[64] Vihārā abhinikkhamma abbhuṭṭhāsi ca caṅkame 4
catusaccaṁ pakāsento desento amataṁ 5 padaṁ.
1 Ma. pulinaṁ. Yu. veḷūnaṁ. 2 Ma. pupphāpūjāyidaṁ. Yu. thūpapūjāyidaṁ.
3 Ma. sakacintaniyo. 4 Ma. abbhuṭṭhahiya caṅkame. 5 Ma. deseti.
Sikhissa giramaññāya buddhaseṭṭhassa tādino
nānāpupphaṁ gahetvāna ākāsamhi samokiriṁ.
Tena kammena dipadinda lokajeṭṭha narāsabha
pattomhi acalaṁ ṭhānaṁ hitvā jayaparājayaṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi pupphapūjāyidaṁ phalaṁ.
Ito vīsatikappamhi sumedho nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā āpopupphiyo 1 thero imā gāthāyo
abhāsitthāti.
Āpopupphiyattherassa apadānaṁ samattaṁ.
Tatiyaṁ paccāgamaniyattherāpadānaṁ (63)

[65] Sindhuyā nadiyā tīre cakkavāko ahaṁ tadā
suddhasevālabhakkhohaṁ pāṇesu ca susaññato.
Addasaṁ virajaṁ buddhaṁ gacchantaṁ anilañjase
tuṇḍena sālaṁ paggayha vipassissābhiropayiṁ.
1 Ma. Yu. āvopupphiyo.
Yassa saddhā tathāgate acalā supatiṭṭhitā
tena cittappasādena duggatiṁ so na gacchati.
Svāgataṁ vata me āsi buddhaseṭṭhassa santike
vihaṅgamena santena subījaṁ ropitaṁ mayā.
Ekanavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Sucārudassanā nāma aṭṭhete ekanāmakā
kappe sattarase āsuṁ cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā paccāgamaniyo thero imā gāthāyo
abhāsitthāti.
Paccāgamaniyattherassa apadānaṁ samattaṁ.
Catutthaṁ parappasādakattherāpadānaṁ 64

[66] Asubhaṁ pavaraṁ vīraṁ mahesiṁ vijitāvinaṁ
suvaṇṇavaṇṇaṁ sambuddhaṁ ko disvā nappasīdati.
Himavā vāparimeyyo sāgarova duruttaro
tatheva jhānaṁ buddhassa ko disvā nappasīdati.
Vasudhā yathāppameyyā cittā vanavaṭaṁsakā
Tatheva sīlaṁ buddhassa ko disvā nappasīdati.
Anilañjasāsaṁkhubbho yathākāso asaṅkhayo
tatheva ñāṇaṁ buddhassa ko disvā nappasīdati.
Imāhi catūhi gāthāhi brāhmaṇo sonāvhayo 1
buddhaseṭṭhaṁ thavitvāna siddhatthamaparājitaṁ.
Catunavutikappāni duggatiṁ nupapajjatha
sugatīsu susampattiṁ 2 anubhosiṁ anappakaṁ.
Catunavute ito kappe thavitvā lokanāyakaṁ
duggatiṁ nābhijānāmi thomanassa idaṁ phalaṁ.
Catuddasamhi kappamhi caturo āsumuggatā
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā parappasādako thero imā gāthāyo
abhāsitthāti.
Parappasādakattherassa apadānaṁ samattaṁ.
Pañcamaṁ bhisadāyakattherāpadānaṁ 65

[67] Vessabhū nāma nāmena isīnaṁ tatiyo ahu
kānanaṁ vanamoggayha vihāsi purisuttamo.
1 Po. Ma. senasavhayo. Yu. yenasavhayo. 2 Ma. sugatiṁ sukhasampattiṁ.
Bhisamūḷālaṁ gaṇhitvā agamiṁ buddhasantike
tañca buddhassa adāsiṁ pasanno sehi pāṇihi.
Karena ca parāmaṭṭho vessabhū varabuddhinā
sukhāhaṁ nābhijānāmi samantena kututtariṁ.
Carimo vattate mayhaṁ bhavā sabbe samūhatā
nāgova bandhanaṁ chetvā viharāmi anāsavo 1 .
Ekattiṁse ito kappe yaṁ kammamakariṁ tadā
duggatiṁ nābhijānāmi bhisadānassidaṁ phalaṁ.
Samodhānā ca rājāno soḷasa manujādhipā
kappamhi terase 2 āsuṁ cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā bhisadāyako thero imā gāthāyo
abhāsitthāti.
Bhisadāyakattherassa apadānaṁ samattaṁ.
Chaṭṭhaṁ sucintitattherāpadānaṁ (66)

[68] Giriduggacaro āsiṁ abhijātova kesarī
migasaṅghaṁ vadhitvāna jīvāmi pabbatantare.
1 Ma. Yu. hatthināgena santena kusalaṁ ropitaṁ mayā. 2 Ma. cuddase.
Atthadassī tu bhagavā sabbaññū vadataṁ varo
mamuddharitukāmo so āgañchi pabbatuttamaṁ.
Pasadañca migaṁ hantvā bhakkhetuṁ samupāgamiṁ
bhagavā tamhi samaye bhikkhācāro 1 upāgami.
Varamaṁsāni paggayha adāsi tassa satthuno
anumodi mahāvīro nibbāpento mamaṁ tadā.
Tena cittappasādena giriduggappavisahaṁ 2
pītiṁ uppādayitvāna tattha kālakato ahaṁ.
Etena maṁsadānena cittassa paṇidhīhi ca
paṇṇarase kappasate devaloke ramiṁ ahaṁ.
Avasesesu kappesu kusalaṁ karitaṁ 3 mayā
teneva maṁsadānena buddhānussaraṇena ca.
Aṭṭhatiṁsamhi kappamhi aṭṭha dīghāyunāmakā
saṭṭhimhito kappasate duve saraṇanāmakā 4 .
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sucintito thero imā gāthāyo
abhāsitthāti.
Sucintitattherassa apadānaṁ samattaṁ.
1 Ma. bhikkhamāno. Yu. bhikkhayāno. 2 Ma. giriduggaṁ pavisaṁ ahaṁ. Yu.
giriduggappavekkhahaṁ. 3 Ma. cintitaṁ. 4 Ma. Yu. varuṇanāmakā.
Sattamaṁ vatthadāyakattherāpadānaṁ (67)

[69] Pakkhijāto tadā āsiṁ supaṇṇo garuḷādhipo
addasaṁ virajaṁ buddhaṁ gacchantaṁ gandhamādanaṁ.
Jahitvā garuḷavaṇṇaṁ māṇavattaṁ arādhayiṁ 1
ekavatthaṁ mayā dinnaṁ dipadindassa tādino.
Tañca dussaṁ paṭiggayha buddho lokagganāyako
antalikkhe ṭhito satthā imā gāthā abhāsatha.
Iminā vatthadānena cittassa paṇidhīhi ca
pahāya garuḷayoniṁ devaloke ramissati.
Atthadassī tu bhagavā lokajeṭṭho narāsabho
vatthadānaṁ pasaṁsitvā pakkāmi uttarāmukho.
Bhave nibbattamānamhi honti me vatthasampadā
ākāse chadanaṁ hoti vatthadānassidaṁ phalaṁ.
Aruṇasā 2 satta janā cakkavattī mahabbalā
chattiṁsatimhi āsiṁsu kappamhi manujādhipā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā vatthadāyako thero imā gāthāyo
abhāsitthāti.
Vatthadāyakattherassa apadānaṁ samattaṁ.
1 Po. Yu. māṇavattaṁ adhārayiṁ. Ma. māṇavakaṁ adhārayiṁ. 2 Ma. aruṇavā. Yu. aruṇakā.
Aṭṭhamaṁ ambadāyakattherāpadānaṁ (68)

[70] Anomadassī bhagavā nisinno pabbatantare
mettāya aphari loke appamāṇe nirūpadhi.
Kapi ahaṁ tadā āsiṁ himavante naguttame
disvā anomamadhikaṁ 1 buddhe cittaṁ pasādayiṁ.
Avidūre himavantassa ambāsuṁ phalino tadā
tato pakkaṁ gahetvāna ambaṁ samadhukaṁ adaṁ.
Tamme buddho viyākāsi anomadassī mahāmuni
iminā madhudānena ambapānena cūbhayaṁ.
Sattapaññāsakappāni devaloke ramissati
avasesesu kappesu vokiṇṇaṁ saṁsarissati.
Khepetvā pāpakaṁ kammaṁ paripakkāya vuddhiyā 2
vinipātādihāgantvā kilese jhāpayissati.
Damena uttamenāhaṁ damitomhi mahesinā
pattomhi acalaṁ ṭhānaṁ hitvā jayaparājayaṁ.
Sattasattatikappasate ambaṭṭhajayanāmakā 3
catuddasā te rājāno cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. anomadassiṁ taṁ. Yu. anomamamitaṁ. 2 Ma. Yu. buddhiyā.
3 Ma. Yu. ambaṭṭhajasanāmakā.
Itthaṁ sudaṁ āyasmā ambadāyako thero imā gāthāyo
abhāsitthāti.
Ambadāyakattherassa apadānaṁ samattaṁ.
Navamaṁ sumanattherāpadānaṁ (69)

[71] Sumano nāma nāmena mālākāro ahaṁ tadā
addasaṁ virajaṁ buddhaṁ lokāhutipaṭiggahaṁ 1 .
Ubhohatthehi paggayha sumanaṁ pupphamuttamaṁ
buddhassa abhiropesiṁ sikhino lokabandhuno.
Imāya pupphapūjāya cetanāpaṇidhīhi ca
duggatiṁ nābhijānāmi buddhapūjāyidaṁ phalaṁ.
Ekattiṁse ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Chabbīsatimhi kappamhi cattārassu mahāyasā
sattaratanasampannā rājāno cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sumano thero imā gāthāyo
abhāsitthāti.
Sumanattherassa apadānaṁ samattaṁ.
1 Yu. āhutīnaṁ paṭiggahaṁ.
Dasamaṁ pupphacaṅkoṭiyattherāpadānaṁ (70)

[72] Abhītarūpaṁ sīhaṁva garuḷaggaṁva pakkhinaṁ
byagghasubhaṁva pavaraṁ abhijātaṁva kesariṁ.
Sikhiṁ tilokasaraṇaṁ aneñjaṁ aparājitaṁ
nisinnaṁ maraṇānaggaṁ bhikkhusaṅghapurakkhataṁ.
Caṅkoṭake ṭhapetvāna anojaṁ pupphamuttamaṁ
mahācaṅkoṭakeneva 1 buddhaseṭṭhaṁ samokiriṁ.
Tena cittappasādena dipadinda narāsabha
pattomhi acalaṁ ṭhānaṁ hitvā jayaparājayaṁ.
Ekattiṁse ito kappe yaṁ kammamakariṁ tadā
duggatiṁ nābhijānāmi buddhapūjāyidaṁ phalaṁ.
Sampuṇṇe tiṁsakappamhi devabhūtisanāmakā
sattaratanasampannā pañcāsuṁ cakkavattino.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pupphacaṅkoṭiyo thero imā gāthāyo
abhāsitthāti.
Pupphacaṅkoṭiyattherassa apadānaṁ samattaṁ.
1 Ma. Yu. saha caṅkoṭakeneva.
Uddānaṁ
sakacittaṁ atho pupphi paccābhigamanena 1 ca
parappasādabhisado 2 sucinti vatthadāyako.
Ambadāyi ca sumano pupphacaṅkoṭiyopica 3
gāthekasattati vuttā gaṇitā atthadassiti 4 .
Sakacittaniyavaggo sattamo.
-----------
Aṭṭhamo nāgasamālavaggo
paṭhamaṁ nāgasamālattherāpadānaṁ (71)

[73] Āpāṭaliṁ ahaṁ pupphaṁ ujjhitaṁ sumahāpathe
thūpamhi abhiropesiṁ sikhino lokabandhuno.
Ekattiṁse ito kappe yaṁ kammamakariṁ tadā
duggatiṁ nābhijānāmi thūpapūjāyidaṁ phalaṁ.
Ito paṇṇarase kappe pupphiyo 5 nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā nāgasamālo thero imā gāthāyo
abhāsitthāti.
Nāgasamālattherassa apadānaṁ samattaṁ.
1 Ma. sakacintī avo pupphī sapaccāgamanena ca. 2 Ma. parappasādībhisado.
3 Ma. pupphacaṅkoṭakīpica. 4 Ma. atthadassibhi. 5 Ma. Yu. bhūmiyo.
Dutiyaṁ padasaññakattherāpadānaṁ (72)