[54] Ubbiddhaṁ selamāruyha nisīdi purisuttamo
pabbatassāvidūramhi brāhmaṇo mantapāragū.
Upaviṭṭhaṁ mahāvīraṁ devadevaṁ narāsabhaṁ
añjaliṁ paggahetvāna santhaviṁ lokanāyakaṁ.
Esa buddho mahāvīro varadhammappakāsako
jalati aggikkhandhova bhikkhusaṅghapurakkhato.
Mahāsamuddovakkhobbho aṇṇavova duruttaro
migarājāvasambhīto dhammaṁ deseti cakkhumā.
Mama saṅkappamaññāya padumuttaranāmako 1
bhikkhusaṅghe ṭhito satthā imā gāthā abhāsatha.
Yenāyaṁ añjali dinno buddhaseṭṭho ca thomito
tiṁsakappasahassāni devarajjaṁ karissati.
Kappasatasahassamhi aṅgīrasasanāmako
vivaṭṭacchado sambuddho uppajjissati tāvade.
Tassa dhammesu dāyādo oraso dhammanimmito
sataraṁsīti nāmena arahā so bhavissati.
Jātiyā sattavassohaṁ pabbajiṁ anagāriyaṁ
sataraṁsimhi nāmena pabhā niddhāvate mama.
Maṇḍape rukkhamūle vā jhāyī jhānarato ahaṁ
dhāremi antimaṁ dehaṁ sammāsambuddhasāsane.
Saṭṭhikappasahassamhi caturo romanāmakā 2
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. Yu. padumuttaranāyako. 2 Ma. rāmanāmakā.
Itthaṁ sudaṁ āyasmā sataraṁsiyo 1 thero imā gāthāyo
abhāsitthāti.
Sataraṁsiyattherassa apadānaṁ samattaṁ.
Tatiyaṁ sayanadāyakattherāpadānaṁ (53)

[55] Padumuttarabuddhassa sabbalokānukampino
sayanaṁ tassa pādāsiṁ vippasannena cetasā.
Tena sayanadānena sukhette vījasampadā
bhogo nibbattate tassa 2 sayanassa idaṁ phalaṁ.
Ākāse seyyaṁ kappemi dhāremi paṭhaviṁ imaṁ
pāṇesu me issariyaṁ sayanassa idaṁ phalaṁ.
Pañcakappasahassamhi aṭṭha āsuṁ mahāvirā 3
catuttiṁse kappasate caturova mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sayanadāyako thero imā gāthāyo
abhāsitthāti.
Sayanadāyakattherassa apadānaṁ samattaṁ.
1 Ma. sataraṁsi. 2 Ma. bhogā nibbattare tassa. 3 Ma. mahātejā.
Catutthaṁ gandhodakadāyakattherāpadānaṁ (54)

[56] Padumuttarabuddhassa mahābodhimaho ahu
vicittaṁ ghaṭamādāya gandhodakamadāsahaṁ.
Nhānakāle ca bodhiyā mahāmegho pavassatha
ninnādo ca mahā āsi asaniyā phalantiyā.
Tenavāsanivegena tattha kālakato ahaṁ
devaloke ṭhito santo imā gāthā abhāsatha.
Aho buddho aho dhammo aho no satthusampadā
kaḷevaraṁ me patitaṁ devaloke ramāmahaṁ.
Ubbiddhaṁ bhavanaṁ mayhaṁ sattabhummaṁ samuggataṁ
kaññāsatasahassāni parivārenti maṁ sadā.
Ābādhā me na vijjanti soko mayhaṁ na vijjati
pariḷāhaṁ na passāmi puññakammassidaṁ phalaṁ.
Aṭṭhavīse kappasate rājā saṁvasito ahu
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā gandhodakadāyako 1 thero imā gāthāyo
abhāsitthāti.
Gandhodakadāyakattherassa apadānaṁ samattaṁ.
1 Po. Ma. Yu. gandhodakiyo.
Pañcamaṁ opavuyhattharāpadānaṁ (55)

[57] Padumuttarabuddhassa ājānīyaṁ adāsahaṁ
niyyādetvāna sambuddhe agamāsiṁ sakaṁ gharaṁ.
Devilo nāma nāmena satthuno aggasāvako
varadhammassa dāyādo āgañchi mama santikaṁ.
Sabbatthahāro 1 bhagavā ājāneyyo na kampati
tava saṅkappamaññāya adhivāsesi cakkhumā.
Agghāpetvā vātajavaṁ sindhavaṁ sīghavāhanaṁ
padumuttarabuddhassa khamanīyaṁ 2 adāsahaṁ.
Yaṁ yaṁ yonūpapajjāmi devattaṁ atha mānusaṁ 3
ājānīyā vātajavā vitti nibbattare mama 4 .
Lābhā tesaṁ suladdhaṁ vā ye labhantupasampadaṁ
punappayirupāseyyaṁ buddho loke sace bhave.
Aṭṭhavīsatikkhattāhaṁ rājā āsiṁ mahabbalo
cāturanto vijitāvī jambūdīpassa 5 issaro.
Imaṁ pacchimakaṁ mayhaṁ carimo vattate bhavo
pattomhi acalaṁ ṭhānaṁ hitvā jayaparājayaṁ.
Catuttiṁse sahassamhi mahātejosi khattiyo
sattaratanasampanno cakkavatti mahabbalo.
1 Ma. Yu. sapattabhāro. 2 Yu. ajānīyaṁ. 3 Po. deve ca mānuse bhave. Yu. bhavane sabbadā
mama. 4 Ma. khamanīyaṁ vātajavaṁ cittaṁ nibbattate mama. Yu. khamanīyā vātajavā citte
nibabatutare mamaṁ. 5 ma Yu. jambusaṇḍassa.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā opavuyho thero imā gāthāyo
abhāsitthāti.
Opavuyhattherassa apadānaṁ samattaṁ.
Chaṭṭhaṁ saparivārāsanattherāpadānaṁ (56)

[58] Padumuttarabuddhassa piṇḍapātaṁ adāsahaṁ
gantvā kiliṭṭhakaṭṭhānaṁ 1 mallikāhi parikkhitaṁ.
Tamhāsanamhi āsīno buddho lokagganāyako
akittayi piṇḍapātaṁ ujubhūto samāhito.
Yathāpi bhaddake khette bījaṁ appampi ropitaṁ
sammā dhāraṁ pavecchanto phalaṁ toseti kassakaṁ.
Tathevāyaṁ piṇḍapāto sukhette ropito tayā
bhave nibbattamānamhi phalante 2 tosayissati.
Idaṁ vatvāna sambuddho jalajuttamanāmako
piṇḍapātaṁ gahetvāna pakkāmi uttarāmukho.
Saṁvuto pāṭimokkhasmiṁ indriyesu ca pañcasu
pavivekamanuyutto viharāmi anāsavo.
1 Yu. gantvā taṁ bhojanaṭṭhānaṁ. 2 Yu. phalato.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā saparivārāsano thero imā gāthāyo
abhāsitthāti.
Saparivārāsanattherassa apadānaṁ samattaṁ.
Sattamaṁ pañcadīpakattherāpadānaṁ (57)

[59] Padumuttarabuddhassa sabbabhūtānukampino
susaddahitvā 1 saddhamme ujudiṭṭhi ahosahaṁ.
Padīpadānapādāsiṁ parivāritvāna bodhiyaṁ
saddahanto padīpāni akariṁ tāvadevahaṁ.
Yaṁ yaṁ yonūpapajjāmi devattaṁ atha mānusaṁ
ākāse ukkaṁ dhārenti dīpadānassidaṁ phalaṁ.
Tirokuṭaṁ 2 tiroselaṁ samatiggayha pabbataṁ
samantā yojanasataṁ dassanaṁ anubhomahaṁ.
Tena kammāvasesena pattomhi āsavakkhayaṁ
dhāremi antimaṁ dehaṁ dipadindassa sāsane.
Catuttiṁse kappasate satacakkhusanāmakā
rājāhesuṁ mahātejā cakkavattī mahabbalā.
1 Ma. saddahitvāna Yu. susaṇṭhahitvā. 2 Ma. Yu. tirokuṭaṭaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pañcadīpako thero imā gāthāyo
abhāsitthāti.
Pañcadīpakattherassa apadānaṁ samattaṁ.
Aṭṭhamaṁ dhajadāyakattherāpadānaṁ (58)

[60] Padumuttarabuddhassa bodhiyā pādaputtame
haṭṭho haṭṭhena cittena dhajamāropayiṁ ahaṁ.
Patapattāni gaṇhitvā bahiddhā chaḍḍayiṁ ahaṁ
antosuddhaṁ bahisuddhaṁ suvimuttaṁ anāsavaṁ 1 .
Sammukhā viya sambuddhaṁ avandiṁ bodhimuttamaṁ
padumuttaro lokavidū āhutīnaṁ paṭiggaho.
Bhikkhusaṅghe ṭhito satthā imā gāthā abhāsatha
iminā dhajadānena upaṭṭhānena cūbhayaṁ.
Kappānaṁ satasahassaṁ duggatiṁ so na gacchati
devesu devasobhagyaṁ anubhossatyanappakaṁ.
Anekasatakkhattuñca rājā raṭṭhe bhavissati
uggato nāma nāmena cakkavatti bhavissati.
1 Ma. Yu. adhimuttamanāsavaṁ.
Sampattiṁ anubhotvāna sukkamūlena codito
gotamassa bhagavato sāsanebhiramissati.
Padhānaṁ pahitattomhi upasanto nirūpadhi
dhāremi antimaṁ dehaṁ sammāsambuddhasāsane.
Ekapaññāsasahasse kappe uggatasavhayā 1
paññāsasahasse camuno khattiyā khemasavhayā 2 .
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā dhajadāyako thero imā gāthāyo
abhāsitthāti.
Dhajadāyakattherassa apadānaṁ samattaṁ.
Navamaṁ padumattherāpadānaṁ (59)

[61] Catusaccaṁ pakāsento varadhammaṁ pavattako 3
vassate amataṁ vuṭṭhiṁ nibbāpento mahājanaṁ.
Sadhajaṁ padumaṁ gayha aḍḍhakose ṭhito ahaṁ
padumuttaramunissa haṭṭho 5 ukkhipimambare.
Āgacchante ca padume abbhūto āsi tāvade
mama saṅkappamaññāya paggaṇhi vadataṁ varo.
1 Ma. Yu. uggatasavhayo. 2 Ma. Yu. paññāsasatasahasse khattiyo meghasavhayo.
3 Yu. varadhammacakkapavattiko. 4 Ma. pahaṭṭho.
Karaseṭṭhena paggayha jalajaṁ pupphamuttamaṁ
bhikkhusaṅghe ṭhito satthā imā gāthā abhāsatha.
Yenidaṁ padumaṁ khittaṁ sabbaññuttamanāyake 1
tamahaṁ kittayissāmi suṇātha mama bhāsato.
Tiṁsakappāni devindo devarajjaṁ karissati
paṭhabyā rajjaṁ sattasataṁ vasudhaṁ āvasissati.
Tattha sattaṁ 2 gahetvāna cakkavatti bhavissati
ākāsato pupphavuṭṭhi abhivassissatī tadā.
Kappe satasahassamhi okkākakulasambhavo
gotamo nāma nāmena satthā loke bhavissati.
Tassa dhammesu dāyādo oraso dhammanimmito
sabbāsave pariññāya nibbāyissatyanāsavo.
Nikkhamitvāna kucchimhā sampajāno paṭissato
jātiyā pañcavassohaṁ arahattaṁ apāpuṇiṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā padumo thero imā gāthāyo
abhāsitthāti.
Padumattherassa apadānaṁ samattaṁ.
1 Ma. sabbaññumhi vināyake. Yu. sabbaññutamanāsave. 2 Ma. Yu. pattaṁ.
Dasamaṁ asanabodhiyattherāpadānaṁ (60)

[62] Jātiyā sattavassohaṁ addasaṁ lokanāyakaṁ
pasannacitto sumano upagañchiṁ naruttamaṁ.
Tissassāhaṁ bhagavato lokajeṭṭhassa tādino
haṭṭho haṭṭhena cittena ropayiṁ bodhimuttamaṁ.
Asano nāmadheyyena dharaṇīrūhapādapo
pañca vasse paricariṁ asanaṁ bodhimuttamaṁ.
Pupphitaṁ pādapaṁ disvā abbhūtaṁ lomahaṁsanaṁ
sakaṁ kammaṁ pakittento buddhaseṭṭhaṁ upāgamiṁ.
Tisso tadā so 1 sambuddho sayambhū aggapuggalo
bhikkhusaṅghe nisīditvā imā gāthā abhāsatha.
Yenāyaṁ ropitā bodhi buddhapūjā ca sakkatā
tamahaṁ kittayissāmi suṇātha mama bhāsato.
Tiṁsakappāni devesu devarajjaṁ karissati
catussaṭṭhiñca khattuṁ so cakkavatti bhavissati.
Tusitāhi caritvāna sukkamūlena codito
dve sampattī anubhotvā manussatte ramissati.
Padhānaṁ pahitatto so upasanto nirūpadhi
sabbāsave pariññāya nibbāyissatyanāsavo.
1 Yu. yo.
Vivekamanuyuttohaṁ upasanto nirūpadhi
nāgova bandhanaṁ chetvā viharāmi anāsavo.
Dvenavute ito kappe bodhiṁ ropesahaṁ tadā
duggatiṁ nābhijānāmi bodhiropassidaṁ phalaṁ.
Catussattatito kappe daṇḍasenoti vissuto
sattaratanasampanno cakkavatti tadā ahu.
Tesattati ito kappe sattāhesuṁ mahīpatī
samantanemi nāmena rājāno cakkavattino.
Puṇṇavīsatito kappe puṇṇako nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā asanabodhiyo thero imā gāthāyo
abhāsitthāti.
Asanabodhiyattherassa apadānaṁ samattaṁ.
Uddānaṁ
vījanī sataraṁsī ca sayanodaki vāhiso 1
parivāro padīpañca dhajo padumapūjako
bodhi ca dasamo vutto gāthā dvenavutī tathā.
Vījanīvaggo chaṭṭho.
1 Ma. Yu. vāhiyo.
Sattamo sakacittaniyavaggo
paṭhamaṁ sakacittaniyattherāpadānaṁ (61)

[63] Pavanaṁ kānanaṁ disvā appasaddaṁ anāvilaṁ
isīnaṁ anuciṇṇaṁva āhutīnaṁ paṭiggahaṁ.
Thūpaṁ katvāna veḷinaṁ 1 nānāpupphaṁ samokiriṁ
sammukhā viya sambuddhaṁ nimmitaṁ abhivandahaṁ.
Sattaratanasampanno rājā raṭṭhasmi issaro
sakakammābhiraddhohaṁ pupphapūjāyidaṁ phalaṁ.
Ekanavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ 2 phalaṁ.
Asītikappenantayaso cakkavatti ahosahaṁ
sattaratanasampanno catudīpamhi issaro.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sakacittaniyo 3 thero imā gāthāyo
abhāsitthāti.
Sakacittaniyattherassa apadānaṁ samattaṁ.
Dutiyaṁ āpopupphiyattherāpadānaṁ (62)