[4] Anomadassī bhagavā lokajeṭṭho narāsabho
vihāsi himavantamhi devasaṅghapurakkhato.
Varuṇo nāma nāmena nāgarājā ahaṁ tadā
kāmarūpī vikubbāmi mahodadhinivāsahaṁ.
1 Ma. Yu. ahaṁ. 2 Yu. vīro. 3 Ma. Yu. tassāhaṁ āhasā ajja.
4 Ma. kilesā jhāpitā mayhaṁ bhavā sabbe samūhatā
māgova bandhanaṁ hitvā viharāmi anāsavo
svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
5 Ma. sabbattha itisaddo natthi.
Aṅganiyagaṇaṁ hitvā turiyaṁ paṭṭhapesahaṁ
sambuddhaṁ parivāretvā vādesuṁ accharā tadā.
Vijjamānesu 1 turiyesu devaturiyāni vajjayuṁ
ubhinnaṁ saddaṁ sutvāna buddhopi sampabujjhatha.
Nimantayitvā sambuddhaṁ sakaṁ bhavanamupāgamiṁ
āsanaṁ paññapetvāna kālamārocayiṁ ahaṁ.
Khīṇāsavasahassehi purito 2 lokanāyako
obhāsento disā sabbā bhavanamme upāgami.
Upaviṭṭhaṁ mahāvīraṁ devadevaṁ narāsabhaṁ
bhikkhusaṅghaṁ santappesiṁ 3 annapānenahaṁ tadā.
Anumodi mahāvīro sayambhū aggapuggalo
bhikkhusaṅghe nisīditvā imā gāthā abhāsatha.
Yo so saṅghaṁ apūjesi buddhañca lokanāyakaṁ
tena cittappasādena devalokaṁ gamissati.
Sattasattatikkhattuñca devarajjaṁ karissati
paṭhabyā rajjaṁ aṭṭhasataṁ vasudhaṁ āvasissati.
Pañcapaññāsakkhattuṁ ca cakkavatti bhavissati
bhogā asaṅkhayā tassa uppajjissanti tāvade.
Aparimeyye ito kappe okkākakulasambhavo
gotamo nāma gottena satthā loke bhavissati.
1 Ma. vajjamānesu tūresu devā tūrāni vajjayu. Yu. ajjamānesu. 2 Ma. parivuto.
Yu. purato. 3 Ma. sa bhikkhusaṅghaṁ tappesiṁ.
Nirayā so cavitvāna manussattaṁ gamissati
kolito nāma nāmena brahmabandhu bhavissati.
So pacchā pabbajitvāna kusalamūlena codito
gotamassa bhāvato dutiyo hessati sāvako.
Āraddhaviriyo pahitatto iddhiyā pāramiṁ gato
sabbāsave pariññāya nibbāyissatyanāsavo.
Pāpamittopanissāya kāmarāgavasaṁ gato
mātaraṁ pitarañcāpi ghātayiṁ duṭṭhamānaso.
Yaṁ yaṁ yonūpapajjāmi nirayaṁ atha mānusaṁ
pāpakammasamaṅgitaṁ 1 bhinnasīso marāmahaṁ 2 .
Idaṁ pacchimakaṁ mayhaṁ carimo vattate bhavo
idhāpi īdisaṁ mayhaṁ maraṇakāle bhavissati.
Pavivekamanuyutto samādhibhāvanārato
sabbāsave pariññāya viharāmi anāsavo.
Dharaṇiṁpi sugambhīraṁ bahalaṁ duppadhaṁsiyaṁ
vāmaṅguṭṭhena cāleyyaṁ 3 iddhiyā pāramiṁ gato.
Asmimānaṁ na passāmi māno mayhaṁ na vijjati
sāmaṇere upādāya garucittaṁ karomahaṁ.
Aparimeyye ito kappe yaṁ kammaṁ abhinīharaṁ
tamahaṁ bhūmiṁ anuppatto pattomhi āsavakkhayaṁ.
1 Ma. pāpakammasamaṅgitā. Yu. pāpakammasamaṅgīnaṁ. 2 Yu. bhavāmahaṁ.
3 Ma. Yu. khobheyyaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mahāmoggallāno thero imā gāthāyo
abhāsitthāti.
Mahāmoggallānattherassa apadānaṁ samattaṁ.
Pañcamaṁ mahākassapattherāpadānaṁ (3)

[5] Padumuttarassa bhagavato lokajeṭṭhassa tādino
nibbute lokanāthasmiṁ pūjaṁ kubbanti satthuno.
Udaggacittā janatā āmoditappamoditā
tesu saṁvegajātesu pīti me upapajjatha 1 .
Ñātimitte samānetvā idaṁ vacanamabraviṁ
parinibbuto mahāvīro handa pūjaṁ karoma se.
Sādhūti te paṭissutvā bhiyyo hāsaṁ janiṁsu me
buddhasmiṁ lokanāthasmiṁ kāhāma puññasañcayaṁ.
Agghiyaṁ sukataṁ katvā satahatthaṁ samuggataṁ
diyaḍḍhaṁ hatthasataṁpi vimānaṁ nabhamuggataṁ.
Katvāna agghiyaṁ tattha kusalapantīhi cittitaṁ
sakaṁ cittaṁ pasādetvā cetiyaṁ pūjayuttamaṁ.
1 Ma. Yu. udapajjatha.
Aggikkhandhova jalati sālarājāva phullito 1
indalaṭṭhīva ākāse obhāsati 2 catuddisā.
Tattha cittaṁ pasādetvā katvāna kusalaṁ bahuṁ
pubbakammaṁ saritvāna tidasaṁ upapajjahaṁ.
Sahassayuttaṁ hayavāhiṁ dibbayānaṁ adhiṭṭhito
ubbiddhaṁ bhavanaṁ mayhaṁ sattabhummaṁ samuggataṁ.
Kūṭāgārasahassāni sabbasoṇṇamayā ahu 3
jalanti sakatejena disā sabbā pabhāsayuṁ 4 .
Santi aññepi niyyuhā lohitaṅkamayā 5 tadā
tepi jotanti ābhāya samantā caturo disā.
Puññakammābhinibbattā kūṭāgārā sunimmitā
maṇimayāpi jotanti disodisaṁ 6 samantato.
Tesaṁ ujjotamānānaṁ obhāso vipulo ahu
sabbe deve abhibhomi puññakammassidaṁ phalaṁ.
Saṭṭhikappasahassamhi ubbiddho nāma khattiyo
cāturanto vijitāvī paṭhaviṁ āvasiṁ ahaṁ
tatheva bhaddake kappe tiṁsakkhattuṁ ahosahaṁ.
Sakakammābhiraddhomhi cakkavatti mahabbalo.
Sattaratanasampanno catudīpamhi issaro
tatthāpi bhavanaṁ mayhaṁ indalaṭṭhīva uggataṁ.
1 Ma. aggikkhandhova jalito kiṁsukoiva phullito. Yu... jalito.... 2 Ma. obhāseti.
3 Ma. ahaṁ. Yu. sabbe sovaṇṇamayā ahaṁ. 4 Ma. Yu. pabhāsayaṁ.
5 Ma. niyyūhā lohitaṅgamayā. 6 Ma. Yu. disā dasa.
Āyāmato catubbīsā vitthārena ca dvādasā
rammakaṁ 1 nāma nagaraṁ daḷhapākāratoraṇaṁ.
Āyāmato pañcasataṁ vitthārena tadaḍḍhakaṁ
ākiṇṇaṁ janakāyehi tidasānaṁ puraṁ viya.
Yathā sūcighare sūci pakkhittā paṇṇavīsati
aññamaññaṁ paghaṭṭenti ākiṇṇā hoti satatā 2 .
Evampi nagaraṁ mayhaṁ hatthassarathasaṅkulaṁ 3
manussehi tadākiṇṇaṁ rammakaṁ 1 nagaruttamaṁ.
Tattha bhutvā pivitvā ca puna devattataṁ gato
bhave pacchimake mayhaṁ ahosi kulasampadā.
Brahmaññakulasambhūto mahāratanasañcayo
asītikoṭiyo hitvā hiraññassa paribbajiṁ 4 .
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā mahākassapo thero imā gāthāyo
abhāsitthāti.
Mahākassapattherassa apadānaṁ samattaṁ.
1 Ma. rammaṇaṁ. 2 Ma. ākiṇṇaṁ hoti laṅkataṁ. Yu. .. hoti taṁ tadā.
3 Ma. hatthissarathasaṅkulaṁ. 4 Ma. hiraññassāpi pabbajiṁ.
Chaṭṭhaṁ anuruddhattherāpadānaṁ (4)

[6] Sumedhaṁ bhagavantāhaṁ lokajeṭṭhaṁ narāsabhaṁ
vūpakaṭṭhaṁ viharantaṁ addasaṁ lokanāyakaṁ.
Upagantvāna sambuddhaṁ sumedhaṁ lokanāyakaṁ
añjaliṁ paggahetvāna buddhaseṭṭhaṁ ayācahaṁ.
Anukampa mahāvīra lokajeṭṭha narāsabha
padīpante padassāmi rukkhamūlamhi jhāyato.
Adhivāsesi so dhīro sayambhū vadataṁ varo
dumesu vinivijjhitvā yantaṁ yojetvahantadā 1 .
Sahassavaṭṭipādāsiṁ buddhassa lokabandhuno
sattāhaṁ pajjalitvāna padīpā vūpasammisuṁ 2 .
Tena cittappasādena cetanāpaṇidhīhi ca
jahitvā mānusaṁ dehaṁ vimānaṁ upapajjahaṁ.
Upapannassa devattaṁ byamho 3 āsi sunimmito
samantato pajjalati dīpadānassidaṁ phalaṁ.
Aṭṭhavīsatikkhattuñca cakkavatti ahosahaṁ
divārattiñca passāmi samantā yojanantadā.
Samantā yojanaṁ sabbaṁ virocemi ahaṁ tadā
sabbe deve abhibhomi dīpadānassidaṁ phalaṁ.
1 Ma. yojiyahaṁ tadā. 2 Ma. dīpā vūpasamiṁsu me. 3 Ma. byamhaṁ āsi sunimmitaṁ.
Yu. thambho.
Tiṁsakappāni devindo deve rajjamakārayiṁ
na maṁ kecātimaññanti dīpadānassidaṁ phalaṁ.
Sahassalokaṁ ñāṇena passāmi satthusāsane
dibbacakkhuṁ anuppatto dīpadānassidaṁ phalaṁ.
Sumedho nāma sambuddho tiṁsakappasahassiko 1
tassa dīpo mayā dinno vippasannena cetasā.
Paṭisambhidā catasso vimokkhāpi ca aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā anuruddho thero imā gāthāyo
abhāsitthāti.
Anuruddhattherassa apadānaṁ samattaṁ.
Sattamaṁ puṇṇamantānīputtattherāpadānaṁ (5)

[7] Ajjhānako mantadharo tiṇṇaṁ vedāna pāragū
purakkhatomhi sissehi upagañchiṁ naruttamaṁ.
Padumuttaro lokavidū āhutīnaṁ paṭiggaho
mama kammaṁ pakittesi saṅkhittena mahāmuni.
Tāhaṁ dhammaṁ suṇitvāna abhivādetvāna satthuno
añjaliṁ paggahetvāna pakkāmiṁ 2 dakkhiṇāmukho.
1 Ma. Yu. tiṁsakappasahassito. 2 Ma. pakkamiṁ.
Saṅkhittena suṇitvāna vitthārena adesayiṁ 1
sabbe sissā attamanā sutvāna mama bhāsato.
Sakaṁ diṭṭhiṁ vinodetvā buddhe cittaṁ pasādayuṁ
saṅkhittenapi desemi vitthārena tathevahaṁ.
Abhidhammanayaññohaṁ kathāvatthuvisuddhiyā
sabbesaṁ viññāpetvāna viharāmi anāsavo.
Ito pañcasate kappe caturo suppakāsakā
sattaratanasampannā catudīpamhi issarā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā puṇṇo mantānīputto thero imā
gāthāyo abhāsitthāti.
Puṇṇassa mantānīputtattherassa apadānaṁ samattaṁ.
Aṭṭhamaṁ upālittherāpadānaṁ (6)

[8] Nagare haṁsavatiyā sujāto nāma brāhmaṇo
asītikoṭisannicayo 2 pahūtadhanadhaññavā.
Ajjhāyako mantadharo tiṇṇaṁ vedāna pāragū
lakkhaṇe itihāse ca saddhamme pāramiṁ gato.
1 Ma. abhāsayiṁ.. 2 Ma. Yu. asītikoṭinicayo.
Paribbajā ekasikhā gotamā buddhasāvakā
carakā tāpasā ceva caranti mahiyā tadā.
Tepi maṁ parivārenti brāhmaṇo vissuto iti
bahū janā maṁ pūjenti 1 nāhaṁ pūjemi kiñcinaṁ.
Pūjārahaṁ na passāmi mānathaddho ahaṁ tadā
buddhoti vacanaṁ natthi tāva nuppajjate jino.
Accayena ahorattaṁ padumuttaranāyako 2
sabbaṁ tamaṁ vinodetvā loke uppajji cakkhumā.
Vitthārike bahū jaññe puthubhūte ca sāsane
upāgami tadā buddho nagaraṁ haṁsasavhayaṁ.
Pitu atthāya so buddho dhammaṁ desesi cakkhumā
tena kālena parisā samantā yojanaṁ tadā.
Sammato manujānaṁ yo 3 sunando nāma tāpaso
yāvatā buddhaparisā pupphehicchādayi tadā.
Catusaccaṁ pakāsento seṭṭhe ca pupphamaṇḍape
koṭisatasahassānaṁ dhammābhisamayo ahu.
Sattarattindivaṁ buddho vassitvā dhammavuṭṭhiyā
aṭṭhame divase patte sunandaṁ kittayī jino.
Devaloke manusse vā saṁsaranto ayaṁ bhave
sabbesaṁ pavaro hutvā bhavesu saṁsarissati.
1 Ma. Yu. bahujjano maṁ pūjeti. 2 Ma. padumuttaranāmako. 3 Ma. Yu. so.
Kappasatasahassamhi okkākakulasambhavo
gotamo nāma nāmena satthā loke bhavissati.
Tassa dhammesu dāyādo oraso dhammanimmito
mantānīputto puṇṇoti hessati satthu sāvako.
Evaṁ kittayi sambuddho sunandaṁ tāpasaṁ tadā
hāsayanto janaṁ sabbaṁ dassayanto sakaṁ balaṁ.
Katañjalī namassanti sunandaṁ tāpasaṁ tadā 1
buddhe kāraṁ karitvāna sodhesi gatimattano.
Tattha me ahu saṅkappo sutvāna munino vacaṁ
ahaṁ 2 kāraṁ karissāmi yathā passāmi gotamaṁ.
Evāhaṁ cintayitvāna kiriyaṁ cintayiṁ mamaṁ
kyāhaṁ kammaṁ ācarāmi puññakkhette anuttare.
Ayañca pāṭhiko bhikkhu sabbapāṭhīna 3 sāsane
vinaye agganikkhitto taṁ ṭhānaṁ patthayiṁ 4 ahaṁ.
Idaṁ me amitaṁ bhogaṁ akkhobhaṁ sāgarūpamaṁ
tena bhogena buddhassa ārāmaṁ māpaye ahaṁ.
Sobhanaṁ nāma ārāmaṁ nagarassa puratthato
katvā 5 satasahassena saṅghārāmaṁ amāpayiṁ.
Kūṭāgāre ca pāsāde maṇḍape hammiye guhā
caṅkame sukate katvā saṅghārāme 6 amāpayiṁ.
1 Ma. janā. 2 Ma. ahampi kāraṁ kassāmi. 3 Ma. sabbapāṭhissa. Yu. sabbapāṭhikasāsane.
4 Ma. Yu. patthaye. 5 Ma. kiṇitvā. 6 Ma. saṅghārāmaṁ.
Jantāgharaṁ aggisālaṁ atho udakamāḷakaṁ
nhānagharaṁ māpayitvā bhikkhusaṅghassadāsahaṁ.
Āsandiyo ca pīṭhake paribhoge ca bhājane
ārāmikañca bhesajjaṁ sabbametaṁ adāsahaṁ.
Ārakkhaṁ paṭṭhapetvāna pākāraṁ kārayiṁ daḷhaṁ
mā naṁ koci viheṭhesi santacittāna tādinaṁ.
Āvāse 1 satasahasse saṅghārāme 2 amāpayiṁ
vepullataṁ māpayitvā sambuddhaṁ upanāmayiṁ.
Niṭṭhāpito mayārāmo sampaṭiccha tuvaṁ muni
niyyādessāmi taṁ 3 dhīra adhivāsehi cakkhuma.
Padumuttaro lokavidū āhutīnaṁ paṭiggaho
mama saṅkappamaññāya adhivāsehi nāyako.
Adhivāsanamaññāya sabbaññussa mahesino
bhojanaṁ paṭiyādetvā kālamārocayiṁ ahaṁ.
Ārocitamhi kālamhi padumuttaranāyako
khīṇāsavasahassehi ārāmaṁ me upāgami.
Nisinnakālamaññāya annapānena tappayiṁ
bhuttāvīkālamaññāya idaṁ vacanamabraviṁ.
Kīto satasahassena tattakeneva kārito
sobhano nāma ārāmo sampaṭiccha tuvaṁ muni.
1 Ma. satasahassenāvāsaṁ. 2 Yu. saṅghārāmaṁ. 3 Yu. te vīra. Ma. taṁ vīra.
Iminā bhūmidānena cetanāpaṇidhīhi ca
bhave nibbattamānohaṁ labhāmi mama patthitaṁ.
Paṭiggahetvā sambuddho saṅghārāmaṁ sumāpitaṁ
bhikkhusaṅghe nisīditvā idaṁ vacanamabravi.
Yo so buddhassa pādāsi saṅghārāmaṁ sumāpitaṁ
tamahaṁ kittayissāmi suṇātha mama bhāsato.
Hatthī assā rathā pattī senā ca caturaṅginī
parivārentimaṁ niccaṁ saṅghārāmassidaṁ phalaṁ.
Saṭṭhī turiyasahassāni bheriyo samalaṅkatā
parivārentimaṁ niccaṁ saṅghārāmassidaṁ phalaṁ.
Chaḷāsītisahassāni nāriyo samalaṅkatā
vicittavatthābharaṇā āmuttamaṇikuṇḍalā.
Āḷāramukhā 1 hasulā susaññā tanumajjhimā
parivāressantimaṁ niccaṁ saṅghārāmassidaṁ phalaṁ.
Tiṁsakappasahassāni devaloke ramissati
sahassakkhattuṁ devindo devarajjaṁ karissati.
Devarājena pattabbaṁ sabbaṁ paṭilabhissati
anūnabhogo hutvāna devarajjaṁ karissati.
Sahassakkhattuṁ cakkavatti rājā raṭṭhe bhavissati.
Paṭhabyā rajjaṁ vipulaṁ gaṇanāto asaṅkhayaṁ 2 .
1 Ma. Yu. āḷārapamhā. 2 Po. Ma. Yu. asaṅkhiyaṁ.
Kappasatasahassamhi okkākakulasambhavo
gotamo nāma gottena satthā loke bhavissati.
Tassa dhammesu dāyādo oraso dhammanimmito
upāli nāma nāmena hessati satthu sāvako.
Vinaye pāramiṁ patvā ṭhānāṭhāne ca kovido
jinasāsanaṁ dhārayanto viharissatināsavo.
Sabbametaṁ abhiññāya gotamo sakyapuṅgavo
bhikkhusaṅghe nisīditvā etadagge ṭhapessati.
Aparimeyyaṁ upādāya patthemi tava sāsanaṁ
so me attho anuppatto sabbasaṁyojanakkhayo.
Yathā sūlāvuto poso rājadaṇḍena tajjito
sūle sātaṁ avindanto parimuttiṁva icchati.
Tathevāhaṁ mahāvīra bhavadaṇḍena tajjito
kammasūlāvuto santo pipāsāvedanāṭṭhito.
Bhave sātaṁ na vindāmi ḍayhanto tīhi aggihi
parimuttiṁ gavesāmi yathā ca rājadaṇḍato.
Yathā visārado puriso visena paripīḷito
agadaṁ so gaveseyya visaghātāyupāyanaṁ 1 .
Gavesamāno passeyya agadaṁ visaghātakaṁ
taṁ pivitvā sukhī assa visamhā parimuttiyā.
1 Ma. visaghātāyupālanaṁ. Yu. .. pāyaso.
Tathevāhaṁ mahāvīra yathā visagato 1 naro
sampīḷito avijjāya saddhammāgadamesahaṁ.
Dhammāgadaṁ gavesanto addakkhiṁ sakyasāsanaṁ
aggasaccosathānantaṁ 2 sabbasallavinodanaṁ.
Dhammosathaṁ pivitvāna visaṁ sabbaṁ samūhaniṁ
ajarāmaraṁ sītibhāvaṁ nibbānaṁ passayiṁ 3 ahaṁ.
Yathā bhūtatajjito poso bhūtaggāhena pīḷito
bhūtavejjaṁ gaveseyya bhūtasmā parimuttiyā.
Gavesamāno passeyya bhūtavijjāsu kovidaṁ
tassa so vihaññe bhūtaṁ samūlañca vināsaye.
Tathevāhaṁ mahāvīra tamaggāhena pīḷito
ñāṇālokaṁ gavesāmi tamato parimuttiyā.
Athaddasaṁ sakyamuniṁ kilesatamasodhanaṁ
so me tamaṁ vinodesi bhūtavejjova bhūtikaṁ 4 .
Saṁsārasotaṁ sañchindiṁ taṇhāsotaṁ nivārayiṁ
bhavaṁ ugghātayiṁ sabbaṁ bhūtavejjova mūlato.
Garuḷo yathā opatati pannagaṁ bhakkhamattano
samantā yojanasataṁ vikkhobheti mahāsaraṁ.
Pannagaṁ so gahetvāna adhosīsaṁ viheṭhayaṁ
ādāya so pakkamati yena kāmaṁ vihaṅgamo.
1 Ma. Yu. visahato. 2 Ma. aggaṁ sabbosadhānaṁ taṁ. Yu. aggasabbo ....
3 Po. phussayiṁ. Ma. phassayiṁ. 4 Ma. bhūtakaṁ.
Tathevāhaṁ mahāvīra yathāpi garuḷo balī
asaṅkhataṁ gavesanto dose vikkhālayiṁ ahaṁ.
Diṭṭho ahaṁ dhammavaraṁ santipadaṁ anuttaraṁ
ādāya viharāmetaṁ garuḷo pannagaṁ yathā.
Āsāvatī nāma latā jātā cittalatāvane
tassā vassasahassena ekaṁ nibbattate phalaṁ.
Taṁ devā payirupāsanti tāva dūraphalaṁ 1 sakiṁ
devānaṁ sā piyā evaṁ āsāvatī phaluttamā 2 .
Satasahassaṁ upādāya tāhaṁ paricare muniṁ 3
sāyaṁ pātaṁ namassāmi devā āsāvatiṁ yathā.
Avañjhā pāricariyā amoghā ca namassanā
dūrāgataṁpi maṁ santaṁ khaṇo maṁ 4 na virādhayi.
Paṭisandhiṁ na passāmi vicinanto bhave ahaṁ
nirūpadhi vippamutto upasanto carāmahaṁ.
Yathāpi padumaṁ nāma suriyaraṁsena pupphati
tathevāhaṁ mahāvīra buddharaṁsena pupphito.
Yathā balākayonimhi na vijjati pumā 4 sadā
meghesu gajjamānesu gabbhaṁ gaṇhanti tā sadā.
Ciraṁpi gabbhaṁ dhārenti yāva megho na gajjati
bhārato parimuccanti yadā megho pavassati.
1 Ma. tāva dūraphale sati. 2 Ma. Yu. latuttamā. 3 Ma. muni. 4 Ma. yaṁ.
5 Po. Ma. pumo.
Padumuttarabuddhassa dhammameghena gajjato 1
saddena dhammameghassa dhammagabbhaṁ agaṇhahaṁ.
Satasahassaṁ upādāya puññagabbhaṁ dharemahaṁ
nappamuñcāmi bhārato dhammamegho na gajjati.
Yadā tuvaṁ sakyamuni ramme kāpilavatthave
gajjasi dhammameghena bhārato parimuccahaṁ.
Suññataṁ animittañca athāpaṇihitaṁpi 2 ca
caturo ca phale sabbe dhammaṁ 3 vijaṭi taṁpihaṁ.
Dutiyabhāṇavāraṁ.
Aparimeyyaṁ upādāya patthemi tava sāsanaṁ
so me attho anuppatto santipadaṁ anuttaraṁ.
Vinaye pāramiṁ patto yathāpi pāṭhiko isī
na me samasamo atthi dhāremi sāsanaṁ ahaṁ.
Vinaye khandhake cāpi tikacchedeva pañcake
ettha me vimati natthi akkhare byañjanepi vā.
Niggahe paṭikamme ca ṭhānāṭhāne ca kovido
osāraṇe vuṭṭhāpane sabbattha pāramiṁ gato.
Vinaye khandhake cāpi 4 nikkhipitvā padaṁ ahaṁ
ubhato 5 vibhaṅge ceva rasato osareyyahaṁ.
1 Po. gajjito. 2 Ma. Yu. tathāppaṇihitampi ca. 3 Ma. dhammevaṁ vijanayiṁ ahaṁ.
Yu. ... vijaṭāyahaṁ. 4 Ma. vāpi. 5 Ma. Yu. ubhato viniveṭhetvā.
Niruttiyā ca kusalo 1 atthānatthe ca kovido
anaññātaṁ mayā natthi ekaggo satthu sāsane.
Rūpadakkho ahaṁ ajja sakyaputtassa sāsane
kaṅkhaṁ sabbaṁ vinodemi chindāmi sabbasaṁsayaṁ.
Padaṁ anupadañcāpi akkharañcāpi byañjanaṁ
nidāne pariyosāne sabbattha kovido ahaṁ.
Yathāpi rājā balavā nihanitvā 2 parantape
vijinitvāna saṅgāmaṁ nagaraṁ tattha māpaye.
Pākāraṁ parikkhañcāpi esikaṁ dvārakoṭṭhakaṁ
aṭṭālake ca vividhe kāraye nagare bahū.
Siṁghāṭakaṁ paccurañca 3 suvibhattantarāpaṇaṁ
kārāpeyya 4 sabhaṁ tattha atthānatthavinicchayaṁ.
Nigghāṭatthaṁ amittānaṁ chiddāchiddañca jānituṁ
balakāyassa rakkhāya senāmaccaṁ 5 ṭhapeti so.
Ārakkhatthāya bhaṇḍassa nidhānakusalaṁ naraṁ
mā me bhaṇḍaṁ vinassīti bhaṇḍarakkhaṁ ṭhapeti so.
Samaggo 6 hoti so 7 rañño vuḍḍhiṁ yassa ca icchati
tassādhikaraṇaṁ deti mittassa paṭipajjituṁ.
Uppādesu 8 nimittesu lakkhaṇesu ca kovidaṁ
ajjhāyakaṁ mantadharaṁ porohicce ṭhapeti so.
1 Ma. sukusalo. 2 Ma. Yu. niggaṇhitvā. 3 Ma. Yu. siṁghāṭakaṁ caccarañca.
4 Ma. Yu. kārayeyya. 5 Ma. Yu. senāpaccaṁ. 6 Po. samatto. Ma. mamatto.
Yu. sāmako. 7 Po. Ma. Yu. yo. 8 Po. Ma. uppātesu.
Etehaṅgehi sampanno khattiyoti pavuccati
sadā rakkhanti rājānaṁ cakkavākova dukkhinaṁ 1 .
Tatheva tvaṁ mahāvīra hatāmittova khattiyo
sadevakassa lokassa dhammarājāti vuccati.
Titthiye nīharitvāna 2 mārañcāpi sasenakaṁ
tamandhakāraṁ vidhaṁsetvā 3 dhammanagaraṁ amāpayi.
Sīlaṁ pākārikaṁ tattha ñāṇante dvārakoṭṭhakaṁ
saddhā te esikā dhīra dvārapālo ca saṁvaro.
Satipaṭṭhānamaṭṭālaṁ paññā te caccaraṁ mune
iddhipādañca siṅghāṭaṁ dhammavīthi 4 sumāpitaṁ 5 .
Suttantaṁ abhidhammañca vinayaṁ cāpi kevalaṁ
navaṅgaṁ buddhavacanaṁ esā dhammasabhā tava.
Suññataṁ animittañca vihārañcāpaṇīhitaṁ
anejo ca nirodho ca esā dhammakuṭī tava.
Paññāya aggo nikkhitto paṭibhāṇe ca kovido
sārīputtoti nāmena dhammasenāpatī tava.
Cutūpapātakusalo iddhiyā pāramiṁ gato
kolito nāma nāmena porohicco tava 6 mune.
Porāṇakavaṁsadharo uggatejo durāsado
dhutavādiguṇe aggo akkhadasso tava mune.
1 Ma. Yu. dukkhitaṁ. 2 Ma. nīhanitvāna. 3 Ma. Yu. vidhamitvā. 4 Yu. dhammavīthiṁ.
5 Ma. sumāpitā. 6 Po. tuvaṁ.. Ma. tvaṁ. ito paraṁ īdisameva.
Bahussuto dhammadharo sabbapāṭhī ca sāsane
ānando nāma nāmena dhammarakkho tava mune.
Ete sabbe atikkamma mahesī bhagavā mama
vinicchayaṁ me pādāsi vinaye viññudesitaṁ.
Yo koci vinaye pañhaṁ pucchati buddhasāvako
tattha me cintanā natthi taññevatthaṁ kathemahaṁ.
Yāvatā buddhakhettamhi ṭhapetvā ca 1 mahāmuniṁ
vinaye mādiso natthi kuto bhiyyo bhavissati.
Bhikkhusaṅghe nisīditvā evaṁ gajjati gotamo
upālissa samo natthi vinaye khandhakesu ca.
Yāvatā buddhabhaṇitaṁ navaṅgaṁ satthusāsanaṁ
vinaye 2 kathitaṁ sabbaṁ vinayamūlapassino.
Mama kammaṁ saritvāna gotamo sakyapuṅgavo
bhikkhusaṅghe nisīditvā etadagge ṭhapesi maṁ.
Satasahassaṁ upādāya imaṁ ṭhānaṁ apatthayiṁ
so me attho anuppatto vinaye pāramiṁ gato.
Sakyānaṁ nandijanako 3 kappako āsihaṁ pure
vijahitvāna taṁ jātiṁ putto jāto mahesino.
Ito dutiyake kappe añjaso nāma khattiyo
anantatejo amitayaso bhūmipālo mahaddhano.
1 Ma. Yu. taṁ mahāmuni. 2 Ma. Yu. vinayogadhaṁ taṁ sabbaṁ. 3 Ma. Yu. nandijanano.
Tassa rañño ahaṁ putto candano nāma khattiyo
jātimadena patthaddho yasobhogamadena ca.
Nāgasatasahassāni sabbālaṅkārabhūsitā
tidhā pabhinnā mātaṅgā parivārenti maṁ sadā.
Sabalehi paretohaṁ uyyānaṁ gantukāmako
āruyha sirikaṁ nāgaṁ nagarā nikkhamiṁ tadā.
Caraṇena ca sampanno guttadvāro susaṁvuto
devalo nāma sambuddho āgacchi purato mamaṁ.
Pesetvā sirikaṁ nāgaṁ buddhaṁ āsādayiṁ tadā
tato sañjātakopova 1 nāgo nuddharako 2 padaṁ.
Nāgaṁ ruṇṇamanaṁ 3 disvā buddhe kopaṁ akāsahaṁ
viheṭhayitvā sambuddhaṁ uyyānaṁ agamāsahaṁ.
Sātaṁ tattha na vindāmi siro pajjalito yathā
pariḷāhena ḍayhāmi macchova balisādako.
Sasāgarantā paṭhavī ādittā viya hoti me
pitu santikupāgamma idaṁ vacanamabraviṁ.
Āsīvisaṁva kupitaṁ aggikkhandhaṁva āgataṁ
mattaṁva kuñjaraṁ dantiṁ yaṁ sayambhuṁ asādayiṁ.
Āsādito mayā buddho ghoro uggatapo jino
purā sabbe vinassāma khamāpessāma taṁ muniṁ.
1 Ma. Yu. sañjātakopo so. 2 Ma. Yu. nuddharate. 3 Yu. duṭṭhamanaṁ.
No ce taṁ nijjhāpessāma attadantaṁ samāhitaṁ
orena 1 sattame divase raṭṭhamme vidhamissati.
Sumekhalo kosiyo ca siggavo cāpi sattako
āsādayitvā isayo duggatā te sasenakā.
Yadā kuppanti isayo saññatā brahmacārino
sadevakaṁ vināsenti sasāgaraṁ sapabbataṁ.
Tiyojanasahassamhi purise sannipātayiṁ
accayaṁ desanatthāya sayambhuṁ upasaṅkamiṁ.
Allavatthā allasirā sabbeva pañjalīkatā
buddhassa pāde nipatitvā idaṁ vacanamabravuṁ.
Khamassu tvaṁ mahāvīra abhiyācati taṁ jano
pariḷāhaṁ vinodehi mā ca 2 raṭṭhaṁ vināsaye.
Sadevamānusā sabbe sadānavā sarakkhasā
ayomayena kūṭena siraṁ bhindeyyu me sadā.
Udake aggi na saṇṭhāti vījaṁ sele na rūhati
agade kimi na saṇṭhāti kopo buddhe na jāyati.
Yathā ca bhūmi acalā appameyyo ca sāgaro
anantako ca ākāso evaṁ buddhā 3 akhobhiyā.
Attadantā 4 mahāvīrā khamitā ca tapassino
khantānaṁ khamitānaṁ ca gamanaṁ vo 5 na vijjati.
1 Ma. orena sattadivasā. 2 Ma. no. 3 Yu. buddho akhobhiyo.
4 Ma. Yu. sadā khantā. 5 Po. te. Ma. taṁ.
Idaṁ vatvāna sambuddho pariḷāhaṁ vinodayi 1
mahājanassa purato nabhaṁ abbhuggamī tadā.
Tena kammenahaṁ vīra 2 hīnattaṁ ajjhupāgato
samatikkamma taṁ jātiṁ pāvisiṁ abhayaṁ puraṁ.
Tadāpi maṁ mahāvīra ḍayhamānaṁ susaṇṭhitaṁ 3
pariḷāhaṁ vinodesi sayambhuṁ ca khamāpayiṁ.
Ajjāpi maṁ mahāvīra ḍayhamānaṁ tihaggibhi
nibbāpesi tayo aggī sītibhāvañca pāpayiṁ.
Yesaṁ 4 sotāvadhānatthi suṇātha mama bhāsato
atthaṁ tuyhaṁ pavakkhāmi yathādiṭṭhaṁ padaṁ mamaṁ.
Sayambhuṁ taṁ vimānetvā santacittaṁ samāhitaṁ
tena kanmenahaṁ ajja jātomhi nīcayoniyaṁ.
Mā vo khaṇaṁ virādhetha khaṇātītā hi socare
sadatthe vāyameyyātha khaṇo vo paṭipādito.
Ekaccānañca vamanaṁ ekaccānaṁ virecanaṁ
visaṁ halāhalaṁ eke 5 ekaccānañca osathaṁ.
Vamanaṁ paṭipannānaṁ phalaṭṭhānaṁ virecanaṁ
osathaṁ phalalābhīnaṁ puññakkhettaṁ gavesinaṁ.
Sāsanena viruddhānaṁ visaṁ halāhalaṁ yathā
āsīviso duṭṭhaviso 6 ekaṁ 7 jhāpeti taṁ naraṁ.
1 Ma. vinodayaṁ. 2 Yu. dhīra. 3 Po. sukhe ṭhitaṁ. 4 Po. saṁsāre sassatā natthi.
5 Yu. ete. 6 Ma. diṭṭhaviso. Yu. daṭṭhaviso. 7 Po. Ma. Yu. evaṁ.
Sakiṁ pītaṁ halāhalaṁ uparuddheti jīvitaṁ
sāsanena virujjhitvā kappakoṭimhi ḍayhati.
Khantiyā avihiṁsāya mettacittavatāya ca
sadevakaṁ so tarati tasmā te 1 avirodhiyā 2 .
Lābhālābhe na sajjanti sammānane vimānane
paṭhavīsadisā buddhā tasmā te na virodhiyā 3 .
Devadatte ca vadhake core caṅgulimālake
rāhule dhanapāle ca sabbesaṁ samako muni.
Etesaṁ paṭighaṁ natthi rāgomesaṁ na vijjati
sabbesaṁ samako buddho vadhakassorasassa ca.
Panthe disvāna kāsāvaṁ chaḍḍitaṁ miḷhamakkhitaṁ
sirasā 4 añjaliṁ katvā vanditabbaṁ isiddhajaṁ.
Abbhatītā ca ye buddhā vattamānā anāgatā
dhajenānena sujjhanti tasmā ete namassiyā.
Satthukappaṁ suvinayaṁ dhāremi hadayenahaṁ
namassamāno vinayaṁ viharissāmi sabbadā.
Vinayo āsayo mayhaṁ vinayo ṭhānacaṅkamaṁ
kappemi vinaye vāsaṁ vinayo mayha gocaro.
Vinaye pāramippatto samathe cāpi kovido
upāli taṁ mahāvīra pāde vandati satthuno.
1 Yu. vo. 2-3 Ma. avirādhiyā. 4 Ma. sirasmiṁ.
So ahaṁ vicarissāmi gāmā gāmaṁ purā puraṁ
namassamāno sambuddhaṁ dhammassa ca sudhammataṁ.
Kilesā jhāpitā mayhaṁ bhavā sabbe samūhatā
sabbāsavā parikkhīṇā natthi dāni punabbhavo.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā upāli thero imā gāthāyo
abhāsitthāti.
Upālittherassa apadānaṁ samattaṁ.
Navamaṁ aññākoṇḍaññattherāpadānaṁ (7)

[9] Padumuttarasambuddhaṁ lokajeṭṭhaṁ vināyakaṁ
buddhabhūmiṁ anuppattaṁ paṭhamaṁ addasaṁ ahaṁ.
Yāvatā bodhiyā mūle yakkhā sabbe samāgatā
sambuddhaṁ parivāretvā vandanti pañjalīkatā.
Sabbe devā tuṭṭhamanā ākāse sañcaranti te
buddho ayaṁ anuppatto andhakāratamonudo.
Tesaṁ hāsaparetānaṁ mahānādo avattatha
kilese jhāpayissāma sammāsambuddhasāsane.
Devānaṁ giramaññāya vācāya 1 samudīritaṁ
haṭṭho haṭṭhena cittena ādibhikkhamadāsahaṁ.
Mama saṅkappamaññāya satthā loke anuttaro
devasaṅghe nisīditvā imā gāthā abhāsatha.
Sattāhaṁ abhinikkhamma bodhiṁ ajjhagamaṁ ahaṁ
idaṁ me paṭhamaṁ bhattaṁ brahmacārissa yāpanaṁ.
Tusitāhi idhāgantvā yo me bhikkhaṁ upānayi
tamahaṁ kittayissāmi suṇātha mama bhāsato.
Tiṁsamatte 2 kappasahasse devarajjaṁ karissati
sabbe deve abhibhotvā tidivaṁ āvasissati.
Devalokā cavitvāna manussattaṁ gamissati
sahassadhā 3 cakkavatti tattha rajjaṁ karissati.
Kappasatasahassamhi okkākakulasambhavo
gotamo nāma gottena satthā loke bhavissati.
Tidasā so cavitvāna manussattaṁ gamissati
agārā pabbajitvāna chabbassāni vasissati.
Tato sattamake vasse buddho saccaṁ kathessati
koṇḍañño nāma nāmena paṭhamaṁ sacchikāhiti.
1 Ma. Yu. vācāsabhimudīritaṁ. 2 Ma. tiṁsakappasahassāni. 3 Yu. sahassaṁva.
Nikkhantenānupabbajjiṁ padhānaṁ sukataṁ mayā
kilese jhāpanatthāya pabbajiṁ anagāriyaṁ.
Adhigantvāna sabbaññū buddho loke sadevake
iminā 1 me mahāraññaṁ 2 amatabherimāhani.
Sodāni patto amataṁ santaṁ 3 padamanuttaraṁ
sabbāsave pariññāya viharāmi anāsavo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā aññākoṇḍañño 4 thero imā gāthāyo
abhāsitthāti.
Aññākoṇḍaññattherassa apadānaṁ samattaṁ.
Dasamaṁ piṇḍolabhāradvājattherāpadānaṁ (8)

[10] Padumuttaro nāma jino sayambhū aggapuggalo
purato himavantassa cittakūṭe vasī tadā.
Abhītarūpo tatthāsiṁ migarājā catukkamo
yassa 5 saddaṁ suṇitvāna vikkhambhanti bahū janā.
Suphullaṁ padumaṁ gayha upagañchiṁ narāsabhaṁ
vuṭṭhitassa samādhimhā buddhassa abhiropayiṁ.
1 Ma. isināme migāraññe. 2 Yu. migaraññe. 3 Ma. santipadamanuttaraṁ.
4 Po. aññātakoṇḍañño. Ma. aññāsikoṇḍañño. 5 Ma. tassa.
Cātuddisaṁ namassitvā buddhaseṭṭhaṁ naruttamaṁ
sakaṁ cittaṁ pasādetvā sīhanādaṁ nadiṁ tadā 1 .
Padumuttaro lokavidū āhutīnaṁ paṭiggaho
sakāsane nisīditvā imā gāthā abhāsatha.
Buddhassa giramaññāya sabbe devā samāgatā
āgato vadataṁ seṭṭho dhammaṁ sossāma taṁ mayaṁ.
Tesaṁ hāsaparetānaṁ purato lokanāyako
mama saddaṁ pakittesi dīghadassī mahāmuni.
Yenidaṁ padumaṁ dinnaṁ sīhanādo ca nādito
tamahaṁ kittayissāmi suṇātha mama bhāsato.
Ito aṭṭhamake kappe cakkavatti bhavissati
sattaratanasampanno catudīpamhi issaro.
Kārayissati issaraṁ 2 mahiyā catusaṭṭhiyā
padumo nāma nāmena cakkavatti mahābalo.
Kappasatasahassamhi okkākakulasambhavo
gotamo nāma gottena satthā loke bhavissati.
Pakāsite pāvacane brahmabandhu bhavissati
brahmaññā abhinikkhamma pabbajissati tāvade.
Padhānaṁ pahitatto so upasanto nirūpadhi
sabbāsave pariññāya nibbāyissatināsavo.
1 Ma. ahaṁ. Yu. adāsahaṁ. 2 Po. Ma. issariyaṁ.
Vijjane 1 pantaseyyamhi vāḷamigasamākule
sabbāsave pariññāya nibbāyissatināsavo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā piṇḍolabhāradvājo thero imā gāthāyo
abhāsitthāti.
Piṇḍolabhāradvājattherassa apadānaṁ samattaṁ.
Ekādasamaṁ khadiravaniyarevatattherāpadānaṁ (9)

[11] Gaṅgā bhāgīrasī 2 nāma himavantā pabhāvitā
kutitthe nāviko āsiṁ orimaṁ 3 ca tare ahaṁ.
Padumuttaranāyako sambuddho dipaduttamo
vīsasatasahassehi gaṅgāsotaṁ 4 tarissati.
Bahū nāvā samānetvā vaḍḍhakīhi susaṅkhataṁ
nāvāya chadanaṁ katvā paṭimāniṁ narāsabhaṁ.
Āgantvāna ca sambuddho āruyhi 5 nāvalañjakaṁ
vārimajjhe ṭhito satthā imā gāthā abhāsatha.
Yo so tāresi sambuddhaṁ saṅghaṁ cāpi anāsavaṁ
tena cittappasādena devaloke ramissati.
Nibbattissati te byamhaṁ sukataṁ nāvasaṇṭhitaṁ
ākāse pupphachadanaṁ dhārayissati sabbadā.
1 Ma. vijane. Yu. vipine. 2 Ma. bhāgīrathī. 3 Ma. Yu. orime ca tariṁ ahaṁ.
4 Ma. gaṅgātīramupāgato. 5 Ma. ārūhi tañcanāvakaṁ.
Aṭṭhapaññāsakappamhi tāraṇo 1 nāma khattiyo
cāturanto vijitāvī cakkavatti bhavissati.
Sattapaññāsakappamhi cambako nāma khattiyo
uggacchantova suriyo jotissati mahābalo.
Kappasatasahassamhi okkākakulasambhavo
gotamo nāma gottena satthā loke bhavissati.
Tidasāva 2 cavitvāna manussattaṁ gamissati
revato nāma nāmena brahmabandhu bhavissati.
Agārā nikkhamitvāna sukkamūlena codito
gotamassa bhagavato sāsane pabbajissati.
So pacchā pabbajitvāna yuttayogo vipassako
sabbāsave pariññāya nibbāyissatyanāsavo.
Viriyaṁ me dhuradhorayhaṁ yogakkhemādhivāhanaṁ
dhāremi antimaṁ dehaṁ sammāsambuddhasāsane.
Paṭisambhidā catasso [3]- vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā khadiravaniyo revatatthero imā gāthāyo
abhāsitthāti.
Khadiravaniyarevatattherassa apadānaṁ samattaṁ.
1 Ma. tārako nāma. 2 Ma. Yu. tidasā so.
3 Ma. satasahasse kataṁ kammaṁ phalaṁ dassesi me idha
sumutto saravegova kilese jhāpayī mama
tatomaṁ vananirataṁ disvā lokantagū muni
vanavāsi bhikkhūnaggaṁ paññapesi mahāmati.
Dvādasamaṁ ānandattherāpadānaṁ (10)

[12] Ārāmadvārā nikkhamma padumuttaro mahāmuni
vassanto amatavuṭṭhiṁ nibbāpesi mahājanaṁ.
Satasahassā 1 te dhīrā chaḷabhiññā mahiddhikā
parivārenti sambuddhaṁ chāyāva anupāyinī.
Hatthikkhandhagato āsiṁ setacchattaṁ varuttamaṁ
sutānurūpaṁ 2 disvāna pīti me upapajjatha.
Oruyha hatthikkhandhamhā upagañchiṁ narāsabhaṁ
ratanamayaṁ chattaṁ me buddhaseṭṭhassa dhārayiṁ.
Mama saṅkappamaññāya padumuttaro mahāisi
taṁ kathaṁ ṭhapayitvāna imā gāthā abhāsatha.
Yo so chattaṁ adhārayi soṇṇalaṅkārabhūsitaṁ
tamahaṁ kittayissāmi suṇātha mama bhāsato.
Ito gantvā ayaṁ poso tusitaṁ āvasissati
anubhossati sampattiṁ accharāhi purakkhato.
Catuttiṁsatikkhattuṁ ca devarajjaṁ karissati
narādhipo 3 aṭṭhasataṁ vasudhaṁ āvasissati.
Aṭṭhapaññāsakkhattuṁ ca cakkavatti bhavissati
padesarajjaṁ vipulaṁ mahiyā kārayissati.
1 Ma. satasahassaṁ. 2 Ma. Yu. sucārurūpaṁ. 3 Ma. Yu. balādhipo.
Kappasatasahassamhi okkākakulasambhavo
gotamo nāma gottena satthā loke bhavissati.
Sakyānaṁ kulaketussa ñātibandhu bhavissati
ānando nāma nāmena upaṭṭhāko mahesino.
Ātāpī nipako cāpi bāhusaccesu kovido
nivātavutti atthaddho sabbapāṭhī bhavissati.
Padhānaṁ pahitatto so upasanto nirūpadhi
sabbāsave pariññāya nibbāyissatyanāsavo.
Santi āraññakā nāgā kuñjarā saṭṭhihāyanā
tidhappabhinnā mātaṅgā īsādantā uruḷhavā.
Anekasatasahassā paṇḍitāpi mahiddhikā
sabbe te buddhanāgassa na honti 1 parivimbhitā.
Ādiyāme namassāmi majjhime atha pacchime
pasannacitto sumano buddhaseṭṭhaṁ upaṭṭhahiṁ.
Ātāpī nipako cāpi sampajāno paṭissato
sotāpattiphalaṁ patto sekhabhūmīsu kovido.
Kappeto satasahasse yaṁ kammamabhinīhariṁ
tāhaṁ bhūmiṁ anuppatto ṭhitā 2 saddhā mahapphalā.
Svāgataṁ vata me āsi buddhaseṭṭhassa santike
tisso vijjā anuppattā kataṁ buddhassa sāsanaṁ.
1 Ma. na hontu. 2 Ma. ṭhitā saddhammamācalā. Yu. ṭhito saṅgāmamācalo.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā ānando thero imā gāthāyo
abhāsitthāti.
Ānandattherassa apadānaṁ samattaṁ.
Uddānaṁ
buddho paccekasambuddho sārīputto ca kolito
kassapo anuruddho ca puṇṇatthero upāli ca.
Koṇḍañño cāpi piṇḍolo revatonandapaṇḍito
cha satāni ca paññāsā gāthāyo sabbapiṇḍitā.
Apadāne buddhavaggo paṭhamo.
-------------
Dutiyo sīhāsaniyavaggo
paṭhamaṁ sīhāsanadāyakattherāpadānaṁ (11)

[13] Nibbute lokanāthamhi siddhatthe dīpaduttame
vitthārite pāvacane bāhujaññamhi sāsane.
Pasannacitto sumano sīhāsanamakāsahaṁ
sīhāsanaṁ karitvāna pādapīṭhamakāsahaṁ.
Sīhāsane ca vassante gharaṁ tattha akāsahaṁ
tena cittappasādena tusitaṁ upapajjahaṁ.
Āyāmena catubbīsā 1 yojanāsiṁsu 2 tāvade
vimānaṁ sukataṁ mayhaṁ vitthārena catuddasaṁ.
Satta kaññāsahassāni parivārenti maṁ sadā
soṇṇamayañca pallaṅkaṁ byamhe āsi sunimmitaṁ.
Hatthiyānaṁ assayānaṁ dibbayānaṁ upaṭṭhitaṁ
pāsādā sivikā ceva nibbattanti yadicchakaṁ.
Maṇimayā ca pallaṅkā aññe sāramayā bahū
nibbattanti mamaṁ sabbe sīhāsanassidaṁ phalaṁ.
Soṇṇamayā rūpimayā phalikā veḷuriyāmayā
pādukā abhiruyhāmi pādapiṭhassidaṁ phalaṁ.
Catunavute ito kappe yaṁ kammamakariṁ tadā
duggatiṁ nābhijānāmi puññakammassidaṁ phalaṁ.
Tesattati ito kappe indanāmā tayo janā
dvesattati ito kappe tayo sumananāmakā.
Samasattatito kappe tayo varuṇanāmakā
sattaratanasampannā catudīpamhi issarā.
Paṭisambhidā catasso vimokkhāpica aṭṭhime
chaḷabhiññā sacchikatā kataṁ buddhassa sāsananti.
Itthaṁ sudaṁ āyasmā sīhāsanadāyako thero imā gāthāyo
abhāsitthāti.
Sīhāsanadāyakattherassa apadānaṁ samattaṁ.
1 Ma. catubbīsa. 2 Ma. yojanaṁ āsi tāvade.
Dutiyaṁ ekatthambhikattherāpadānaṁ (12)