[74] Akkantañca padaṁ disvā tissassādiccabandhuno
haṭṭho haṭṭhena cittena pade cittaṁ pasādayiṁ.
Dvenavute ito kappe yaṁ saññamalabhiṁ tadā
duggatiṁ nābhijānāmi padasaññāyidaṁ phalaṁ.
Ito sattamake kappe sumedho nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā padasaññako thero imā gāthāyo
abhāsitthāti.
Padasaññakattherassa apadānaṁ samattaṁ.
Tatiyaṁ susaññakattherāpadānaṁ (73)

[75] Dumagge paṁsukūlikaṁ laggaṁ disvāna satthuno
tatohaṁ añjaliṁ katvā paṁsukūlaṁ avandihaṁ.
Dvenavute ito kappe yaṁ kammamakariṁ tadā
duggatiṁ nābhijānāmi paṁsusaññāyidaṁ 1 phalaṁ.
1 Ma. Yu. buddhasaññāyidaṁ.
Ito catutthake kappe dumaharo 1 su khattiyo
cāturanto vijitāvī cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā susaññako 2 thero imā gāthāyo
abhāsitthāti.
Susaññakattherassa 3 apadānaṁ samattaṁ.
Catutthaṁ bhisāluvadāyakattherāpadānaṁ (74)

[76] Kānanaṁ vanamoggayha vasāmi pavane 4 ahaṁ
vipassiṁ addasaṁ buddhaṁ āhutīnaṁ paṭiggahaṁ.
Bhisāluvañca pādāsiṁ udakaṁ hatthadhovanaṁ
vanditvā sirasā pāde pakkāmi uttarāmukho.
Ekanavute ito kappe bhisāluvaṁ adaṁ tadā
duggatiṁ nābhijānāmi puññakammassidaṁ phalaṁ.
Ito ca tatiye kappe bhisasammatakhattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
1 Ma. dumasāro si. Yu. dumasāro su. 2 Ma. buddhasaññako. Yu. saññako.
3 buddhasaññakattherassāpadānaṁ. 4 Po. pivane. Ma. vipine. Yu. vivane.
Itthaṁ sudaṁ āyasmā bhisāluvadāyako thero imā gāthāyo
abhāsitthāti.
Bhisāluvadāyakattherassa apadānaṁ samattaṁ.
Chaṭṭhamaṁ bhāṇavāraṁ.
Pañcamaṁ ekasaññakattherāpadānaṁ (75)

[77] Khaṇḍo nāmāsi nāmena vipassissaggasāvako
ekā bhikkhā mayā dinnā lokāhutipaṭiggaho 1 .
Tena cittappasādena dipadinda narāsabha
duggatiṁ nābhijānāmi ekabhikkhāyidaṁ phalaṁ.
Cattāḷīse ito kappe varuṇo nāma khattiyo
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ekasaññako thero imā gāthāyo
abhāsitthāti.
Ekasaññakattherassa apadānaṁ samattaṁ.
Chaṭṭhaṁ tiṇasanthāradāyakattherāpadānaṁ (76)

[78] Himavantassa avidūre mahājātassaro ahu
sattapattehi sañchanno nānāsakuṇamālayo.
1 Ma. lokāhutipaṭiggahe.
Tamhi nhātvā ca pitvā ca avidūre vasāmahaṁ
addasaṁ samaṇānaggaṁ gacchantaṁ anilañjase.
Mama saṅkappamaññāya satthā loke anuttaro
abbhato orohitvāna bhūmiyaṁ ṭhāti 1 tāvade.
Lāyanena 2 tiṇaṁ gayha nisīdanamadāsahaṁ
nisīdi bhagavā tattha tilokapati 3 nāyako.
Sakaṁ cittaṁ pasādetvā avandiṁ lokanāyakaṁ
ukkuṭiko 4 avasakkhi nijjhāyanto mahāmuniṁ.
Tena cittappasādena nimmānaṁ upapajjahaṁ
duggatiṁ nābhijānāmi santhārassa idaṁ phalaṁ.
Ito dutiyake kappe mittasammatakhattiyo 5
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tiṇasanthāradāyako thero imā gāthāyo
abhāsitthāti.
Tiṇasanthāradāyakattherassa apadānaṁ samattaṁ.
Sattamaṁ sucidāyakattherāpadānaṁ (77)

[79] Tiṁsakappasahassamhi sambuddho lokanāyako
sumedho nāma nāmena dvattiṁsavaralakkhaṇo.
1 Po. ṭhito. Ma. ṭhāsi.. Yu. bhūmiyaṭaṭhāsi. 2 Ma. Yu. visāṇena. 3 Ma. tisso
lokagganāyako. Yu. tisso lokavināyako. 4 paṭikuṭiko apasakkiṁ. Yu. avasakkiṁ.
5 Ma. Yu. migasammatakhattiyo.
Tassa kañcanavaṇṇassa dipadindassa tādino
pañca sūcī mayā dinnā sibbanatthāya cīvaraṁ.
Teneva sūcidānena nipuṇatthavipassakaṁ
tikkhalahuñca phāsuñca ñāṇaṁ me upapajjatha.
Kilesā jhāpitā mayhaṁ bhavā sabbe samūhatā
dhāremi antimaṁ dehaṁ sammāsambuddhasāsane.
Dipadādhipati nāma rājāno caturo ahuṁ
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sūcidāyako thero imā gāthāyo
abhāsitthāti.
Sūcidāyakattherassa apadānaṁ samattaṁ.
Aṭṭhamaṁ pāṭalipupphiyattherāpadānaṁ (78)

[80] Suvaṇṇavaṇṇaṁ sambuddhaṁ gacchantaṁ antarāpaṇe
kañcanagghiyasaṅkāsaṁ dvattiṁsavaralakkhaṇaṁ.
Seṭṭhiputto tadā āsiṁ sukhumālo sukhe ṭhito 1
ucchaṅge pāṭalīpupphaṁ katvā taṁ abhiropayiṁ.
1 Ma. sukhedhito.
Haṭṭho haṭṭhena cittena pupphehi abhipūjayiṁ
tissaṁ lokaviduṁ nāthaṁ naradevaṁ namassihaṁ.
Dvenavute ito kappe yaṁ kammamakariṁ tadā
duggatiṁ nābhijānāmi pupphapūjāyidaṁ phalaṁ.
Ito tesaṭṭhikappamhi abhisammatanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā pāṭalipupphiyo thero imā gāthāyo
abhāsitthāti.
Pāṭalipupphiyattherassa apadānaṁ samattaṁ.
Navamaṁ ṭhitañjaliyattherāpadānaṁ (79)

[81] Migaluddho 1 pure āsiṁ araññe kānane ahaṁ
tatthaddasāsiṁ sambuddhaṁ battiṁsavaralakkhaṇaṁ.
Tatthāhaṁ añjaliṁ katvā pakkāmiṁ pācināmukho
avidūre nisinnassa niyate paṇṇasanthare.
Tato me asanīpāto matthake nipatī tadā
sohaṁ maraṇakālamhi akāsiṁ punarañjaliṁ.
1 Ma. Yu. migalududo.
Dvenavute ito kappe añjaliṁ akariṁ tadā
duggatiṁ nābhijānāmi añjalissa idaṁ phalaṁ.
Catupaṇṇāsakappamhi migaketusanāmako
sattaratanasampanno cakkavatti mahabbalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ṭhitañjaliyo thero imā gāthāyo
abhāsitthāti.
Ṭhitañjaliyattherassa apadānaṁ samattaṁ.
Dasamaṁ tīṇipadumiyattherāpadānaṁ (80)

[82] Padumuttaro nāma jino sabbadhammāna pāragū
danto dantaparivuto nagarā nikkhamī tadā.
Nagare haṁsavatiyā ahosiṁ māliko tadā
yaṁ tattha uttamaṁ tīṇi padumapupphāni aggahiṁ.
Addasaṁ virajaṁ buddhaṁ paṭimaggantarāpaṇe
saha 1 disvāna sambuddhaṁ evaṁ cintesahaṁ tadā.
Kiṁ me imehi pupphehi rañño upaṭṭhitehi me
gāmaṁ vā gāmakhettaṁ vā sahassaṁ vā labheyyahaṁ.
1 Yu. sohaṁ.
Adantadamakaṁ 1 vīraṁ 2 sabbasattasukhāvahaṁ
lokanāthaṁva pūjetvā lacchāmi amatandhanaṁ.
Evāhaṁ cintayitvāna sakaṁ cittaṁ pasādayiṁ
tīṇi lohitake gayha ākāse ukkhipiṁ tadā.
Mayā ukkhittamattamhi ākāse patthariṁsu te
dhāriṁsu matthake tattha uddhaṁvaṇṭā 3 adhomukhā.
Ye keci manujā disvā ukkuṭṭhiṁ sampavattayuṁ
devatā antalikkhamhi sādhukāraṁ pavattayuṁ.
Accheraṁ loke uppannaṁ buddhaseṭṭhassa vāhasā
sabbe dhammaṁ suṇissāma pupphānaṁ vāhasā mayaṁ.
Padumuttaro lokavidū āhutīnaṁ paṭiggaho
vīthiyañhi ṭhito santo imā gāthā abhāsatha.
Yo so buddhaṁ apūjesi rattapadumehi māṇavo
tamahaṁ kittayissāmi suṇātha mama bhāsato.
Tiṁsakappasahassāni devaloke ramissati
tiṁsakkhattuñca 4 devindo devarajjaṁ karissati.
Mahāvitthārikaṁ nāma byamhaṁ hessati tāvade
tiyojanasatubbiddhaṁ diyaḍḍhasatavitthataṁ.
Cattāri satasahassāni niyyuhā ca sumāpitā
kūṭāgāravarūpetā mahāsayanamaṇḍitā 5 .
1 Ma. adantadamanaṁ. 2 Yu. dhīraṁ. 3 Po. uddhavaṇḍā. 4 Ma. Yu. tasakappāni.
5 Yu. mahāsayanavosito.
Koṭisatasahassāyo parivāressanti accharā
kusalā naccagītassa vādite 1 ca padakkhiṇā.
Etādise byamhavare nārīgaṇasamākule
vassissati pupphavasso dibbo lohitako tadā.
Bhittikhīle nāgadante dvārabāhe ca toraṇe
cakkamattā lohitakā olambissanti tāvade.
Pattena pattasañchanne anto byamhavare imaṁ
attharitvā pārupitvā tuvaṭṭissanti tāvade.
Bhavanaṁ parivāretvā samantā satayojanaṁ 2
te 3 visuddhā lohitakā dibbagandhaṁ pavāyare.
Pañcasattatikkhattuñca cakkavatti bhavissati
padesarajjaṁ vipulaṁ gaṇanāto asaṅkhayaṁ.
Sampattiyo duve bhutvā anīti anupaddavo
sampatte pariyosāne nibbānaṁ pāpuṇissati.
Sudiṭṭho vata me buddho vāṇijjamupayojitaṁ 4
padumāni tīṇi pūjetvā anubhosintisampadā.
Ajja me dhammapattassa vippamuttassa sabbaso
supupphitaṁ lohitakaṁ dhārayissati matthake.
Mama kammaṁ kathentassa padumuttarasatthuno
satapāṇasahassānaṁ dhammābhisamayo ahu.
1 Ma. vāditepi. Yu. vāditehi. 2 Ma. satayojane. 3 Ma. tepi padamā lohitakā.
4 Ma. Yu. vāṇijjaṁ supayojitaṁ.
Satasahasse ito kappe yaṁ buddhamabhipūjayiṁ 1
duggatiṁ nābhijānāmi tiṇṇaṁ padumānidaṁ phalaṁ.
Kilesā jhāpitā mayhaṁ bhavā sabbe samūhatā
sabbāsavā parikkhīṇā natthi dāni punabbhavo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā tīṇipadumiyo thero imā gāthāyo
abhāsitthāti.
Tīṇipadumiyattherassa apadānaṁ samattaṁ.
Uddānaṁ
nāgasamālo padasaññī susaññāluvadāyako
ekasaññī tiṇadado sūcī pāṭalipupphiyo
ṭhitañjalī tipadumī gāthāyo pañcasattati.
Nāgasamālavaggo aṭṭhamo.
---------
1 Po. buddhamabhiropayiṁ.
Navamo timirapupphiyavaggo
paṭhamaṁ timirapupphiyattherāpadānaṁ (81)

[83] Candabhāgānadītīre anusotaṁ vajāmahaṁ
nisinnaṁ samaṇaṁ disvā vippasannamanāvilaṁ.
Tassa 1 cittaṁ pasādesī 2 evaṁ cintesahaṁ tadā
tārayissati tiṇṇoyaṁ dantoyaṁ damayissati.
Assāsissati assattho santo ca samayissati
mocayissati mutto ca nibbāpessati nibbuto.
Evāhaṁ cintayitvāna siddhatthassa mahesino
gahetvā timirapupphaṁ matthake okiriṁ tadā 3 .
Añjaliṁ paggahetvāna katvā ca naṁ padakkhiṇaṁ
vanditvā satthuno pāde pakkāmiṁ aparaṁ disaṁ.
Aciraṁ gatamattaṁ maṁ migarājā apīḷayi 4
papātamanugacchanto tattheva papatiṁ ahaṁ.
Catunavute ito kappe yaṁ pupphamabhiropayiṁ
duggatiṁ nābhijānāmi buddhapūjāyidaṁ phalaṁ.
Chappaññāsamhi kappamhi sattevāsuṁ mahārahā 5
sattaratanasampannā cakkavattī mahabbalā.
Paṭisambhidā catasso vimokkhāpica aṭṭhime
1 Ma. tattha. 2 Ma. Yu. pasādetvā. 3 Ma. Yu. ahaṁ. 4 Ma. aviheṭhayi.
5 Ma. Yu. mahāyasā.
Chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā timirapupphiyo thero imā gāthāyo
abhāsitthāti.
Timirapupphiyattherassa apadānaṁ samattaṁ.
Dutiyaṁ gatasaññakattherāpadānaṁ (82)