[84] Jātiyā sattavassohaṁ pabbajiṁ anagāriyaṁ
avandiṁ satthuno pāde vippasannena cetasā.
Sattanaṅgalakipupphe ākāse ukkhipiṁ ahaṁ
tissabuddhaṁ samuddissa anantaguṇasāgaraṁ.
Sugatānugataṁ maggaṁ pūjetvā haṭṭhamānaso
añjaliñca tadākāsiṁ pasanno sehi pāṇihi.
Dvenavute ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Ito aṭṭhamake kappe tayo aggisikhā ahu
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchakatā kataṁ buddhassa sāsananti.
Itthaṁ sudaṁ āyasmā gatasaññako thero imā gāthāyo
abhāsitthāti.
Gatasaññakattherassa apadānaṁ samattaṁ.
Tatiyaṁ nipannañjalikattherāpadānaṁ (83)

[85] Rukkhamūle nisinnohaṁ byādhito paramenahaṁ 1
paramakāruññapattomhi araññe kānane brahā 2 .
Anukampaṁ upādāya tisso satthā upeti 3 maṁ
sohaṁ nipannako santo sire katvāna añjaliṁ.
Pasannacitto sumano sabbasattānamuttamaṁ
sambuddhaṁ abhivādetvā tattha kālaṁ kato ahaṁ.
Dvenavute ito kappe yaṁ vandiṁ purisuttamaṁ
duggatiṁ nābhijānāmi vandanāya idaṁ phalaṁ.
Ito pañcamake kappe pañcevāsuṁ mahāsikhā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nipannañjaliko thero imā gāthāyo
abhāsitthāti.
Nipannañjalikattherassa apadānaṁ samattaṁ.
Catutthaṁ adhopupphiyattherāpadānaṁ (84)

[86] Abhibhū nāma so bhikkhu sikhino aggasāvako
mahānubhāvo tevijjo himavantaṁ upāgami.
1 Ma. paramena ca. 2 Ma. ahaṁ. 3 Ma. Yu. upesi.
Ahaṁ pi himavantamhi ramaṇīyassame isi
vasāmi appamaññāsu iddhīsu ca tadā vasī.
Pakkhijāto viyākāse pabbataṁ abhipatthayiṁ 1
adhopupphaṁ gahetvāna āgacchiṁ pabbataṁ ahaṁ.
Satta pupphāni gaṇhitvā matthake okiriṁ ahaṁ
ālokito 2 ca vīrena pakkāmiṁ pācināmukho.
Āvāsaṁ abhisajjhosiṁ 3 patvāna assamaṁ ahaṁ
khārihāraṁ 4 gahetvāna pāyāsiṁ 5 pabbatantaraṁ.
Ajagaropi 6 pīḷesi ghorarūpo mahabbalo
pubbakammaṁ saritvāna tattha kālaṁ kato ahaṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi pupphapūjāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā adhopupphiyo thero imā gāthāyo
abhāsitthāti.
Adhopupphiyattherassa apadānaṁ samattaṁ.
Pañcamaṁ raṁsisaññakattherāpadānaṁ (85)

[87] Pabbate himavantamhi vāsaṁ kappesahaṁ pure
ajinuttaravatthohaṁ vasāmi pabbatantare.
1 Ma. adhivattayiṁ. 2 Ma. ālokite. 3 Ma. Yu. abhisambhosiṁ. 4 Ma. khāribhāraṁ.
5 Yu. pāvisiṁ. 6 Ma. Yu. ajagaro maṁ pīḷesi.
Suvaṇṇavaṇṇaṁ sambuddhaṁ sataraṁsīva bhāṇumaṁ
vanantaragataṁ disvā sālarājaṁva pupphitaṁ.
Raṁse 1 cittaṁ pasādetvā vipassissa mahesino
paggayha añjaliṁ vandiṁ sirasā ukkuṭiko 2 ahaṁ.
Ekanavute ito kappe yaṁ kammamakariṁ tadā
duggatiṁ nābhijānāmi raṁsisaññāyidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā raṁsisaññako thero imā gāthāyo
abhāsitthāti.
Raṁsisaññakattherassa apadānaṁ samattaṁ.
Chaṭṭhaṁ raṁsisaññikattherāpadānaṁ (86)

[88] Pabbate himavantamhi vākacīradharo ahaṁ
caṅkamaṁ ca samāruḷho nisīdiṁ pācināmukho.
Pabbate sugataṁ disvā phussaṁ jhānarataṁ sadā
añjaliṁ paggahetvāna raṁse cittaṁ pasādayiṁ.
Dvenavute ito kappe yaṁ kammamakariṁ 3 tadā
duggatiṁ nābhijānāmi raṁsisaññāyidaṁ phalaṁ.
1 Ma. raṁsayā. 2 Ma. ukkuṭī. 3 Ma. Yu. yaṁ saññamalabhiṁ tadā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā raṁsisaññiko thero imā gāthāyo
abhāsitthāti.
Raṁsisaññikattherassa apadānaṁ samattaṁ.
Sattamaṁ phaladāyakattherāpadānaṁ (87)

[89] Pabbate himavantamhi kharājinadharo ahaṁ
phussaṁ jinavaraṁ disvā phalahattho phalaṁ adaṁ.
Yamahaṁ phalamadāsiṁ vippasannena cetasā
bhave nibbattamānamhi phalaṁ nibbattate mama.
Dvenavute ito kappe yaṁ phalaṁ adadiṁ ahaṁ
duggatiṁ nābhijānāmi phaladānassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā phaladāyako thero imā gāthāyo
abhāsitthāti.
Phaladāyakattherassa apadānaṁ samattaṁ.
Aṭṭhamaṁ saddasaññakattherāpadānaṁ (88)

[90] Pabbate himavantamhi vasāmi paṇṇasanthare
phussassa dhammaṁ bhaṇato sadde cittaṁ pasādayiṁ.
Dvenavute ito kappe yaṁ kammamakariṁ tadā
duggatiṁ nābhijānāmi puññakammassidaṁ phalaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saddasaññako thero imā gāthāyo
abhāsitthāti.
Saddasaññakattherassa apadānaṁ samattaṁ.
Navamaṁ bodhisiñcakattherāpadānaṁ (89)

[91] Vipassissa bhagavato mahābodhimaho ahu
pabbajjūpagato santo upagañchimahaṁ tadā.
Kusumbhodakamādāya 1 bodhiyā okiriṁ ahaṁ
mocayissati no mutto nibbāpessati nibbuto.
Ekanavute ito kappe yaṁ bodhiṁ abhisiñcahaṁ
duggatiṁ nābhijānāmi bodhisiñcassidaṁ 2 phalaṁ.
1 Ma. kusumodakamādāya. 2 Ma. bodhisiñcāyidaṁ phalaṁ.
Tettiṁse vattamānamhi kappe āsuṁ janādhipā
udakāsecanā nāma aṭṭhete cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bodhisiñcako thero imā gāthāyo
abhāsitthāti.
Bodhisiñcakattherassa apadānaṁ samattaṁ.
Dasamaṁ padumapupphiyattherāpadānaṁ (90)

[92] Pokkharavanaṁ paviṭṭho bhañjanto padumānahaṁ
addasaṁ 1 phussasambuddhaṁ dvattiṁsavaralakkhaṇaṁ.
Padumapupphaṁ gahetvāna ākāse ukkhipiṁ ahaṁ
pāpakammaṁ saritvāna pabbajiṁ anagāriyaṁ.
Pabbajitvāna kāyena manasā saṁvutena ca
vacīduccaritaṁ hitvā ājīvaṁ parisodhayiṁ.
Dvenavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Padumabhāsanāmāva 2 aṭṭhārasa mahīpatī
aṭṭhārasesu kappesu aṭṭhatāḷīsamāsiṁsu.
1 Ma. tatthaddasaṁ phussaṁ buddhaṁ. 2 Ma. Yu. ... ca.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā padumapupphiyo thero imā gāthāyo
abhāsitthāti.
Padumapupphiyattherassa apadānaṁ samattaṁ.
Uddānaṁ
timiraṁ naṅgalipupphī nipannañjaliko adho
dve raṁsisaññi phalado saddasaññī ca secako
padumapupphī ca gāthāyo chapaññāsā pakittitā.
Timirapupphiyavaggo navamo.
----------
Dasamo sudhāvaggo
paṭhamaṁ sudhāpiṇḍiyattherāpadānaṁ (91)

[93] Pūjārahe pūjayato buddhe yadica 1 sāvake
papañcasamatikkante tiṇṇasokapariddave.
Te tādise pūjayato nibbute akutobhaye
na sakkā puññaṁ saṅkhātuṁ imettamapi kenaci.
Catunnampi ca dīpānaṁ issaraṁ yodha kāraye
etissā 2 pūjanāyetaṁ kalaṁ nāgghati soḷasiṁ.
1 Ma. Yu. yadiva. 2 Ma. Yu. ekissā.
Siddhatthassa naraggassa cetiye iṭṭhakantare 1
sudhāpiṇḍo mayā dinno vippasannena cetasā.
Catunavute ito kappe yaṁ kammamakariṁ tadā
duggatiṁ nābhijānāmi paṭisaṅkhārassidaṁ phalaṁ.
Ito tiṁsatikappamhi paṭisaṅkhārasavhayā
sattaratanasampannā terasa cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sudhāpiṇḍiyo thero imā gāthāyo
abhāsitthāti.
Sudhāpiṇḍiyattherassa apadānaṁ samattaṁ.
Dutiyaṁ supīṭhiyattherāpadānaṁ 2 (92)