[184] Sobhito 4 nāma sambuddho sayambhū sabbhivaṇṇito
samādhiṁ so samāpanno nisīdi pabbatantare.
1 Ma. Yu. uggataṁ. 2 Ma. saṁvitathatasamotthataṁ. Yu. haṁ vitthatasamotthaṭaṁ.
3 Ma. tayo āsuṁ supupphitā. 4 Ma. Yu. siddhattho.
Jātassare gavesanto dakajaṁ pupphamuttamaṁ
bandhujīvakapupphāni addasaṁ samanantaraṁ.
Ubhohatthehi paggayha upagacchiṁ mahāmuniṁ
pasannacitto sumano sobhitassābhiropayiṁ 1 .
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ito catuddase kappe eko āsiṁ janādhipo
samuddakappo nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bandhujīvako thero imā gāthāyo
abhāsitthāti.
Bandhujīvakattherassa apadānaṁ samattaṁ.
Tatiyaṁ kotumbariyattherāpadānaṁ (183)

[185] Kaṇikāraṁva jotantaṁ nisinnaṁ pabbatantare
appameyyaṁva udadhiṁ uddhataṁ 2 dharaṇiṁ yathā.
Puretaṁ 3 devasaṅghena nisabhājāniyaṁ yathā.
Haṭṭho haṭṭhena cittena upagañchiṁ naruttamaṁ.
1 Ma. Yu. siddhatthassābhiropayiṁ. 2 Ma. vitthataṁ. 3 Ma. pūjitaṁ. Yu. paretaṁ.
Satta pupphāni paggayha kotumbaraṁ samākulaṁ
buddhassa abhiropesiṁ sikhino lokabandhuno.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ito vīsatikappamhi mahānelasanāmako
eko āsiṁ mahātejo cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā kotumbariyo thero imā gāthāyo
abhāsitthāti.
Kotumbariyattherassa apadānaṁ samattaṁ.
Catutthaṁ pañcahatthiyattherāpadānaṁ (184)

[186] Tisso nāmāsi bhagavā lokajeṭṭho narāsabho
purakkhato sāvakehi rathiyaṁ paṭipajjatha.
Pañca uppalahatthā ca catuoṭṭhapitā 1 mayā
āhutiṁ dātukāmohaṁ puttomhi 2 hitasiddhiyā.
Suvaṇṇavaṇṇaṁ sambuddhaṁ gacchantaṁ antarāpaṇe
buddharaṁsīhi 3 phuṭṭhomhi 4 pūjesiṁ dipaduttamaṁ.
1 Ma. cāturā ṭhapitā mayā. Yu. caturoṭṭhapitā mayā. 2 Ma. paggaṇhiṁ vatasiddhiyā.
Yu. mūgomhi .... 3 Yu. buddharaṁsābhi ghuṭṭhomhi. 4 Ma. phuṭṭhosmi.
Dvenavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Ito terasakappamhi pañca sulabhasammatā 1
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pañcahatthiyo thero imā gāthāyo
abhāsitthāti.
Pañcahatthiyattherassa apadānaṁ samattaṁ.
Pañcamaṁ isimuggadāyakattherāpadānaṁ (185)

[187] Udentaṁ sataraṁsīva pītaraṁsīva 2 bhāṇumaṁ
kakudhaṁ vilasantaṁva padumuttaranāyakaṁ.
Isimuggaṁ 3 nimantetvā madhukhudde anīlake
pāsādepi 4 ṭhito santo adāsiṁ lokabandhuno.
Aṭṭhasatasahassāni ahesuṁ buddhasāvakā
sabbesaṁ patta pūrentaṁ tato vāpi 5 bahūtaraṁ.
Tena cittappasādena sukkamūlena codito
kappānaṁ satasahassaṁ duggatiṁ nūpapajjahaṁ.
1 Ma. pañca susabhasammatā. Yu. pañcāsu sabhāsammatā. 2 Yu. uggataṁ iva ....
3 Ma. isimuggāni pisitvā. Yu. isimuggā nisandetvā. 4 Ma. Yu. ... va.
5 Ma. Yu. cāpi.
Cattāḷīsamhi sahasse kappānaṁ aṭṭhatiṁsate
mahisamantanāmā 1 te cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā isimuggadāyako thero imā gāthāyo
abhāsitthāti.
Isimuggadāyakattherassa apadānaṁ samattaṁ.
Chaṭṭhaṁ bodhiupaṭṭhāyakattherāpadānaṁ (186)

[188] Nagare rammavatiyā āsiṁ murajavādako 2
niccupaṭṭhānayuttomhi gatohaṁ bodhimuttamaṁ.
Sāyaṁ pātaṁ upaṭṭhitvā sukkamūlena codito
aṭṭhārase kappasate duggatiṁ nūpapajjahaṁ.
Pañcadase kappasate itohosiṁ 3 janādhipo
damatho 4 nāma nāmena cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bodhiupaṭṭhāyako 5 thero imā gāthāyo
abhāsitthāti.
Bodhiupaṭṭhāyakattherassa apadānaṁ samattaṁ.
1 Ma. isimuggasanāmā te. 2 Yu. murajanāmako. 3 Yu. rājāhosiṁ.
4 Ma. murajo .... 5 Ma. bodhiupaṭṭhāko.
Sattamaṁ ekacintikattherāpadānaṁ (187)

[189] Yadā devo devakāyā cavate āyusaṅkhayā
tayo saddā niccharanti devānaṁ anumodataṁ.
Ito bho sugatiṁ gaccha manussānaṁ sahabyataṁ
manussabhūto saddhamme labha saddhaṁ anuttaraṁ.
Sā te saddhā niviṭṭhassa 1 mūlajātā patiṭṭhitā
yāvajīvaṁ asaṁhirā saddhamme supavedite.
Kāyena kusalaṁ katvā vācāya kusalaṁ bahuṁ
manasā kusalaṁ katvā abyāpajjhaṁ nirūpadhiṁ.
Tato upacitaṁ puññaṁ katvā dānena taṁ bahuṁ
aññepi macce saddhamme brahmacariye nivesaya.
Imāya anukampāya devadevaṁ 2 yathāvidū
bhavantaṁ anumodanti ehi deva punappunaṁ.
Saṁviggohaṁ 3 tadā āsiṁ devasaṅghe samāgate
kaṁsu nāma ahaṁ yoniṁ gamissāmi ito cuto.
Mama saṁvegamaññāya samaṇo bhāvitindriyo
mamuddharitukāmo so āgacchi mama santike.
Sumano nāma nāmena padumuttarasāvako
atthadhammānusāsitvā saṁvejesi mamaṁ tadā.
1 Ma. niviṭṭhāssa. Yu. naviṭṭhāya. 2 Ma. devādevaṁ. 3 Ma. saṁvego me tadā āsi.
Yu. saṁviggomhi tadā āsiṁ.
Tassāhaṁ vacanaṁ sutvā buddhe cittaṁ pasādayiṁ
abhivādetvāpi 1 sambuddhaṁ tattha kālaṁ kato ahaṁ.
Upapajjiṁ sa tattheva sukkamūlena codito
kappānaṁ satasahassaṁ duggatiṁ nūpapajjahaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekacintiko thero imā gāthāyo
abhāsitthāti.
Ekacintikattherassa apadānaṁ samattaṁ.
Aṭṭhamaṁ tikaṇṇipupphiyattherāpadānaṁ (188)

[190] Devabhūto ahaṁ santo accharāhi purakkhato
pubbakammaṁ saritvāna buddhaseṭṭhaṁ anussariṁ.
Tikaṇṇipupphaṁ paggayha sakaṁ cittaṁ pasādayiṁ
buddhamhi 2 abhiropesiṁ vipassimhi narāsabhe.
Ekanavute ito kappe yaṁ pupphaṁ abhiropayiṁ
duggatiṁ nābhijānāmi buddhapūjāyidaṁ phalaṁ.
Tesattatimhito kappe caturosuṁ 3 ramuttamā
sattaratanasampannā cakkavattī mahabbalā.
1 Ma. Yu. taṁ dhīraṁ abhivādetvā. 2 Yu. buddhassa. 3 Yu. caturāsuṁ naruttamā.
Ma. caturāsuṁ ramuttamā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tikaṇṇipupphiyo thero imā gāthāyo
abhāsitthāti.
Tikaṇṇipupphiyattherassa apadānaṁ samattaṁ.
Navamaṁ ekacāriyattherāpadānaṁ (189)

[191] Tāvatiṁsesu devesu mahāghoso tadā ahu
buddho ca loke nibbāti mayañcamha sarāgino.
Tesaṁ saṁvegajātānaṁ sokasallasamaṅginaṁ
sabalena upatthaddho agamaṁ buddhasantike.
Mandāravaṁ gahetvāna saṅgīti 1 abhinimmitaṁ
parinibbānakālamhi 2 buddhassa abhiropayiṁ.
Sabbe devānumodiṁsu accharāyo ca me tadā
kappānaṁ satasahassaṁ duggatiṁ nūpapajjahaṁ.
Saṭṭhikappasahassamhi ito soḷasa te janā
mahāmallajanā nāma cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Yu. saṁhitaṁ. 2 Ma. parinibbutakālamhi.
Itthaṁ sudaṁ āyasmā ekacāriyo thero imā gāthāyo
abhāsitthāti.
Ekacāriyattherassa apadānaṁ samattaṁ.
Dasamaṁ tivaṇṭipupphiyattherāpadānaṁ (190)

[192] Abhibhuṁ 1 theraṁ panijjhāma sabbe saṅgamma te mayaṁ 2
tesaṁ nijjhāyamānānaṁ pariḷāho ajāyatha.
Sunando nāma nāmena buddhassa sāvako tadā
dhammadassissa munino āgañchi mama santike.
Ye me paṭṭhacarā āsuṁ te me pupphaṁ aduṁ tadā
tāhaṁ pupphaṁ gahetvāna sāvake abhiropayiṁ.
Sohaṁ kālaṁ kato tattha punāpi upapajjahaṁ
aṭṭhārase kappasate vinipātaṁ na gañchahaṁ.
Teraseto kappasate aṭṭhāsuṁ dhūmaketuno
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tivaṇṭipupphiyo thero imā gāthāyo
abhāsitthāti.
Tivaṇṭipupphiyattherassa apadānaṁ samattaṁ.
1 Ma. abhibhūtaṁ panijjhanti. Yu. abhibhuṁ vo panijjhanti. 2 Ma. ... mamaṁ.
Uddānaṁ
kuṭajā 1 bandhujīvī ca kotumbarikahatthiyo
isimuggo ca bodhi ca ekacintī tikaṇṇiko
ekacārī tivaṇṭī ca gāthā saṭṭhī 2 pakittitāti.
Kuṭajapupphiyavaggo ekūnavīsatimo.
------------------
Vīsatimo tamālapupphiyavaggo
paṭhamaṁ tamālapupphiyattherāpadānaṁ (191)

[193] Cullāsītisahassāni thambho sovaṇṇayo ahu
devalaṭṭhipaṭibhāgaṁ vimānaṁ me sunimmitaṁ.
Tamālapupphaṁ paggayha vippasannena cetasā
buddhassa abhiropesiṁ sikhino lokabandhuno.
Ekattiṁse ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Ito vīsatime kappe candatittoti ekako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. Yu. ekajo. 2 Ma. dvāsaṭṭhī kittitāti. Yu. bāsaṭṭhī.
Itthaṁ sudaṁ āyasmā tamālapupphiyo thero imā gāthāyo
abhāsitthāti.
Tamālapupphiyattherassa apadānaṁ samattaṁ.
Dutiyaṁ tiṇasanthāradāyakattherāpadānaṁ (192)