānaṁ
bandhujīvatambapupphi vīthi kakkārupupphiyo
mandāravo kadambi ca sūlako 2 nāgapupphiyo
punnāgo komudī gāthā chappaññāsa pakittitā.
Bandhujīvakavaggo soḷasamo.
--------------
1 Ma. ... daditvāna. Yu. taṁ dānaṁ adaditvāhaṁ. 2 Yu. suliko.
Sattarasamo supāricariyavaggo
paṭhamaṁ supāricariyattherāpadānaṁ (161)

[163] Padumo nāma nāmena dipadindo narāsabho
pavanā abhinikkhamma dhammaṁ deseti cakkhumā.
Yakkhānaṁ samayo āsi avidūre mahesino
yena kiccena sampattā ajjhāpekkhiṁsu tāvade.
Buddhassa giramaññāya amatassava 1 desanaṁ
pasannacitto sumano appoṭhetvā 2 upaṭṭhahiṁ.
Suciṇṇassa phalaṁ passaṁ 3 upaṭṭhānassa satthuno
tiṁsakappasahassesu duggatiṁ nopapajjahaṁ.
Ūnatiṁse kappasate samalaṅkatanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti
itthaṁ sudaṁ āyasmā supāricariyo thero imā gāthāyo
abhāsitthāti.
Supāricariyattherassa apadānaṁ samattaṁ.
1 Ma. Yu. amatassa ca. 2 ma apphoṭetvā. 3 Ma. Yu. passa.
Dutiyaṁ kaṇaverapupphiyattherāpadānaṁ (162)